fríggjadagur 19. september 2003síða 12

22 Nr. 178 - 20. september 2003 FS Vágar hevur bara fingið eitt stig í Mið- vági í ár, og hagtølini hjá KÍ siga næstan, at tað hesa ferð ikki eigur at eydnast teim- um at fáa fulla úrtøku UPPTAKT Jóannes Hansen joannes@sosialurin.fo Tað hevur als ikki hilnast soleiðis hjá FS Vágum, sum teir undan kappingar- byrjan høvdu vónað. Teir hildu seg hava manning til pláss í miðjuni. Nú tað resta trý umfør, er FS Vágar næstaftast. Sannlíkið tykist stórt fyri, at teir í endaspæli mugu stríðast fyri at varð- veita plássið í bestu deild- ini. FS Vágar hevur ongan- tíð megnað at vinna á heimavøllinum í Miðvági í ár, og teir hava bara fingið stig á heimavølli í javnleik- inum ímóti GÍ (2–2). Við stórsigrinum á heimavølli ímóti Skála fekk KÍ snarað málmuninum, soleiðis at hann nú er pos- itivur. Høvuðseyðkennið hjá klaksvíkingum hevur í ár verið, at teir hava verið óstøðugir. Higartil í ár hava teir ongantíð megnað at vinna tveir landskapping- ardystir á rað. Spurningurin er nú, um teir hesa ferð fara at megna at vinna øll stig- ini, eftir at teir síðsta sunnudag vunnu. Ódrúgvir útlendingar Ímóti B36 helt FS Vágar leingi tørn, men so góvu teir B36 eitt mál, og hóast teir megnaðu at javna, so taptu teir kortini 4–1. Síðsta sunnudag var bara ein av útlendingunum, Clayton Soares, førur fyri at vera við frá byrjan. Hesa ferð verður í hvussu so er Silva Braga, sum var skaddur í fótinum seinast, ímillum teir fyrstu ellivu. Hann hevur vant í vikuni, og hann er førur fyri at spæla. Jóhannis Joensen, sum hevur verið plágaður av liðbandsskaða í knænum síðani B68 var í Miðvági, er farin aftur at venja, men tað verður ikki roknað við, at hann verður á liðnum ímóti KÍ. Kim Poulsen hevur leingi verið plágaður av skaða í lærkrikanum, og hann verður neyvan við ímóti KÍ. Ovi Nysted verður ikki á KÍ liðnum í morgin. Fyri aðru ferð síðani summar- steðgin er hann leikbannað- ur. Síðani leikbannið ímóti B68 hevur hann spælt tvær ferðir, og hann hevur fingið gult kort báðu ferðirnar. Eyðun Klakstein fekk ein løst undir venjing mána- kvøldið. Tað tóktist vera heilt álvarsamt, og Eyðun hevur ikki vant síðani. Men talan hevur verið um fram- gongd, og fyrrapartin í gjár var tað ikki heilt útilokað, at hann kanska verður við í morgin. Í sjeynda umfarinum vann KÍ 2–0 á FS Vágum í Klaksvík. Vágamenn mettu eftir ta uppgerðina, at KÍ mundi vera veikasta liðið, sum teir høvdu spælt ímóti. Spuringurin er nú, um teir fara at megna at fáa øll stigini frá KÍ og harvið fara at vinna fyri fyrstu ferð á heimavølli í ár. Einasti FS Vágar sigurin á árinum er tann, sum teir í sætta um- farinum vunnu á Toftum. Um KÍ ikki megnar at vinna hesa ferð, so verður framvegis møguleiki fyri, at hetta verður kappingar- árið, tá ið KÍ ikki megnaði at vinna tvær ferðir á rað. FS Vágar-KÍ: Hava ongantíð vunnið á heimavølli Enn hevur KÍ ikki vunnið tveir dystir á rað, men hinvegin hava vágamenn ongan tíð vunnið á heimavølli í ár Ein av kappingar- neytunum hjá Toda Jónsson tykist vera á veg burtur úr Keyp- mannahavn og aftur um Oyrasund ÚTISETAFELAG Jóannes Hansen Joannes@sosialurin.fo FCK skal seinnapartin í dag aftur í eldin. Talan er um heimadyst ímóti Her- følge, og setningurin hjá FCK verður at reisa seg og at fáa trý stig, eftir at úrtøkan tvær tær seinastu ferðirnar bara hevur verið eitt stig hvørja ferð. Á heimasíðu sínari – todi.fo – sigur Todi Jóns- son, at tað kendist sum vónbrot hjá honum, at tað mikukvøldið í Viborg ikki var pláss fyri honum mill- um ellivu teir fyrstu. Todi helt seg ikki hava spælt seg av liðnum. Um tað