hósdagur 25. september 2003síða 2

2 Nr. 181 - 25. september 2003 Nr. 181 - 25. september 2003 3 Heðin Mortensen sat undir hvørjum orði, tá ið ST-aðalfundurin var settur í New York týsdagin. Trygdin er í hásæti, og løgreglu- menn eru at síggja allastaðni í býnum POLITIKKUR Eyðun Klakstein Løgtingsmaðurin Heðin Mortensen er í hesum døg- um á aðalfundi hjá Sam- eindu Tjóða í New York. Føroyingar hava á hvørj- um ári eitt umboð við í donsku sendinevndini á fundinum, og fyrra partin av aðalfundinum verður tað Heðin Mortensen, sum skal umboða føroyingar á ST- høvuðsborgini. Hetta er 58. aðalfundurin hjá ST, og tá aðalfundurin verður sett, eru røðararnir nakrir av týdningarmestu monnunum í heimssamfe- lagnum. Annan og Bush Týsdagin var Kofi Annan, aðalskrivari í ST, fyrsti maður á røðarapallinum, og hann tosaði millum annað um, at ST var á einum vegamóti. Amerikanski forsetin, George W. Bush, tosaði eisini fyri teimum umleið 3000 fólkunum, sum vóru savnað. – Tað var sera áhugavert at lýða á og eygleiða so mætar menn, og sum vænt- að var nógv tosað um støð- una í Irak, sigur Heðin Mortensen. Strangt eftirlit Seinastu árini hevur yvir- gangur verið í miðdeplin- um, og tí verður ansað væl eftir, at einki hendir teim- um, sum eru til ST-aðal- fundin – Trygdin er sum vera man sera strong til ein slíkan ST-aðalfund bæði innan og uttanfyri bygn- ingin. Eftirlitið er strangari enn í nakrari floghavn. Løgreglan er at síggja alla- staðni í býnum, sigur Heðin Mortensen. Føroyski løgtingsmaður- in býr á einum gistingar- húsi á East 34th Street, og av 35. hædd er útsýnið yvir býin óføra gott. Tað er danska sendistov- an í New York, sum sam- skipar arbeiðið hjá donsku sendinevndini á aðalfund- inum. Rás 2 hevur keypt bygning í Søldarfirði, og har skal høvuðs- sætið hjá útvarps- rásini verða framyvir. Stjórin á Rás 2 roknar við, at sendast kann úr Søldafirði fyri jól ÚTVARP Eyðun Klakstein Rás 2 fer at flyta úr høvuðs- staðnum. Hetta er greitt, eftir at Rás 2 hevur keypt bygning í Søldarfirði, har høvuðs- sætið hjá útvarpsrásini skal vera framyvir. Higartil hevur Rás 2 hildið til í Havnini, men seinni í ár verður nýggi bygningurin í Søldarfirði tikin í nýtslu. – Vit skulu fyrst gera bygningin kláran at hýsa eini útvarpsstøð, men tað arbeiðið er byrjað, og vit vóna, at alt verður klárt fyri jól, sigur Petur Jacobsen, stjóri á Rás 2. Tøkniliga útgerðin verð- ur flutt í einum á náttartíð, og tí verður einki órógv á sendingunum hjá Rás 2. Eisini studio í Havn Rás 2 er eina av trimum út- varpsrásum, men hon verður tann fyrsta, sum fer út um Havnina við síni høvuðsskrivstovu. – Vit hava nógv samband við fólk og virki uttanfyri Havnina, og tí fer tað neyv- an at órógva tað stóra, at vit vera í Søldarfirði. Vit liggja rímiliga sentralt hóast alt, sigur Petur Jacobsen. Leigusáttmálin í verandi bygningi í Havn gongur út 1. januar næsta ár. Rás 2 fer tó ikki at sleppa høvuðsstaðnum upp á fjall, tí útvarpsstøðin ætlar sær framhaldandi at hava studio í Havn, og harafturat hava teir eisini studio