týsdagur 16. mai 2000síða 2

3 tíðindablaðið sosialurin Nr. 93 - 16. mai 2000 SMS · Tel. 353535· Fax 353536 E-mail: tryarin@post.olivant.fo Ábyrgdarblaðstjóri: Jan Müller Blaðstjóri: Eirikur Lindenskov Marknaðardeild: Jonhard Hammer Dagbjørt S. Hansen Blaðfólk: Áki Bertholdsen, Turið Kjølbro Dánjal Højgaard Dagfinn Olsen John Johannessen Sveinur Tróndarson Eyðun Klakstein Høgni Mohr Ítróttur: Jákup Mørk Myndamenn: Jens Kristian Vang Álvur Haraldsen Útgevari, uppseting: Sp/f Sosialurin Bústaður: Argjavegur 26, Argir Postadr: Postsmoga 76, 110 Tórshavn Telefon: 311820 Telefax. 314720 e-mail: post@sosialurin.fo Lýsingar: lysing@sosialurin.fo Internet: www.sosialurin.fo Prent: Sosialurin Sosialurin Oddagrein Postverkið - gísli í politiskari ósemju Viðmerking: AFTUR ein almennur stovnur er komin í fíggj- arligar trupulleikar. Hóast Postverkið ferð eftir ferð hevur gjørt vart við, at verandi gongd kann ikki halda fram, hevur landsstýrið ikki megnað at fremja eina loysn, so Postverk Føroya fær eina framtíð sum ein almennur tænastustovnur. TAÐ varð greitt fyri fleiri árum síðani, at inn- tøkugrundarlagið hjá Postverkinum var ov lítið. Men Postverkið er skipað eftir eini lóg, sum setir upp ávísar karmar fyri virksemið hjá Post- verkinum. Vøkstur er ikki í tí, sum hevur verið høvuðsgrundarlagið í arbeiðnum hjá Postverk- inum. Og sum almennur stovnur fær Post- verkið ikki kappast á teimum økjum, har menn- ing er. TALAN hevur tí verið um annaðhvørt at skipa Postverkið sum eitt alment partafelag ella ein sjálvstøðugan almennan stovn. Men tá leiðsl- an í Postverkinum ífjør kom við einum tilmæli at skipa Postverkið sum eitt partafelag, setti Postfelagið og Tjóðveldisflokkurin seg ímóti. Hann mælti heldur til at skipa Postfelagið sum sjálvstøðugan stovn. MEN sambært tí, sum er komið fram seinastu vikuna, er einki hent ávegis hesi loysn. Tað skilst, at stjórin í Post Danmark, sum hevur vitjað her, ikki hevur kunnað mælt til eina slíka loysn. Síðani er ikki meiri hent, hóast post- verkstjórin í fleiri skrivum til Vinnumálastýrið hevur gjørt vart við, at verandi gongd kann ikki halda fram. Í síðstu viku boðaði hann frá, at um ikki nakað hendir, fær Postverkið gjald- føristrupulleikar um nakrar mánaðir. Tað merk- ir, at vit hava ein almennan stovn afturat, sum er um at fara »á heysin«, uttan at landsstýrið hevur verið ført fyri at finna eina loysn,ella fremja ta loysnina, sum landsstýrið gjørdi semju um ífjør. FLESTU eru samd um, at Postverkið helst skal klára seg uttan at fáa pening á fíggjar- lógini, men so má Postverkið fáa ein karm at virka í, so tað kann vinna sær tað neyðuga fíggjarliga grundarlagið. Somuleiðis er tving- andi neyðugt, at leiðslan fær møguleika at nútímansgera Postverkið, sum er afturúrsiglt so tað forslær. FØROYA fólk hevur kra vum at hava eina góða posttænastu, sum er álítandi og sum lúkar tey krøv, sum okkara nútímans sam- skiftissamfelag setir. Henda setning hevur landsstýrið heldur ikki klárat at fremja í verki. Ístaðin hevur hon latið starvsfólk og postverks- stjóra vera gísla í einum politiskum spæli mill- um landsstýrisflokkarnar. Slíkt kann landsstýr- ið heldur ikki bjóða fólki. Men líkt er til at harmasøgan heldur fram: Stranferðslan, Heilsuverkið, Sjónvarpið og nú Postverkið. »Vit mugu hava greiðar linjur«, verður helst svarið. Men latið okkum fáa tær. Høgni Hoydal, landsstýris- maður hevur drúgva grein í Sosialinum fríggjadagin við heitinum: »Tað, sum vendir niður, vendir upp.