týsdagur 30. september 2003síða 2

2 Nr. 184 - 30. september 2003 Nr. 184 - 30. september 2003 3 Seinasta hóskvøld skipaði Leirvíkar kommuna fyri kunn- andi fundi í Bygdar- húsinum um vega- netið og ferðsluna í Leirvík, nú ætlaninar við Norðoyatunnl- inum nærkast. Leirvíkingar hava stóran áhuga fyri, hvussu ferðsluviðurskiftini í bygdini verða loyst SAMFERÐSLA Vilmund Jacobsen vilmund@sosialurin.fo Løgtingið hevur samtykt, at tunnil skal gerast undir Leirvíksbygd, men sum skilst, liggur hetta arbeiði væl longur frammi enn verkætlanin við Norðoya- tunlinum. Tískil hevur spurningurin tikið seg upp, hvussu verandi veganet í Leirvík fer at megna at taka ímóti 2000-3000 bilum fleiri um dagin, tá ið Norð- oyatunnilin er liðugur. Eini 250-300 fólk vóru á kunnandi fundinum hós- kvøldið, og tað merkir, at rættiliga stórur áhugi er millum leirvíkingar, hvussu málið við ferðsluni verður loyst. Bygdaráðsformaðurin í Leirvík, Sjúrður Eliasen, sigur í stuttari viðmerking, at tað fyriliggur bert ein samtykt um veganetið í bygdini, og hon er, at tunnil skal gerast í Leirvík, sum skal leiða nógvu ferðsluna, sum fer at standast av Norðoyatunlinum, úr sjálv- ari bygdini. Fleiri uppskot Leirvíkingar, sum Sosial- urin hevur tosað við eftir fundin, siga, at fleiri upp- skot vóru frammi á fundin- um um, hvussu trupulleikin við ferðsluni kann loysast. - Men tað, sum órógvar okkum, er, at hesi viður- skifti eftir øllum at døma ikki verða loyst, fyrr enn eftir, at Norðoyatunnilin er komin. Tað merkir, at Leirvíksbygd, soleiðis sum hon nú er, noyðist at taka ímóti allari ferðsluni í eitt, tvey ella fleiri ár – alt eftir, nær farið verður undir at gera nakað við hesi viður- skifti. Leirvíkingar vísa á, at tað eru ikki teir, sum eru heitir fyri Norðoyatunlinum, men í fyrsta lagi fólk í Norð- oyggjum. - Okkara áhugi er ikki tunnilin undir Leirvíks- firði, men veganetið í Leir- vík eftir, at tunnilin er komin. Fólk í Leirvík halda, at tá ið klaksvíkingar kunnu draga ætlaninar út við at togast um lendið, vildi tað ikki verið so undarligt, um leirvíkingar í størri mun strongdu meira á at fáa ferðsluviðurskiftini uppá pláss, áðrenn tunnilin kem- ur. Ongan skund - Tað eru ikki vit, sum streingja á at fáa fast sam- band um Leirvíksfjørð. Vit hava ongan skund. Leirvíkingar standa spyrjandi eftir kunnandi fundin, tí á fundinum vóru ikki færri enn fýra møgu- leikar frammi um tunnil og fýra møguleikar um vega- gerð í staðin fyri tunnil. - Nú spyrja mong, hvør loysnin verður – og nær hon verður veruleiki? Tað undrar fólk Leirvík, at hond ikki verður tikin um ferðsluviðurskiftini í bygdini, fyrr enn 1-2 ár eftir, at Norðoyatunnilin er vorðin veruleiki. - Sum vit hava skilt, verður eingin játtan til tunnils- ella vegagerð í Leirvík fyrr enn í 2006 ella 2007, um alt gongur sum ætlað. Men hvussu verður, um samfelagsgongdin broytist, og minni peningur verður at arbeiða við? Nær kunnu vit tá rokna við, at hetta málið verður loyst – um tað ikki verður loyst, samstundis sum Norðoya- tunnilin verður bygdur? Kalt vatn… Flestu leirvíkingar eru samdur um, at ferðslu- viðurskiftini í Leirvík eiga at fáast uppá, áðrenn Norð- oyatunnilin letur upp. - Vit eiga at sláa kalt vatn í blóðið. Hevur samfelagið ikki ráð at syrgja fyri trygg- um ferðsluviðurskiftum í Leirvík, hava vit heldur ikki ráð at byggja Norð- oyatunnilin. Men, siga leirvíkingar: - Kanska eru vit longu ov seinir á sjóvarfallinum. Sosialurin fer at venda aftur til málið um ferðslu- viðurskiftini í Leirvík. MÓTTØKA Vilmund Jacobsen vilmund@sosialurin.fo Tordur J. Niclasen hevur verið fyristøðumaður á Eysturoyar Røktar-og Ellisheimi í 20 ár. Hendan dagin ætlar stýrið fyri heimið ikki at lata fara aftur