leygardagur 5. juli 2003síða 15

Nr. 125 - 5. juli 2003 29 29 C M Y K 28 Nr. 125 • leygardagur • 5. juli 2003 • 77. árgangur • www.sosialurin.fo Sosialurin á Guernsey: Ingrid Bjarnastein, blaðkvinna Álvur Haraldsen, myndamaður Jákup Mørk, blaðmaður Petur Petersen, aðal- stjóri í Mentamála- ráðnum, ivast ikki í, at Føroyar einaferð um nøkur ár fer at vera vertsland fyri oyggjaleikunum aftur. Men um Føroyar fara at fáa ein so eina- standandi ítróttar miðdepil sum Beau Sejour her á Guerns- ey, veit hann ikki rættiliga at siga OYGGJALEIKIR Álvur/Ingrid Guernsey: Millum mongu føroysku ferðafólkini her á Guernsey er aðalstjórin í Mentamálaráðnum, Petur Petersen. Vit hava tikið eitt prát við hann um oyggja- leikir og ítrótt. – Eg ivist ikki í, at vit kunnu fáa oyggjaleikirnar aftur til Føroya um nøkur ár. Men tað krevur nógv, og longri vit bíða, meira verð- ur at fyriskipa og størri verða krøvini, sigur Petur Petersen. – Her hava tey gjørt nógv í sambandi við oyggjaleik- irnar. Til dømis er tann stóri ítróttarmiðdepilin, Beau Sejour, umvældur fyri 90 milliónir pund, og tað er yvir 900 milliónir krónur. – Tað er heldur ikki bara sum at siga tað, at fyriskipa ítrótt fyri yvir 2000 ítróttar- fólk. Nógv sjálvboðið ar- beiði skal til, og tað krevur ein ótrúligan stuðul frá tí lokala samfelagnum. Men tað er ikki ein ómøgulig uppgáva at fáa oyggjaleik- irnar aftur til Føroya, held- ur aðalstjórin. Størsta hending Petur Petersen vísir á, at krøvini til allar kappingar- nar gerast harðari og harð- ari, og longri tíð fer, hægri verða krøvini um Føroyar skulu skipa fyri oyggjaleik- unum. – Eisini Beau Sejour. Tað er lættari at hava ein ítróttarmiðdepil uppá hand- an mátan her, tá fólkið býr á einari oyggj og er savnað um St. Peter´s Port. Í Før- oyum hevði tað verið verri, tí hvar skuldi ein slíkur miðdepil ligið?, spyr Petur Petersen. – Nú er Vágoyggin bund- in føst, og skjótt Norð- oyggjar eisini, so eg haldi ikki, at tankin um ein ítrótt- armiðdepil er utopiskur. Men tað er givið, at tað er dreymurin hjá einum og hvørjum oyggjasamfelag, at hava so góðar umstøður til ítrótt, sum tey hava við Beau Sejour. Oyggjaleikir- nir eru eisini vorðnir til størstu ítróttarhending í Evropa í ár, so tað sigur rættiliga nógv. Aðalstjórin heldur, at tað tekur góða konsentratión og ein má duga at síggja álvaran í uppgávuni. Mentamálaráðið letur annars stuðul til ítróttaran- legg. Men fara oyggjaleik- irnir nakrantíð at vera at síggja á løgtinsins fíggjar- lóg? – Onnur mugu taka stig til at fáa stuðul frá Menta- málaráðnum. Ítróttarfeløg ella lokal. Og um oyggja- leikir skulu fyriskipast, so eru tað nógv sum skal spæla væl saman. Komm- unur, land og so víðari. Men eg eri ikki politikkari, so eg dugi ikki at svara uppá, um oyggjaleikirnir nakrantíð koma á fíggjar- lógina. Men kann man brúka ov nógvan pening uppá ítrótt og mentan? – Um tú vilt hava eitt stutt svar, so er tað nei. Tað kann man ikki. Men tað er ikki nógvur peningur, sum Mentamálaráðið fær at luta út, og so verður alt lagt eft- ir, hvørji ítróttarlig, ment- anarlig tiltøk og hvørjar byggingar eru á skránni, áðrenn pengarnir verða býttir út, sigur Petur Peter- sen. – Nú hava vit eisini sett eina nevnd, sum skal gera eitt álit um ítrótt í Føroyum, tí vit hava mett, at ítróttin