mikudagur 4. juni 2003síða 7

Nr. 103 - 4. juni 2003 13 Hóast teir higartil bara hava verið í bát- inum í vikuskiftinum, so eydnaðist tað vágbingum á síðstu metrunum at stríða seg framum Jarnbard 6–MANNAFØR MENN Jóannes Hansen 6–mannafarið Smyril við monnum er kappróðrar- stoltleikin hjá suðuroying- um. Men tað sæst einki til bátin á Vágsfirði fýra tey fyrstu kvøldini í vikuni. Tá stendur báturin í neystin- um, meðan manningin drívur á at venja í Fragd og Fimi í Havnini. Manningin er tann sama, sum hon var í fjør. Talan er um handverkaralærlingar. Teir standa í plátusmíð og elektrikaralæru í Vági. Sein- astu seks vikurnar hava teir verið á tekniskum skúla í høvuðsstaðnum. Uppundir jóansøkuna verður skúla- skeiðið liðugt. Tá fara teir at venja uppaftur meiri umborð á Smyrli, enn teir hava gjørt higartil. Men sambært báts- formanninum hevur tað kortini ikki verið heilt einki. – Vit fara suður fríggja- dag. Hesar seinastu vikur- nar eru vit farnir so at siga beinleiðis í bátin. So hava vit vant eina ferð og onkra ferðina tvær ferðir leygar- dag, og so aftur sunnudag, áðrenn vit eru farnir norður aftur, sigur Jóhan Sofus Müller. Yngsti maður umborð á vinnarabátinum á norðoya- stevnu er 20 ára gamal, og tann elsti er 26 ár. Í fjør var Smyril nummar tvey á norðoyastevnu. Leygardagin sá tað leingi út, sum um hann eisini hesa ferð skuldi verða næst- fremstur. – Vit fingu ógvuliga vána- ligan start. Tað var so ófantaligt í sjónum, at teir í stýriborð noyddust at rógva alla tíðina fyri at halda hon- um uppí. Kanska vóru vit eisini eitt sindur ókonsentr- eraðir, tá ið startskotið varð loyst av. Vit ruku afturum. Men so við og við gekk betri, og tá ið stýrimaðurin segði, at tað ikki vóru fleiri enn tvær bátslongdir fram til Jarnbard, kendist tað sum um vit fingu mót av nýggj- um. Tá ið vit fóru um málið, hildu vit, at vit høvdu verið akkurát ov stuttir. Men so sóu vit, at viðhaldsfólkini hjá okkum á bryggjuni fegn- aðust, og tað boðaði jú frá góðum, sigur Jóhan Sofus Müller. Jarnbardur var leysur av hinum á 1000 metra málin- um. Tað var ikki fyrrenn á Kósabrúnni, ella tá ið tveir triðingar av teininum vóru lagdir afturum, at fyrstu ábendingarnar vóru um, at tað kanska fór at gerast spennandi, og so var. Hjá Páll Fanga, sum vann á norðoyastevnu í fjør, royndist tað syndarliga illa í heimasjógvi. Páll Fangi var næstaftastur, og teir vórðu tiknir av nýggja Sundabát- inum, sum ikki hevur vant eins nógv og klaksvíkingar hava. Lærlingarnir eru sannir sveinar 6-mannafarsróðurin hjá monnum gjørdist sera spenn- andi, og við einum øgiligum spurti eydnaðist tað Smyrli at vinna seg fram um Jarn- bard Mynd: Álvur Haraldsen Í fjør vunnu tær allar róðrarnar við Sílinum, og nú stóðu tær seg í fyrstu royndini umborð á Gongurólvi 6–MANNAFØR KVINNUR Jóannes Hansen Í fjør skalaði eingin gentu- manningini á Sílinum. Tær vunnu allar seks FM róðr- arnar, og sigrarnir vóru rættuliga sannførandi. Nú er størri parturin av tí manningini farin umborð á 6 mannafarið hjá Havnar Róðrarfelag, sum eitur Gongurólvur. – Tað er einki aldursmark hjá gentubátunum, so vit kundu havt hildið fram við Sílinum. Men allar tær, sum í fjør vóru við til at manna Gongurólv, fóru av, og so valdu vit at taka við nýggju avbjóðingini. Vit eru fýra, sum í fjør róðu við Sílinum, og sum nú rógva við Gongurólvi. Hinar báð- ar hava róð nógv fyrr, og stýrimaðurin hevur eisini nógvar royndir. Hetta sigur Inga Thor- kildshøj. Í fjør var hon báts- formaður á Sílinum, og nú er hon bátsformaður um- borð á Gongurólvi. Í