týsdagur 1. apríl 2003síða 22

42 43 JÓANNES HANSEN Í føroyskum fótbólti hava tað altíð verið nøkur stór feløg og so hini. Feløgini, sum altíð hava verið í fremstu røð, eru KÍ og HB. B36 hevur altíð verið mett at hoyra heima millum størstu feløgini. Hjá onkrum av hinum feløg- unum hevur tað gingið skeiva vegin, og hjá øðrum hevur tað gingið rætta vegin. Serliga í Eyst- uroy hevur tað gingið rætta vegin hjá fleiri. Nýggjasta felagið, sum tað av álvara tykist hava gingið rætta vegin hjá, er EB/Streymur. Tá ið EB og Streymur kastaðu saman fyri tíggju árum síðani, var tað so at siga av neyð. Bæði liðini vóru í 2. deild, men tað var sera tepurt við fólki. Í staðin fyri at kríggjast ímóti hvørjum øðrum valdu ábyrgdarfólkini at ganga saman. Í fyrstu atløgu gekk væl, og liðið flutti upp í 1. deild. Men so flutti EB/Streymur niður aftur, og eitt skifti tóktist tað sum um, at eingin nytta ella vinningur hevði verið í samanrenningini. Tey seinastu árini er ivin um, hvussu rætt tað var at leggja sam- an, minkaður, og nú munnu tey vera fá, sum høvdu atkvøtt fyri, at feløgini skuldu tikið felagsliðið burturúr kappingini. Í 2000 vann EB/Streymur sannførandi 2. deild, og síðani hevur gingið fótbóltsliga og skipanarliga framá, hóast enda- liga úrslitið í fjør ikki var, sum tað leingi varð roknað við. Flestu spælararnir á besta lið- num eru ættaðir úr Sundalagnum ella av Eiði og har á leið. Saman við hesum monnunum mynda fýra eystureuropearar og tveir aðr- ir liðið. Pólverjarnir eru tríggir. Piotr Krakowski er venjari, og Andrzej Pazek og Marek Vierzbicki eru veteranar úti á vøllinum. Piotr og Marek komu í síni tíð til B71, sum teir vóru við til at gera til meistarar. Pazek kom til Klaks- víkar, har hann var við til at gera KÍ til meistara. Nú eru teir allir í EB/Streymi. Sorin Anghel kom í 2001 úr Rumenia. Hann fall sera væl til og er mest sum vorðin partur av lokalsamfelagnum. Saman við út- lendingunum eru Gunnar á Steig úr Klaksvík og Magni á Lakjuni, sum er ættaður úr Fuglafirði, og sum býr í Havnini, og so er talan um í aldri góða blanding av spæl- arum, ið eru uppvaksnir í EB og Streymi, og sum nú mynda EB/Streym. Lítil ivi man vera um, at felagsliðið eisini komandi árini fer at vera við til at mynda bestu deildina. Málverjar Gunnar á Steig 18/-42 (0-0) KÍ Sámal Jóhan Samuelsen Verja Hallur Jacobsen 15/0 (4-0) Andrzej Pazek (PÓL) 16/1 (2-0) KÍ Egil á Bø B36 Esmar Eiðisgarð 7/0 (1-0) Eyðfinnur Joensen 11/2 (0-0) Christian Carlsson 14/0 (3-1) Vinjard Dam 16/2 (3-0) Miðvøllur Hans Pauli Samuelsen 18/1 (2-0) Marni Djurhuus 18/1 (0-0) Jákup Martin Joensen 1671 (5-0) Marek Vierzbicki (PÓL) B71, FS Vágar, KÍ, VB, ÍF Ronnie Samuelsen 15/4 (5-0) B36 Bárður Olsen 7/0 (0-0) Brian Olsen Teitur Joensen 16/0 (0-0) Álop Magni á Lakjuni ÍF, B36 Ingi Hansen 3/1 (1-0) Jóhan á Stongunum 2/0 (0-0) Sorin Anghel (RUM) 14/3 (3-0) Tilgongd Egil á Bø 18/5 (1-0) B36 Magni á Lakjuni 18/5 (2-0) B36 Marek Vierzbicki (PÓL) 14/3 (1-0) VB Frágongd Knút Vesturtún 11/0 (0-0) Givin Jón Sigurd Gleðisheygg 7/0 (1-0) Givin Alfred Jacobsen 4/0 (0-0) Givin Oddvin Zachariassen 4/2 (0-0) AB Andreas Joensen Dahl 4/0 (0-0) Givin Jóhan Lützen 3/0 (0-0) Uttanlands Eyðstein Jacobsen 1/0 (0-0) Givin Venjari Piotr Krakowski (PÓL) EB/Streymur Stovnað: 23.01.1993 FO-470 Eiði Tlf. 423185 og 423255 Formaður: Olaf Fríðheim