fríggjadagur 27. juni 2003síða 2

2 Nr. 119 - 27. juni 2003 Nr. 119 - 27. juni 2003 3 Spennandi boring í næstum: Risastór gasskelda millum Føroyar og Noreg Teir næstu mánaðir- nar fara tvey av heimsins størstu oljufeløgum, Shell og BP at bora ein brunn heilt norðaliga á bretska landgrunnin- um, miðskeiðis millum Føroyar og Noreg. Hildið verður at eitt risastórt gass- felt goymir seg í und- irgrundini har. Eitt møguligt fund her kann fáa týdning fyri framtíðar leiting við Føroyar OLJA Jan Müller Um somu tíð sum flestu eygu eru vend móti boring- ini hjá ENI í føroyskum øki verður nú seinasta hond løgd á fyrireikingarnar til at bora ein ikki minni spenn- andi brunn í bretskum øki. Ein brunn, sum eisini kann fáa stóran týdning fyri framtíðar leiting á føroyska landgrunninum, og her verður fyrst og fremst hugsað um økini har norð- uri móti bretska og norska markinum. Talan er um ein risastórur gassstrukturur, sum verður kallað Ben Nevis, ið er navnið á hægsta fjallinum í Skotlandi. So longu heitið á hesum komandi brunninum bendir á nakað stórt. Tað eru BP og Shell, sum hava ábyrgdina av boring- ini, ið liggur í einum øki, har Statoil eisini hevur lis- ens. Seinastu tíðina hevur verið roynt at fáa onnur oljufeløg at vera við í bor- ingina, tí talan er um ein rættiliga váðiligan brunn. Hann liggur í loyvinum 219/21 tvs. væl norðan fyri verandi oljufelt í bretskum øki. Hann er á Atlantsmót- inum og rættiliga langt norðuri á bretska land- grunninum millum norska og føroyska markið, í ein- um øki, har lítið er borað áður. Í hvussu er er eingin framleiðsla har í nánd. Vit skulu suður til Magnus feltið fyri at finna eitt fram- leiðandi felt. Borað verður í tíðar- skeiðnum juli, august og september við tí fram- komna Jack Bates bropi- pallinum, sum hevur staðið fyri fleiri leitibrunnum við føroyska markið. Orsøkin til at hesin brunnurin eisini kann hava føroyskan áhuga er tann, at roknað verður við at gera eitt stórt gassfund í løgum, sum eisini finnast í norsk- um og føroyskum øki. Tað eru longu gjørd stór gas- fund í norskum øki, eitt nú Ormen Lange, og hava ser- frøðingar fyrr mett, at møguleikar eru fyri at gera slík gassfund í føroyskum øki eisini. Bretska oljublaðið Upp- stream umrøður Ben Nevis- strukturin sum “a monster”.Blaðið skrivar, at her kunnu liggja goymd upp til 20 billiónir kubikk- føtur av gassi ella svarandi til 7.8 Tcf. Brunnurin skal borast á 900 metra dýpi og verður borað 3000 metrar longur niður. Hann er mett- ur at kosta 170 mill. kr. Gass skal liggja í jarð- frøðiliga lagnum nevnt “cretaceous”. Boringin fer at vara í einar tveir mán- aðir. Seismikkurin vísir, at Ben Nevis líkist tí risastóra Ormen Lange strukturinum í norskum øki. Tað gassfelt- ið goymir sera stórar nøgdir av gassi. Hóast bjasrtskygni er stórt so ganga aðrar metingar út uppá, at talan kann vera um ein turran brunn tá avtornar. Norski jarðfrøðingurin, Terje Hagevang, sum hevur stóran kunnleika til bæði norskt og føroyskt øki og sum eisini fylgur væl við í gongdini í bretskum øki sigur við Sosialin, at brunnurin, sum BP og Shell fara at bora í næstum er sera áhugaverdur. Terje Hagevang sigur m.á. um hetta økið: “Det er en svært interessant brønn som skal bores til 3000 m på Ben Nevis strukturen i vanndyp på 910 m.Geolog- isk hører området til Fær- øy-plattformen, og har vulkanske intrusjoner (i dette tilfellet Brendan Dome), lava og samme letemodell (play model), dvs samme opprinnelse for hydrocarbonene, samme reservoarsander og felle- mekanisme. Brønnen vil derfor gi mye relevant in- formasjon for å vurdere prospektiviteten til de nord- lige områdene av færøysk sokkel som formodentlig blir inkludert i 2. runde.” Terje Hagevang var fyri nøkrum árum síðani leiðari fyri fyrireikingunum hjá norska oljufelagnum Saga Petroleum, sum ætlaði at vera við í leitingini á før- oyska landgrunninum. Fel- agið varð tó keypt upp av øðrum feløgum, eitt nú Norsk Hydro, sum ikki fekk leitiloyvi við Føroyar í fyrstu rundu. Herfyri umrøddi hann eitt møguligt stórt gassøki har norðuri á føroyska landgrunninum. (Sí gula økið á kortinum) Vit síggja á kortinum kendu olju- og gassfeltini í bretskum og norskum øki. Pílurin vísur Ben Nevis strukturin har norðuri í bretskum øki miðskeiðis millum føroyska og norska markið. Jack Bates skal bora Ben Nevis brunninn í næstum Á kortinum síggja vit risastóra norska gassfeltið Ormen Lange og við Føroyar síggja vit eitt øki har norðuri, har eitt nú norski jarðfrøðingurin Terje Hagevang heldur møguleikar verða fyri at finna stórar mongdir av gassi. Miðskeiðis millum norska og føroyska økið fara BP og Shell nú at bora eftir tí tey halda er ein risastór gasskelda. Henda boringin kann fáa stóran týdning fyri framtíðar leiting við Føroyar og møguliga fyri komandi 2. útbjóðing. Kelda Sagex C M Y K 3 2