leygardagur 31. mai 2003síða 2

2 Nr. 101 - 31. mai 2003 Nr. 101 - 31. mai 2003 3 Nullhugsjónin skal eisini galda fyri grannan – Vit skulu læra, at Nullhugsjónin skal verða galdandi fyri grannan eins væl og okkum og okkara egnu, sigur Jón Kragesteen frá Ráðn- um fyri Ferðslutrygd, sum heldur, at tað hevði onki galið verið í, at havt ferðforðing- ar um allan miðbýin í Havn FERÐSLUTRYGD Ingrid Bjarnastein Sosialurin varpaði fyri fá- um døgum síðani ljós á ferðsluviðurskiftini oman- eftir ovara parti á Tróndar- gøtu. Foreldrini, sum búgva í hesum grannalagnum, ynskja sær ferðforðingar oman eftir vegnum. Hetta kemst av, at bilar um sumr- arnar, tá veðrið er gott, koyra við nógvari ferð om- aneftir vegnum, og hetta meta foreldrini ikki vera trygt fyri børnini, tí tey spæla jú leingi úti tá tey hava frí. – Ferðforðingar gera ógvuliga stóranmun, og í veruleikanum kanst tú ikki koyra meira enn 30 km/t har. Onki galið hevði verið í, at lagt ferðforðingar om- an handanvegin, tí økið hevur bæði barnagarð, skúlar, nógv hús og nógv børn, sigur Jón Kragesteen, leiðari á Ráðnum fyri Ferðslutrygd. Ein um tíman Ferðslukanningarnar, sum vórðu gjørdar eftir Tróndar- gøtu vístu, at tað vóru góðir 2200 bilar, sum koyrdu tann vegin um døgnið. Og um so bara eitt prosent av teimum koyrir ov skjótt, so verður hetta meira enn ein bilur um tíman, vísir Jón Kragesteen á. – Hvør torir, at senda barnið út at spæla, tá tey vita, at meir a enn ein bilur um tíman koyrir uttan fyri- lit? Brúgvasteinar eru lagd- ir til síðuvegirnar, og eg haldi, at teir skuldu heldur verið lagdir omaneftir sjálvari Tróndargøtu, sigur leiðarin fyri Ráðnum fyri Ferðslutrygd. Jón Kragesteen heldur, at tað skuldi ikki verið loyvt at koyrt meira enn 30 km/t í meginpartinum av miðbýn- um í Havn, tí tað ber ikki til at koyra skjótari hóast alt. – Tað hevði heldur onki verið galið við, at gjørt bungur eftir øllum vegun- um í miðbýnum. Tí fert tú í ein stórbý í einum av grannalondum okkara, so sært tú ferðforðingar í sjálvum miðbýnum. Í svarinum, sum foreldr- ini fingu frá býráðnum stóð, at tað var ábyrgdin hjá tí einstaka bilføraranum at vísa fyrilit. – Men hvør letur lívið á barninum í hendurnar á øðr- um bilførarum, sum eiga at vísa fyrilit? Vit kunnu bara ásanna, at har er nógv arbeiði eftir at gera fyri at fáa kommunalpolitikararnar at skilja hesa støðuna. Um tú so setur ferðforðingar upp, so revsar tú ikki hini, sum koyra skynsamt, og tað er ikki rætt at siga, at tú revsar fólk, tá tú fært tey at koyra samvitskufult, sigur Jón Kragesteen. Nullhugsjón fyri øll Fyri stuttum varð álitið »Ávegis til Nullhugsjón- ina« handað landsstýris- manninum. Nullhugsjónin leggur upp til, at ongin skal doyggja ella verða álvars- liga meiddur í ferðsluni. – Vit skulu fáa Nullhug- sjónina útum okkara fýra húsaveggir. Ein og hvør vil ikki, at nakað skal henda teirra familju, so hvør fam- ilja hevur eina Nullhug- sjón. Tá hugsar man um seg sjálvan, men vit skulu fáa Nullhugsjónina at galda fyri grannan eisini. – Sjúrður Olsen, formað- ur í teknisku nevnd í bý- ráðnum segði, at foreldur vilja hava ferðforðingar tá børnini eru smá, og tá tey eru vaksin, vilja tey av við ferðforðingarnar. Hann rak- ar nakað sentralt her. Men tað er her tað trupla liggur. Nullhugsjónin skal verða galdandi fyri