fjør var Jarnbardur suv- erenur FM vinnari. Tær vunnu allar róðrarnar. Á norðoyastevnu var einki at síggja til Jarnbard við kvinnumanning. Fleiri av teimum, sum róðu í fjør, eru farnar av landinum, men kanska fara tær at lut- taka seinni í summar. Páll Fangi fekk besta startin leygardagin, og fyrstu løtuna lógu tær í Klaksvík fremstar. – Vit royndu tað, sum vit kundu. Stýrimaðurin hjá okkum segði, at vit vóru fremstar, tá ið okkurt um hálvt málið var rógvið, og so longdist munurin aftur til hinar, sigur Inga Thor- kildshøj. Gongurólvur lá eystarlaga. Tað hoyrdist leygardagin, at tað glapp hjá teimum á tí teininum, tá ið tær høvdu lívdina, sum hinar ikki fingu fyrrenn einar hundrað metrar seinni. Men tað var eingin ivi um, hvør var bestur. Á málinum var Gongurólvur meiri enn fýra bátslongdir frammanfyri Páll Fanga, sum aftur var leysur av Lómi á Argjum. Og so komu Smyril, Fortuna og Fuglfirðingur so at siga hvør fyri seg á mál. – Vit rokna við at fáa væl størri kapping næstu ferð. Men vit fara at gera okkara fyri at varðveita oddasess- in, sigur Inga Thorkildshøj. Halda fram har tær sleptu Havnardreingir vunnu mest sannfør- andi sigurin av øllum í teimum seks kapp- róðrunum leygar- dagin 5–MANNAFØR DREINGIR Jóannes Hansen Tað var einki, sum á fyrstu metrunum í fyrsta róðrin- um leygardagin bendi á, at dreingirnir umborð á Sílin- um skuldu gerast mest sannførandi vinnararnir á norðoyastevnu. Havfrúgvin úr Vestmanna, sum vann FM í 1999, fekk besta start- in, og Tjaldrið, sum vann FM í 2001 og aftur í 2001, var væl við fyrstu løtuna. Men tá ið hálvur teinurin var rógvin, var Sílið, sum í fjør var FM vinnari, væl frammanfyri hinar. – Stýrimaðurin hjá okk- um segði, at Havfrúgvin í startspurtinum var eina bátslongd frammanfyri okkum. Tað var ikki fyrr- enn startspurturin var av, og vit róðu lunnaróður, at vit tóku Havfrúnna, og so gekk sera væl. Tá ið vit komu framvið Kósabrúnni ivað- ust vit ikki í, at vit vóru væl frammanfyri vestaru bátar- nar, sigur Sigtór Lützen. Hann er bátsformaður umborð á Sílinum, og hann er royndasti maðurin um- borð. Allir hinir, sum í fjør vóru við til at vinna FM, eru farnir av, tí teir vóru ov gamlir. Sigtór hevur mann- að bátin av nýggjum, og hann hevur funnið mesta partin av bátsfeløgunum millum sínar liðfelagar: – Vit eru fýra, sum spæla hondbólt við Kyndli, so vit kendust rættuliga væl, tá ið vit fóru undir venjingina. Vit hava vant síðani í janu- ar. So í meiri enn tveir mán- aðir var bæði hondbólturin og kappróðurin á skránni. Sigurin á norðoyastevnu smakkar serliga væl hjá bátsformanninum,tá ið hann minnist aftur á árið í fjør. – Tá vóru vit nummar fýra á norðoyastevnu, og vit vórðu kolldømdir á Skála- fjørðinum. So vunnu vit tríggjar róðrar. Í ár hava vit so fingið betri start, enn vit fingu í fjør. Nú fáa vit at síggja, hvussu tað fer at roynast. Kappingin um tey fýra plássini aftanfyri Sílið var rættuliga tøtt. Tað slitnaði ikki sundur millum Blik, Tjaldrið, Havfrúnna og Fípuna Føgru. Annað viku- skiftið fæst at síggja, um nakar av teimum fer at megna at gera nakað við Sílið, sum í Klaksvík var so nógv fremst. Kyndil og Sílið hoyra saman Har var eingin ivi um, hvør var fremsti báturin í kvinnuróðrinum Mynd: Álvur Haraldsen Sílið við Kyndils dreingj- unum á bekkunum var so langt fremstur av teimum átta dreingjamanningunum Mynd: Álvur Haraldsen 13 12 Nr. 103 - 4. juni 2003 Hjá royndu monnunum telur bara fremsta plássið Manningin á Havnar- bátinum er so mikið roynd og sigursrík, at teir síggja næst- fremsta