verður pláss fyri honum í dag, ella um hann aftur verður noyddur at sita á beinkin- um, meðan Álvaro Santos fær møguleikan, var ikki greitt í gjár. Tað er heldur ikki greitt enn, men í donsku miðlun- um hevur teir báðar sein- astu dagarnar verið nevnt, at Jörgen Pettersson kanska er á veg burtur úr FCK. Hann hevur síðani á sumri í fjør verið í felagnum. Upp- runaliga varð hann roknað- ur sum hóttan móti álops- plássinum hjá Toda Jóns- son, men hesar seinastu mánaðirnar hevur hann meiri verið mettur sum framrættaður miðvallari. Tíðindini eru komin fram í svenska Kvällpost- en, sum veit at siga, at svenski FCK spælarin hev- ur selt húsini í Lyngby, og at hann hevur keypt hús í Skåne, sum familjan ger seg klára at flyta í. Blaðið heldur seg eisini vita, at Jörgen Pettersson er á veg aftur til Malmö FF, sum hann áður hevur spælt fyri, og har hann hevur skorað nógv mál. Jörgen Pettersson hevur ikki verið í fimtan manna hópinum hjá FCK tríggjar tær seinastu ferðirnar, og hann dylur ikki fyri donskum miðlum, at hann er misnøgdur við støðuna, sum hon er: – Eg eri væl fyri at spæla, men eg sleppi ikki framat. Tað er frustrerandi, og eg havi sagt venjaranum, at eg dugi ikki at síggja nakra or- søk til at vera í FCK, um eg ikki sleppi at spæla. Eg eri opin fyri øllum, og hóast sáttmálaskeiðið hjá mær her í FCK ikki verður liðugt fyrrenn í 2005, so eri eg op- in fyri at flyta, tá ið tað á nýggjárinum aftur verður møguleiki at skriva sátt- málar. FCK venjarin, Hans Backe, hevur ongar við- merkingar til tað, sum spæl- arin og pressan vita at siga. Jörgen Pettersson flutti á sumri í 2002 úr týska FC Kaiserlautern og til FCK. Tá varð hann mettur sum maðurin, ið fór at verða mest støðugi mál- skjúttin í FCK. Síðani hevur hann verið nógv skaddur, og tað kann ikki annað enn staðfestast, at hann ongantíð hevur megnað at troðka seg framum Toda Jónsson í røðini av framrættaðum FCK spælarum. Vágbingar eru væl fyri, og teir kenna seg ikki tryggari enn so í bestu deildini, enn at tað framvegis er týdningarmikið at skava stig saman UPPTAKT Jóannes Hansen joannes@sosialurin.fo Hjá Skála er tað fram ímóti at vera allar síðsti møgu- leikin. Um liðið skal hava rætt at spæla triðja árið á rað í bestu deildini, so skulu teir fáa stig og helst vinna, tá ið VB í morgin fer at vitja á Skála. Síðsta sunnudag legði Skála rygg til størsta tapið av øllum í hesum kapping- arárinum. Tað kunnu teir liva við, um tað eydnast teimum at vinna í morgin. Men fyritreytirnar kundu havt verið betri, enn tær tóktust at vera í gjár: – Pauli G. Hansen noydd- ist at taka seg aftur í steðginum í Klaksvík. Vit rokna við, at hann verður við ímóti VB. Men tað eru tríggir spælarar, sum eru rættuliga ivasamir. Teir eru Bogi Gregersen, Arnhold Berg og Sveinur Justinus- sen, verður sagt av Skála. Sveinur fekk skaða í annað knæið í venjingar- dysti í hondbólti mikukvøld- ið, tá ið St.Í.F. spældi ímóti Kyndli. Arnhold Berg er eisini plágaður av knæskaða, og Bogi Gregersen hevur trupulleikar við liðbond- unum í øðrum fótinum. Á plusssíðuni telur tað, at Eugen Voda, sum leingi hevur verið skaddur, aftur er farin av venja. Kanska verður hann í Skála málinum í morgin. Alt væl Heilt víst er tað, at Bjarni Johansen aftur í morgin fer at verja VB málið. Vág- bingar hava allar spælarar- nar tøkar. Mortan úr Hørg og Palli Augustinussen hava ikki vant saman við hinum síðstu vikurnar, tí teir hava arbeitt norðanfjørðs. VB fekk ikki høvi at royna seg í meiri enn eitt korter síðsta sunnudag. Ætl- anin segðist vera, at dystur- in ímóti GÍ skuldi verða spældur síðsta hóskvøld, men