er so týdningarmikil og vítt- fevnandi, at hon skal hava eitt álit fyri seg. Á oyggjaleikunum hevur aðalstjórin í Mentamála- ráðnum annars gingið runt og hugt eftir ymsum ítrótt- argreinum. – Harafturat havi eg roynt at fingið eitt sindur av mentanini við, og vitjað søvn og so víðari. Nú havi eg fingið eina nøkunlunda hóming av, hvussu tað er at skipa fyri oyggjaleikunum, men tað er verri enn so ikki fullfíggjað. Tað ber ikki til uppá so stutta tíð. – Føroyar eru heldur ong- in pinkutjóð í oyggjaleika- høpi, og endamálið við teimum má vera, at tú tekur lut og tú eisini skipar fyri. Oyggjaleikirnir koma aftur til Føroya, og teimum klára vit at skipa fyri. Tað er ong- in grund til at halda seg aftur, tí tað gerst ikki lættari við at bíða, sigur Petur Pet- ersen, aðalstjóri í Menta- málaráðnum at enda. Petur Petersen: Fleiri fólk, fleiri kappingar, fleiri krøv – Eg ivist ikki í, at vit kunnu fáa oyggjaleikirnar aftur til Føroya um nøkur ár. Men tað krevur nógv, og longri vit bíða, meira verður at fyriskipa og størri verða krøvini, sigur Petur Petersen Nýggjasta skotið á stammuni innanfyri ítrótt og politikk er eitt álit um ítróttina í Føroyum. Menta- málaráðið hevur sett ein arbeiðsbólk, sum skal evna til eitt álit, sum skal verða klárt í februar 2004 ÍTRÓTTUR Álvur/Ingrid Guernsey: Mentamálaráð- ið hevur sett ein arbeiðs- bólk, sum skal gera eitt álit um ítróttina í Føroyum. Hetta álitið skal vera klárt í februar 2004. Mett verður, at ítróttin í Føroyum er so umfatandi og spennir seg so breitt, at tað er brúk fyri, at hon fær eitt serskilt álit. Í arbeiðsbólkinum sita Katrin Joensen, forkvinna í Svimjisambandi Føroya, Sølvi R. Hansen, ítróttar- ráðgevi og formaður í ser- sambandi fyri frælsan ítrótt og Johan Petur Hentze frá Mentamálaráðnum. – Eg fekk áheitina og arbeiðssetningin sendan næstan beint áðrenn vit fóru avstað. Tað er ein stór uppgáva, har útgangsstøðið verður tikið í verandi støðu, sum ítróttin er í í Føroyum, og eisini hvat vit vilja við ítróttini í framtíðini, sigur Katrin Joensen, sum er við í arbeiðsbólkinum. – Hetta er spennandi, og tað er nógv at taka hond í og seta seg í, tí ítróttarøkið í Føroyum spennir so vítt. Tað verður spennandi at vita, hvat vit koma til, tí hetta er fyrsta ferðin, at ítróttin fær eitt serskilt álit. Arbeiðsbólkurin hevur havt sín fyrsta fund her niðri á Guernsey, har tey hava tikið arbeiðssetningin ígjgønum og okkurt afturat. – Tað fer at krevja nógv, og taka nakað av tíð. Eg havi sjálv ongantíð verið við í einum slíkum arbeiðs- bólki fyrr, men frá ítróttini í Føroyum hevur tað verið eitt ynski, at vit fáa eina politiska útmelding. Sjálv- andi er tað upp til lands- stýrismannin, hvat hann ger aftaná álitið er liðugt, men vit ganga út frá, at poli- tikkarnir koma við aftur- meldingum, sigur Katrin Joensen. Eftir bronsumerki á seinastu oyggjaleik- um vann Heri Ziska gull í klingruvarpi hósdagin, tá hann tveitti klingruna 45,28 metrar KLINGRUVARP Álvur/Jákup Guernsey: Fjóðra før- oyska gullmerkið á oyggjaleikunum gjørdist veruleiki, tá Heri Ziska hóskvøldið tók lut í klingruvarpi. Undan hesum hevði Heri sagt, at um nýggi kastiteknikkurin hjá honum riggaði, so rokn- aði hann við gullinum, og hetta kom eisini at halda. Longu í triðja um- farinum, tá allir