hósdagur 9. oktober 2003síða 10

18 Nr. 199 - 3. oktober 2003 UTTAN ÚR HEIMI Bangnir fyri rakettum Altjóða floghavnin í irakska høvuðsstaðnum Bagdad hevur ikki verið opin, síðani amerikanararnir hersettu hana undir Irak-krígnum. Sambært The New York Times tora amerikanararnir ikki at lata hana upp, tí teir sakna framvegis eitt rættiliga stórt tal av rakettum av slagnum Stinger. Síðani amerikanararnir og bretarnir róku stýrið hjá Saddam Hussein frá, hava teir savnað alskyns vápn, og hesa tíðina hava teir fingið fatur á 317 rakettum, sum eru so smáar, at ein maður kann bera tær. Amerikanska herleiðslan veit ikki, um hon hevur fingið allar rakett- irnar, tí hon veit ikki, hvussu nógvar tílíkar rakettir irakar høvdu undan krígnum. Stinger-rakettirnar kunnu millum annað skjóta flogfør niður, og tá amerikanararnir ikki vita, um irakskir mót- støðubólkar kunnu hava slíkar rakettir, tora teir ikki at lata altjóða floghavnina í Bagdad upp. Harafturat bera amerikanararnir ótta fyri, at mótstøðubólkarnir kunnu smugla Stinger-rakettir um markið úr grannalondunum. Heimsins størstu bingjuskip Kanadiska reiðaríið Seaspan Container Lines hevur nú bílagt átta bingjuskip, sum verða tey størstu av sínum slagi í heiminum. Skipini skulu byggjast á einari suður- koreanskari skipasmiðju, og tey fara at taka 9500 bingj- ur hvørt. Tað fyrsta verður ætlandi sett í sigling í 2006. Tað er eitt sindur óvist, hvussu nógvar bingjur tey størstu skipini, sum nú eru í sigling, kunnu taka. Danska reiðaríið A. P. Møller, sum eigur fleiri stór bingjuskip, hevur alment upplýst, at tey størstu skipini hjá felagnum taka 6000 bingjur, men onnur halda, at tey í veruleikanum kunnu taka 8000 bingjur, og tað hevur A.P. Møller ikki avsannað, skrivar Jyllandsposturin. Tað er eisini hugsandi, at A.P. Møller ætlar at byggja skip, sum verða uppaftur størri enn tey kanadisku. Lin- dø-skipasmiðjan er í ferð við at byggja fleiri bingjuskip til reiðaríið, og tað er ikki óhugsandi, at okkurt teirra verður størri enn tey hjá Seaspan Container Lines. Barnahermenn tiknir Stjórnarherurin í Filipsoyggjunum hevur tikið meiri enn 170 børn, sum vóru hermenn hjá kommunistisku uppreistrarrørsluni NPA. Sambært keldum hjá stjórnarherinum er talan um 122 dreingir og 50 gentur. Flestu teirra arbeiddu sum sendiboð ella sjúkrarøktarar hjá uppreistrarherinum, men onnur virkaðu sum njósnarar og sum veruligir her- menn. Sambært keldunum eru børnini send til ymsar almennar stovnar, har tey annaðhvørt skulu ganga í skúla ella fáa lønt arbeiði. Myndugleikarnir í Filipsoyggjunum hava í fleiri ár skuldsett kommunistisku uppreistrarrørsluna fyri at bróta altjóða bannið ímóti at nýta børn sum hermenn, men sambært stjórnini letur rørslan ikki atfinningarnar við seg koma. Sleppa USA Danska bryggjaríið Carlsberg sigur sít øl vera tað besta í heiminum, men kortini hevur bryggjaríið valt at síggja burtur frá amerikanska marknaðinum. Orsøkin er ikki, at amerikanararnir ikki leggja í Carlsberg, men heldur tann, at tað er sera dýrt at marknaðarføra eina vøru í USA. Niðurlendska bryggjaríið Heineken nýtir næstan eina hálva milliard krónur um árið at marknaðarføra sítt øl á amerikanska marknaðinum, og tey bæði stóru suðurafrikonsku bryggjaríini SAB Miller og Anheuser-Busch