mikudagur 27. august 2003síða 12

22 Nr. 160 - 27. august 2003 C M Y K 22 Nr. 160 - 27. august 2003 23 Flóvin umboðar Føroyar Norðurlandameistara skapurin í talvi verð- ur leiktur 6-17. sep- tembur í Århus. Flóv- in Tór Næs er før- oyska umboðið, eftir at John Arni Nilssen mátti geva avboð TALV Carl Eli Nolsøe Samuelsen Í samband við at DSU (danska talvsambandið) fyllur 100 ár, verður NM telvað á flatlondum í ár. Legendan Bent Larsen, sum nú er vorðin 68 ár, verður frásøgumaður til kappingina, soleiðis at áhugaði kunna fylgja gond- ini í øðrum høli við fyrsta danska stórmeistaranum sum høvuðsnavn. Larsen er kendur fyri gjøllar, lættar og skemtingarsamar frá- søgur um ymisku talvini. Telvað verður í døgunum 6-17. septembur. Tólv telvarar og ellivu umfør, allir móti øllum. Fremsti norðurlendingur í løtuni, danin Peter Heine Nielsen (2636), luttekur ikki. Sterkasti norðmaður, Simen Agdestein (2571) er ikki, eins og fremsti íslend- ingurin Jóhan Hjartason (2640), serliga aktivir meira og luttekur tí ikki. Einar Gausel er hinvegin eitt spennandi navn. Hann fer nevnliga komandi vetur at telva við føroyska talv- felagnum í Keypmanna- havn, har hann kemur at manna fyrsta borðið fram- anfyri John Arna Nilssen á øðrum borði. Flóvin kann bíta frá sær Tá okkara fremsti telvari John Arni gav avboð, varð skjótt boð send eftir 25 ára gamla Flóvin Tór Næs. Hetta var ein nátúrlig av- gerð hjá talvsambandinum, eftirsum Flóvin er suvirent tann næsti í røðini í føroyskari telving, tá rating viðvíkur. Á feskasta rating- lista, sum er at finna á www.faroechess.com, hev- ur John Arni 2425, meðan Flóvin hevur 2329. Tann triði á listanum er føroya- meistarin Martin Poulsen við 2265 ratingstigum. Flóvin hevur í summar sum altíð verið aktivur við talvborðið, hesaferð í Pol- itiken Cup í Keypmanna- havn við góðum úrsliti. Hann fer sjálvsagt at fáa tað torført sum lægst rataði í Århus. Allir vilja vinna á honum, og fær Flóvin tí til dømis ongan skjótan javn- leik, um hann ynskir at spara seg, sum vanligt er í drúgvum kappingum. Men Flóvin hevur dygdir sum treiskleika, tol og eisini er hann eftirhondini ein royndur telvari, hóast unga aldurin. Mangan hevur Flóvin fingið góð úrslit móti væl sterkari telvarum, harav stórmeistarum. Normmøguleikar Ífylgju altjóða talvdómar- anum Mogens Nielsen, sum er vælkendur á før- oyskum leiðum, er IM- norm kravið hjá Flóvini 4,5 stig av ellivu møguligum. Hetta ljóðar kanska í fyrstu syftu sum ein yvirkomilig uppgáva hjá Flóvini, men vit muga ikki gloyma mót- støðu hansara; sjey stór- meistarar, tríggir altjóða meistarar og einum Fide- meistara (FM), sum tað kallast. Føroyska umboðið skal sum sagt í eldin 6. septem- bur, og herfrá verður ynskt honum góðar talvdagar í Århus. Talvið hesa vikuna John Arni vann herfyri sum kunnugt sær sín næsta IM- norm í kapping í Budapest, og talvið hesa vikuna er frá næstseinasta umfarinum. John Arni vann IM- kappingina saman við ungum amerikumanni, Lendermann. John Arni Nilssen (2382) — Amadeus Eisenbeiser (2233) First Saturday Chess Tournament IM Budapest (12), 