mikudagur 25. mai 1994síða 9

FR Mikudagur 25. mai 1994 : JE - TODI JÓNSSON ER NU Í SUPERLIGAINI Var á Lyngby liðnum, sum annan hvítusunnudag ítróttarparkini tapti 3-0 móti FC Keypmannahavn Todi Jónsson skrivaði søgu, tá hann frá fyrsta bríksli í 2. hálvleiki kom inn á liðið hjá Lyngby, sum leikti móti grannunum úr FC Keyp- mannahavn. Abraham Hansen og Hendrik Thom- sen hava spælt í 1. deild í Danmark, men Todi Jóns- son er fyrsti føroyingur, sum er í fremstu rgð, síðani superligain kom í 1991. Dysturin varð leiktur í ítróttarparkini, og 8.500 áskoðarar sóu FC Keyp- mannahavn vinna 3-0 og harvið styrkja um sína støðu í oddinum. Øll málini vórðu skotin í 1. hálvleiki, og longu tá 10 minuttir vóru leiktir var stødan 2-0. - Tad vóru ikki meiri enn 10 minuttir leiktir, tå Mich- ael Schåfer, venjarin hjå okkum, gav mær bod um at fara og hita upp. Tå var stødan 2-0, og tað sá ikki nakað serligt út. Tá hinir fóru inn at hvíla seg, varð eg biðin um at halda fram við upphitingini, og so kom eg inn á midvøllin i vinstru síðu, greiðir Todi Jónsson frá. Og hjálpti tað nakað upp á spælið? — Tað broytti í hvussu so er einki upp á úrslitið. FCK vóru helst nøgdir, og vit megnaðu ikki at skapa spenning í. Tað var nógv renning, leikferðin var hægri, enn eg eri vanur við, soeg var ógvuliga móður, tá dysturin var liðgur, greiðir Todi Jónsson frá. Eftir dystin ynskti venjar- in honum tillukku við fyrsta dystinum í superligaini, men um Todi verður á liðn- um, tá teir komandi sunnu- dag á heimavølli taka ímóti AaB úr Álborg, dugir Todi ikki at meta um: — Tveir leikarar, sum hava verið fastir á besta liðnum, eru skaddir í løtuni. Í hvussu so er annar teirra er klárur aftur, men hann spælir ikki á sama plássi, sum eg plagi at gera, men nú fáa vit at síggja, sigur sáttligi og aft- urhildni klaksvikingurin, sum ásannar, at tað er 6gvu- liga nógv kapping um pláss- ini á besta liðnum. Gingið skjótt Todi Jónsson hevur við luttøkuni á hægsta stødi í Danmark víst fyri ødrum føroyskum leikarum, at tað ber til at koma langt, um orka verður nýtt at menna dygdina. ; Fyrrverandi Kl og B36- arin er å ongan hått komin til skorin klædi i Lyngby. Hann vandi vid og spældi å lægru lidunum hjå Lyngby seinasta heyst, og tå farið varð undir nýggja kapping- arárið vóru ongar ábending- ar um, at Todi skuldi leika á besta liðnum. Hansara navn var ikki millum tey 24, ið vórðu kunngjørd sum evni til besta liðið, og hann hevði einki fingið at vita frå venj- aranum um, at hann kundi roknað við nøkrum betri. — Tað hevur gingið skjótt teir síðstu tveir mánaðarnar. Tá farið varð undir lands- kappingina 20. mars, var eg ikki vísur í at eiga pláss á liðnum í Danmarksseriuni, og tað kom meiri enn so fyri, at eg varð skiftur út í U23 dystunum. Ein skaði darvaði eisini, so eg sá ikki serliga ljóst upp á fótbólts- árið. Men so fekk eg boð um at venja við besta liðnum. Har verður vant fimm ferð um vikuna seinnapart klokkan 15, tað hevur verið hugaligt, og eg havi kent tað menn- andi. Ment seg nógv Góðar keldur siga, at tað hevur gingið væl á Dan- marksseriuliðnum, har Todi hevur skorað fleiri vikuskifti upp i slag og ikki minni á U23 liðnum, har Michael Scháfer hevur ábyrgdina undir dystunum og tískil sjálvur hevur sæð, hvussu føroyingurin hevur ment seg. Roknaði tú við at fáa møguleikan nú? — Nei, eg varð kløkkur, tá eg fríggjadagin varð biðin at meta í ítróttarparkini 2. hvítusunnudag. = Vanliga verða 14 leikarar tíknir út, og á taktikkfundinum fær ein at vita, athann skal fara á åskodaraplåssini at sita. Í fyrstuni roknaði eg við, at hetta fór at verða mítt pláss, men tå eg sá, hverjir leikar- ar annars vóru, so var ikki óhugsandi, at møguleikin fyri plássi á beinkinum fór at vísa seg. Todi Jónsson møtti til venjingar seinnapartin í gjár, og hann ætlar at gera alt fyri at varðveita plássið. Hvussu gert tú tað? — Við at knýta nevnarnar saman, leggja alla orku f undir venjing og nyta MmØgu- leikan f dysti, uttan mun til hvørjum liði tað er á. Tað kann væl vera, at eg verði fluttur niður aftur á næst- besta liðið, men so má bara arbeiðast víðari, hóast ynskidreymurin sjálvsagt er at byrja inni á besta liðnum hvørja ferð. Framtíðin Í Lyngby eru nógvir, sum fáa pengar fyri at spæla fót- bólt, men tað ger Todi ikki. Hann hevur heldur íkki fingið tilboð um sáttmála. Hvat roknar tú við í framtíðini? — Tað veit eg ikki. Nú eru trý umfør eftir, so verður summarfrí og so skal Lyng- by taka lut í Totocup, sum er altjóða kapping fyri lið í Eu- ropa. Í slíkum kappingum plaga nýggir leikarar at fáa møguleikan, og fái eg hann, so taki eg av. Hvorki Kl ella B36 fáa gleði av Toda í summar. Hann kemur ikki heim, og hvussu tað verður við lands- liðsvenjingini dugir hann ikki at siga fløtuni. Enn hev- ur hann einki hoyrt frá FSF ella Allan Simonsen, men hann heldur hetta vera ógvuliga spennandi. -hn- Todi Jónsson — fyrsti føroyingur í donsku Superligaini 9 5 Á