mikudagur 13. august 2003síða 2

2 Nr. 150 - 13. august 2003 Nr. 150 - 13. august 2003 3 Vatn kom í brenni- evnið á skutaranum hjá Alta S. Petersen, og tí bóðu teir um hjálp og sigldu til lands seinastu 80 fjórðingarnar við ein- um veitingarskipi. Ferðin heldur tó fram til Keypmannahavnar SKUTARAFERÐIN Eirikur Lindenskov Royndin hjá teimum báð- um, 26 ára gamla Sveini Høgnason og 31 ára gamla Atla S. Petersen, endaði fyribils umborð á einum veitingarskipi á Jotum olju- feltinum í Norðsjónum 80 fjórðingar úr Stavanger. – Tað var eg sum fekk trupulleikar við mínum skutara. Annaðhvørt er vatn komið í luftinntakið ella í brennievnið, sigur Atli S. Petersen, tá vit hittu hann í fartelefonini úr Stavanger fyrrapartin týsdagin. Teir báðir, Atli S. Peter- sen og Sveinur Høgnason vóru komnir meiri enn hálva leið úr Hetlandi til Noregs, tá skutarin hjá Atla fór at ganga so illa. Motor- urin steðgaði ongantíð – og tað skuldi hann helst ikki gera, tí skutarin kann ikki sleipast, tí tá tekur maskin- an vatn inn. Teir vendu tí aftur til ein veitingarbát, ið lá á Jotum oljufeltinum einar 80 fjórðingar úr Sta- vanger og bóðu um hjálp. Har vórðu skutararnir tiknir umborð. Tá teir hivaðu skutaran hjá Atla umborð, brotnaði ein partur av róðrinum, og tað er hendan eykalutin, teir nú vóru í ferð við at umvæla í Stavanger. Annars gekk túrurin tvørtur um Norðsjógvin ikki heilt, sum ætlað, sigur Atli S. Petersen. – Vit høvdu fingið lova nóg mikið av brennievni frá einum veitingarbáti á veg- num, áðrenn vit fóru úr Hetlandi, men vit fingu bert 40 litrar í part, og tað var ikki nóg mikið, greiðir Atli frá. Hann sigur, at á túrinum úr Føroyum til Hetlands brúktu teir 200 litrar í part – teir kunnu hava 250 litrar umborð í part, og tað vildu teir hava til túrin til Noregs. Teir høvdu eisini góðar veður- vánir, tá teir fóru, men veð- rið var ikki so gott, sum roknað var við, hóast vandi ongantíð var á ferð, sigur Atli S. Petersen. – Men vit hava havt tað fínt, og vit hava gott mót um at halda fram, sigur Atli, sum leggur dent á, at trygdin hjá teimum alla tíð- ina hevur verið í lagi. Rós frá bjarg- ingartænastuni – Fólk hava fílst á, hví vit ikki hava bát at fylgja okk- um á ferðini. Men tað bera bara ikki til, og ein slíkur bátur kann so lítið gera. Tað ber ikki til at sleipa skutar- arnar, tí skulu teir umvæl- ast, so mugu teir takast upp, og tá mást tú hava ein størri bát, sigur hann. – Vit fingu eisini rós frá vaktar- og bjargingartæn- astuni í Hetlandi, tí vit vóru so væl útgjørdir við trygd- arútgerð. Teir søgdu, at tað koma so nógvir bátar hand- anvegin, sum eru illa út- gjørdir, og so koma vit á tveimum vatnskutarum við góðari trygdarútgerð, greiðir Atli S. Petersen frá. – Vit hava hava ein bjarg- ingarbát til fýra, vit hava tríggjar GPS’arar, hóast vit bara hava brúk fyri einum, vit hava VHF’ara og satelit- telefon eins og eina ør- grynnu av neyðrakettum og blussum, greiðir hann frá. Alti sigur, at teir eru im- poneraðir av, hvussu væl teir kropsliga hava megnað túrin. – Vit høvdu væntað tað nógv verri. Tá vit komu til Hetlands