týsdagur 21. oktober 2003síða 15

Nr. 199 - 21. oktober 2003 29 29 28 Nr. 199 - 21. oktober 2003 C M Y K 28 Í toppdystinum megnaði FCK ikki at varðveita leiðsluna ímóti OB, og nú er superligan av álvara um at fara av um tvøran SUPERLIGAN Jóannes Hansen Eingin føroyskur fótbólts- spælari átti í vikuskiftinum lut í teimum seks dystun- um, tá ið tað varð farið undir annan triðingin av hesum kappingarárinum. Eftir steðg orsaka av EM undankappingini næst- síðsta vikuskifti, var tólvta umfarið á skránni í hesum vikuskiftinum. Í alt skulu 33 umfør spælast, áðrenn tað verður greitt, hvør verð- ur meistari, og hvør skal tungu leiðina niður í næst- bestu deildina. Jón Rói Jacobsen, sum framvegis hevur sáttmála við oddaliðið Brøndby, er langtíðarskaddur. Todi Jónsson, sum má metast at hava havt sera sannførandi fyrsta part av hesum kapp- ingarárinum, er plágaður av skaða í lærkrikanum. Skað- in sigst ikki vera so ógvu- liga álvarssamur soleiðis at skilja, at Todi verður ikki uttanfyri í nógvar vikur. Men tað hevur tikið eitt sindur longri tíð, enn tað hevur verið roknað við og vónað í FCK at fáa bilbukt við skaðan. Í FCK høvdu teir vónað, at Todi fór at vera førur fyri at spæla sunnudagin, men tá ið fimtan manna hópurin varð úttikin, var tað greitt, at tað var neyðugt at spara Toda nakrar dagar afturat. Eftir tólv tey fyrstu um- førini tykist kappingin at hava hug at fara av um tvøran. Brøndby er á odda við 26 stigum, og AaB er nummar seks við 20 stig- um. Seks feløg eru í hesum ovara partinum. Umframt Brøndby og AaB eru tey Esbjerg, FCK, OB og FCM. Seks feløg eru fyribils við í stríðnum fyri at sleppa undan niðurflytingar pláss- unum. Herfølge er sætti niðast við fjúrtan stigum, og AB er niðast við sjey stigum. Hini feløgini, sum í løtuni eru boð upp á nið- urflyting, eru FC Nord- sjælland, AGF, Viborg og Frem. Toppliðini vunnu Undan vikuskiftinum var Brøndby oddalið, og tað eru teir framvegis. Teir vóru stórfavorittar í Århus. Brøndby vann 2-1 á AGF, men sigurin var ikki so lætt vunnin, sum støðutalvan kundi havt bent á, at hann fór at verða. Fyritreytirnar hjá AGF vóru vánaligar. Teir høvdu einar seks spælarar á skaða- listanum, onkrir vóru við U-19 landsliðnum uttan- lands, og so var neyðugt at hava tríggjar blaðungar spælarar, sum ongantíð høvdu spælt í superliguni, á beinkinum. Tveir 16 ára gamlir vórðu skiftir inn, og tað vísti seg í síðsta enda at vera ov stórur biti ímóti Brøndby, sum hevur fleiri landsliðsspælarar á sínum liði. Men tað stóð leingi 1- 1, áðrenn Brøndby fekk eitt kloddamál og vann 2-1. Esbjerg hevði í fýra teim- um seinastu royndunum ikki vunnið á Viborg, men hesa ferð eydnaðist tað, hóast einki mál kom í 1. hálvleiki. Tað stóð 1-1 eina løtu, áðrenn tað eydnaðist hjá Esbjerg at skjóta sigurs- málið. Harvið høvdu bæði tey fremstu fingið fult á úti- vølli. Borð um borð FCK hevði í oysandi regn- inum og rættuliga heystar- veðrinum seint seinna- partin sunnudagin vitjan av OB sum fyrr í hesum kappingarárinum vann 4-2 í Parkini ímóti FCK. Hjá heimaliðnum vóru umframt Toda Jónsson eisini Erik Mykland og Ole Tobiasen skaddir. Í álopinum vóru Peter Møller og Zuma. Tá ið seinna umfarið var