týsdagur 22. juli 2003síða 11

Støkk í Spania Fimleikagenturnar hjá Støkk eru afturkomnar av væleydnaðari fimleikastevnu í Spania FIMLEIKUR Stefan í Skorini Fimleikastevnan í spanska býnum Alicante, sum gentuliðið hjá Støkk luttók í, endaði tann 18. juli. Talan var um eina fimleikastevnu og ikki um eina kapping. Framførslurnar hjá fim- leikagentunum eydnaðust sera væl, hóast hitin var um 34 stig. Eisini á altjóða kvøldinum var framførslan góð, og fekk føroyska liðið rós frá øðrum luttakarum og venjarum. Mennandi Fimleikararnir eru á einum máli um, at slíkar stevnur eru mennandi fyri føroysk- an fimleik sum heild, tí her hava fimleikararnir høvi til at vísa síni kynstur og fáa nýggjan íblástur til veturin, hóast talan ikki er um eina kapping. Hetta er nakað, sum føroyskur fimleikur hevur gott av. Føroyska ferðalagið taldi 29 fólk, og tey eru sera væl nøgd við kappingina, og hvussu hon varð fyriskipað. Til stuttleikar kann nevnast, at tann yngsti í føroyska ferðalagnum var fýra mánaðir, og tann elsti var 75 ár. Býurin Alicante hevur 300.000 íbúgvar og hevur strond út til Miðjarhavið. Nr. 136 • týsdagur • 22. juli 2003 • 77. árgangur • www.sosialurin.fo Fremsta rað fra vinstru: Monika W. Poulsen, Sonja Joensen, Anna H. Joensen, Karla Maria Gaardbo, Henny Joensen. Mittasta rað: Jenny á Reynatrøð, Ann Mari Róin Johannesen, Hervør Heinesen, Rosa Heinesen, Jonva Joensen. Aftasta rað: Rannva Troest (venjari), Bodil Tausen, Súsanna Thomassen, Sarita Heinesen, Kristina R. Olsen, Joan Simonsen 21 20 Nr. 136 - 22. juli 2003 UMMÆLI Rógvi Borðoy og Johan Jacobsen Kimmo kauppinen, 23 ár, sum er kjarnin í K-system, hevur verið í gongd í níggju ár, harav hevur hann brúkt egnan tónleik í sjey ár. Hann kemur frá býnum Haameenlina, ein býur uppá eini 50.000 íbúgvar. Hann sigur, at tónleikurin snýr seg um orku, so fólk hava okkurt at dansa til. Hesin hevur fingið nógva viðurkenning í Finnlandi og tað sær út sum um, at eitt størri gjøgnumbrot er nærri - nú aftaná 9 ár. Fyri stuttum spældi hann fyri 11.000 russum í eini ís- skoytihøll í Sankta Pæturs- borg. Øll manningin, films- menn, model og umboðs- maður siga seg vera sera bergtikin av Føroyum. – Hetta er eitt eksotiskt land tit hava her, sigur Kimmo. Spurdur um hvussu mót- tøkan hevur verið svarar Kimmo, at tað heila hevur verið professionelt fyri- skipað. – Vit hava havt tað sera gott her. Eingin trupulleiki og øll hava verið sera blíð. Ein fløga er komin og næsta fløgan er á veg frá K- System, stakfløgan kemur fyrst í august, tað er nokk í hesum sambandinum at sjónbandalagið, sum teir so dúgliga hava tikið upp her á klettunum, fer at verða víst. Og teir vænta, at tað í hvør- falli kemur á MTV Nordic. UMMÆLI Rógvi Borðoy og Johan Jacobsen Spældi á sandinum og fangaði tey flestu sum vóru komin at hoyra hendan bólkin. Teir í manningin eru millum teir bestu í Føroyum og tað hoyrdist eisini. Fleiri av løgunum vóru rættiliga frítt samansett, so nógv rúm var fyri improvisering. Tað ljóðaði sera væl og ómøguligt er tað, ikki at steðga á eina løtu, tá ein hoyrir vokalin sum hesin bólkurin eigur. T.d. eydnaðist tulkingin av sálminum »Krist stod op« sera væl. Endin á hesi deiligu løtu kom rættiliga brádliga á, men ein kemur fyri seg. UMMÆLI Rógvi Borðoy og Johan Jacobsen Vit føroyingar kenna hann væl, og vita hvat vit fáa á einari konsert hjá Hanusi. Hann var betri fyri enn nakrantíð á Spæliplássinum í Gøtu, og hann fekk beinanvegin eina góða kontakt við lurtararnar, sum sungu við nærum alla tíðina. Hanus G. Johansen hev- ur vunnið hjørtuni hjá teimum ungu eisini, og tað sama við útlendingunum, sum hoyrdu hann. Hanus strálaði av sjálvsáliti og spæligleði. Hann sang teir best kendu sangirnar sum »Átjan« og »Saknur«, og hóast hann gloymdi tekstin til eitt kvæði, hann sang, var tað ikki ein forðing, heldur gjørdi tað huglagið á konsertini meir heimligt og náttúrligt. Hanus G. Johansen UMMÆLI Rógvi Borðoy og Johan Jacobsen Ljóðið á hesari konsertini var ikki av tí besta. Tað var heldur runut, tíverri, og tað gjørdi upplivingina av bólkinum heldur veika. Sjálvum tónleikinum var tó einki galið við. Sangirnir vóru ógvuliga orkufullir og tíðum dreymakendir. Glory- box