vóru vit nokkso eymir, men eftir hvíldina høvdu vit tað nógv betur. Nú merkja vit tað sjálvandi á kroppinum, men tað eru í so máta eingir trupulleikar at halda leiðina fram. Fjølmiðlar stóran áhuga Tað er eyðsæð, at fjølmiðl- arnir hava áhuga í slíkum váðaferðum, sum hendan hjá Atla og Sveini. Atli S. Peteresen sigur, at telefonin hevur gingið heit, so nógvir miðlar vilja hava orðið á teir. Tá Sosialinurin hitti teir týsmorgunin, høvdu teir tosað við BBC, bretsk og skotsk bløð, við norska sjónvarpið, VG og donsk bløð. Atli heldur, at tað eru føroysku miðlarnir, ið hava víst tiltakinum minstan áhuga. Tá vit hittu Alta, vóru teir í ferð við at umvæla skut- aran. Hann væntaði, at hann fór at verða klárur einaferð seinnapartin týs- dagin, men teir fara í fyrsta lagi avstað úr Noreg í fyrra- partin í mikudag. – Vit eru komnir gjøg- num tað ringasta farvatnið, so tað skal ikki tarna okk- um nú, sigur Atli S. Pet- ersen, sum væntar at klára síðsta triðinging upp á ein dag – kanska í kvøld, um farið verður í dag, miku- dag. Tiknir upp á Jotumfeltinum Atli S. Petersen fekk trupulleikar við skutara sínum á ferðini um Norðsjógvin. Vatn kom í brennievni, og tí bóðu teir um hjálp frá norska veitingarskipinum, Normand Master, sum sigldi teir síðsta strekkið til Stavanger Í hesi vikuni byrjar Tjóðveldisflokkurin at leita eftir nýggjum mentamálaráðharra fyri Annlis Bjarkhamar, sum varð loyst úr starvi fyri skjótt hálvum ári síðan. RÁÐHARRALOYSI Rúnar Reistrup - Tað eru altíð nógv góð boð í Tjóðveldisflokkinum, sigur Høgni Hoydal, spur- dur um hvør er í hansara kikara, nú hann er farin at leita eftir nýggjum manni ella nýggjari kvinnu at seta í mentamálaráðharrasessin, har hann sjálvur hevur sitið hálvur seinasta hálva árið. Longu beint eftir at løg- maður av sínum eintingum gav Annlis Bjarkhamar tað gylta lógvatakið í mars mánað, segði Høgni Hoy- dal, formaður Tjóðveldis- floksins, at eingin nýggjur mentamálaráðharri fór at verða settur fyrr enn eftir ólavsøku. Til tað var polit- iska støðan ov óstøðug. Í farnu viku kom leingi væntaða avgerðin um Jógvan S málið, og hon letur til at hava verið tann seinasta óstøðuga vektin á samgonguvágskálini, tí stutt eftir kom alment fram, at Tjóðveldisflokkurin fer at seta nýggjan mentamála- ráðharra í næstum. Høgni Hoydal vil ikki seta nakra tíðarfreist á, men longu í hesi vikuni kemur aðalstjórn floksins saman við tingbólkinum at við- gera málið, so tað er ikki óhugsandi, at eitt navn verður nevnt, áðrenn hesin mánaðurin er liðin. Í mars mánað setti Tjóðveldisflokkurin fram 6 treytir, ið skuldu lúkast, um samgongusamstarvið skuldi halda fram. Nú verður nýggjur mentamálaráðharri settur, og samgongan rullar eftir øllum at døma víðari. Men hvussu stendur til við teimum 6 treytunum SEINASTI KJANSUR Rúnar Reistrup - Samgongan fær ein sein- asta kjans, ein absolutt seinasta kjans. So kontant vóru boðini frá Høgna Hoydal, formanni Tjóð- veldisfloksins, til sínar samgongufelagar, tá higar- til seinasta álvarsama sam- starvskreppan hjá sitandi samgongu fekk ein fyribils enda mitt í mars