týsdagur 12. apríl 1994síða 2

Kom til Føroya Nyrup! FLEIRI týdningarmikið verða hildin í hesum árinum. Her um okkara leiðir verður løgtingsval og fólkatingsval. Hesi bæði valini verða sera avgerandi fyri gongd- ina í Føroyum komandi árini. Tað eru helst tey, sum meta úrslitið av einum donskum vali at hava stórri týdning fyri komandi útviklingin her á landi, enn eitt løgtingsval. TAD er sera torført at meta um samansetingina av løgtinginum eftir komandi val. Men hvussu tað enn fer at síggja út og hvussu komandi landsstýrissamgonga verður sett saman, so verður samansetingin av eini komandi danskari stjórn helst av mongum mett at vera av uppaftur stórri tydning fyri gongdina í Føroyum. TÁ nettup samansetingin og leiðslan av eini danskari stjórn hevur so stóran týdning fyri gongdina og støduna í føroyska samfelagnum man tað tykjast mongum legið, at ikki danski for- sætisráðharrin Poul Nyrup Ras- mussen ikki hevur vitjað Føroyar. Vit eru millum teirra, sum halda, at danski forsætisráðharrin fyri langari síð síðani átti at verið í Føroyum fyri her at kunna seg um viðurskiftini. Tað er sera løgid fyri ikki at siga vanærandi, at ein danskur forsætisráðharri, sum skal taka nógvar stórar og álvarsligar avgerðir um føroysk- donsk viðurskifti, ikki virðir føroyingar og føroyska samfel- agið so mikið sum at vitja hetta landið. MEN kanska er tað nettup komandi fólkatingsvalið, sum er orsgkin til, at danski forsætis- ráðharrin letur bíða á sær at vitja Føroyar. Hann man væl hugsa, at tað er ov "vandamikid” at leggja leiðina henda vegin. Ein slík vitjan kann fáa óhepnar av- leiðingar fyri komandi val. Annað kunnu vit ikki fáa tað til, tá danski stjórnarleiðarin ikki dittar sær at vitja júst tann partin av danska ríkinum, sum er so illa fyri og krevur eyka áhuga frá eitt nú ríkisins síðu. Og er tað so, tá er hetta bart út ov vánaligt av ovasta leiðaranum í ríkinum. VIT ivast ikki eina lotu í, at tað hevði tænt bæði føroyskum og donskum áhugamálum best, um danski stjórnarleiðarin vitjaði Føroyar. Her kundi hann so við egnum eygum sæð, hvussu til stendur og hann kundi hitt føroyingar og tosa við teir. Ikki bara landsins hægstu politikarar men fólk úr øllum stættum í samfelagnum. Tað er í veruleik- anum fantastiskt, at hann ikki longu hevur verið her, tá hugsað verður um, hvussu nógv júst føroysk viðurskifti hava verið frammi bæði á fólkatingi og á stjørnarstødi. TAÐ skal vera vón okkara, at Poul Nyrup Rasmussen sum skjótast tekur seg um reiggj og leggur leiðina henda vegin. Hann skal vera hjartaliga vælkomin. Tað er einum donskum forsæt- isráðharra til lítlan sóma, um hann aftrar seg at vitja Føroyar av ótta fyri, at hetta skal fáa óhepnar avleiðingar fyri hansara flokk til eitt komandi val. Í veruleikanum átti tað at verið beint øvugt, nevniliga soleiðis at ein vitjan her bert kundi gagnað einum donsk- um forsætisráðharra og flokki hansara. Tí tástaðni tá hevði hann út frá egnum metingum og upp- livingum kunnað gjørt sær eina neyva mynd av veruligu støduni í Føroyum. SOSTALURIN Politiska viðmerkingin: Aftursvar til Hilmar Gaardbo i grein tann 9. april Fyrst vil eg takka Hilmari fyri ta góðu grein, hann skrivaði tann 9. apríl við heitinum >er nakað stýri í Føroyum«. G60i Hilmar, eg veit væl at tú ikki hevði væntað svar frá júst undirritaða tl spurningin um vit hava eitt stýri í Føroyum. Mítt svar skal vera stutt til júst spurn- ingin um stýri ella ikki, vit hava eitt politiskt stýri við útinnandi uppgávu og við einum støduføstum útinn- andi leiðara, nevniliga Maritu Petersen. Eg fari niðan fyri at loyva mær at gera nakrar við- merkingar til grein tína, sum tykist í so borgarlig ella...? Tú sigur at samgongu- limir siga eitt í dag, men dagin eftir koma aðrir og avsanna somu tíðindi. Hetta hvat politikarar siga og ikki siga, er ikki nakað nýtt fyri- brigdi í politikki, so vel heldur at taka positiv ting fram, ella