Meistarar: Ongantíð: Besta úrslit, nr. 8 í 1. deild í 2001 Steypavinnarar: Ongantíð Greipuvinnarar: Ongantíð Í 1. Deild (4 ár): 1994 og 2001- Í Europa: Ongantíð Leikarahópur Tølini, sum eru viðmerkt, siga, hvussu nógvar dystir/mál leikarin spældi/gjørdi fyri felagið í 2002, og hvussu nógv (gul-reyð) kort leikarin hevur fingið í sama tíðarskeiði. Navn Í fjør Landsdystir Áður spælt við Navn Í fjør Landsdystir Áður spælt við Felagsliðið hevur styrkt um sína støðu At EB/Streymur er partur av bestu fótbóltsdeildini verður ikki longur mett at vera bara ein parantes millum fleiri aðrar Veteranurin í miðverjuni heldur stóran mun vera á fyrsta liðnum hjá EB/Streymi, sum royndi seg í 1. deild, og liðnum, sum hann nú er partur av JÓANNES HANSEN Tá ið EB/Streymur í 1993 endaði næstfremst í 2. deild og í 1994 fyrstu ferð royndi seg í 1. deild, var Egil Zachariassen ein av stuð- ulsspælarunum. Hann var álops- spælari. Fyrsta royndin í 1. deild var bara hetta eina árið. Eftir nið- urflytingina fór Egil úr EB/- Streymi. Í 1995 flutti hann niður við NSÍ. 1996-1998 var Egil á ÍF- liðnum, sum var í 1. deild, og tey síðstu fýra árini hevur hann verið í B36. Nú er Egil aftur í EB/Streymi. Sammett við fyri níggju árum síð- ani er hann ikki álopsspælari men verjuspælari, og hann eitur ikki Zachariassen men á Bø. – Talan er um gamalt staðar- navn í Vík. Abbi mín varð nevnd- ur Hans Pauli á Bø, sigur Egil, sum sjálvur er ættaður úr Streymnesi og býr í Havnini. Umframt Egil búgva fleiri aðrir EB/Streyma spælarar í høvuðsstaðnum: Magni á Lakjuni, Ronnie Samuelsen, Jákup Martin Joensen, Ingi Han- sen og eisini venjarin Piotr Kra- kowski búgva í høvuðsstaðnum. Í EB/Streymi venja teir fýra ferðir um vikuna. Piotr koyrir norður hvørja ferð, meðan hinir spælararnir bara koyra úr Havnini og til Eiðis tvær ferðir um vikuna. Teir venja eisini í Havnini eftir skrá, sum venjarin leggur til rætt- is. Hetta kann neyvan vera opti- malt, men hetta tykist vera prísur- in fyri at fáa góðar og royndar spælarar norður til Eiðis at spæla. Heilt øðrvísi lið Tá ið vit spyrja Egil á Bø, hvussu hann sammetir liðið, sum hann nú er partur av, við tað liðið, sum við Páll Guðlaugsson sum venjara var í 1. deild í 1994, so heldur hann, at liðið, sum teir hava í dag, er nógv betri: – Fyri tíggju árum síðani høvdu vit fleiri evnaríkar spælarar. Men fyritreytirnar vóru ikki tær somu sum nú. Vit høvdu grúsvallir í Streymnesi og á Eiði, meðan hini feløgini vandu og spældu á gras- líkisvallum. Nú hava vit ein góð- an graslíkisvøll á Eiði, og um- støðurnar kring vøllin eru góðar. Tá vóru vit næstan allir rættuliga ungir. Stóra navnið hjá okkum var Bergur Magnussen, sum hevði spælt í B36, og sum tískil var roynd- asti spælarin. Men hann var nógv skaddur. Hinir spælararnir vóru allir rættuliga ungir, og eingin hevði royndir av at spæla í 1. deild. Egil vísir á, at á liðnum, sum hann nú er partur av, eru nógvir spælarar við nógvum royndum, og at blandingin við ungum og evnaríkum spælarum er rættuliga góð. – Vit hava staðið okkum væl í steypakappingini. Málið er at røkka betri endastøðu í lands- kappingini hesa ferð, enn 9. pláss- ið, sum EB/Streymur endaði á í fjør. Eg haldi, at vit hava fólkið til tað. Sjálvandi hava vit onkrar lyklaspælarar, sum liðið illa kann vera fyri uttan. Men breiddin er væl størri nú, enn hon var fyri 9- 