týsdagur 1. apríl 2003síða 8

Nr. 79 - 26. apríl 2003 15 Kall ætlar sær at fáa fleiri virkiskundar. Til tess at røkka hes- um endamáli bjóðar Kall áhugaverdu av- sláttarskipanina, HópKall, og nú eisini allar GSM-tænastur, ið einum virki tørvar Høgni Mohr Í apríl 2003 var talið á virkiskundum hjá Kalli komið upp um 300. Hetta er umleið 16% av føroyska marknaðinum. Hesin fittligi hópur av virkiskundum er ógviliga ymiskligur, og orsøkirnar til, at teir hava valt Kall, eru eins ymiskar. Kortini hevur tørvurin á bíligum samrøð- um uttan iva alstóran týdn- ing fyri mong. Summi velja eisini Kall av hugsjónar- ligum ávum. Tey vilja stuðla veruligari kapping á teleøkinum. Og so vilja tey spara. Í hesum sambandi velja tey eisini Kall, tí onkur ávísur fyrimunur passar júst til teirra; til dømis bíligu uttanlandssamrøðurnar. Hóast orsøkirnar til at skifta til Kall kunnu vera mangar, tykist lítil ivi vera um, at júst tær bíligu uttan- landssamrøðurnar frá Kalli hava stóran týdning fyri nógvar virkiskundar. Nevn- ast kann, at minuttprísurin til Onglands er sløk 50% lægri enn hjá kappingar- neytanum. Fleiri størri kundar Eisini á virkisøkinum gongur eftir ætlan hjá Kalli. Men í ár ynskir Kall sær millum annað fleiri størri kundar. Í hesum sambandi ger Kall vart við, at bæði í tí almenna og í vinnulívin- um eru tað fleiri, ið høvdu viljað minkað útreiðslurnar til samskifti. Tí heldur Kall, at fleiri áttu at tikið av góðu tilboðunum frá Kalli. Av teimum 7 ráðunum undir landsstýrinum er tað bara Vinnumálaráðið, ið hevur veittrað Føroya Tele farvæl og tikið upp sam- starv við Kall. Tó eru onnur ráð og vinnukundar, sum hava víst stóran áhuga. Hetta er eitt gott rák fyri Kall, og á Kalli vóna tey, at gongdin fer at halda fram. Mótstøða móti mýtum Kall hevur síðan tað varð stovnað í 1999 stríðst við mýtur og ávísan iva millum fólk. At byrja við varð ivi sáddur um nú tænastustøð- ið hjá Kalli fór at vera í minsta lagi eins gott og hjá elligamla einkarfelagnum. Spurt varð eisini, um neyð- ugt fór at vera at skifta fastnetnummar og um mann nú kundi vænta at hvørva úr telefonbókini. Kall kann framvegis sissa øll ivandi og staðfesta, at allar slíkar tænastur eru væl varðveittar. Á Kalli verður eisini staðfest, at fleri kundar geva fleiri tænastur, og at tí er neyðugt at beina burtur mýturnar. Fleiri stórar fyritøkur hava verið Kall- kundar leingi, og hetta samstarvið hevur verið ólastandi. Á Kalli staðfesta tey, at slíkir stórir kundar neyvan høvdu verið verandi hjá Kalli, virkaði samstarv- ið ikki nóg væl. Tá ið mýtur og ivi eru beind burtur, gleðir Kall seg til at kunna leggja doyðin á at røkta verandi kundaskara heldur enn at nýta nógva orku at fáa nýggjar kundar. Fartelefon frá Kalli At byrja við bjóðaði Kall bara fastnet, men nú er eisini GSM-skipanin ein fullkomiliga virkisfør tæn- asta hjá felagnum. Kall bjóðar nú bæði talutíð og vanligt GSM-hald. Eisini altjóða reiking, sum gevur kundanum møguleika at fara uttanlands við síni Kallfartelefon, verður veru- leiki í næstum. Kall hevur longu fingið avtalu í lag við fleiri lond um slíkt sam- røðusamstarv. Tað er einki dulsmál, at á Kalli vænta tey sær nógv fleiri virkiskundar júst or- sakað av nýggju GSM-tæn- astunum hjá felagnum. Summi virki hava nettupp borið seg undan at skifta til Kall, tí tey vilja hava bæði fastnet- og fartelefonir í sama telefelagi. Tey hava tí viljað bíðað til Kall fór at bjóða GSM-hald. Soleiðis virkar HópKall Vinnukundarnir hjá Kalli koma undir eina avsláttar- skipan, ið eitur Hópkall. Avslátturin verður ásettur eftir, hvussu nógv vinnu- kundarnir nýta telefonir sínar. Størri nýtslan er, størri verður avslátturin. Skipanin gevur avsláttur fyri at nýta vanliga fastnet- telefon og fartelefon. Undir hesum eru til dømis veksl- arar, beinleiðis telefon- nummur og fastnet- og far- telefonir, ið einstaka virkið rindar fyri starvsfólk. Listaprísurin við Hóp- Kalli er munandi lægri enn hjá kappingarneytanum. Harumframt er nógv at spara, tá ið nýtslan fer upp um ávíst krónutal um mán- aðin. Er nýtslan millum 2.400 og 5.000 krónur, fær kundin 10% í avsláttri. Er nýtslan yvir 5.000 krónur, er avslátturin 