øll, greiðir Jón Kragesteen frá. Leiðarin fyri Ráðið fyri Ferðslutrygd vil ikki siga, at tað skulu fólk doyggja áðrenn nakað hendir. – Men tað sær út sum, at avleiðingarnar skulu vera nógvar áðrenn fólkini fáa eyguni upp fyri, at okkurt má gerast, sigur Jón Krage- steen, sum vísir á at bung- urnar á Gundadalsvegnum vóru gjørdar eftir, at eini trý fólk høvdu latið lív og tað sama við SMS-vegnum. – Vit eru ikki komin longur enn so, at vegirnir verða gjørdir til bilførarar. Um tú hyggur eftir gongu- breytakantunum, so verða niðurskurðir gjørdir, har eitt bilhús er. Men á endan- um á gongubreytunum, har fólk skulu ganga, bæði við barnavognum og koyra við koyristóli, har er kanturin eini 10-15 cm høgur. – Ein hugburðsbroyting skal til. Tankarnir skulu broytast. Men tað er ofta soleiðis, at teir politikarar- nir, sum úttala seg um ferð- sluviðurskift eru menn um miðjan aldur, har børnini eru flogin úr reiðrinum. Eg haldi, at konufólk skilja handan trupulleikan betri, men vit hava nógv eftir at gera fyri at fáa fólk at skilja hesi tingini, sigur Jón Kragesteen, leiðari á Ráðn- um fyri Ferðslutrygd at enda. – Nullhugsjónin skal eisini verða galdandi fyri grannan. Vit hugsa um okkara fam- ilju, og hvør familja hevur eina nullhugsjón. Og tað er tað trupla. At fáa fólk at minnast til, at nullhugsjónin er galdandi fyri øll, sigur Jón Kragesteen, leiðari á Ráðnum fyri Ferðslutrygd Kunngjørt verður fyri ætt og vinum, at okkara kæra kona, mamma, vermamma, omma og dóttir Sigbjørg Dahl, Oyri Andaðist hósdagin 29. mai, 53 ára gomul. Jarðarferðin verður úr Norðskála kirkju sunnudagin 1. juni kl. 14.00 Familjunnar vegna Hjallgrím og børnini við familjum Tey, ið vilja minnast Sigbjørg, kunnu lata Norðskála kirkju eina gávu á konto í peningastovnunum Mikudagin varð Juli- anna Klett tilnevnd franskur konsul í Føroyum KONSUL Heri á Rógvi –Eg veit ikki rættiliga, hví eg eri vald, men tað er ein stórur heiður, sum eg gleði meg til at fara í holt við. Soleiðis sigur Julianna Klett, nýútnevndur fransk- ur heiðurskonsul. Tað var mikudagin, at hon alment varð tilnevd konsul Frak- lands í Føroyum. Tað var Régis de Belenet, franskur sendiharri í Dan- mark, sum var komin til landi í hesum ørindum. Ì sambandi við tilnevn- ingina ferðaðist franski sendiharrin eisini kring landið og vitjaði fleiri stovnar og fyritøkur. Julianna Klett tekur við eftir Valdemar Lützen sum franskur konsul. Umframt at vera advokat er Julianna eisini útbúgvin trý málslig- ur korrespondentur í fronskum, týskum og ensk- um og hevur lisið í Sorbon universitetinum í París. Hjálpa fraklendingum Fremsta uppgávan hjá einum konsli er at hjálpa fronskum ríkisborgarum í Føroyum. Julianna dugir ikki at siga okkum, hvussu nógvir fraklendingar búgva í Føroyum, men tað eru nakrir. – Men arbeiðið sum kon- sul er eisini at vera millum- lið millum føroyskar og franskar myndugleikar. Frakland hevur áhuga fyri, hvat hendir í Føroyum og ynskir at kunna seg um, hvat hendir, sigur Julianna Klett. Arbeiðið sum konsul er ólønt. I komandi útgávunum verður meira at lesa um tilnevngina av nýggjum fronskum konsuli. Sosialurin ynskir Juli- onnu til lukku við heiðurin- um. Franska umboðið í Føroyum Julianna Klett saman við Régis de Belenet, fronskum sendiharra í Danmark. Mynd: Heri á Rógvi C M Y K 3 2