mánaði í ár. S a m g o n g u k r e p p a n stóðst, sum flestum kunn- ugt av, at løgmaður loysti táverandi mentamálaráð- harra Annlis Bjarkhamar úr starvi, uttan at Tjóðveldis- flokkurin var eftirspurdur. Almenna orsøkin til at Annlis Bjarkhamar fekk sekkin, var handfaring mentamálaráðharrans av setanini av nýggjum lands- antikvari, sum løgmaður ikki var heilt nøgdur við. Formaður Tjóðveldisfloks- ins var alt annað enn fegin um ta viðferð, sum løgmað- ur gav floksfelaganum, og fór undir at umhugsa støðu samgongunnar gjølla. Eftir óvissu í longri tíð um samgongan fór at bera ella bresta, høvdu sam- gonguflokkarnir ein (sjáld- saman) tíðindafund, har formaður Tjóðveldisfloks- ins gav samgonguni sín absolutt seinasta kjans og setti ein talmerktan lista við 6 treytum, sum skuldu lúkast, um samgongusam- starvið skuldi halda fram. Sambært formanninum í størsta samgonguflokkin- um, var orsøkin til kreppu- støðuna meira enn bara ein- staka málið um Annlis Bjarkhamar. Hetta var ein dropi í bikarinum, sum nú var um at flóta yvir. Bikarið tómt Í vikuni boðaði Høgni Hoy- dal frá, at nú fer Tjóðveld- isflokkurin undir at finna nýtt fólk til mentamálaráð- harrasessin. Merkir tað so eisini, at samgongan yvir- livdi sín seinasta kjans, at vatnstøðan í bikarinum er lækkað, at allar tær 6 tal- merktu treytirnar eru lokn- ar, og at Tjóðveldisflokk- urin er blíðkaður aftur? - Nei hatta havi eg onga viðmerking til. Vit gera okkum í heilum metingar um hvussu er statt við sam- gongusamstarvinum, men vit fara ikki út í fjølmiðl- arnar at diskutera innan- hýsis viðurskifti, svarar Høgni Hoydal. Svarið er í tráð við av- gerðina hjá Tjóðveldis- flokkinum um at halda inn- anhýsis mál innanhýsis. Men greiða má fáast á, um tey 6 treytirnar eru loknar, nú nýggjur mentamálaráð- harri eftir øllum at døma verður settur, so vit byrja í einum enda. 1. treyt: Samstarvslag broytast munandi: Tað fyrsta sum má fáast skil á, er sjálvt samstarvs- lagið og javnvágin millum flokkarnar, vóru boðini í mars. Er skil komið á sam- starvslagið hjá samgong- uni? - Tað er einki at fjala útyvir, at tónin enn er rætti- liga merktur av at flokkarn- ir ikki eru so samdir. Til dømis var tónin undir kjak- inum um løgmansrøðuna ikki serliga penur. Men tón- in er ikki so umráðandi um politiska arbeiðið annars virkar sum tað skal. Og tað ger tað stórt sæð, sigur Høgni Hoydal, sum ikki dylur fyri, at Tjóðveldis- flokkurin hevur bíðað eftir avgerð fiskimálaráðharrans um Jógvan S málið, áðrenn flokkurin fór undir at hyggja sær eftir einum nýggjum mentamálaráð- harra. - Nú er tað málið loyst, og vit eru nøgd við úr- skurðin, sigur formaður Tjóðveldisfloksins, sum tó noyðist at viðganga, at tað enn haltar eitt sindur við samstarvslagnum sum heild.. 2. treyt: Fullveldiskósin aftur á beint: Fullveldiskósin, sum hevur havt ilt við at fylgja kumpassini eftir farna val og nakað frammanundan, skuldi sambært krøvunum í mars aftur á beint, um s a m g o n g u s a m s t a r v i ð skuldi halda fram. Høgni Hoydal er rættiliga væl nøgdur við gongdina á hesum øki. - Allar tær treytirnar, sum vit tá settu, vóru í veruleikanum beindar ímóti at fáa burtur allar forðingar fyri einari fólkaatkvøðu um føroyskt fullveldi, sum jú er tað yvirornaða málið hjá Tjóðveldisflokkinum. Nú haldi eg at vit kunnu siga, at flestu forðingar hesum viðvíkjandi eru burtur. 