týsdagur 27. mai 2003síða 11

Nr. 99 - 27. mai 2003 21 Talvið hesa vikuna GM Radjabov,T (2644) — GM Dizdarevic,E (2491) Bosnia GM Sarajevo (6), 24.05.2003 1.d4 d5 2.c4 c6 3.Ric3 Rif6 4.e3 e6 5.Rif3 Ribd7 6.Fc2 Bd6 7.g4! (Kasparov leikti hendan leik móti talvforritinum Deep Junior í februar, og vann eitt gott talv) 7...Rixg4 (Deep Junior valdi tá dxc4. Hvat er betri, er ringt at siga. Svartur kemur í øllum førum at standa nakað kroystur um hann ikki tekur ímóti finnuni) 8.Rg1 Rih6 (Aðrir møguleikar vóru Rixh2, h5 ella Ff6) 9.Bd2 [9.Rxg7?? Ff6! sum setur á riddaran og rók í senn] 9...Rif8 10.e4 dxe4 11.Rixe4 Rif5 12.Rixd6+ Fxd6 13.0—0—0 Rig6 14.h4 (Radjabov er í hesum talvi í sonnum offuranda. Blakar alt frameftir, fyri at náa kongin. Rættiliga kompromileys telving!) 14...Rige7 15.Bd3 f6 16.h5 Kf7 17.Rg4 b5 18.Bf4 Fb4 19.Rdg1 bxc4 20.Bxc4 Rg8 21.a3 Fb6 22.Rih4! (Svarta støðan heldur ikki ímóti aktiva trýstihátti Radjabovs) 22...Rid5 23.Rixf5 exf5 24.R4g3 a5 25.Rb3 Fa7 (Í hesum førinum átti svartur at tikið d-finnuna, sum eisini vardi riddaran og d5 puntin betri) 26.Bxd5+ cxd5 27.Fc6! Fa6 28.Fxd5+ (Ivasamt. Fc7+ hevði verið skjótari) 28...Be6? (Besta boðið var Fe6) 29.Rb7+ Ke8 30.Re1 Rc8+ 31.Kd2 Rc6 Støðan eftir 31...Rc6 32.Fd7+ Bispurin er bundin og mát verður í næsta leiki. Flott álopstalv av undurbarninum úr Azerbadjan. 1—0 Nú sjey umfør eru leikt í sterku kapping- ini í Sarajevo, tykist tað sum um eingin kann steðga Ivan Sokolov. Tvey umfør skulu telvast aftrat TALV Carl Eli Nolsøe Samuelsen 34 ára gamli Ivan Sokolov, sum nú umboðar Holland, kennur seg ivaleyst væl til rættis í heimbýi sínum Sarajevo í Bosnia-Herzego- vina. Hann er styrkismettur fjórðhægstur aftanfyri Alexei Shirov, Rustam Kasimdzhanov og Evgeny Bareev, men hevur lagt teir væl aftur um seg, nú tvey umfør resta í. Oddamaður frá byrjan av Sokolov, sum í árunum 1992-97 fleiri ferðir vitjaði Føroyar, og serliga Havnar Telvingarfelag, legði út sum ein stormur og hevði 2,5 stig eftir trimum um- førum, og var tá saman við 16 ára gamla Radjabov á odda. Hesir báðir hittust í fimta umfari í einum sonnum oddabraki. Soko- lov hevði hvíta fólkið, og varð eitt skifti í miðspæl- inum trýstur av unglingin- um. Rutinan og sjálvandi eisini styrkur avgjørdi helst talvið, tá Sokolov seint inni í miðspælinum fekk lump- að Radjabov við einari taktiskari finessu. Í triða umfari hitti Soko- lov ratingfavorittin Shirov við svarta fólkinum. Ein tung uppgáva, og hóast at Shirov telvaði sína eyð- kendu kompromileysu álopstelving, stóð Sokolov stinnur, og hevði, tá eldurin hevði lagt seg, enntá eina meirfinnu í endatalvinum. Ógjørligt var tó at vinna endatalvið, og javnleikur bleiv úrslitið. Eitt gott úrslit hóast alt hjá fryntliga talvvini okkara. Ein eins avbjóðandi upp- gáva hevði oddamaðurin í sjeynda umfari, tá hann førdi svarta fólkið ímóti Bareev. Eitt skifti hevði Bareev helst vinnandi fyri- mun, men tað er ikki uttan orsøk, at Sokolov er kendur fyri at stríðast manniliga við tolsemi til síðsta leik. Hesin góði