vegleið teir hvussu teir skulu frambera seg í framtíðini, tað hevði gagnað. Tað má tykjas perfekt tala, tá tú boðar frá, at skip- arin á føroysku skútuni ikki hevur stýring ånøkrum sum helst, veit fullvæl at tú meinar við Maritu Petersen, løgmann, men tú skuldi gjørt tær greitt HVØNN /HVØRJUM hon er skipari fyri, nevniliga Føroya fólki. Taka vit støduna sum hon er, so er tað nokk løgtings- formaðurin Harra Lasse Klein, tú meinar við, tá tú skrivar um skipara, hann er nevniliga FLAGGSKIP- ARI, og lítil ivi man vera um, at hann ikki hevur stýring á nøkrum sum helst. Tá tað her verður sagt, at Harra Lasse Klein ikki hev- ur stýring á nøkrum sum helst, er besta prógvið nú um dagarnar, tá hann billar Føroya fólki inn, at upp- skotið, sum skattanevndin skuldi leggja fram um olju- avgjald, ferðafrádrátt, skattalætta til pensionistar 0.2., ikki skuldi kosta eina krónum, meðan umsitingin sigur at hetta kostar uml. 100 mill. kr. So hvussu skal útinnandi | myndugleikin (Landsstýrið) kunna ar- beiða, tá formaðurin fyri tí lóggevandi tinginum ikki skilir munin millum Okr. og 100 mill. kr. Ja, ringt er at skilja hjá okkum á síðulinj- uni. Tátað í greinini stendur at nú eru politikararnir byrj- aðir at lova til høgru og vinstu, tí nú er valár, ja, Hilmar, tað hevur ALTID í politikki verið so, tá tað nærkast valdegnum (ser- liga seinasta árið), at at- kvødufiskariid byrjaði tíð- liga, hvat annað skal ein vænta og munurin er ikki, um tað er borgarligt ella sosialistiskt, lurta eftir ella les bert andstøduuppskot- ini, ið liggja á tingi. Man hetta ikki vera byrjanin til valagitatiónina hjá teimum, men eingin ivi man heldur vera um at teir mongu >kurlarnir< í samgonguni í seinastuni eru fyri at bjarga so frægt sum gjørligt til val- ið. Jú, víst er SOLOLØBID byrjað, hvgr einasti (32) tinglimur er heilt víst byrj- aður sítt egna SOLOLØB til valið í heyst ella fyrr...? Tú tekur dómi hvat landsstýris- og tinglimir hava lovað og úttalað seg um, t.d. sigur tú at Finnbogi hevur lovað skattalætta, men hann hækkaði MVG-gjaldið úr 23 til 25%. Men góði Hilm- ar, við hvørjum skal Finn- bogi Ísakson geva skatta- lætta og hvar skal pening- urin koma frá, um MVG gjaldið ikki hækkað, tað er ikki nokk bert at HARTA hini, kom við hugskot-um ella bert hugleiðingum um hvussu tað annars skuldi verið gjørt. Tá tað so rámandi frá tær verður sagt, at henda sam- gongan so ruddiliga hevur prógvað hvat næsta sam- gonga ikki eigur at gera, má eg við positivum anda siga, at so er langt rokkið, tí hendir tað at Javnaðar-, Tjóðveldis- og Sjálvstýris- flokkurin koma í samgongu eftir valið, so er ikki annað at vænta enn alt positivt, tí feilirnir eru gjørdir, sum tú sjálvur sigur, men aftur her manglar tann sama frágreið- ingin HVAT SKAL TIL FYRI AT SAMFELAGIÐ GERST EITT BETRI SAMFELAG. Nei, eg Spyrji. Tá eg sá greinina í Dimmalætting og navnið hjá tær, Hilmar, kom eg beinanvegin at hugsa um sethúsatrupulleikan, tí eg veit at tú gongur hart inn fyri at hjálpa teimum, sum hava trupulleikar við sethúsa- skuld síni. At tað longu í ár eru farin 157 hús á tvang er ein katastrofa, og eingin skal vera í iva at eg og nógv við mær, eisini landsins politikarar, eru hørm um støduna. Men Hilmar, í á- heitan tíni til Maritu Peter- Framhald á síðu 7 ) HØLLIN A HALSI Nú vetrarítróttargreinirnar eru givnar, er aftur meguleiki hjá fyritøkum og einstaklingum at leiga tímar til bólt- spæl. ITROTTARHØLLI Å HÅLSI Tlf. 11475 Sudurstreymoyar Javn- aðarfelag hevur árs- veitslu nú leygarkvøld- ið. Veitslan verður í HB- húsinum, og hon byrjar klokkan 19.30. Borðreitt verður við | neytakjøti og súpan, og aftaná borðhaldið spælir Javnaðarveitsla Driv til dans. Kostnaður 200 krónur fyri einstaklingar, 300 krónur fyri pør og 150 krónur fyri pensionistar. Tey, sum ætla at fara við í veitsluna, kunnu tekna seg á tlf. 15808 ella tld. 16369. | I—————————————————po————mmm—————