3. treyt: Upprudding í fiskivinnupolitikkinum: Fiskivinnupolitikkurin hev- ur verið ein av teimum víg- vøllunum, har harðastu samanbrestirnir samgongu- flokkarnar ímillum hava verið. Jørgen Niclasen er fallin, og eftirmaður hans- ara fekk knívin á barkan frá Tjóðveldisflokkinum í sambandi við Jógvan S málið. Høgni Hoydal sigur seg nú hava fult álit á, at sitandi fiskimálaráðharri, Jacob Vestergaard fer at halda fram við uppruddingar- arbeiði sínum í fiskivinnu- reglunum. 4. treyt: Íløgur í skúlar fremjast: - Tað hava vit fingið ígjøgnum, sigur Høgni Hoydal í viðmerking til fjórðu treytina. 5. treyt: Sosialmálini fremjast: - Hatta er eisini fingið upp á pláss. 6. treyt: Almenni bygnað- urin endurskoðast og økismenning: - Hetta er ikki komið upp á pláss enn, men vit hava álit á, at tað fer koma í rættlag, sigur Høgni Hoy- dal í viðmerking til ta sein- astu av teimum 6 treytun- um, hann sjálvur setti fram, tá samgongan sá út til at vera bjargað í seinastu løtu fyri smáum fimm mánað- um síðan. Óslætt fyri framman Fýra og ein hálv treyt kunnu soleiðis siga at vera uppfyltar, og av seks er tað ikki so lítið. Sjálvur er for- maður Tjóðveldisfloksins rættiliga væl nøgdur við gongdina seinastu fimm mánaðirnar. - Vit ímyndaðu okkum ikki, at alt fór at fella full- komiliga upp á pláss eftir so stuttari tíð, men eg haldi at vit kunnu siga, at tað eru hend framstig, síðan støð- una tá. Men alt er langt frá komið í rættlag. Tá snúði ónøgdin seg serliga um at Annlis Bjarkhamar varð koyrd frá uttan nakra góða grund, og vit vita enn ikki, hví hon varð koyrd frá, sigur Høgni Hoydal. Men hann læt tað fara framvið borðinum tá, og tað skal heldur ikki skaða samgongusamstarvið nú ella í framtíðini. Tað málið er, sum fleiri aðrar sam- gonguósemjur, goymt, men ikki gloymt. At nýggjur mentamála- ráðharri verður settur nú er eitt tekin um at seinasta stóra kreppa er riðin av, men sambært Høgna Hoy- dal hevði tað verið optim- istisk at roknað við einum friðarligum restandi val- skeiði. - Vit eru komin um nak- rar boðar og nøkur sker. Men vit rokna ikki við at tað liggur slættur sjógvur fyri framman. Samgongan yvirlivdi sín seinasta kjans Leita eftir nýggjum mentamálaráðharra - ein seinasta kjans, ein absolutt seinasta kjans C M Y K 3 2 team85 the North Atlantic Link SMYRIL LINE J. Broncksgøta 37 P.O. Box 370 FO-110 Tórshavn Faroe Islands Tel +298 345900 Telefax +298 345950 booking@smyril-line.fo www.smyril-line.fo Shetland Cruise úr 1.018,- Farið verður av Havnini mánadag og komið verður aftur mikudag Nógvir handlar hava opið týsdag til kl. 18.30 Á farstøðini í Lerwick er møguleiki fyri at lata inn viðføri til varðveitslu til fráferðina hjá Norrönu summarið 2003 Gisting á hotelli Gisting á vallaraheimi úr 1.289,- úr 893,- Privat gisting Á túrinum luttekur føroyskt orkestur