eginleiki gav honum loksins ein góðan javnleik djúpt inni í enda- talvinum. Støðan eftir 7. umfar Sokolov (2677) 5,5 Kasimdzhanov (2680) 4,5 Movsesian (2659) 4,5 Radjabov (2644) 4,5 Shirov (2735) 4,0 Bareev (2734) 4,0 Kurajica (2551) 3,5 Kozul (2601) 2,5 Damljanovic (2587) 1,0 Dizdarevic (2491) 1,0 Óvæntað er, at Shirov og Bareev ikki eru í absolutta toppinum. Bareev tapti tvey tey fyrstu umførini, og talan er tí um eitt gott comeback hjá honum, sum tó ikki verður nóg mikið til at vinna kappingina. Shirov hevur leikt heili seks javn- leikir, og bert vunnið eitt talv. Ikki hansara vanligi stílur, men kortini hava talv hansara verið áhugaverd og drúgvir javnleikir. Sokolov hittur Movse- sian og Kasimdzhanov í seinastu umførunum. Tvær toppuppgerðir, sum Soko- lov helst verður mettur sum favorittur at vinna vegna hansara góðu úrslit higartil og status sum oddamaður í 33rd Bosnia Tournament. Vælleikandi Sokolov Ivan Sokolov, sum nú umboðar Føroyar, hevur lagt seg trygt á odda í sterku altjóða kappingini í Sarajevo 21 Nr. 99 • týsdagur • 27. mai 2003 • 77. árgangur • www.sosialurin.fo Umframt B68 miðverjan hevur Henrik Larsen valt at síggja burtur frá Heðini á Lakjuni og Helga L. Petersen, meðan Johan B. Hansen, Ingi Højsted, Atli Danielsen og Jónhard Frederiks- berg eru í hitanum LANDSLIÐIÐ Jóannes Hansen Henrik Larsen var á Skála leygardagin fyri við egnum eygum at staðfesta, um Hans Fróði Hansen er mest upplagda valið til mið- verjuplássið, sum stendur tómt ímóti Íslandi, nú Óli Johannesen og Pól Thorsteinsson eru leik- bannaðir. Dómurin yvir avrikið hjá Hans Fróða Hansen kom í gjár, tá ið Henrik Larsen boðaði frá, hvørjar spælarar hann vil hava við til Íslands annan mikudag. Hans Fróði Hansen er ikki millum teir tjúgu, sum hava fingið boð. Sunnudagin var Henrik Larsen í Vágum og eyg- leiddi Súna Olsen. Ungi maðurin í GÍ gjørdi góða reklamu fyri sær sjálvum, hann spældi allar 90 min- uttirnar, hann skoraði ann- að GÍ málið við frísparks- perlu, og harvið negldi hann rimmar fast, at hann er tøkur í Íslandi annan leygardag. Sjálvandi verður tað ikki fyrrenn sjálvan dystardagin greitt, hvønn spælara Jón Rói Jacobsen skal hava undir liðini á sær í miðverj- uni. Men úttøkan bendir á, at valið fer at standa mill- um Johan B. Hansen og Jóhannis Joensen. Jóhannis Joensen varð sendur til hús eftir fyrra dystin ímóti Kasakstan. Tá varð sagt, at hetta ikki skuldi skiljast sum upp- søgn, men heldur tí venjar- in vildi viga onkran annan í seinna dystinum, og nú er Jóhannis aftur í hitanum. Johan B.Hansen spælir í Horsens í næstbestu donsku deildini. Hann fekk ikki landsliðsboð undan dystunum ímóti Kasakstan, men nú vil venjarin hava danskaran við føroysku for- eldrunum ímillum teir átj- an, sum liðið ímóti Íslandi skal veljast ímillum. Pól Thorsteinsson og Óli Johannesen verða sjálv- skrivaðir ímóti Týsklandi. Tá sleppa tveir av teimum, sum fáa boð ímóti Íslandi, ikki at sita á beinkinum, men skulu heldur út millum áskoðararnar at sita. Heðin á Lakjuni spældi við í fyrra dystinum