skifti ofta tempo í sangunum, og tíverri gjørd- ist flowið tíðum oyðilagt av tí. Sangarinnan hevur eina góða og heldur smædna rødd, og saman við føroy- ska gittarspælaranum sang hon duettir, sum virkaðu sera væl. Eitt tiltak á palli- num, »wall of sound« ella ljóðmúrur, riggaði sera væl. Tað virkaði við at allir tónleikararnir í bólkinum stillaðu seg fremst á pallin at halda gang við teirra ljóðførum. Glorybox eru ikki bangin fyri at royna nýggj mørk innan tónleik- in. Glorybox UMMÆLI Rógvi Borðoy og Johan Jacobsen Hetta var nakað í serflokki, má sigast. Bomfunk MC’s kenna seg heima á einum palli, og teir vita júst, hvat skal til fyri at fáa fjøldina í gongd. B.O.W., sum for- sangarin kallast, fekk lurt- araskaran til at veittra, rópa og hoppa í takt, og kontakt- in var sera góð millum bólk og fólk. Tá teir komu inn at spæla eykalagið »Freestyl- er«, kom B.O.W inn í einari HB-troyggju, og tað fekk í hvussu so er lurtararnar til at koma við teirra meining um HB, antin tað var gott ella ringt. Tónleikaliga eru allir limirnir í Bomfunk MC’s serstakliga góðir. Serliga vóru tað trummur og bassur, sum stuðlaðu hvørjum øðrum væl. DJ-ar- in var ikki verri, og ein solo frá honum fekk rættiliga ryst fólkini í gongd. Break- dansararnir vóru sera góðir, og vístu næstan akrobatisk evni. Teir vóru í serflokki, finsku úrmælingarnir. Bumfunk MC’s UMMÆLI Rógvi Borðoy og Johan Jacobsen Við einari hárfínari rødd legði Rúnar sítt sangtilfar fram fyri áhoyraran. Rødd- in var sjarmerandi, ein kundi trúð hon fór at knekka hvørja løtu, hetta legði nakað afturat tí in- tensiva dimensjónina av framførsluni. Tekstirnir vóru á enskum og snúðu seg m.a. um kenslur og kær- leika, hetta var sungið inni- liga og varkurt. Fleiri av løgunum vóru spennandi, men hetta var tó ikki nokk til at halda sjón- ina og hoyrnina støðugt festa á tað sum kom av lítla pallinum á spæliplássinum. Ein fekk eina kenslu av endurtøkum og røddin byrjaði at líkjast einum am- erikanskum sentimentalum rokksangara av grunge- bylgjuni, sum t.d. Grand Lee Buffalo, frá fyrst í 90´unum og stílurin var nokk merktur av Jeff Buckley. Hetta eru jú góð nøvn, men tað er ikki gott nokk bara at líkjast. Nú fari eg kanska illa við mannin- um, tí framførslan í Losjuni hóskvøld eydnaðist nógv betri. Umstøðurnar vóru kanska nógv betri, ljóðið var betri og tá fekk hann eisini meiri samband við áhoyraran. Rúnar K-System UMMÆLI Rógvi Borðoy og Johan Jacobsen Vinnararnir av Prix Føroy- um vóru í essinum leygar- kvøldið á Sandinum í Gøtu. Teir vóru sera móðir, tí teir hava fyrireikað sjálvan festivalin, men tað hoyrdist als ikki á framførslu teirra. Gestir eru sera væl saman- spældir, og teir yvirhála hvønn annan tónlistarliga. Serliga má Tórfinnur, gittarleikarin, takast fyri fult, og hann dugir sera væl at skapa eitt sorgblítt hug- lag. Kontaktin til fjøldina var ikki líka góð sum hjá øðrum bólkum, men hin- vegin spæla Gestir heldur ikki sama slag av tónleiki sum aðrir bólkar. Fram- førslan var einar 10 minutt- ir ov sein av tekniskum orsøkum, og ein lítil pausa var eisini av somu orsøk. Hetta er ein bólkur, sum vit fara at hoyra nógv til í framtíðini. Um tað, ið hendir tá ein fær gásarhold Vøddin »Erector pili«, spennir í hárrótina. Hetta skal vera fyri at halda hitanum. Hetta kropsfyri- brigdi koyrir gjøgnum tí sokallaðu, autonomu ella sjálvstýrandi nervaskipanina, og er uttanfyri tilvit- aða viljastýring. Ummæli av nøkrum úrvaldurm bólkum Gestir UMMÆLI Rógvi Borðoy og Johan Jacobsen Við fólkakærum songum sum »Saknur«, »Mær leing- ist« og »Send me the pillow that you dream on«, var tað ikki ringt at vinna hjørtuni hjá lurtaraskaranum. Eivør hevði við sær ein kontrabassist, sum var sera stabilur og gav ein góðan og sterkan botn. Framførsla teirra var av einari góðsku, at tað mundu vera nógv, sum fingu gásarhold, tá hon við stórum sjálvsáliti, og tó eyðmýki og ró fangaði oyruni á lurtarunum. Eivør Pálsdóttir hevði eina ta bestu framførsluna sum var á Sandinum, og millum lurtararnar hoyrdist nógv tos um, hvussu frálík hon var. Hon er bert 19 ár, og tulkar løg sum hevði hon nógv ár á baki sum tónleikari. Toppkarakter til Eivør. Eivør Pálsdóttir Enekk C M Y K 20