leygardagur 23. august 2003síða 11

20 Nr. 158 - 23. august 2003 Nr. 158 - 23. august 2003 21 KrF ein frammaná Flokkurin hjá norska forsætisráðharranum Kjell Magne Bondevik, sær út til at fara at fáa ein dyggan frammaná á kommunuvalinum í heyst. Tær báðar seinastu veljarakanningarnar vísa, at var kommunuvalið nú, hevði Kristiligi Fólkaflokkurin hjá forsætisráðharranum fingið millum 5,5 og 5,7 prosent av atkvøðunum. Tað er stór afturgongd, tí á seinasta valinum fekk flokkurin 9,3 prosent. Kann- ingarnar vísa eisini, at tað er serliga í seinastuni, at flokkurin hevur mist nógvar veljarar. Tað kemst iva- leyst av, at seinastu tíðina eru tvey valevni hjá flokk- inum sett í samband við kynsliga misnýtslu. Eftir báðum kanningunum er Arbeiðaraflokkurin tann størsti í Noregi nú. Í aðrari kanningini fær hann 23,5 prosent og í hinari 26,3. Framburðsflokkurin er tann næststørsti við 19,8 prosentum, og á triðja plássi er Sosialistiski Vinstriflokkurin, sum fær 18,1 pro- sent. Ætla at útseta val Í Danmark skal kommunuval haldast í november í 2005, men nógv bendir nú á, at býráðslimirnir sleppa at sita nakað longri enn tað. Tað sama er galdandi fyri teir, sum stýra amtunum. Innanríkisráðið í Keypmannahavn, sum umsitur kommunurnar, umhugsar at útseta tað næsta komm- unuvalið. Lars Løkke Rasmussen, innanríkisráðharri, sigur við danska útvarpið, at stjórnin ætlar at leggja fram uppskot um umfatandi bygnaðarbroytingar í kommununum, men at tað verða neyvan stundir til at avgreiða málið eftir hálvum øðrum ári. Ætlanin við nýggju skipanini er millum annað at broyta verandi uppgávubýti millum statin, amtini og kommunurnar. Verður kommunuvalið útsett, er tað kortini ikki fyrstu ferð, at tað hendir í Danmark. Undir krígnum varð kommunuvalið, sum skuldi vera í 1941, útsett til 1943. Fimm børn funnin deyð Løgreglan í polsku bygdini Czerniejow fann hósdag- in líkini av fimm nýføðingum í einum húsum í bygd- ini. Í gjár skuldu læknarnir kanna, hvussu børnini doyðu, og um talan var um fimmburðar, men tær fyr- stu kanningarnar bendu á, at børnini vóru á lívi, tá tey vórðu fødd. Talan er um fýra dreingir og eina gentu. Polska løgreglan leitaði í gjár eftir einari kvinnu, sum búði í húsunum, men sum var horvin haðani. Sambært polsku fjølmiðlunum hevur maður hennara sýtt fyri at upplýsa, um kona hansara var við barn. Heldur ikki grannarnir vildu siga løgreglumonn- unum, um tann horvna kvinnan var við barn. Skutu við skørpum undir upptøku Arbeiðið at gera ein nýggjan meksikanskan film end- aði sum ein sorgarleikur seinasta leygardag. Tað vísti seg, at ein av leikarunum hevði fingið eina skammbyrsu, sum var lødd við veruligum kúlum. Í filminum skuldi hann skjóta seks skot við leysakrúti eftir einum av sínum viðleikarum, men tá hann lat skotini av, small viðleikarin illa særdur. Hann varð alt fyri eitt fluttur á sjúkrahús í býnum Cuernavaca, har læknarnir royndu at bjarga lívi hansara, men til fánýt- is. Løgreglan tók alt fyri eitt mannin, sum hevði skot- ið, men hann varð seinni latin leysur. Nú leitar løg- reglan eftir manninum, sum stóð fyri sjálvari films- gerðini, tí í seinna enda er tað hann, sum hevur ábyrgdina av, at øll útgerðin er, sum hon eigur at vera. UTTAN ÚR HEIMI Stjórnin í Avstralia segði ósatt um hótt- anina frá irakskum hópoyðingarvápnum fyri at rættvísgera, at landið skuldi taka lut í krígnum við Irak, sigur ein fyrrverandi yvirmaður í avstral- sku fregnartænastuni IRAK- FRÁGREIÐINGAR Árni Joensen Andrew Wilkie arbeiddi sum yvirmaður í avstralsku fregnartænastuni til fyri stuttum, men gjørdi av at fara úr starvinum fyri at mótmæla, at land hansara fór í kríggj við Irak saman við amerikanarum og bret- um. Í gjár kom hann fyri eina serliga kanningarnevnd, sum kannar, um stjórnin hjá John Howard, forsætisráð- harra kom við skeivum ella misvísandi upplýsingum undan krígnum í Irak. – Stjórnin leyg, tí hon snaraði teimum upplýsing- um, sum hon fekk um Irak og vandan fyri tess hópoyð- ingarvápnum, og í øðrum førum nýtti hon sjálvgjørd- ar upplýsingar, segði An- drew Wilkie undir avhoyr- ingini. Hann legði afturat, at stjórnin strikaði orð úr frá- greiðingunum hjá fregnar- tænastuni og sett onnur orð ístaðin – orð, sum kundu rættvísgera, at Avstralia kundi fara í kríggj saman við USA og Bretlandi. Longu í februar segði bretski vápnaserfrøð- ingurin David Kelly einum vinmanni, at bleiv Irak álopið, fór hann helst at verða funnin deyður í skóg- inum KELLY-MÁLIÐ Árni Joensen Áhoyrararnir í rættarhøl- inum í London hildu and- anum, tá embætismaðurin David Broucher varð av- hoyrdur hósdagin sum vitni í málinum um vápnaser- frøðingin og stjórnarráð- gevan David Kelly, sum tók lívið av sær herfyri. Broucher, sum arbeiðir í bretska uttanríkisráðnum, greiddi frá, at hann hevði hitt David Kelly á einari ráðstevnu í Sveits síðst í februar. Kelly greiddi hon- um frá, at hann hevði viss- að iraksku leiðararnar um, at teir høvdu einki at stúra fyri, bara teir samstarvaðu við vápnaeftirlitsmenninar hjá ST. Trupulleikin var, at lupu amerikanarar og bretar á Irak kortini, fóru iraksku leiðararnir at meta Kelly sum ein lygnara, sum hevði svikið teir. Broucher segði seg hava fingið ta uppfatan, at hesin møguleikin tyngdi David Kelly. – Eg spurdi hann, hvat so fór at henda. Hann svaraði, at so fór hann helst at verða funnin deyður í skóginum. Eg gav mær ikki stórvegis far um hetta tá, men eg skilji nú, at hann hugsaði øðrvísi, enn eg helt hann gera, segði David Broucher í rættinum í London. Kelly-málið hevur vakt stóran ans í Bretlandi, og øll bíða nú í spenningi eftir avhoyringunum í næstu viku, tí tá skulu bæði Tony Blair, forsætisráðharri og Geoff Hoon, verjumálaráð- harri avhoyrast. Avstralska stjórnin snaraði Irak-frágreiðingum David Kelly boðaði frá sínum egna deyða David Broucher á veg til hús aftan á rættarfundin, har hann greiddi frá, at David Kelly longu í februar segði sær, at hann fór at verða funnin deyður, bleiv Irak álopið C M Y K 21 20