plássið sum fyrsta tapara plássið 10–MANNAFØR Jóannes Hansen Næstfremsta plássið er fyrsta taparaplássið. Tað staðfestir bátsformaðurin á Havnarbátinum, Magni Brøðraberg. Tað er einki reyp í útsøgnini. Heldur boðar hetta frá, at tá ið rógvararnir eru so royndir, sum teir eru umborð á Havnarbátinum, og tá ið teir hava vunnið so nógv, so er tað bara sigurin, sum telur. Tá ið Havnarbáturin leygardagin vann ársins fyrstu kapping, var yngsti maður umborð 24 og tann elsti 34 ár. Síðani í fjør hava teir skift tríggjar út. Tveir av teimum, sum eru komnir umborð, hava áður verið partur av manningini, og hin triði hevur eisini róð nógv. – Tað er kapping um at sleppa upp í part umborð á Havnarbátinum. Tá ið bát- arnir verða mannaðir í januar, verður fyrst kannað, hvussu nógvir av teimum, sum vóru við í fjør, ætla sær at halda fram. So verð- ur tosað um, hvørjir møgu- leikar eru fyri nýggjum fólki. Tað kann væl vera, at onkrir verða vónsviknir, tí tað ikki er pláss fyri teim- um umborð á 10–manna- farinum. Men so mugu teir rógva við onkrum øðrum báti og so vóna, at tað verð- ur pláss fyri teimum eitt annað ár, sigur Magni Brøðraberg. Sigurin leygardagin var tann fimti á norðoyastevnu hjá bátsformanninum á Havnarbátinum. Magni vann við Gongurólvi í 1995 og 1996, við Ørvi í 1999 og við Havnarbatinum í fyrra- árið og aftur í ár. Nólsoyingurin leingi fremstur Tað kappaðust bara fýra 10–mannafør í Klaksvík. Tey lógu tætt saman vestar- laga í róðrarøkinum. Allir bátarnir vóru við til at mynda róðurin. Tá ið teir komu á mál var ongastaðni leyst millum bátarnar. – Nólsoyingurin fekk besta startin. Róðursmað- urin hjá okkum segði okk- um skjótt, at vit vóru aftan- fyri Nólsoyingin, og at hin- ir vóru aftanfyri okkum. Tá ið vit komu inn á beding- ina, tóku við Nólsoyingin. Kanska var tað meiri tað, at teirra bátur ikki gekk so væl á síðsta teininum. Tað tóktist sum um Eyst- uroyingurin hevði hug at bjóða av í endaspurtinum, men formaðurin á Havnar- bátinum kendi seg ikki hóttan av honum: – Vit sóu aftur á Eystur- oyingin um stýriborð. Hann gekk væl síðsta partin av teininum, men eg haldi, at vit alla tíðina kendu tað, sum um vit høvdu tak á honum. Vestmenningur var aft- astur alla tíðina, og fjar- støðan frá honum og fram til Nólsoying var á málin- um størri, enn hon var mill- um hinar bátarnar. Serliga millum Eysturoyingin og Nólsoyingin var munurin sera lítil. Tað stóð nógv á, men Havnarbáturin vann ársins fyrsta 10-mannafarsróður, og gleðin um hetta var sjónlig eftir skotini á málinum Mynd: Álvur Haraldsen Bátsformaðurin held- ur, at samanspælið millum hondbólt og kappróður riggar stak væl 8–MANNAFØR Jóannes Hansen Bátsformaðurin á Ørvi eitur Halgir Dahl Olsen. Tað er eitt kent navn í hondbóltinum. Hann er stórskjútti hjá H71 í 1. deild, og hann hevur eisini roynst væl á hondbólts- landsliðnum. Tá ið vit ynskja honum tillukku við sigrinum í kappróðrinum millum 8–mannafør leygar- dagin og fregnast eftir, hvør rør saman við honum, fæst at vita, at tað eru nógvir H71 arar umborð á Ørvi: – Seks av teimum níggju, sum eru við til at manna bátin, spæla hondbólt við H71. Tað er ein fín kom- binatión at spæla hondbólt um veturin og at rógva um summarið. Harvið er grundkonditiónin støðugt góð. Í mars og fyrst í apríl má leggjast væl til rættis, soleiðis at tað gongur upp við venjingini í hondbólti og kappróðri, men tað ber væl til, tá ið so nógvir so at siga eru í sama báti, heldur Halgir Dahl Olsen. Bátsformaðurin á Ørvi er royndur rógvari. Hann var við Havnarbátinum