10 árum síðani. Talan er um fleiri enn tjúgu spælarar, sum hava roynt seg í 1. deild, og vit hava fleiri spælarar, sum kunnu røkja somu uppgávuna, uttan at liðið viknar nakað serligt, um tað er ein ella hin, sum er á liðnum, sigur Egil á Bø. Verjuspælari skorar nógv mál Egil var álopsspælari, tá ið hann síðst var í 1. deild saman við EB/- Streymi. Tá ið teir í 1993 spældu seg til uppflyting, var hann topp- skjútti á liðnum við átta málum. Í 1994 fekk EB/Streymur átjan mál í 1. deild. Tá eru tey trý, sum teir fingu á Eiði í dystinum ímóti ÍF tald við. Seinni vann EB/Streym- ur øll stigini á skrivaraborðinum, og tá var málmunurin broyttur til 0-0. Tí eru málini hjá EB/Streymi í endaligu uppgerðini fyri hetta árið fimtan og ikki átjan. Bergur Magnussen var topp- skjútti við seks málum. Hinir málskjúttarnir vóru Ingi Hansen, Jákup W. Hansen, Conrad Joen- sen, Jákup Martin Joensen (2 mál), og Ólavur Høghamar, Jeffrei Joensen, Tummas Joensen og Finnbjørn Zachariassen. Umframt Egil eru Ingi og Jákup Martin á liðnum í ár. Hóast hann fyri tað mesta var framrættaður miðvallari og álops- maður, so eydnaðist tað ikki hjá Egili at fáa mál í 1994. Hann hev- ur altso framvegis til góða at skora mál fyri EB/Streym í 1. deild í landskappingini. Men Egil hevur síðani hann fór úr EB/Streymi skorað 31 mál í 1. deild. 2 í 1995, 5 í 1996, 7 í 1997, 4 í 1998, 2 í 1999, 5 í 2000, 1 í 2001 og 5 í 2002. Hóast tú hevur skorað nógv mál, so hevur tú tey síðstu árini verið verjuspælari, og tað ert tú framvegis? – Tá ið eg kom til B36, var tað trongligt í álopinum, har serliga Jákup á Borg og John Petersen vóru boð upp á fremstu plássini. Tomislav Sivic var venjari. Hann setti meg í miðverjuna, og har havi eg verið síðani, sigur Egil á Bø, ið sum miðverji hevur skorað fimm mál í 2000, eitt í 2001 og fimm í fjør. Tey flestu av mál- unum hevur hann skorað eftir deyðbóltsstøður, tá ið hann hevur verið undir málinum hjá mót- støðuliðnum og víst evnini at vera á rætta staðnum røttu løtuna. Eitt av málunum í fjør var brotsspark. Kann tað hugsast, at tað verður í álopinum, at tú fert at gera um teg í ár? – Higartil hevur leikluturin ver- ið tann sami, sum hann hevur ver- ið í B36 tey seinastu árini. Eg havi spælt saman við Pazek. Piotr er venjari. Hann hevur verið venj- ari hjá mær í B36 tey seinastu ár- ini, so hann veit, um og hvar eg kann brúkast. Og so skulu vit ikki gloyma, at vit í EB/Streymi hava góðar álopsspælarar. Sorin og Hans Pauli hava verið har frammi í ár, Magni og Ingi eru gamalir álopsspælarar, og onkrir av hinum ungu hava eisini dygdir sum álopsspælarar. So tað verður iva- leyst í verjuni, at eg fari at spæla. Men harvið er ikki sagt, at eg – eins og undanfarnu árini – fari framvið, tá ið talan verður um deyðbóltsstøður, og so mugu vit vóna, at tað fer at eydnast at skora í landskappingini fyri EB/Streym í 1. deild, sigur Egil á Bø. Egil aftur á heimabeitinum – Tá ið eg kom til B36, var tað trongligt í álopinum, har serliga Jákup á Borg og John Petersen vóru boð upp á fremstu plássini. Tomislav Sivic var venjari. Hann setti meg í miðverjuna, og har havi eg verið síðani, sigur Egil á Bø, sum nú spælir fyri EB/Streym. Mynd: Álvur Haraldsen Lítil ivi man vera um, at felagsliðið EB/Streymur eisini komandi árini fer at vera við til at mynda bestu deildina. Mynd: Álvur Haraldsen 2003 2003