mikudagur 20. august 2003síða 4

6 Nr. 155 - 20. august 2003 Nr. 155 - 20. august 2003 7 Mánadagin var so fyrsti dómur sagdur í teimum stóru hassj- málunum. Talan er um størstu nøgdirnar nakrantíð, og tí er talan um nýggja rættarsiðvenju, sigur ákærin HASSJMÁL Páll Holm Johannesen Seinastu mánaðirnar hevur verið ljós varpað á stóru nøgdirnar av hassji, ið ser- liga útlendingar hava roynt at flyta inn til Føroyar. Dómur varð mánadagin sagdur í málinum um 29 ára gamla íslendingin, sum í juli mánaði royndi at smugla 19,9 kilo av hassji til Føroya. Íslendingurin varð dømdur til at sita inni í 21 mánaðir, og hann tók við dóminum Vanlig mannagongd hev- ur verið í hassjmálum í Før- oyum, at tað verður givið tveir mánaðir fyri hvørt kilo av hassji. Málið við íslendinginum breyt hesa siðvenjuna. Dómurin áljóð- andi 21 mánaðir var ein lin- ari dómur, tí íslendingurin fekk bert 21 mánaðir fyri síni góð 20 kilo, og dómur- in er bara helvtin av tí, van- lig revsing plagar at vera. Ikki siðvenja Ákærin í málinum, Dorthe Møller Andersen, kravdi revsingina ikki verða minni enn 39 mánaðir, men dóm- arin gekk ímóti henni. Hóast íslendingurin fekk linari revsing, so væntar hon ikki, at hassjmál í framtíðini verða linari revs- að í Føroyum í framtíðini. – Hetta er fyrstu ferð, at sakarmál er um so stórar mongdir av hassji í Føroy- um, og hóast íslendingurin fekk mongdarrabatt, so vænti eg, at vit fara halda fast tveir mánaðir fyri kilo fyri tær smærru nøgdirnar, so talan verður ikki um nakra nýggja siðvenju, greiðir Dorthe Møller Andersen frá. Dorthe Møller Andersen hevur framvegis ikki av- gjørt, um málið skal royn- ast í Eystara Landsrætti. Visti ikki av stóru nøgdina Undir avhoyringunum játt- aði íslendingurin, at hann hevði góð 20 kilo av hassji á sær, og ætlanin var at halda fram til Íslands við hassjinum. Hann róð fram- undir, at orsøkin til, at hann royndi at flyta hassjið inn var, at hann skyldaði einum manni 500.000 krónur, sum hann hevði tapt í poker- spæli. Íslendingurin gjørdist ov- farin av, at hann hevði so stórar nøgdir á sær, tí sam- bært tí ákærda, so høvdu onnur krógvað hassj í bilhurðini hjá honum. Verjin hjá íslendinginum legði dent á, at tann ákærdi var á veg til Íslands, og at íslendarar ikki hava eins harða revsing í hassjmálum sum Føroyar, og tað átti dómarin at taka við í dømingini. Næsta málið í september Næsta stóra hassjmálið kemur fyri rættin einaferð í september. Hesum váttar Dorthe Møller Andersen, sum eisini verður ákæri í tí málinum. Tá verður talan um ein dana, ið seinast í juni mánaði royndi at flyta inn góð 20 kilo hassji til Føroya . Ákærin sigur, at vænt- andi verður sama upplegg ímóti dananum. Hetta merkir, at ákærin fer at leggja seg eftir, at danin fær um 40 mánaðir fyri tey tjúgu kiloini. – Sakin ímóti dananum minnir nógv um málið ímóti íslendinginum, og tískil verða málini viðgjørd nærum eins, og ti fara vit at krevja tað sama í tí málin- um, greiðir Dorthe Møller Andersen frá. Framvegis eru ikki allar íbúðirnar hjá SP/F Átak seldar við Marknagilsvegin. Arbeiðið gongur væl, og væntandi verða allar íbúðirnar klárar um ársskiftið BYGGING Páll Holm Johannesen Tað líður væl við íbúðar- byggingini á Marknagils- vegnum. Hóast smáparta- felagið Átak hevði trupul- leikar við byggiloyvinum, so røkist alt fyri, at tíðar- ætlanin fer at halda hjá fel- agnum. Ætlanin er, at allar tjúgu íbúðurnar skulu verða klárar um ársskiftið, og longu um tveir mánaðir verða tær fyrstu klárar at flyta inn í. Torkil við Sandá, ið sten- dur fyri byggingini, sigur, at arbeiðið hevur gingið sera væl, og at einir tíggju mans hava verið til arbeið- is, síðan