nýta meiri enn fýra milliardir krónur um árið bert til markn- aðarføring í USA. Amerikanararnir halda tað vera løgið, at Carlsberg ger so lítið burtur úr sær í USA, men leiðslan í danska felagnum hevur ta áskoðan, at tað ber væl til at gera seg galdandi á heimsmarknaðinum uttan at gera seg gald- andi í USA. Tað er ein hugsunarháttur, sum amerikan- ararnir hava ilt við at skilja. Hevði Kalifornia ver- ið eitt sjálvsstøðugt land, hevði Arnold Schwarzenegger verið sjálvskrivaður við fundarborðið hjá heimsins ríkastu londum. Men super- staturin er í stórari kreppu. KALIFORNIA Árni Joensen fartekst@mail.dk Tað er ikki ein vanligur amerikanskur guvernør- stólur, sum Arnold Schwar- zenegger er komin at sita í. Bruttu"tjóðar"framleiðslan í statinum er 1,4 billiónir dollarar (1,4 milliónir milliónir dollarar). Tað ger, at Kalifornia er tann fimta- størsta búskapareindin í heiminum. Hann er eisini tann størsta búskapareindin í USA og harafturat lands- ins týdningarmesti land- búnaðarstatur. Men so er eisini alt tað góða sagt um Kalifornia, tí búskapurin í statinum er í svárari kreppu. Í fjør hevði staturin eitt hall upp á 38 milliardir dollarar ella 7.000 krónur fyri hvønn einasta av teimum 35 milliónum íbúgvunum. Í sjey ár var framburður í búskapinum, men seinastu trý árini hevur tað gingið hinvegin. Tað er hesari gongdini, Arnold Schwar- zenegger skal venda. The Terminator fær tí úr at gera. Skal stýra ríkum stati í stórari neyð Norðmenn hava olju fyri 1000 milliardir meiri enn higartil mett Nýggjar metingar hjá Statoil vísa, at tað er nógv meiri olja eftir á norska landgrunnin- um enn higartil hildið. OLJA Árni Joensen fartekst@mail.dk Fyri aðru ferð í tveir mán- aðir er almenna norska oljufelagið komið við góð- um tíðindum um oljumøgu- leikarnar á norska land- grunninum. Fyri tveimum mánaðum síðani kunn- gjørdi felagið, at tað hevði funnið eina sera stóra olju- leið á Ellida-leiðini, og í gjár boðaði felagið frá, at tað eru nógv meiri olja og gass undir norska havbotn- inum, enn serfrøðingar hig- artil hava mett. - Vit halda, at tað eru 28,3 milliardir rúmmetrar av olju og gassi í goymslum, sum vit ikki hava funnið enn. Talan er serliga um øki á djúpum vatni í Noregshavinum, sig- ur leitistjórin hjá Statoil, Tor Fjæran, við Aftenpost- en. Her kann verða nevnt, at so seint sum í juni metti norska oljumálaráðið, at einir 22 milliardir rúm- metrar eru í økjum, sum ikki eru funnin enn. Við dagsins olju- og gassprísi svarar munurin til meiri enn 1.000 milliardir norsk- ar krónur. Tor Fjæran sigur, at Statoil gjørdi ta nýggju metingina, áðrenn felagið fann ta stóru goymsluna á Ellida-leiðini, og hann heldur, at tað fundið stað- festir metingina hjá felagn- um. NSÍ smádreingirnir aftur tvær ferðir gull Annað árið á rað hava evnaríku smádreing- irnir hjá NSÍ megnað at vunnið bæði lands- kappingina og steypa- kappingina FØROYAMEISTARAR Jóannes Hansen joannes@sosialurin.fo Eina ferð mitt í summar høvdu vit frásøgn frá steypakappingini í smá- dreingjadeildini. Tá snúði søgan seg um, at NSÍ smá- dreingirnir høvdu vunnið steypakappingina. Finaluna vunnu teir 1–0 á B36. Tann finalan varð spæld í Gøtu. Nú hava NSÍ smádreing- irnir aftur vunnið gull. Hesa ferð er tað í lands- kappingini. Og tað var ikki