13.08.2003 1.d4 d6 2.e4 Rif6 3.Bd3 g6 4.c3 Ribd7 5.Rif3 e5 6.0— 0 Bg7 7.Re1 0—0 8.a4 c6 9.a5 Re8 10.Ribd2 d5 (Áhugaverdur leikur, sum brýtur upp sentrummið) 11.exd5 Rixd5 12.Rie4! (Riddarin peikar á góðar puntar) 12...exd4 13.cxd4 h6 14.Bd2 (John Arni tykist at bíða eftir feilum frá mótstøðumanninum. Næsti leikur mótstøðumanna er kanska júst ein lítil feilur, sum viknar um kongastøðuna) 14...f5 15.Rid6 Rxe1+ 16.Fxe1 Ri7f6 17.Ric4 Bd7 18.a6! (Leikurin viknar enn meir um svørtu støðuna) 18...b5 19.Rice5 Be8 20.Fc1 (Betri var 20.Rixd6 Bxd6 21.Fe6+ og offraði brikkurin fæst aftur) 20...Fb6? Í roynd og veru fyrsti veruligi feilur hjá svørtum. Rig4 var kanska bjargingin til javnleik, hóast hvítur tá eisini hevði havt munin) 21.Bxh6 Rib4 Støðan eftir 22...Rib4 22.Bxf5! Kh7 [Um: 22...gxf5 23.Bxg7 Kxg7 24.Fg5+ og hvítur vinnur lættliga] 23.Bxg7 Kxg7 24.Bxg6 (Svartur gavst t.d vegna 24...Bxg6 25.Fg5 og hvítur hevur eitt nú nógv fleiri finnir) 1—0 Flóvin Tór Næs skal umboða Føroyar í kappingini um norðurlandameistaraskapin NM-hópurin: GM Hannes Stefansson 2560, Ísland GM Helgi Olafsson 2498, Ísland GM Evgeni Agrest 2605, Svøríki GM Jonny Hector 2538, Svøríki GM Einar Gausel 2533, Noreg IM Kjetil A. Lie 2440, Noreg IM Tomi Nybäck 2483, Finnland FM Heikki Lehtinen 2362, Finnland FM Flóvin Tór Næs 2330, Føroyar GM Curt Hansen 2618, Danmark GM Lars Schandorff 2525, Danmark IM Davor Palo 2510, Danmark Føroyski miðverjin vísti sannførandi av- rik, tá ið teir næst- bestu í Brøndby vunnu stórt á Ros- kilde ÚTISETI Jóannes Hansen Sunnudagin var Jón Rói Jacobsen á næstbesta liðnum hjá Brøndby. Liðið, sum bara er mannað við ungum og sera evnaríkum spælarum, er í Danmarks- seriuni. Hesa ferð var Roskilde mótstøðuliðið, og tað var eingin trupulleiki. Eftir 5–0 í fyrra hálvleiki vann Brøndby 7–0. Jón Rói Jacobsen skoraði tey bæði málini í 2. hálvleiki. Í landsdystinum ímóti Íslandi vísti Jón Rói, at hann er sera væl fyri. Hann var besti føroyski spælarin, og tá ið hann í 2. hálvleiki fleiri ferðir bjóðaði seg fram í álopspartinum, kendist tað so leikandi lætt og sannførandi. At havt hann í álopinum hevði iva- leyst borið ta tyngdina við sær, sum hevur restað tær seinastu ferðirnar. Í Brøndby er Jón Rói Jacobsen verjuspælari. Hann venur saman við besta liðnum, og tað er torført hjá honum at sleppa upp í part á besta liðnum, tí teir eru so nógvir um boðið. Men Jón Rói tykist hava akkurát tann hugburðin, sum skal til, og tað man lítið ella einki vera at ivast í, at tað bara er ein spurningur um tíð, nær hann verður við í fremstu røð uttanlands. Í annaðkvøld fer Brøndby í UEFA CUP at spæla í Hvítarusslandi ímóti Dinamo Minsk. Tað skal vilja heilt illa til, um Brøndby ikki fer at megna at spæla seg víðari í næsta umfarið. Á heimavølli vunnu teir fyri tveimum vikum síðani 3–0. Brøndby dysturin verður at síggja á TV Danmark 1 sjónvarpsrásini. Jón Rói tvey mál 23 Nýggjur álopsmaður: Lyngby framherjin, Christian Lamhauge Holst, sum er spildur- nýtt navn í føroysk- um fótbóltshøpi, verður royndur sum nýtt álopskrút í Skotlandi LANDSLIÐIÐ Jákup Mørk Christian hvør? Soleiðis mundu flestu leikararnir á fótbóltslands- liðnum hugsa, tá teir týs- morgunin fingu bræv um komandi fótbóltslandsdyst- irnar móti Skotlandi og Litava. Niðast á listanum yvir leikarar stóð nevnliga eitt - í føroyskum fótbóltshøpi – púrasta ókent navn. Talan er toppskjúttan hjá Lyngby, sum í løtuni er í ferð við at endurskapa navn sítt í donskum fótbólti, eftir at felagið fór á húsagang og eftirfylgjandi varð tvangs- niðurflutt fyri hálvum øðr- um ári síðani. Tað eydnaðist okkum ikki at fáa fatur á Henrik Larsen ella Jógvan Martin Olsen, men aðrastaðni á síðuni er viðtala við nýggja leikaran. Eingin Hjalgrím Stóri taparin – um tað kann sigast so – í landsliðsúttøkuni hesaferð er Hjalgrím Elttør. Hann hevur annars verið fastur í hópinum seinastu nógvu ferðirnar, og tó at tað sjáldan er blivið til eitt pláss millum teir fyrstu ellivu, so mundu tey flestu kortini rokna við, at hann eisini var við hesaferð. Tað er Tór-Ingar Akselsen úr HB heldur ikki, eftir at hann fyri fyrstu ferð fekk landsliðsboð til Íslands- dystin. Umframt teir átjan, sum eru tiknir út til Skotands- ferðina, hevur Christian Høgni Jacobsen úr Vejle eisini fingið landsliðsboð. Christian Høgni er tó leikbannaður til dystin í Skotlandi, og verður tí ikki við á teirri ferðini, men legst ístaðin afturat hópinum til heimadystin móti Litava. So fer tíðin at vísa, hvørt tað tá verður neyðugt hjá venjarunum at sálda onkran frá, ella um forfall av onkrum slag kortini fer at skerja hópin. Kollvelt álop Hvussu er og ikki, so tykist tað víst, at talan verður um broytingar í álopspartinum. Christian Høgni Jacobsen fær so í øllum før- um ikki verið við, nú hann er leikbannaður, og tað er nærliggjandi at hugsa, at John Petersen verður fluttur upp í hansara stað, nú Fróði Benjaminsen aftur er tøkur á miðvøllinum. Spurning- urin er so, hvørt tað verður Andrew av Fløtum ella onkur annar, sum so verður undir liðini á John. Her hevur áður verið funnist at, at Andrew og John eru ov líkir í spælistíli, og tí kann væl hugsast, at talan verður nýggja leikaran. Kollvelting í álopinum Føroyski hópurin Jens Martin Knudsen, NSÍ Helgi L. Petersen, NSÍ Fróði Benjaminsen, B68 Jann Ingi Petersen, B68 Hans Fróði Hansen, B68 Jóhannis Joensen, FS Vágar Jákup á Borg, B36 John Petersen, B36 Pól Thorsteinsson, B36 Súni Olsen, GÍ Atli Danielsen, KÍ Rógvi Jacobsen, HB Andrew av Fløtum, HB Óli Johannesen, TB Jákup Mikkelsen, Partich Thistle Jón Rói Jacobsen, Brøndby Julian Johnsson, ÍA Akranes Christian Lamhauge Holst, Lyngby BK Henrik Larsen, venjari Jógvan Martin Olsen, hjálparvenjari Lars Høgh, málmansvenjari Birgir Hansen, liðleiðari Kári Nielsen, liðleiðari Álvur Hansen, fysioterapeutur Jens Pauli Marstein, lækni – Fyri nøkrum fáum døgum síðani hevði eg ikki droymt um, at eg skuldi spæla lands- dyst ímóti Skotlandi í september, sigur nýggja trumfkortið á føroyska fótbólts- landsliðnum TIKIN Á BÓLI Eyðun Klakstein eydun@sosialurin.fo Tað munnu vera fáir føroyingar, sum hava givið sær far um navnið Christian Lamhauge Holst. Í øllum