farið varð undir byggingina. Ikki allar seldar Tað verða í alt 20 íbúðir, tíggju í hvørjari hædd. Talan er um flytiklárar íbúðir, har hvítvørur, flísar, tapet o.a. er íroknað í prís- inum. Íbúðirnar eru um 63 m2 hvør. Framvegis eru nakrar av íbúðunum tøkar. Torkil við Sandá upplýsir, at kostnað- urin á íbúðunum liggur millum 985.000 og 1.085.000. Hann er sann- førdur um, at tað fer at eydnast honum at sleppa av við allar íbúðirnar. Í løtuni verður arbeitt við at gera eitt goymslu- og fýrrúm. Goymslu- og fýr- rúmið verður bygt ímillum báðar íbúðarblokkarnar. Í samband við nýggju íbúð- irnar, verður eisini ein nýggjur vegur bygdur. Inn- koyringin til íbúðirnar verður frá Handilsskúl- anum, har ein vegur verður bygdur sum framhald av innkoyringini til Handils- skúlan. Málið um teir báðar italiumenninar, ið eru ákærdir fyri at hava neyðtikið ein 15 ára gamla norska gentu á einum gistingarhúsi í Havn, er framvegis undir viðgerð. Menninir eru skuld- settir fyri neyðtøku og neyðtøkuroynd, og teir eru framvegis varðhalds- fongslaðir. Varafútin, Finn Ougaard sigur, at framvegis ber ikki til at siga nær málið fer fyri rættin, tí málið er fram- vegis undir viðgerð. Italiumenninir eru varðhaldsfongslaðir til fyrst í september mánað. -páll Ákærin í hassjmálunum: Ikki talan um nýggja siðvenju Neyðtøkumálið framvegis undir viðgerð Fyrstu íbúðirnar lidnar um tveir mánaðir Tíðarætlanin hjá SP/F Átak heldur við íbúðarbyggingini við Marknagilsvegin. Væntandi verða allar tjúgu íbúðirnar klárar um ársskiftið Mynd: Álvur Haraldsen Tað verður eingin stjóraskrivstova smíðað í nýggja høvuðssætinum hjá Føroya Tele, sum verður »reist« fríggja- dagin. Eins og alt starvsfólkið skulu stjóri og deildar- stjórar sita í opnum kontórlandslag, tá at kalla øll fyritøkan flytur niðan í fjøllini komandi ár NÝBYGGING Rúnar Reistrup Tey, sum dagliga koyra framvið høvuðsinngond høvuðsstaðins í Hoyvík hava mestsum hvønn dag sæð eina broytta sjón síðsta árið. Føroya Tele byggir nýtt høvuðssæti, og tað gongur skjótt. So skjótt at tað letur til, at eitt av Føroya størstu arbeiðs- plássum kann flyta inn í nýtt umhvørvi ein ella tveir mánaðir fyrr enn ætlað. - Vit hava roynt ein nýggjan arbeiðshátt í bygg- ingini, har ábyrgdin fyri byggingini er javnt býtt millum Føroya Tele og byggifyritøkurnar, soleiðis at Føroya Tele og byggi- fyritøkurnar eru felags um at gjalda møguligan eyka- kostnað og harvið eisini býta møguligar sparingar ímillum sín, sigur Andras Róin. Og hesin háttur hevur virkað. Tá bygningurin eftir øllum at døma stendur lið- ugur seint komandi summ- ar, fer hann neyvan at kosta eina krónu meir enn ætlað. Tað er Føroya Tele stjórin rættiliga stoltur av. - Tað man ikki vera heilt vanligt at føroysk byggi- arbeiði bæði eru til tíðina og ikki fara útum kostnað- in, so hesin samstarvsháttur hevur virkað væl, sigur Andras Róin. Nýggja høvuðssætið hev- ur verið leingi í væntu, og Føroya Tele hevur leingi havt brúk fyri tí. Gamla høvuðssæti á Tinghúsvegn- um var eftirhondini vorðið ov lítið, og tí hevur fyritøk- an verið spjadd út á fleiri adressur í høvuðsstaðnum. Tær verða allar frágingnar, tá nýggja høvuðssætið er innflytingarklárt. Fríggjadagin í hesi vik- uni verður reisigildi hildið fyri teimum, sum hava ver- ið við í arbeiðinum at gera bygningin. Tað er arkitektavirkið Árni Winther, sum hevur teknað nýggja høvuðssætið hjá Føroya Tele. Bæði poppurin og Klaksvíkin eru um at verða skumpað út á eitt síðuspor í føroyska mentanar- lívinum. Tað skal ein popfestivalur í Klaksvík nú gera nakað við POPPFESTIVALUR Rúnar Reistrup Poptónleikurin hevur ilt við at fóta sær í føroyska