við borð- inum uttan nakað. Í samband við dagin, verður skipað fyri mót- tøku á Røktar- og Ellis- heiminum í Runavík mikudagin, 1 oktober frá kl. 16. Øll eru vælkomin at heilsa fyristøðumann- inum. Tøkk Hjartaliga takka vit øllum, sum á ymiskan hátt sýndu samkenslu og rættu nógvar hjálpandi hendur, tá kæri pápi, verpápi, abbi og langabbi okkara Sámal Petur Lognberg Skopun andaðist. Tøkk til tykkum á Sambýlinum á Skerinum í Skopun, at tit vóru so góð við pappa, tøkk til sjúkrasystrarnar, tøkk til Jákup Reinert Hansen prest fyri troystarrík orð í kirkjuni. Tøkk til tykkum, sum fylgdu honum til tað seinasta hvíldarstað. Fyri tey avvarðandi Børnini Eiga at sláa kalt vatn í blóðið Ikki færri enn 8 ymiskir møguleikar til loysn av ferðsluviðurskiftunum í Leirvík vóru nevndir á kunnandi fundinum hóskvøldið, sum Leirvíkar kommuna skipaði fyri. Flestu leirvíkingar eru samdir um, at ferðsluviðurskiftini í bygdini eiga at fáast uppá pláss, áðrenn Norðoya- tunnilin letur upp Tordur 20 ára starvsdag Tordur J. Niclasen hevur nú verið fyristøðumaður í 20 ár Løgreglan í høvuðs- staðnum hevur ikki havt so nógv at gera um vikuskiftið, men onkrir tilburðir hava kortini verið LØGREGLUTÍÐINDI Solby A. Eliasen solby@sosialurin.fo Løgreglan hevur tikið tveir bilførarar í vikuskiftinum fyri at koyra ávirkaðir. Tann eini varð tikin leygarnáttina um eitt tíðina. – Hann blásti 1,14 ‰, og verður skuldsettur fyri rús- drekkakoyring, sigur vakt- havandi. Hin bilførarin varð tikin sunnumorgunin um fimmtíðina. Hann hevði 1,94 ‰, og harafturat hevði viðkomandi onki koyrikort. So tað fær hann eisini eina bót fyri. Leygarnáttina fekk løg- reglan eina fráboðan um harðskap í býnum. Ein maður var sligin og spark- aður bæði í høvdið og kroppin. Hann varð fluttur á Landssjúkrahúsið. Hann fekk nakað av skaða. Mill- um annað hevði hann brot- ið tvær tenn. Løgreglan veit, hvør framdi harðskap- in, og hesin verður skuld- settur fyri harðskap. Løgreglan í Klaksvík tók somuleiðis ein bilførara í vikuskiftinum fyri at koyra við kenning. Fríggjadagin fór sjúkra- bilurin til Norðdepils eftir einum manni, sum var dott- in úr einum stiga. – Sum skilst so fekk maðurin nakað av skaða, men hetta var sum so ikki eitt løgreglumál. Men hann var so fluttur á Klaksvíkar sjúkrahús, sigur vakthav- andi, sum annars leggur afturat, at tað hevur verið stak friðarligt í Klaksvík um vikuskiftið. Ein 47 ára maður var handtikin av løgregluni um vikuskiftið fyri at hava 800 g av hassji í viðførinum LØGREGLUTÍÐINDI Solby A. Eliasen solby@sosialurin.fo Maðurin varð funnin uttan- fyri terminalin á flogvøllin- um í Vágunum. Men Berg- leif Brimvík, leiðari á krim- inaldeildini, sigur, at onki týðir uppá, at maðurin skuldi við flúgvaranum. – Maðurin var avdottin, og í viðførinum hjá honum vórðu so 800 g av hassji funnin. Maðurin varð skuldsettur og fór fyri rættin mána- morgunin. Annars eru tvey máli komin fyri í rættinum, sum hava bíðað í eina tíð nú. Málið við danaum, sum smuglaði 20 kg av hassji, kom somuleiðis fyri í rætt- inum mánamorgunin. Og seinnapartin skuldi so mál- ið um tveir italienarar, sum vórðu ákærdir fyri neyð- tøku av eini 15 ára gamlari gentu, koma fyri í rættin- um. Rætting Herfyri stóð grein í blaðnum um buffét á Pizzaria Napoli í Klaksvík. Í greinini varð endurtikið fleiri ferðir, at onki matstað hevði verið opið í døgurðatímanum í eina tíð. Men fleiri hava gjørt vart við, at hetta ikki er rætt. Klaksvíkar Sjómansheim hevur havt opið í mong ár og bjóðað fólki heitan mat í døgurðatímanum. Og tað gera tey enn. Undirritaða tekur fulla ábyrgd fyri hetta mistakið og biður lesararnar orsakað. - sae - Hevði hassj í viðførinum Harðskapur og rúsdrekkakoyring C M Y K 3 2