førum til nú. Men hetta verður øðrvísi komandi dagarnar, tí í gjár var hálvi føroyingurin tikin út til føroyska fótbólts- landsliðið, og meðan spæl- arar og onnur standa sum kánus, tá ið tey hoyra navn- ið á nýggja landsliðsspæl- aranum, so er okkurt sum bendir á, at her er talan um góðan styrk til álopsspælið á landsliðnum. Christian Holst Lam- hauge er 21 ára gamal álopsspælari. Í summar skifti hann frá Svendborg, har hann var toppskjútti, til 2. deildarfelagið Lyngby, har nú er toppskjútti. Hann er ein maður, sum dugir at gera mál, men hann sigur seg vera full- komnan tiknan á bóli av út- tøkuni til føroyska lands- liðið. – Eg havi hitt Henrik Larsen í Lyngby, og tað eru bara einar tvær vikur síð- ani, at hann fekk at vita, eg eri hálvur føroyingur. Leygardagin ringdi hann til mín og segði, at hann kom at hyggja eftir mær í dyst- inum sunnudagin, greiðir Christian Lamhauge Holst frá. Fantastiskt Sunnudagin spældi Lyngby ímóti Dalum, og Christian Holst lat ongan iva vera um sína støðu, tá ið hann tíð- liga í dystinum legði Lyng- by fram um 1-0. Hetta var triðja málið hjá honum í trimum dystum fyri Lyngby, og sambært heimasíðuni hjá felagnum, so var nýggi føroyski lands- liðsspælarin aftur hesaferð eyðsýntur á liðnum. Lyng- by vann dystin 3-2. – Sunudagin ringdi Henr- ik Larsen aftur til mín og segði, at hann fór at taka meg út til føroyska lands- liðið. Hetta kemur óvart á meg, men tað er fantastiskt, sigur hann. – Tað hevur gingið sera skjótt seinastu tíðina. Eg eri júst komin til Lyngby at spæla, og nú eri eg úttikin til føroyska landsliðið. Hetta er spennandi, og eg ætli mær at gera alt fyri at vinna fast pláss á føroyska landsliðnum. Gott at breða til Mamma Christian Lam- hauge Holst er føroysk, men hon hevur búð uttan- lands, síðani hon var 18 ára gomul. Berghild Lam- hauge, sum er gift einum dana, er dóttir Jenny og Christian Eli Lamhauge í Havn. Mammubeiggi nýggja føroyska landsliðsspælaran er ein tiltikin fótbóltsspæl- ari. Eyðfinn Lamhauge var ein av profilunum á ung- lingaliðnum hjá HB, sum vann FM í 1967, og árið eftir kom hann á fyrsta sinni á 1. lið í HB. Eyðfinn var skilagóður spælari, sum spældi í vinstru síðu, og hann var ein av berandi kreftunum á HB-liðnum, sum vann FM í 1971, 1973, 1974 og 1975. Christian Holst Lam- hauge hevur búð øll árini í Danmark, og hann tosar danskt. Hann er uppvaksin á Thurø, sum liggur uttan- fyri Svendborg, og har hev- ur hann eisini spælt til í summar, tá ið hann flutti til Sælands at spæla fyri Lyngby. Yrkisfótbólturin í Lyng- by fór fyri bakka fyri einum ári síðani, og tí eru eingir sáttmálaspælarar í felagn- um. Christian Holst er vik- arur í einum skúla og frí- tíðarheimi í Lyngby, og hann spælir fótbólt í frí- tíðini. Og í fótbóltsspælinum gongur tað so væl, at hann nú er tikin út til føroyska landsliðið til dystin ímóti Skotlandi 6. september. – Hetta kom óvart á meg – Sunnudagin ringdi Henrik Larsen til mín og segði, at hann fór at taka meg út til føroyska landsliðið. Hetta kemur óvart á meg, men tað er fantastiskt, sigur Christian Lamhauge Holst