fríggjadagur 9. mai 2003síða 2

2 Nr. 88 - 9. mai 2003 Nr. 88 - 9. mai 2003 3 SAMKOMA Tíðindi frá Karisma Sum tey undanfarnu árini, so skipar evangeliska sam- takið Karisma fyri stórari stevnu á Hvítusunnu í Ítróttarhøllini á Nabb. Henda verður í døgunum 6. - 9. juni. Hetta er vanliga ein stevna, ið samlar hópin av fólki frá nær og fjar. Nakrir av talarunum, ið hava verið áður, eru nøvn sum: Aril Edvardsen, Ene- vald Flåten, Christian Hedegård o.a. Uppleggið í ár er eitt sindur øðrvísi við tað, at ongin útlendingur verður við hesaferð sum talari. Talararnir, ið koma at vera við á stevnuni verða: Jón Miðberg, Símun Jacobsen, Dánjal á Dul Jacobsen, Fríðtór Debes, Tummas Jacobsen, Pauli Høj o.a. Sum nakað nýtt er ætlanin at byrja stevnuna fríggjakvøldið 6. juni við einum stórum sangkvøldið - har nógvur og fjølbroyttur sangur verður fyri bæði ung sum eldri - eitt sokallað: Syngi við kvøld! Eitt sum hevur verið sera væl dámt hini árini eru barnamøtini - og stevnan í ár verður onki undantak. Nógv verður aftur í ár á stevnuni fyri børnini. Til- tøkini fyri børnini koma at verða yviri í Rhema, ið ikki liggur so langt frá høllini. Og sjálvandi kemur eis- ini ungdómurin at fáa sítt við á stevnuni. Bæði leyg- arkvøldið 7. juni kl 22 og 1. Hvítusunnukvøld kl 22 verða spennandi tiltøk fyri tey ungu og onnur sum kenna seg ung. Ætlanin er seinna kvøldið at hava eina konsert. Tøkk Vit takka hjartaliga fyri sýnda samkenslu og hjálp- semi, tá okkara kæri pápi, verfaðir, abbi, langabbi, bróðir og vinur mín Robert Brockie Tórshavn doyði og varð jarðaður. Tøkk til starvsfólkið á B 7 á Landssjúkrahúsinum. Tøkk til Kjartan Mørkøre, prest, fyri góð og troystarrík orð. Tøkk til sangarar, kirkjutænarar, gravarar og øll tykkum, ið hjálptu til við jarðarferðina. Tøkk fyri blómur og kransar, tøkk til tykkum, ið ringdu, og tykkum, sum fylgdu honum til hansara seinasta hvíldarstað. Hjartans tøkk øll somul. Fyri tey avvarðandi Alan, Derek, Edna, Robbie, Ian og Frynhild Stór Hvítusunnustevna á Hálsi Talarar á Hvítusunnustevnuni á Hálsi verða m. a. Jón Miðberg, Símun Jacobsen, Dánjal á Dul Jacobsen, Fríðtór Debes, Tummas Jacobsen, Pauli Høj o.a. Tann 9. mai í 1828 keypti Andrass Mortansson ognirnar hjá spitalskhospital- inum á Argjum – og er tað dagurin, Argjar vórðu bygdar BYGDARSØGA Eirikur Lindenskov Í dag er stórur dagur á Argjum, tí í dag eru liðin 175 ár síðani, at Argjar vórðu bygdar. Tað var Andrass Mort- ansson, sum keypti Argjar tann 9. mai í 1828. Andrass Mortansson var føddur í Hvalba í 1794. Hann giftist Elspu Dánjals- dóttir av Kjalnesi í Kolla- firði. Argir er helst millum elstu bygdir í Føroyum. At garður hevur veirð á Argj- um í víkingaøldini (800- 1035) helt Sverri Dahl, fornfrøðingur vera ivaleyst. Hann bygdi sína hugsan á tað úrslit, sum Christian Matras kom til viðvíkjandi sjálvum navninum. Hann helt navnið vera komið úr gæliskum, og at tað var nýtt um ár 900 av norrønum monnum í teim- um londum, teir bygdu fyri vestan. Hesum greiðir Niels Juel Arge, sum var oldurabbasonur Andrass Mortansson frá í bók síni »Argjamenn, ein ættar- søga«. Hvat, ið hevur fyrifarist á Argjum í Víkingaøld til 16. øld, vita vit einki