meiri enn hálvrunnið, varð Zuma, sum ikki er í fullari dystarvenjing, skiftur út við Alberto Santos, sum higar- til als ikki hevur livað upp til prátið um stórspælara og fastan málskjútta, ið var so nógv frammi mitt í summ- ar. Eftir verjukiks av teimum stóru hjá miðverjanum og landsliðsspælaranum Mart- in Albrechtsen legði Steff- en Højer beinanvegin OB framum 1-0. FCK javnaði í 11. minutti. Peter Møller tamdi við rygginum ímóti málinum og eitt sindur frammanfyri nærra stólpan innlegg úr vinstru. Úr eitt sindur spískum lyfti hann bóltin afturum seg sjálvan. Ætlanin var at leggja inn- fyri, men bólturin smoygdi sær dygst inn við handara stólpanum. Tá ið tað rest- aðu tríggir minuttir av fyrra umfarinum tiltuskaði Thomas Røll sær brots- spark, sum liðformaðurin Peter Nielsen umsetti til hálvleiks leiðslu. Talan var um verdugt toppstríð, og Steffen Højer skoraði til 2-2. Teir vóru tveir OB spælarar ímóti fimm FCK monnum, sum ikki sóu so sannførandi út í hesum støðuni. Nú er FCK nummar trý, og OB er nummar fýra. Frem og Herfølge spruttaðu AaB sigursrøðin helt fram í Gladsaxe, har máttleysa heimaliðið, AB, sum nú er heilt isolerað í botninum og hevur tapt seks dystir á rað, legði rygg til 3-0 tap. Eftir 11. umfarið skifti Frem venjara, tí teir høvdu tapt fimm ferðir á rað. Fyrsta uppgávan hjá gamla Aberdeen, Brøndby, Vejle og Brønshøj venjaranum, Ebbe Skovdal, var heima- dysturin leygardagin ímóti FC Nordsjælland. Frem spældi sum ongantíð áður í hesum kappingarárinum, og teir vunnu 5-1! Kroat- iski Mirko Selak slapp ikki á liðið, tá ið Ole Mørch var venjari. Nú hevði hann fingið pláss ímillum teir fyrstu ellivu, og hann takk- aði fyri við at skjóta trý mál. Herfølge var botnlið við nógvum skaddum spælar- um, tá ið teir fóru at vitja FCM, sum higartil í hesum kappingarárinum ikki hevði tapt á heimavølli. Herfølge vann 2-0. Chris Hermansen skoraði upp á brotsspark, og tá ið heimaliðið royndi at kroysta seg til eitt stig, økti sami spælari eftir snarálop. Partick tapti aftur Skotska felagið hjá Jákupi Mikkelsen er nú um at verða full- komuliga isolerað í botninum av bestu deildini SKOTLAND Jákup Mørk Jákup Mikkelsen var ikki í málinum, tá skotska felag hansara, Partick Thistle, leyg- ardagin leikti móti Dundee United. Dun- dee hevur í ár sett sær sum mál at koma út í Europa at spæla, og í hesum royndum hava teir av álvara roynt at styrkt um hópin. Fyri- bils hevur hetta givið úrslit í, at italienski Fabrizio Ravanelli nú hevur fingið annað álopsplássið á liðnum, og tað var eisini hann, sum átti størsta lutin í einsamalla málinum í dystinum. Hetta skeyt spanski Nacho Novo, men tað var italski silvurrevurin, sum átti forarbeiðið til málið. Umframt Ravanelli hevur Dundee boðað frá, at teir í løtuni royna at fáa avtalu í lag við Edgar Davids um at spæla við liðnum hetta kappingarárið. Tað tykist mest sum víst, at Davids – sum í løtuni er sáttmála- bundin at Juventus – skal spæla við Roma næsta kappingarár, men fram til tá tykist vera sera avmarkað, hvat hann skal rokna við av spælitíð í Juven- tus. Slíkan styrk kunnu Jákup og teir í Partick bert droyma um. Men einki er at ivast í, at tað vildi verið kærkomið, um