mentanarlívinum. Lista- stevnan er ov hámentað til pop, G! festivalurin ov alternativur til pop, og á Prix Føroyum hevur popp- urin av onkrari orsøk verið illa umboðaður seinnu árini. Tað heldur Steintór Rasmussen, og tað er hann ikki einsamallur um, í hvussu er ikki í Klaksvík, har ein arbeiðsbólkur nú er farin undir at arbeiða við at skipa fyri einum popp- festivali komandi ár. Tað er í stóran mun fólkini kring Studio Pegasus, sum ganga aftur í hesum arbeiðsbólk- inum. Klaksvík í fokus Poppfestivalurin skal eftir ætlan vera eitt afturvend- andi summartiltak, sum skal seta fokus bæði á poppin og á Føroya næst- størsta bý. Tí á ein hátt hev- ur Klaksvíkin sama trupul- leika sum poppurin. Hon er ov lítið við í mentanarlív- inum. Til dømis hevði Listastevnan einki tiltak í Klaksvík í ár, og Prix Før- oyar kom heldur ikki sum vanligt til Klaksvíkar í ár, men fekk sær ístaðin fastan basa í Fuglafirði. Og með- an júst Fuglafjørður hevur fingið sær Mentanarhúsið, Gøta hevur fingið sær G! festival, og mest av øllum Havnin, sambært Steintóri Rasmussen, er ríkað við Listastevnuni, er Klaksvík- in um at verða afturútsigld í mentanarhøpi. - Vit hava altíð havt eitt ríkt mentanarlív her í býn- um og nógvur góður tón- leikur er sprottin hiðani. Men tað sæst ikki nóg væl aftur í løtuni, sigur Steintór Rasmussen. Av tí sama hava hann og onnur leingi hugsað um hvat kann gerast fyri at skapa lív í býnum um summarið. Ætlanir hava verið frammi um at flyta Norðoyastevnuna, men tað er lættari sagt enn gjørt. - Býnum hevur leingi vantað okkurt serligt tiltak í summarmánaðunum. Vit hava Norðoyastevnuna, men hon liggur í so tíðliga á árinum. Klaksvíkingar í útlegd og onnur fyri tað skulu helst hava eitt gott høvi at koma Klaksvíkar í summarfrítíðini. Tí vænti eg at hesin festivalurin um- framt at tæna føroyska tónleikalívinum, fer at megna at fylla eitt tómrúm í summarinum her norðuri, sigur Steintór Rasmussen. Afturvið Listastevnuni Tað er longu lagt fast, at popfestivalurin verður hil- din í fyrru helvt av august mánaði komandi ár. Harvið er longu sagt, at popfestiv- alurin verður um somu tíð sum Listastevna Føroya. Hesum síggja fyrireikar- arnir tó ongan trupulleika í. - Persónliga haldi eg ikki, at tað bilar nakað, tí okkara festivalur og Listastevnan eru heilt hvør sítt tiltak og draga hvør sítt fólkaslag til sín. Eg skal tó viðganga, at um Listastevnan fevndi meira breitt, so hevði tað verið verri at rættvísgjørt, at vit hava lagt festivalin samstundis sum Listastevn- an koyrir. Men sum tað sær út nú, trúgvi eg ikki, at so nógvir klaksvíkingar fara til Havnar á Listastevnu, um so tað er popfestivalur í Klaksvík ella ei, og Lista- stevnan kemur jú ikki her. So tað er heilt sikkurt pláss fyri báðum, sigur Steintór Rasmussen. Hann væntar heldur ikki, at nýggi popfestivalurin fer at geva øðrum stevnum og festivalum trupulleikar við at finna fígging. - Tað skulu gjarna ikki verið nógvar konsertir á festivalinum, sum ikki bera seg sjálvar fíggjarliga, men onkrar stuðlar skulu vit sjálvandi hava. Tað nýtist tó ikki at ganga út yvir hini tiltøkini. Bæði bryggjaríini og allir peningastovnarnir í landinum kunnu ikki stuðla sama tiltaki, sigur Steintór Rasmussen, sum saman við øðrum er farin undir royna at fáa útlendsk og føroysk popnøvn til Klaksvíkar komandi summar. Høvuðssæti uttan stjóraskrivstovu Tað hevur gingið skjótt at reisa komandi høvuðssæti hjá Føroya Tele. Fyri einum ári síðan var einki her. Mynd: Álvur Haraldsen Klaksvík poppar seg upp Popparar sum hesir báðir jassarnir, skulu hava meira rúm í føroyska mentanarlívinum halda klaksvíkingarnir handan nýggja poppfestivalin C M Y K 7 6