ímóti Kasakstan, og tá skoraði hann fyri fyrstu ferð á landsliðnum. Hann var ikki í hópinum undan seinna dystinum, og nú er hann aftur settur uttanfyri. Tað er Helgi L. Petersen eisini, og pláss er heldur ikki fyri Símuni Samuelsen úr GÍ. Nýggja ættarliðið Í tjúgu manna hópinum eru fleiri spælarar, sum undan- farnu árini hava verið á yngru landsliðunum, og sum ikki áður hava roynt seg í undankappingardyst- um. Her verður hugsað um Inga Højsted úr Arsenal, Atla Danielsen, úr KÍ, Jann Inga Petersen úr B68 og Jónhard Frederiksberg av Skála, sum fyrstu ferð nak- rantíð var í landsliðshitan- um, tá ið liðið var á venj- ingarlegu í Spania í vetur. Merkisvert er tað eisini, at landsliðsvenjarin hevur valt framvegis at halda Christian Høgna Jacobsen í hitanum, sjálvt um hann í vár hevur spælt ógvuliga lítið á besta liðnum hjá Vejle. Teir tjúgu, sum hava fingið landsliðsboð, eru hesir: Jákup Mikkelsen, Molde, og Jens Martin Knudsen, NSÍ, eru málverj- ar. Hinir eru Fróði Benja- minsen og Jann Ingi Peter- sen úr B68, Jóhannis Joen- sen, FS Vágar, Julian Johnsson, Jákup á Borg og John Petersen, B36, Súni Olsen, GÍ, Atli Danielsen og Hjalgrím Elttør, KÍ, Jónhard Frederiksberg, Skála, Rógvi Jacobsen og Andrew av Fløtum, HB, Ingi Højsted, Arsenal, Christian Høgni Jacobsen, Vejle, Jón Rói Jacobsen, Brøndby og Johan Byrial Hansen, Horsens. Og so eru tað Óli Johannesen, Hvidovre, og Pól Thors- teinsson, B36, sum ikki eru tøkir í fyrra dystinum. Úttøkan vísir, at lands- liðsspælararnir eru úr so at siga øllum landinum. Øll feløgini í bestu deildini eru umboðað uttan VB og EB/Strreymur. Úttøkan vís- ir eisini, at útisetarnir eru nógv færri, enn teir onkun- tíð hava verið. Teir eru Jákup Mikkelsen, Jón Rói Jacobsen, Christian Høgni Jacobsen, Johan B. Hansen og Ingi Højsted og í seinna dystinum eisini Óli Johannesen. Landsliðið fer til Reykja- víkar mikudagin í næstu viku, og tað verður flogið heim aftur beinanvegin leygarkvøldið, eftir at dyst- urin á Laugardalsvøllinum verður av. Hans Fróði vrakaður til stóru avbjóðingarnar Íslendski hópurin móti Føroyum Íslendski landsliðsvenjarin, Ásgeir Sigursson hevur tikið hesar 18 leikarar út til landsdystin móti Føroyum Navn Felag dystir/mál Birkir Kristinsson ÍBV 73/0 Árni Gatur Árason Rosenborg BK 27/0 Rúnar Kristinsson Sporting Lokeren 98/3 Guðni Bergsson Bolton Wanderers 78/1 Arnar Grétarsson Sportin Lokeren 59/2 Hermann Hreiðarsson Charlton Athletic 47/2 Helgi Sigurðsson Lyn 45/9 Þórður Guðjónsson Vfl Bochum 44/11 Lárus Orri Sigurðsson West Bromwich Albions 39/2 Brynjar Bjørn Gunnarsson Stoke City 36/3 Arnar Gunnlaugsson KR 32/3 Tryggvi Guðmundsson Stabæk 30/8 Arnar Þór Viðarsson Sporting Lokeren 24/0 Eiður Smári Guðjohnsen Chelsea 22/7 Marel Baldvinsson Sporting Lokeren 11/0 Ívar Ingimarsson Wolverhampton Wanderers 11/0 Jóhannis Karl Guðjónsson Aston Villa 11/1 Indriði Sigurðsson Lillestrøm 8/0 Hans Fróði Hansen stóð ikki royndina um vikuskiftið, og er hann tí ikki við í føroyska landsliðshópinum til teir báðar komandi dystirnar C M Y K 20