onkrar heims- stjørnur skuldu leitað sær til teirra. Eftir fyrstu níggju umførini eigur liðið framvegis fyrsta sigurin til góðar, og munurin upp til næstu liðini veksur spakuliga, soleiðis at tað skjótt kann gerast meira enn møtumikið at skula lívbjarga sær í deildini. Brøndby framvegis oddalið Heldur ikki hesaferð megnaði FCK at vinna heimadystin móti OB, sum sostatt hevur fingið fýra av seks møguligum stigum í Parkini í heyst Christian Høgni er álitið í Vejle Jann Ingi Petersen var á vøllinum í 75 min- uttir, tá ið Fremad Amager á heimavølli misnýtti møguleikar og varð sektað við 1-0 tapi DANMARK 1. DEILD Jóannes Hansen joannes@sosialurin.fo Christian Høgni Jacobsen tykist rættuliga hava fingið høvdið fyri seg í Vejle. Eftir vitjanina í Århus, har Vejle vann 2-0 ímóti FC Aarhus og Christian Høgni Jacob- sen var tvífaldur málskjútti, hevur føroyski álopsspæl- arin skorað sjey av teimum 21 málunum, sum Vejle hevur skorað í hesum kapp- ingarárinum. Vandi er sjálvandi fyri at taka munnin ov fullan, og beinini eiga at verða hildin á jørðini. Men um Christian Høgni megnar at halda um endan, sum hann rættuliga tykist hava fingið fatur á henda síðsta mánaðin, so kann tað verða so skjótt, at hann fer at verða innlimað- ur millum stóru málkongar- nar í Vejle. Har er nógv at liva upp til. Her verður hugsað um nøvn sum Allan Simonsen, Iver Schriver, Tommy Troelsen, Steen Thychosen, sum nú er venj- ari í Vejle, og soleiðis kundi verið hildið fram. Ætlanin var ikki at leggja trýst á Christian Høgna, men held- ur at vísa á, at í Vejle hava teir átt nógvar framúr mál- skjúttar. Seinastu árini hev- ur tað verið eitt sindur solt- ið, men nú tykist ein at hava víst rætta tevið. Steen Thychosen hevur víst Christiani Høgna álit. At føroyski landsliðsmað- urin ikki enn er serliga kendur fótbóltsspælari í Danmark, hóast hann eisini hevur roynt seg í superlig- uni bæði við Esbjerg og Vejle, hoyrdist í Århus leygardagin. Christian Høgni skoraði til 1-0 í 47. minutti, tá ið hann úr vinstru sneiddi framvið tveimum, áðrenn hann skoraði, og ellivu minuttir seinni umsetti hann innlegg frá Peter Degn umvegis tvørtræið og í málið. Í báð- um førunum eftir at før- oyski spælarin hevði skor- að, varð sagt í hátalarunum, at tað var Christian Høgni Jascobsen, sum hevði skorað! Hóast tað nú eydnaðist at vinna á útivølli, so er støð- an hjá Vejle framvegis einki serlig. Teir eru alt ov tætt at botninum, og tískil komu tey trý stigini sera væl við. Jann Ingi fyri fyrstu ferð Fyrrverandi B68 spælarin Jann Ingi Petersen var fyri fyrstu ferð við í hópinum hjá Fremad Amager, og venjarin vísti honum álit beinanvegin. Jann Ingi var á miðvøllinum frá fyrsta bríksli, og hann var á vøllinum, inntil tað restaði eitt korter. - Eg haldi, at tað gekk hampuliga væl hjá mær. At eg varð skiftur út mundi komast av, at eingin luft var eftir, heldur Jann Ingi, sum sigur seg harmast nógv um, at teir taptu. - Serliga í 1. hálvleiki høvdu vit gott spæl og fleiri møguleikar, men vit fingu ikki mál, og so var einki at gera, tá ið teir miðskeiðis í 2. hálvleiki skoraðu og vardu leiðsluna. Mótstøðu- liðið hjá Fremad Amager í Sundby var Fredericia. Fremad