í Klaksvík. Føroya Gassøla hevur yvirtikið umboðið upp á ESAB í Føroyum. Poul Poulsen, sum hev- ur havt umboðið, fór brádliga herfyri. – Poul hevur í nógv ár røkt hetta umboð sera væl og vilja vit á Føroya Gassølu gera okkara besta fyri at halda á fram við somu góðu tænastu, sum Poul altíð gav, og vit vilja gera okkara besta fyri, at allir teir kundar, sum keyptu teirra vørur frá Poul, koma at føla seg líka væl komnar hjá okk- um sum hjá Poul Poulsen, sigur Føroya Gassøla í tíðindaskrivi. Føroya Gassøla selir mest sum øll sløg av gassi og nú eisini allar tær vørur sum ESAB um- boðar – millum annað elektrodur, sveisitráð, sveisitól og eykalutir. Móttøka Bjóðað verður til móttøku í hølunum hjá Starvsmannafelagnum í J. H. Schrøtersgøtu 9 í sambandi við stjóraskifti í P/F Sofus M. Jakobsen. Tað hevði glett okkum at sæð viðskiftafólk, samstarvsfelagar, vinir og kenningar. Móttøkan verður fríggjadagin 26. september frá kl. 15–17. Pf. Sofus M. Jakobsen Ráðgevandi verkfrøðingar F.R.I. Nýtt ESAB-umboð Rás 2 flytir til Søldarfirðar Heðin lurtaði eftir Bush og Annan Heðin Mortensen á ST-høvuðsborgini í New York, har hann umboðar føroyingar á aðalfundinum hjá Sameindu Tjóða Týsdagin sendi pf Norðoyatunnilin út eitt tíðindaskriv, har boðað varð frá, at vegagerðin í sambandi við tunnilin Leirvíkar- megin, nú er farið í gongd. Í sama tíðinda- skrivi verður somu- leiðis sagt, at trupul- leikar við ognartøkuni Klaksvíkarmegin føra við sær, at vegagerðin Borðoyarmegin í fyrsta lagi kann byrja 6. januar 2004 NORÐOYATUNNILIN Solby A. Eliasen solby@sosialurin.fo Klaksvík: Steinbjørn Jacobsen fegn- ast fyrst og fremst um, at arbeiðið nú er farið í gongd, men hann harmast um, at tað ikki ber til at fara fyrr í gongd Borðoyarmegin, tí tað fer at darva fleiri verk- ætlanum, sum Klaksvíkar kommuna hevur í umbúnað at fara í holt við. – Grótið frá tunlinum skal nýtast í fleiri verkætl- anum, men tað ber ikki til at byrja upp á tær, so longi sum vegagerðin okkara me- gin ikki fer í gongd, sigur borgarstjórin, sum hevur hug at vera eitt sindur ill- fýsin um ognartøkuna og handfaringina av tí mál- inum. Tað er ongin loyna, at tá tað eru yvir 100 eigarar tvørtur um eitt lendi, sum skal ognartakast, so kann tað taka sína tíð. – Men hetta vistu vit øll áðrenn, sigur Steinbjørn og setur spurnartekin við, um tað sostatt bert mundi vera pf Norðoyatunnilin, sum ikki var greitt yvir hetta. Men tey, sum vóru á kunnandi fundi um Norð- oyatunnilin fyrr í ár, minnast flest øll, at ein av eigarunum á hesum øki, reisti seg upp og nam nevniliga við hendan spur- ningin um ognartøkuna tvørtur um Gerðabø. Tá lat tað ikki til á um- boðunum fyri Norðoyatunl- inum, sum um at tey sóu hetta sum nakran stóran trupulleika. Men í áður- nevnda tíðindaskrivi kemur fram, at nettupp orsakað av ognartøkuni kann arbeiðið Borðoyarmegin ikki fara í gongd fyrr enn eftir árs- skiftið. Seinkar øðrum verkætlanum Steinbjørn Jacobsen sigur eisini, at tað at arbeiðið Borðoyarmegin ikki fer í gongd enn, seinkar sam- stundir øðrum