20%. Harumframt sigur Kall, at styrkin hjá felagnum mótvegis virkiskundum er skjót tænasta, at kundin sær dagligu nýtsluna á netinum og ikki minst, at Kall altíð er kappingarført í prísi. Kall kallar á virkiskundar 15 14 Nr. 79 - 26. apríl 2003 C M Y K 14 FORKUNNUG VITJAN Vilmund Jacobsen Stutt eftir, at Jacob Vester- gaard hevði tikið við sum landsstýrismaður í fiski- vinnumálum, bjóðaði hann norðurlendsku fiskimála- ráðharrunum og starvs- brøðrum teirra í Kanada, Russlandi og Chili á vitjan í Føroyum. Somu innbjóðing fekk eisini fiskivinnukom- miserurin hjá ES. Tað er al- tjóða fiskivinnu- og ali- stevnan, North Atlantic Fish Fair, sum var skumpið til hesa innbjóðing. Jacob Vestergaard sigur, at nú avtornar, koma bert tveir av innbodnu gest- unum til Føroya, nevniliga grønlendski og russiski fiskimálaráðharrin, báðir við fylgi. – Ferðalagið úr Ruslandi telir eini 5-6 fólk og ferða- lagið úr Grønlandi eini 2-3, sigur hann. Ymiskar orsøkir Spurdur, hví aðrir hava giv- ið avboð, sigur landsstýris- maðurin, at tann íslendski gav avboð orsakað av vali- num, sum stundar til í Ís- landi, og bæði tann norski og kanadiski høvdu annað á skránni hesar dagar. – Kanadiski fiskimála- ráðharrin hevði í hyggju at koma higar til lands nakran dagar frammanundan, men tá ið saman um kom, lá tað ikki fyri hjá honum kortini. Hjá chilenska fiskimála- ráðharranum lá heldur ikki fyri at koma, og sama var hjá fiskivinnukommiseri- num hjá ES. Jacob sigur, at høvið verður at hitta fleiri av ráð- harrunum á fundi í Halifax tíðliga í summar, og ikki minst gleðir hann seg til at hitta kanadiska fiskimála- ráðharran, nú havnirnar í Kanada hava verið stongdar fyri føroyskum fiskiskipum í meira enn eitt ár orsakað av ósemjuni um Grand Bank. Vit spurdu eisini Jacob, hví hann sum landsstýris- maður avgjørdi at bjóða chilenska fiskimálaráð- harranum og fiskivinnu- kommiserinum hjá ES hig- ar. – Sum landsstýrismaður var Jørgen Niclasen í Chili og greiddi frá føroysku fiskidagaskipanini. Chilen- ar vóru ógvuliga hugtiknir av skipanini, og nú hildu vit, at vit skuldu bjóða teimum higar. Vit hava nógv fiskivinnusamstarv við ES, og tí avgjørdu vit eisini at bjóða fiskivinnu- kommiserinum higar, sigur Jacob. Útferðir, fundur og framsýning Landsstýrismaðurin sigur, at ein fyribilsskrá er løgd fyri vitjanina hjá grønlend- ska og russiska fiskimála- ráðharranum. – Ferðalagið úr Grøn- landi og Russlandi kemur higar sunnudagin, tá ið vit fara at taka ímóti gest- unum, sum síðan fara at gista á Hotel Føroyum. Mánamorgunin verður far- ið á útferð norður til Gjáar. Síðan verður farið umborð á Norrönu, sum liggur í Saltangará. Her fáa gestir- nir innivist, og døgurði verður etin. Seinnapartin mánadagin verður fundur umborð á Norrönu millum fiskimálaráðharrarnar við embætisfólki um mál av felags áhuga. At enda verð- ur farið ein túr við Norð- lýsinum mánakvøldið, og tá verður ætlandi borðreitt við alskyns sjómati. Jacob sigur, at tá ið North Atlantic Fish Fair letur upp týsdagin, fer hann saman við gestunum at vitja runt á stevnuøkinum. Ætlanin er, at útlendsku gestirnir eisini skulu vitja trygdarmiðstøðina í Klaks- vík. – Á fundinum umborð á Norrönu fara vit at umrøða spurningin um trygd á sjó- num, og tí er tað hóskandi at vitja trygdarmiðstøðina, sigur Jacob Vestergaard. Landsstýrismaðurin held- ur annars, at North Atlantic Fish Fair er eitt gott høvi hjá føroyingum at bjóða út- lendingum higar at síggja, hvat vit hava at bjóða, sam- stundis sum møguleiki eis- ini er fyri at vísa teimum okkara land. Fiskimálaráðharrar vitja Fish Fair Landsstýrismaðurin í fiskivinnumálum, Jacob Vestergaard, fer saman við grønlendska og russiska fiskimálaráðharranum at vitja á North Atlantic Fish Fair. Høvið verður eisini hjá gestunum at síggja seg eitt sindur um á vitjanini í Føroyum – North Atlantic Fish Fair er eitt gott høvi hjá føroyingum at bjóða útlendingum higar at síggja, hvat vit hava at bjóða, samstundis sum møguleiki eisini er fyri at vísa teimum okkara land, sigur Jacob Vestergaard, landsstýrismaður í fiskivinnumálum, sum sunnudagin fær vitjan av grønlendska og russiska fiskimálaráðharranum