tá roknaði veðurmað- urin aftur við fitt av vindi, so tað kom ongantíð har til, at gøtumenn fóru suður. Nú verður roknað við, at dyst- urin kanska verður hós- kvøldið í næstu viku. Kenna tit tykkum at hava tryggjað tykkum ímóti niðurflyting? – Vit hava framvegis tólv stig at spæla um, og vit leingjast eftir at sleppa upp í part aftur, tí nú eru tríggj- ar vikur síðani, at vit síðst spældu landskappingar- dyst. Hjá okkum ræður um at fáa so nógv stig, sum tað ber til. Vit vita ikki, hvat FS Vágar kann gera við hini liðini, men fyri støðuna hjá okkum hevur tað stóran týdning, at vit vinna hvørja ferð og ikki minst, at vit fáa fult á Skála í morgin, sigur Bjarni Johansen, veteran- urin í VB málinum. Í sjeynda umfarinum vann VB á heimavølli 2–0 á Skála. Pettersson er á veg úr FCK Skála-VB: Nógv ivamál eru á Skála Skal Skála hava nakran kjans at halda sessinum, so er tað nú allar seinasta útkall at fáa stig C M Y K 22 Nr. 178 • leygardagur • 20. september 2003 • 77. árgangur • www.sosialurin.fo Dalai Lama á Harvard Mánadagin vitjaði heimskendi Dalai Lama lærda háskúlan Harvard í USA. Hans Kárason Mikkelsen var til staðar Lesið síðu 6 og 7 BØRN OG SPÆL Rúna Sivertsen runa@sosialurin.fo Á Helnabrekku í Klaksvík búgva tvær góðar vinkonur, sum eita Sofía og Jastrið. Síðani tær byrjaðu í 1. flokki, hava tær spælt saman nærum hvønn dag. Nú eru tær 10 og 11 ára gamlar og ganga í 5. flokki í skúlanum á Ziskatrøð. Teimum dámar væl ítrótt. Tær spæla fótbólt við KÍ og flogbólt við Mjølnir. Í eina tíð hevur skateboard ella rennifjøl, sum tað eitur á føroyskum, verið eitt av teirra frítíðarítrivum. Góð ráð dýr Beint omanfyri, har tær búgva, eru nýggju íbúðirnar hjá teimum eldru. Har er alt nýtt og í góðum standi, eisini vegirnir og brekk- urnar á økinum, sum eru ný- asfalteraðar. Á brekkuni oman móti Helna- brekku liggur væl fyri at koyra á rennifjøl, og tað hava tær báðar gjørt nógv av í summar. Men ein dagin datt 10 ára gamla Sofía á rennifjøl sínari. Tíbetur fekk hon ongan skaða, bert smávegis skursl á pannuna. Kortini fingu hon og vinkona hennara ein slíkan hvøkk, at tær settu sær fyri, at hereftir skuldu tær altíð nýta hjálm. Men hvaðani skuldi pening- urin koma? Uppfinnsamar gentur Jú, tær vóru ikki ráðaleysar og hildu, at tær skuldu fara at royna at vinna nakað av peningi við at selja blómur. Tær fóru í urtagarðin hjá Sofíu og teimum og hentaðu allar tær vakrastu blómurnar, tær funnu. Síðani fóru tær hús av húsi at selja blómur, so tær kundu keypa sær hjálmar. Tað gekk væl at selja, og fólk vóru bæði blíð og týð - og meiri enn so; onkustaðni fóru blómurnar fyri høgan prís. Men tá foreldrini sóu, hvat genturnar høvdust at, varð blómusølan steðgað við brestin. Tey søgdu, at peningin, sum vantaði í, skuldu tær fáa frá teimum. Tað gingu nakrir dagar, áðrenn tað eydnaðist teimum at fáa júst teir hjálmarnar, sum tær vildu hava. Tær skoyttu ikki um hvat sum helst, tí smart má tað jú eisini vera. Nú eru hesar báðar skilagóðu genturnar, eydnusamir eigarar av hvør sínum svørtum hjálmi, ið er júst sum hjá teimum professionellu. Og var ikki onkur, sum segði, at hjálmur er cool... Nú fara vit altíð at nýta hjálm Betur er at vera fyrivarin enn eftirsnarin, sigur orðatakið. Men brent barn ræðist eld, og oftas er hetta seinna tað, ið fær okkum at taka tey fyrivarni, sum eru neyðug Sofía (t.v.) var heppin, tá hon datt á rennifjøl sínari. Hóast hon ikki var í hjálmi, fekk hon bert smávegis skursl í pannuna. Kortini blivu hon og vinkona hennara, Jastrið, so kløkkar, at tær beinanvegin fóru til verka at savna pening fyri hjálmar 23