í 2000 og 2001, og hann var við Ørvi í 1999. Tveir av bátsfel- øgunum hava ongantíð róð áður, tveir vóru við Drekan- um í fjør, og róðursmaðurin róði við Drekanum í fjør. Ørvur fekk fínan start, og tað var ongantíð nakar ivi um, at hann var fremstur: – Argjabáturin, sum ikki var so langt frá okkum, var skjótt hálva aðru bátslongd aftanfyri okkum. Kvívík- ingur var heilt í hinum borðinum, og stýrimaðurin visti skjótt at siga, at vit eisini vóru frammanfyri hann. Tí róðu vit alla tíðina lunnaróður. Tað var ikki neyðugt at spurta, tá ið vit nærkaðust málinum. Væntar tú, at munurin fer at verða eins stórur hvørja ferð? – Heilt víst verður hann ikki tað. Vit vóru eystari á enn kappingarneytarnir. Tí komu vit fyrri í kyrrari vatn. Kanska róðu vit einar hundrað metrar meiri á sløttum enn t. d. Kvívíking- urin. Millum annað tí bestu bátarnir á norðoyastevnu fara at liggja undir liðini á hvørjum í næstu kapping- unum, fer munurin millum bátarnar at minka, og vit rokna við longu annað vikuskiftið, at kappingin verður væl harðari, enn hon var hjá okkum á norðoya- stevnu, heldur bátsformað- urin á Ørvi. Møguleikin fyri kvali- fikatiónsróðri undan norðoyastevnuni hev- ur verið uppi og vent aftur, eftir at tos um plaseringar í róðrar- økinum tók seg upp aftur eftir róðurin í Klaksvík KAPPRÓÐUR Jóannes Hansen Høvuðsstaðurin fór við fimm av seks sigrum í fyrstu FM kappingini, sum var í Klaksvík leygardagin. Og tað var um reppið, at allir seks vinnararnir vóru úr høvuðsstaðnum. Smyril úr Vági syrgdi fyri, at ikki allir vinnararnir vóru úr Suður- streymi. Blikur av Argjum vann genturóðurin, og vinn- ararnir í fýra kappingum – 5-mannafør dreingir, 6-man- nafør kvinnur, 8-mannafør og 10-mannafør – vóru úr Havnar Róðrarfelag. Avrikið hjá HR minnir ikki so lítið um 1996, tá ið fýra mann- ingar hjá HR vunnu FM. Talan var leygardagin um besta úrslitiðå hjá Havnar Róðrarfelag í Klaksvík síðani í 1974. Tá var bara kappast í fýra róðrum – 6- mannaførini vóru ikki farin at kapprógva tá. Sílið vann við dreingjum og gentum, Ørvur vann kappingina millum 8-mannaførini og Havnarbáturin vann eisini. Ta ferðina var oysandi regn í Klaksvík. Leygar- dagin kendist úr honum. Líkindini vóru einki serlig úti á Vánni.Frá Kósini av og inn á málið var tað ikki so galið. Landssynningurin bar við sær, at tað skjótari gjørdist slættari hjá bátun- um, sum lógu eystari. Neyvan nakar ivast í, at talan var um røttu vinnarar- nar. Í kappingunum, har eystastu bátarnir vunnu, var fjarstøðan frá teimum fremstu og til teir næst- fremstu ógvulliga stór. Kortini varð fleiri ferðir havt á munni millum róðr- arhugað leygardagin, at tað var spell, at umstøðurnar ikki vóru heilt tær somu at kappast hjá fremstu bátun- um. Møguleikin varð aftur nevndur at skipa fyri kvali- fikatiónsróðri undan norð- oyastevnuni, soleiðis at tað eisini í fyrstu FM kapping- ini skal bera til at leggja favorittarnar undir liðini á hvørjum øðrum og mið- skeiðis í feltinum. Tá ið Smyril kom á Havn- ina leygarkvøldið var skipað fyri móttøku fyri nógvu vinnarunum úr Suður- streymi, og Smyril úr Vági fekk eisini stórfingna mót- tøku, tá ið hann kom suður. Nú eru manningarnar farnar at fyrireika seg til næstu FM kappingina, sum verður á Strondum annan leygardag. Á Fjarðar- stevnu, sum nýggja FM kappingin verður nevnd í kappróðrarskipanini. H71 myndar manningina á Ørvi Hoyvíkingarnir á Ørvi skúgvaðu alla mótstøðu til viks, tá 8-mannafarsróðurin var á skránni Mynd: Álvur Haraldsen Besta úrslitið hjá Havnini síðani 1974 C M Y K 12