Amager er dygst omanfyri niðurflytingar strikuna. Leygardagin skulu teir spæla á útivølli ímóti Brønshøj, sum eisini er í tyngra endanum. Horsens tapti Higartil hevði AC Horsens ongantíð tapt. Men sunnu- dagin endaði tað galið á heimavølli. Nýuppflutta FC Nordjylland vann 3-1. Hetta var fimti útisigurin hjá teimum á rað, og teir hava fingið fimtan av teimum nítjan stigunum á útivølli. Randers FC og Silkeborg megnaðu ikki at taka seg inn á Horsens, sum tey hava havt frammanfyri seg alt hetta kappingarárið. Hjá Randers sá tað leingi gott út á Eysturbrúgv, har teir vóru frammanfyri 2-0 ímóti B93. Mne so vendi, og B93 vann 3-2. Sigursmálið fingu teir í yvirtíðini. Silkeborg vitjaði hitt niður- flutta liðið — Køge. Heimaliðið var á odda inntil farið var undir tíðina, sum dómarin hevði lagt afturat. Tá javnaði Silke- borg til 1-1. HFK Sønderjylland og Ølstykke tóku seg eitt sind- ur nærri toppinum. HFK vann 6-0 á heimavølli ímóti Skjold, og Ølstykke vann 5- 0 á heimavølli ímóti B1913. Børnshøj tapti 3-1 á heimavølli ímóti Nykøbing Falster Alliancen. Trý umfør eru eftir undan vetrarsteðginum í næst- bestu deildini. Síðsta um- farið verður 9. november, og tá kemur Jann Ingi Petersen heim at halda vetrarfrí inntil eftir árs- skiftið. Danska superligan v t d v - j - t mál mál +/- stig 1 Brøndby (S) 12 8 - 2 - 2 20 8 12 26 2 Esbjerg 12 7 - 3 - 2 20 13 7 24 3 FCK (M) 12 6 - 4 - 2 19 11 8 22 4 OB 12 6 - 3 - 3 24 14 10 21 5 FCM 12 6 - 2 - 4 19 15 4 20 6 AaB 12 6 - 2 - 4 15 12 3 20 7 Herfølge 12 4 - 2 - 6 11 14 -3 14 8 Viborg 12 3 - 4 - 5 21 22 -1 13 9 AGF 12 4 - 1 - 7 17 25 -8 13 10 Frem 12 4 - 0 - 8 15 23 -8 12 11 FC Nordsj. 12 2 - 4 - 6 13 20 -7 10 12 AB 12 2 - 1 - 9 9 26 -17 7 Føroyskir leikarar: Todi Jónsson (FCK), Jón Rói Jacobsen (Brøndby) Danska 1. deild v t d v - j - t mál mál +/- stig 1 AC Horsens 12 10 - 1 - 1 24 8 16 31 2 Randers FC 12 8 - 2 - 2 33 18 15 26 3 Silkeborg 12 7 - 3 - 2 25 10 15 24 4 Køge 12 7 - 3 - 2 25 16 9 24 5 HFK Sønderj. 12 7 - 1 - 4 37 20 17 22 6 Ølstykke 12 7 - 0 - 5 30 23 7 21 7 Fredericia 12 6 - 2 - 4 20 16 4 20 8 FC Nordjylland 12 6 - 1 - 5 15 16 -1 19 9 Skjold 12 5 - 2 - 5 24 23 1 17 10 B 93 12 4 - 2 - 6 22 24 -2 14 11 Vejle 12 4 - 2 - 6 21 27 -6 14 12 Nykøbing 12 3 - 3 - 6 19 22 -3 12 13 Fremad Amager 12 3 - 3 - 6 16 22 -6 12 14 FC Aarhus 12 2 - 1 - 9 11 32 -21 7 15 B 1913 12 1 - 3 - 8 11 31 -20 6 16 Brønshøj 12 1 - 1 - 10 11 36 -25 4 Føroyskir leikarar: Christian Høgni Jacobsen (Vejle), Johan Byrial Hansen (AC Horsens) Skotska Premier League v t d v - j - t mál mál +/- stig 1 Celtic 9 8 - 1 - 0 24 3 21 25 2 Rangers 9 7 - 1 - 1 27 8 19 22 3 Dundee 9 4 - 2 - 3 12 10 2 14 4 Hearts 9 4 - 2 - 3 11 13 -2 14 5 Livingston 9 3 - 3 - 3 10 10 0 12 6 Motherwell 9 3 - 3 - 3 10 12 -2 12 7 Dunfermline 9 3 - 3 - 3 8 10 -2 12 8 Hibernian 9 3 - 2 - 4 8 13 -5 11 9 Kilmarnock 9 3 - 2 - 4 11 17 -6 11 10 Dundee Utd. 9 2 - 2 - 5 6 16 -10 8 11 Aberdeen 9 2 - 1 - 6 9 16 -7 7 12 Partick 9 0 - 2 - 7 7 15 -8 2 Føroyskir leikarar: Jákup Mikkelsen (Partick) Christian Høgni Jacobsen hevur av álvara fingið ferð á málskjótingina í heyst. Um vikuskiftið skeyt hann bæði málini í Vejle-sigrinum á FC Aarhus