við mýkindum, at evnaríku 12–14 ára gomlu NSÍ ararnir fóru ígjøgnum hetta kappingarárið. Teir taptu einans tveir dystir. Talan var um tveir landskappingar- dystir, sum vórðu spældir í undanumfarinum. Tá ið hesir dystirnir vóru á skránni, var tað longu greitt, at NSÍ hevði tryggjað sær pláss í endaumfarinum. Eftir summarsteðgin var NSÍ rættuliga sannførandi. Teir vunnu allar dystirnar, og fjarstøðan frá gullpláss- inum og aftur til hini boðar frá, at talan hevur verið um eitt lið, sum so at siga hevur verið í flokki fyri seg sjálvt. HB smádreingirnir fingu silvurmerkini. Teir vóru tíggju stig lakari enn NSÍ. Venjarar hjá smádreingj- unum hava verið Meinhardt Dalbúð og Trygvi Morten- sen, sum nú eru komnir í tann aldurin, at teir eiga spælarar á hesum liðnum. Venjararnir báðir vóru í síni tíð kendir fótbóltsspælarar. Meinhardt var rættuliga málsøkin álopsspælari. Hann tráddi sínar fótbólts- skógvar í Fuglafirði, har hann var á unglingaliðnum, sum vann FM í 1975. Blað- ungur kom hann á besta liðið, og toppin rakk hann longu í 1979. Tað árið vann ÍF fyrsta og higartil einasta FM heitið, og Meinhardt Dalbúð var toppskjútti í 1. deild. Seinni var Meinhardt í Danmark og so í B36. Hann hevur verið venjari á Skála, í Leirvík og í barn- dómsfelagnum í Fuglafirði. Trygvi Mortensen spældi altíð við NSÍ. Hann var stundum málverji og stund- um var hann úti á vøllinum – bæði á miðvøllinum og í miðverjuni. Hann hevur fleiri ferðir verið venjari hjá NSÍ í 1. deild, hann hev- ur havt ábyrgdina av ung- lingaliðnum, í fjør var hann venjari hjá EB/Streymi í 1. deild, og í ár hevur hann, umframt at venja smá- dreingjaliðið, verið hjálpar- venjari í 1. deild. Sjálvandi fegnast smá- dreingirnir í Runavík um, at tað í ár eydnaðist teimum at vinna báðar kappingar- nar. Tað er kortini ikki nakað nýtt, at nógvir av hesum dreingjunum vinna. Í fjør vunnu teir eisini bæði landskappingina og steypa- kappingina í smádreingja- deildini. Sjálvandi ber tað ikki til at siga nakað um, hvussu tað fer at roynast næsta kappingarár. Men tað er einki at ivast í, at NSÍ tá fer at vera við í kappingini um heiðursmerkini bæði í dreingjadeildini og í smá- dreingjadeildini. Næsta ár fara teir dreingirnir, sum í fjør vunnu báðar kapping- arnar í smádreingjadeildini, at spæla saman í dreingja- deildini. Í NSÍ hava teir tað sein- asta árið lagt nógva orku í at menna bestu spælararnar. Ábraham Løkin hevur staðið fyri talentvenjingini, sum teir rópa hesar servenj- ingarnar, har evnaríkir spælarar úr fleiri aldurs- bólkum venja saman. Ætl- anin er at halda á við hesum venjingunum í vetur. Ítróttarsosialurin ynskir NSÍ smádreingjunum hjartaliga tillukku við øllum gullinum. NSÍ smádreingir. FM vinnarar og steypavinnarar 2003. Standandi frá vinstru: Andrass Olsen, liðleiðari, Trygvi Mortensen, venjari, Arnold T. Davidsen, Jan Niclasen, Sveinur Nielsen, Robert Sørensen, Hanus Jacobsen, Rógvi Højgaard, Klæmint Olsen, Øssur Dalbúð, Meinhard Dalbúð, venjari. Húkandi frá vinstru: Dávid Jacobsen, Gi Rasmus- sen, Eyðstein Joensen, Petur á Roykheyggi, Jann Martin Mortensen, liðformaður, Petur Meinhard Magnussen, Eli Mikkelsen, Jens Joensen og Filip E. Jacobsen Nr. 191 • hósdagur • 9. oktober 2003 • 77. árgangur • www.sosialurin.fo C M Y K 19 18