hósdagur 10. juli 2003síða 2

2 Nr. 128 - 10. juli 2003 Nr. 128 - 10. juli 2003 3 Ternan 1 verður til Vípan Enn er ikki greitt hvat gamla Ternan skal nýtast til, nú nýggir eigarar hava tikið yvir. Hon broytir tó navn og eitur nú Vípan SKIPASØLA Stefan í Skorini Fólk skulu nú venja seg við, at gamla Ternan frá nú av kallast Vípan. Hóast Strandferðslan ikki vildi varðveita skipið, so vildi hon fegin varðveita navnið, og tí hava nýggju eigarar- nar nú givið skipinum nýtt navn. Tað er Faroe Group við Sjúrði Gorm Petersen, sum hevur keypt gomlu Ternuna fyri 510.000 krónur frá Strandferðsluni. – Hetta er eitt væl við- líkahildið skip, sum funger- ar væl og er í góðum standi, sigur Sjúrður Gorm Petersen. Fer møguliga av landinum Enn hava nýggju eigararnir ikki gjørt av, hvat Ternan 1 skal nýtast til, men ein møguleiki er at seta hana í sigling í øðrum londum, t.v.s. at leiga hana út til út- landið. Einki ítøkiligt er tó á borðinum enn. Strandferðslan hevði fimm boð upp á skipið, tá freistin at bjóða var úti tann 20. juni. Avgjørt varð at ar- beiða við tí hægsta boðnum uppá 750.000 krónur, men tá tað varð tikið aftur, varð skipið selt Faroe Group fyri 511.000 krónur, sum var tað næsthægsta boðið. Strandferðslan keypti Ternuna í 1970 úr Týsk- landi, og hon røkti farleið- ina millum Klaksvík og Leirvík fram til 1980, tá nýggja Ternan varð sett í sigling. Síðani broytti skip- ið navn til Ternan 1 og sigldi fyri tað mesta millum Havnina og Skálafjørðin og um Vestmannasund. Gamla Ternan varð smíð- að í 1960 í Wawelsflath í Týsklandi og hevur tískil 43 ár á baki. Faroe Group hjá Sjúrði Gorm Petersen hevur nú tvey gomul skip hjá Strand- ferðsluni í flotanum. Felag- ið eigur eisini gamla Trónd, sum í nógv ár røkti farleið- ina til Sandoynna. Tróndur hevur júst havt tríggjar túrar sum vaktar- skip í oljuvinnuni, men er aftur í Føroyum nú. Triðja skipið hjá Faroe Group er Orion, sum er í fastari sigling hjá Statoil. Ternan 1 broytir navn og kallast nú Vípan. Nýggju eigararnir hava enn ikki gjørt nakran nýggjan sáttmála, hvat skipið skal nýtast til, men møguliga verður hon sett í sigling aðrastaðni enn í Føroyum Mynd: Skipalistin C M Y K 3 2