verkætlan- um, sum Klaksvíkar komm- una er farin í holt við, sum liður í at fyrireika seg til stóru broytingina, tá tað verður koyrandi millum Borðoynna og meginlandið. Hann nevnir til dømis góðshavnina í Ánunum, har Klaksvíkar kommuna hev- ur tikið av tilboðnum frá J og K Petersen um at gera arbeiðið liðugt. Har skal ymiskt gerast, og tørvur er á gróti frá tunlinum, men tað arbeiðið kann sostatt ikki fara í gongd enn. – Tað er harmiligt, at aðr- ar verkætlanir ikki kunnu fara í gongd, orsaka av, at tað ikki er rætt framfarið í ognartøkunum í sambandi við undirsjóvartunnilin, sigur Steinbjørn Jacobsen. Hann sigur, at hann hevur fleiri ferðir gjørt vart við, at tað fór at taka langa tíð, men kortini er ognartøkan ikki byrjað enn. Ein onnur stór verkætlan, sum fer í gongd í kjalar- vørrinum av undirsjóvar- tunlinum, er miðbýurin í Klaksvík. Ætlanin er at fylla alt økið frá sandinum, har sum hann er í dag, og út til bátabrúgvarnar við gróti frá tunlinum. Men hesi mugu sostatt bíða við at fara í gongd, inntil arbeiðið upp á tunnil- in og vegagerðina Borðoy- armegin eru farin í gongd. Harmiligt Dávur Reinert Hansen, stjóri í Norðoyatunlinum, sigur, at tey hava ásannað, at tað ikki er nemt at sam- ráðast við yvir 100 eigarar í senn. Og hann sigur, at tí- skil hava tey sent út eitt semjuskriv um endurgjald til flestu eigararnar við freist tann 6. oktober, sam- stundis sum ognartøkan verður fyrireikað. Og kæru- tíðin er tríggjar mánaðir eftir freistina. Dávur sigur, at tey harm- ast um, at aðrar verkætlanir ikki kunnu fara í gongd, men hann leggur dent á, at tey noyðast at fylgja teim- um reglum, sum eru og liva eftir teimum. – Vit vildu ynskt, at vit kundu farið í gongd sam- stundis báðumegin, men tað ber so ikki til, sum er. Men ognartøkan fer í gongd eftir 6. oktober, og so byrjar arbeiðið Borðoy- armegin eftir ársskiftið, sigur hann. Stjórin í pf Norðoyatunl- inum hevur sostatt góðar vónir um, at arbeiðið Borð- oyarmegin fer í gongd stutt eftir ársskiftið. Hann sigur, at eftir sum hann hevur skilt, so verða møguligar kærur viðgjørdar í kærufreistini, og tískil dugir hann ikki at síggja nakað í vegin fyri, at alt ikki skuldi verið tilreiðar tann 6. januar 2004. – Og so er tað veðrið sjálvandi. Januar mánaði kann vera keðiligur, tað vita vit øll, so um tað kann sjálvandi henda, at veðrið fer at hava sína ávirkan á júst dagfestingina fyri, nær arbeiðið fer í gongd, sigur Dávur Reinert Hansen, stjóri í pf Norðoyatunnilin. Formaðurin í haga- stýrinum fyri Upp- salahagan í Klaksvík, Jóhan Joensen, sigur, at eigararnir bert verja teirra rætt í mál- inum viðvíkjandi ogn- artøkuni av lendinum. Hann sigur eisini, at hetta málið ikki er so einfalt, sum tað kann tykjast at vera NORÐOYATUNNILIN Solby A. Eliasen solby@sosialurin.fo Klaksvík: Málið viðvíkjandi ognar- tøku í sambandi við Norð- oyatunnilin dregur út. Í tíðindaskrivinum frá Pf Norðoyatunnilin stendur, at tey hava spurt seg fyri hjá hagastýrinum í Uppsala- haganum, har tunnils- munnin ætlandi verður, um tey kunnu