kastar- arnir framvegis vóru við, tveitti Heri klingruna 45,28 metrar, og hesum rakk eingin av hinum sjey, sum síðani royndu seg í sjálvum finaluum- farinum. Næst við var ein kastari av Rhodos, men tá hann í sætti royndini bert kom á 44,07 var eisini hann úti av kapp- ingini. Helt lyftið Heri segði eisini undan kappingini, at hann van- liga kastar sítt besta kast á árinum á oyggjaleik- unum, so soleiðis varð eisini hesaferð. - Eg haldi sjálvur, at hetta var mítt besta kast síðani 1999, so hetta er nógv besta kastið í longri tíð. Og teknikkurin riggaði eisini væl. Hevur tú gjørt eyka nógv við tann partin av venjingini seinastu tveir dagarnar? - Nei. Eg var og kast- aði eitt sindur fyrradagin, men annars hevur tað fyri tað mesta verið mental venjing, so eg var klárur í høvdinum í dag. Tað hevur minst líka stóran týdning. Og tað tóktist heldur ikki at nerva teg í seinasta kastinum, at tú longu hevði vunnið. Hevði tað lættasta ikki bara at fara jublandi út og so bara tveitt klingruna onkrastaðni. - Nei. Slíkt dugi eg slettis ikki. Arbeiðið skal gerast liðugt, somikið einfalt er tað, segði Heri at enda, áðrenn hann fór eftir gávuni, sum hann hevði lovað dóttrini und- an fráferðini til oyggja- leikir. - Eg segði við hana, at eg fór at koma heim við einum gullmerki, so tað er gott, at mann onkun tíð kann halda tey lyfti, sum eru givin, segði ein brosandi gullvinnari at enda. Gullið kom aftur Longu í triðju royndini tveitti Heri klingruna út á 45,28 metrar, og hetta var tað eingin, sum kundi gera honum eftir Álit um ítrótt: Stór og spennandi uppgáva Dublurnar hjá før- oysku borðtennis- spælarunum eru slignar út bæði hja kvinnum og monn- um. Men Kjartan Eli Hentze hevur fingið í minsta lagi bronsu. Í gjár skuldi hann spæla hálvfinaluna, har hann skuldi finna útav, hvørjum slagi av metalli heiðursmerki skuldi verða gjørt av BORÐTENNIS Álvur/Ingrid Guernsey: Føroyski borð- tennisspælarin, Kjartan Eli Hentze, hevur í øllum før- um tryggjað sær eina bronsu í borðtennis fyri einstaklingar. Hann skuldi í gjár spæla hálvfinaluna, har tað saktans kundi farið báðar vegir, tí tann honum Kjartan Eli skuldi møta í hálvfinaluni, vann hann á í liðkappingini. Dublurnar hjá føroysku borðtennisspælarunum eru báðar úti av kappingini. Kjartan Eli Hentze og Peter Niclasen spældu taptu fjórðingsfinaluna 3-1. – Tað var ein tættur dystur, sum kundi farið báðar vegir. Vit vistu áðrenn dystin, at tað fór at vera trupult, men margi- nalarnir vóru ikki við okk- um hesaferð, segði Peter Niclasen eftir dystin. Paula Eikhólm og Maria Nielsdóttir spældu eisini dublur hósdagin. Fýra dyst- ir vóru á skránni, og taptu tær allar fýra við úrslitun- um 3-1, 3-0, 3-2 og 3-1. Hálvfinalan hjá Kjartan Eli var leikt fríggjadagin, men úrslitið megnaðu vit ikki at fáa við áðrenn evsta mark okkara. Men av tí, at tað ikki verður spælt um bronsuna í borðtennis, so er hon longu tryggjað honum. Minst bronsa til Kjartan Eli Paula Eikhólm og Maria Nielsdóttir vóru hósdagin slignar út av dublukappingini. Tær taptu allar sínar dystir Kjartan Eli Hentze og Petur Niclasen vóru í gjár slignir út av dublukappingini í einum tøttum dysti Arbeiðsbólkurin, sum er settur at gera eitt álit um ítrótt, avmyndað á Guernsey: F.v. Katrin Joensen, Johan Petur Hentze og Sølvi R. Hansen