« Hon er ikki bara long, men eisini rættiliga ósamanhangandi, tí vil eg bert gera viðmerk- ingar til sjálva byrjanina. Restina kann eg koma aftur til. Høvuðstráðurin í hesi grein er, at einki skil er meira í hesum landinum, tí vit hava eina andstøðu, sum í tíð og úrtíð tekur til orð- anna. Eina andstøðu, sum brúkar so ótrúliga orku til at finnast at sitandi sam- gongu og hennara politisku ætlanum. Ein andstøða, sum enntá dittar sær at fara í donsk bløð við lygisøgum, útspillingum av landsstýris- monnum og ósannindum um politisku ætlan lands- stýrisins. Hetta eru niðurstøður, sum verða gjørdar í einum ella øðrum formi av despe- rasjón, tí soleiðis hevur sær okkara veruleiki ikki út. Hetta eru beinleiðis skeivar niðurstøður. Eg vil beinanvegin siga, at eg als ikki skilji Høgna Hoydal og hansara uppfatan av einum demokratiskum samfelag. Tað er altíð hini, sum eru ósaklig, ósonn og sum einki hava skilt. Tað eru altíð hini, sum koma við ræðumyndum, og tað eru altíð hini, sum sláa hann og hansara viðhaldsfólk í høvdið. Tað eru altíð hini, sum grava seg niður í gomlu skotgravirnar. Sjálvandi var tað best fyri hann og restina av lands- stýrinum, um andstøðan ikki hevði tali- og skrivi- frælsi, men so skuldi Høgni Hoydal valt sær annað land at búð í, um tað er tað, hann ynskir, og tað slagið av londum finst enn, hóast gomlu Mekka´ini í Tirana, Moskva og Peking eru fall- in. Annað er so, at lands- stýrismaðurin kanska átti at broytt arbeiðssetningin hjá grundlógarnevndini, tí sum er ganga vit út frá, at eisini andstøðan í framtíðar Før- oyum fær tali- og skrivi- frælsi. Síðan vil eg siga, at mær tykir, at landsstýrismaðurin fellur ein órættvísan dóm yvir andstøðuna, tá hann leggur hana undir persón- liga útspilling og lygisøgur, um hann við andstøðuna har eisini hugsar um undirrit- aða. Eg havi ongantíð í mín- um politiska arbeiði ført meg fram við persónligum álopum hvørki henda ella handa vegin. Tað liggur mær so ótrúliga fjart, og gjarna fyllir tann eftir mín- um tykki sakligi og politiski parturin meira enn ríkiligt. Harnæst vil eg siga, at eg sjálvandi havi úttalað meg til donsk bløð, treyðugt so í tí støðu eg havi sum fólka- tingslimur, og tað ætli eg mær framhaldandi at gera, men eg havi altíð hildið meg til tann innihaldsliga partin. Men eftir øllum at døma er hetta eisini ovboðið fyri henda sokallaða »demokrat- iska« landsstýrismannin. Honum dámar enntá at føra seg fram við orðum sum rættarsamfelag og tole- ransu, men tey hava kanska annan týdning í hansara tot- alitera hugaheimi. Neyvan hevur nakar út- talað seg meira til útlendsk- ar fjølmiðlar enn Høgni Hoydal sjálvur, og tað er eisini í lagi við tí, tí hann er jú forsprákarin fram um aðrar fyri loysingini. Hann hevur enntá givið út bók um sína politisku uppfatan á donskum fyri danir. Og í farnu viku sendi hann sam- an við løgmanni og Helenu Dam á Neystabø faldara út í hvørt heim, har tey enn einaferð mála myndina so ljósareyða av framtíðarvón- unum fyri samráðingunum, hóast veruleikin fyri allar føroyingar er ein heilt annar. Og fyri skattgjaldarans pengar. Rættiliga raffinerarð má sigast - vit billa tykkum nakað inn, sum tit eiga at trúgva, og tit gjalda sjálvi fyri tað. Og her í seinastuni hevur Høgni Hoydal eisini megnað at drigið grønlend- ingar við inn í kjakið, hóast teir sjálvir hava lagt seg eina við