sleppa inn á økið at gera forkanningarnar, hóast ongin semja um keyp ella ognartøku av lendinum fyriliggur. Hetta hevur hagastýrið noktað teimum. Jóhan Joensen, formaður í stýrinum, sigur, at haga- stýrið umboðar allar eigar- arnar og má rætta seg eftir teirra ynski. Hann váttar somuleiðis, at prísurin fyri lendini er ikki nøktandi. Norðoya- tunnilin hevur bjóðað ein prís áljóðandi millum 12 og 25 krónur fyri fermeturin. Og tað halda eigararnir er ov lítið. Men spurningurin er í veruleikanum um, hvørja nyttu tað ger, at teir nokta. Tí sambært tíðinda- skrivinum fer ognartøkan í gongd eftir 6. oktober. Og tá hava eigararnir ikki so nógv at skula sagt. – Hetta er eftir mínari meting bert ein útsetan av byrjanini av arbeiðinum, heldur enn nakað annað. Men vit vilja sjálvandi verja okkara rætt í hesum málinum, tí vit standa jú sum eigarar, sigur hann. Sigast skal tó, at júst tað lendið, sum Norðoyatunnilin hevur spurt seg fyri um, er kongsjørð, so hann per- sónliga dugir ikki at síggja nakað í vegin við, at Norð- oyatunnilin fór inn og gjørdi tað forkanningararbeiðið, sum skal til, áðrenn tunnils- gerðin sjálv fer í gongd. – Eigararnir blanda ting- ini saman her, haldi eg. Men stýrið umboðar jú teir, og vit rætta okkum eftir meirilutanum, sigur Jóhan, sum heldur, at um Norð- oyatunnilin kanska hevði boðið ein meira sámuligan prís fyri lendini, so hevði ognartøkan langt síðani verið farin í gongd. Løgin mannagongd Jóhan fílist eisini á manna- gongdina hjá Norðoyatunl- inum í sambandi við hetta. Hann sigur, at teir sum eigarar hava bert sæð og hoyrt í fjølmiðlunum um ætlaninar hjá Pf Norðoya- tunlinum. Og hann heldur tað vera sera løgið, at eigar- arnir ikki hava fingið greitt at vita fyri langari tíð síð- ani, júst hvørjar ætlanir lógu fyri framman. – Um vit bara til dømis høvdu fingið eitt bræv, har alt varð nágreiniliga frá- greitt, so kann tað hugsast, at alt hevði verið munandi lætt- ari. Nú eru eigarar í staðin vorðnir uppaftur tvørari ors- akað av væntandi kunnan um málið, sigur Jóhan Joensen. Jóhan er sannførdur um, at Pf Norðoyatunnilin hev- ur undirmett tað, sum tey eru farin í holt við í Klaks- vík, og tí er støðan, sum hon er, í dag. Dávur Reinert Hansen sigur aðrastaðni í blaðnum í dag, at Norðoyatunnilin hevur ásannnað trupulleik- an við øllum eigarunum, og tíski lhava tey sent út semj- unarskriv, tí tað verður ikki mett at vera praktiskt gjør- ligt at seta seg at samráðast við yvir 100 eigarar. Um prísin, sum felagið hevur boðið eigarunum í Klaksvík, sigur hann, at tey hava hildið seg til prísir, sum tey kenna aðrastaðnis frá. Ognartøkan forðar vegagerð Borðoyarmegin Ognartøkan av lendunum í Klaksvík í sambandi við Norðoyatunnilin eru ikki farnar í gongd enn, men sambært tíðindaskrivi frá felagnum, so fara tær í gongd eftir 6. oktober Verja okkara rætt Jóhan Joensen, formaður í hagastýrinum í Uppsalahag- anum, sigur, at eigararnir og stýrið vilja sjálvandi verja teirra rætt sum ognarir við- víkjandi ognartøkuni í sam- bandi við Norðoyatunnilin C M Y K 3 2