um, men í 1547 fáa vit at vita, at har er eitt hospital fyri spitølsk. Tað eru leivdirnar av hospitalinum og jørð tess, sum Andrass Mortansson keypir 9. mai í 1828. Ognirnar hjá hospitalin- um og tær fýra hagaleysu merkurnar á Argjum vórðu seldar á uppboði fyri 1005 ríkisdálar til Andrass Mort- anson á Kjalnesi og hálv- mørkin í Tjørnuvík til tjørnuvíking fyri 320 ríkis- dálar. Tilsamans gav hand- ilin 1325 ríkisdálar. Árið eftir stóð hospitalið í Lágabø, vanliga nevnt Gamla Hospital í Havn, liðugt. Tað kostaði 1445 ríkisdálar og 16 skinn. Sostatt fingu føroyingar nærum eitt nýtímans – eftir tátíðarmetum – sjúkrahús fyri pengarnar, sum Andr- ass Mortansson rindaði fyri ognirnar á Argjum. Argjar 175 ár 81 ára gamli Sverri Mortensen á Argjum er oldurabbasonur Andrass Mortansson. Tey vóru 12 systkin, trý teirra eru eftir á lívi. Sverri Mortensen, Jóhannes Mortensen og Maja Dalsgarð. 9. mai í 1948 reistu eftirkomarar hjá Andrassi Mortansson honum minnisvarða Sosialurin og Dimmalætting sýna fram part av tí, ið hevur verið í bløðun- um um Norður- landahúsið seinastu 20 árini FRAMSÝNING Eirikur Lindenskov Seinnapartin í gjár, hós- dagin kl 15, lat upp fram- sýning í Dansistovuni í Norðurlandahúsinum, har Sosialurin og Dimmalætt- ing í plakatformi vísa fram nakað av tí, sum hevur verið at sæð í bløðunum um Norðurlandahúsið og tiltøk í húsinum seinastu 20 árini. Talan er bara um eitt úr- val, tí skuldi alt tilfarið verið við, hevði tað fylt nógv meira. – Hetta er ein framsýn- ing, sum vit hava gjørt sam- an við Sosialinum og Dimmalætting fyri á tann hátt at vísa, hvussu tey hava umrøtt húsið hesi árini, sigur Birgir Kruse, sam- skipari í Norðurlanda-hús- inum. – Samstundis sýna vit fram lutir, sum hava verið nýttir til sjónleikir o. a. framførslu í húsinum hesi árini, sigur hann. Innast í Dansistovuni hongu eitt relief, sum Will- iam Heinesen hevur gjørt. Tað kallast »Marran«, og sýnir tað fimm figurar, sum dansa um mánan. »Marr- an« var eisini myndaevnið á fyrstu ársplakatini hjá Norðurlandahúsinum í 1983. Á framsýningini sæst eisini eitt friðingarskjal, sum Tórshavnar Býráð lat húsinum á tíggju ára deg- num tann 8. mai í 1993. Har stendur m. a. skrivað: »Hetta er friðingarskjal til fløtuna í Sortudíki, matr. nr. 1452a og skal frá hesum degi einki verða broytt ella bygt uttan at báðir partar vilja, at so skal vera.« Skjalið er undirskrivað at Lisbeth L. Petersen, borgar- stjóra í Havn. Seinnapartin varð eisini ársplakatin fyri 2003 av- dúkað. Hana hevur Bárður Jákupsson, listarmaður, gjørt, og er myndaevnið á henni »brúgvar« – tað sama sum var evnið í kantatuni hjá Karsten Hoydal og Vagn Holmboe til vígsluna í 1983. Tá sang kór undir leiðslu av Ólavi Hátún við 130 røddum kantatuna, og aftur til gallakonsertina í gjárkvøldið (hóskvøld) framførir kór undir leiðslu av Ólavi Hátún somu kan- tatu. Framsýningin í Dansi- stovuni verður opin allan hendan mánaðin tá húsið er opið, gerandisdagar millum kl 10 og 18, sunnu- og halgidagar millum kl 14 og 18. Millum hús og miðlar í Dansistovuni Ole Wich og Tórður Patursson frá Team85 seta framsýningina upp í Dansistovuni í Norðurlandahúsinum Mynd. Jens Kristian Vang C M Y K 3 2