ikki at gerast partur av málinum. Eitt skalt tú so vita, Høgni Hoydal, at tað skal meira enn hasi illsinisglepsini til, fyrr enn andstøðan stingur í sekkin og tegir fyri rest. Ikki veit eg, tá Høgni Hoydal og samráðingar- nevndin aftaná fundin 17. mars vóru komnir í rasshaft av láturliga búskaparliga út- spælinum við næstan óav- markaðari skiftistíð, tá kundi andstøðan knappliga brúkast. Jú, hetta var eitt útspæl hjá Javnaðaraflokk- inum, segði Høgni Hoydal í Tíðindaskrivi, sum løg- maður seinni segði einki vita um. Javnaðarflokkurin hevur so ongantíð arbeitt við einari skiftistíð frá mill- um 50 og 80 ár. Høgni Hoydal, hvat er tín uppfatan av einum fleir- flokkaðari politiskari skip- an? Gaman í, var bert talan um eina og somu trúgv, kanska bert tann eina flokk- in, so vóru atfinningar frá øðrum ein rár hending, men hjá okkum skilja vit tað sum eina styrki fyri demoktaisku tilgongdina, at øll koma til orðanna. So, orsakað eg sigi tað, so tykir mær, at tú onkurs- vegna er komin í klemmu millum eina farna og eina nýggja tíð. Múruruin fall ikki bara eitt sindur, nei hann skrædnaði líka í botn, Høgni Hoydal Lat teir ikki ráðgeva tær um bert at taka ein part av nýggju tíðini við, fyri síðan eisini at varðveita leivdirnar av tí mest ræðu- liga, nevniliga tørvandi virðing fyri einari demo- kratiskari tilgongd, har eis- ini andstøðan og onnur sleppa framat. Vit brúka hóast alt ikki skattgjaldarans pening til selja okkara sjónarmið. Jóannes Eidesgard Múrurin fall ikki bara eitt sindur, Høgni Hoydal Leikurin [Fikz] er um ung, kærleika, stoffir, vinir og foreldur. Eyðna rýmur heimanífrá og flytur inn hjá sjeikinum Lars. Tey bæði hava tað fínt saman til Petur, ið er pushari og vinmaður Lars, kemur uppímillum. Stoffir byrja at blanda seg inn í lívi hjá Eyðnu, og nógv broytist. Hvat síðani hendur fara vit ikki at avdúka her. Leikurin er gjørdur av ungum til ung. Undir leiki- num standa tey í Fokus sjálvi fyri ljóð og ljós skifti. Í seinnu helvt av decemb- er 1999 fóru tvær gentur, frá Barnasjónleikarafelagnum ’Dramaverkstaðnum’ í Havn, undir ætlanina at stovna ein sjónleikarbólk. Ein teirra var komin fram á tvær lýsingar inni á Inter- netinum um tvær sera spennandi sjónleikarastevn- ur í Íslandi og Danmark summarið 2000, og setti seg síðani beinavegin í samband við vinkonu sína. Tann 6. januar var bólkurin stovn- aður, og var tá komin uppá fimm leikarar. Høli at venja í skuldi finnast, og tá Dram- averkstaðið í Havn, var bjóða teimun, tóku tey av við gleði. Tá hugskot um evni var komi fram, var fari undir at improvisera seg fram til ein leik. Fyri at fáa tey ymsu improviseraðu brotini tengd saman, var fari undir, saman við Hjørdis Jo- hansen, at seta saman, fylla út og skriva endaliga leik- ritið. Fikz er fyrsti leikurin bólkurin framførir. Bólkurin er nú komin undir Havnar Sjónleikara- felag. Í juni og juli fer Fokus so avstað til Íslands og Dan- mark, har tey skulu fram- føra leikin. Sýningar í sjónleikarhús- inum í Havn: Týsdagin 16.05.00 kl. 20.00 Ungmannabólkurin Fokus sýnir leikin [Fikz] Mikudagin 17.05.00 kl. 20.00 Í Losjuni í Gøtu: Fríggjadagin 19.05.00 kl. 20.00. Kunngjørt verður at góði pápi, verfaðir og abbi okkara TÓRUR SJÓFØDDI AV VOLLANUM, Saltangará andaðist í heiminum fríggjadagin 12. mai 2000, 58 ára gamal. Jarðarferðin verður úr Berøa, Saltangará, 16. mai kl.13.00 Familjunnar vegna William, Petur, Jørgin, Birgir og Sigrun ✝