hósdagur 6. november 2003síða 2

2 Nr. 211 - 6. november 2003 Nr. 211 - 6. november 2003 3 Á aðalfundi í Mentan- arhúsfelagnum í Runavíkar kommunu seinasta sunnudag, legði formaður felag- sins, Kári Thorsteins- son, fram fyrstu árs- frágreiðingina síðan endurstovnanina, 25. apríl 2002. Aðalmálið hjá felag- num er at byggja eitt mentanarhús í Runa- vík, men felagið hevur eisini síðan endurstovnanina skipað fyri og verið við til at skipað fyri eini røð av ymiskum tiltøkum – ikki minst í samband við Eystan- stevnu MENTAN Vilmund Jacobsen vilmund@sosialurin.fo Í blaðnum týsdagin høvdu vit samrøðu við Kenneth Rasmussen, sum er nevnd- arlimur í Mentanarhúsfe- lagnum. Hann greiddi frá, hvussu langt ætlanir felag- sins um eitt mentanarhús eru komnar. Mentanarhúsfelagið, sum hevur stívliga hálvt annað ár á baki, kallaðist í sínari tíð Bygdarhúsfelagið og varð stovnað longu í 1975. Fyrst í áttatiárunum datt felagið niðurfyri, og síðan lá virksemið stilt í fleiri ár. Við endurstovnanini broytti felagið navn. Kabarett og konsert - Síðan nýggj nevnd varð vald at taka sær av mál- setninginum, hevur verið arbeitt við fleiri ætlanum um eitt mentanarhús í Runavíkar kommunu. Eis- ini hevur felagið verið sera virkið at skipað fyri tiltøk- um, sum mugu metast at hoyra undir eitt slíkt felag – nú og helst eisini í fram- tíðini. Kári Thorsteinsson, for- maður, segði í ársfrágreið- ing síni, at eitt tað fyrsta til- takið av sínum slag, var Eystanstevnan 2002, har felagið fór undir at skipa fyri Eystanstevnukabarett í Glyvra skúla og stórari uttandura Eystanstevnu- konsert á økinum omanfyri Brotið í Saltangará. - Sjálvt um fyrireikingar- tíðin var rættiliga avmark- að, eydnaðust tiltøkini sera væl, og avgjørt varð at royna tiltøkini aftur á Eyst- anstevnu í ár. Formaðurin vísir á, at felagið eisini var við til at skipa fyri einum minni parti av kvøldsetuni, sum á hvørji Eystanstevnu verður hildin sunnukvøld – fyri líka sum at enda sjálva stevnuna við tónleiki, sangi, skemti og øðrum til gamans og álvara. - Í ár stóð felagið sjálvt fyri fyrireikingini av kvøld- setuni, har Eyðun Gaardbo hevði átikið sær at sam- skipa tiltøkini. Somuleiðis var Eystanstevnukabarettin aftur í ár í Glyvra skúla, og her varð tað Kenneth Ras- mussen, ið samskipaði. Nógv fólk vitjaðu kabarett- ina, og serliga nógv sóu seinastu sýningina. Báðir hava teir víst stórt hegni at taka sær av slíkum tiltøk- um. Kári segði, at tey vænt- aðu nógv fólk til uttandura- konsertina, men aftur í ár noyddist felagið at ásanna, at tað er sera trupult at "fanga" fólk og fáa tey at koma til tiltøkini. - Tey ungu koma ikki í býin fyrr enn væl eftir midnátt, og tá eru slík tiltøk vanliga liðug. Hann vísir á, at Eystan- stevnukonsertin í ár varð skipað soleiðis, at ein barnakonsert var framman- undan. - Hetta eydnaðist stak væl, hóast ynskiligt er, at fleiri koma til konsertirnar. Tað hevur týdning bæði fyri tey, sum eru á palli, áhoyr- arar og fyrireikarar. Savnandi tiltøk Kári Thorsteinsson segði, at Mentanarhúsfelagið hev- ur verið partur av Eystan- stevnunevndini, sum annars er samansett av feløgum í kommununi. - Hendan umboðan er sera týdningarmikil fyri felagið, sum soleiðis hevur ein avgjørdan og virknan leiklut í tí, sum skal fara fram av tiltøkum í samband við stevuna. Tað er í hesi nevnd, at skráin fyri Eyst- anstevnuna verður snikkað til og endaliga løgd. Hann segði, at Mentanar- húsfelagið er ógvuliga feg- ið um tað samstarv, sum verið hevur í nevndini – og somuleiðis fegnast felagið um samstarvið við Runa- víkar kommunu. - Kunningarstovan eigur eisini stóra tøkk fyri tað ómetaliga stóra arbeiði, tey leggja í alt virksemi her á okkara leiðum og ikki minst í Eystanstevnunevnd- ini, segði Kári. Saman við ársfrágreið- ingini hjá Mentanarhúsfe- lagnum, fylgir eisini ein langur listi yvir tiltøk, sum felagið hevur skipað fyri síðan endurstovnanina. Sjálvt um tiltøkini vórðu væl og virðiliga lýst, noyddist felagið kortini at ásanna, at áhugin fyri fleiri av hesum tiltøkum var ógvuliga lítil. Tó vóru und- antøk. - Tað vísir seg, at hevur tú rætta tiltakið til røttu tíðina – so koma fólk. Hetta mugu vit leggja okkum í geyma. Men sum mentanarfelag, mugu vit eisini leggja okk- um eftir teimum tiltøkum sum bjóða seg fram og sum ikki altíð venda sær til tann breiða skaran av fólkinum. Kári vísir á, at eitt tað seinasta tiltakið, sum fe- lagið skipaði fyri við 17 sangarum, kvinnukórinum Suð og tónleikarunum, Monicu Strauss Joensen og Helgu H. Gerðalíð, vísti, hvussu umráðandi tað er hjá felagnum at fáa egin hølir til konsertir og onnur tiltøk. - Konsertin, sum var í Runavíkar skúla, var á høgum stigi. Skulu tey, sum framføra og vit onnur, sum lurta, fáa tað burtur úr, sum eitt slíkt tiltak krevur, sigur tað seg sjálvt, at vit eiga at stremba eftir at fáa so góð hølisviðurskifti, sum yvir- høvur gjørligt. Miðvíst arbeiði Formaðurin í Mentanarhús- felagnum segði, at felagið miðvíst hevur arbeitt við ætlanini at byggja eitt mentanarhús í kommununi – og nógvir møguleikar hava verið troyttir. - Eitt skifti varð eisini tosað um at byggja saman við felagnum Høganesi, men hesin møguleikin tyk- ist vera farin aftur við borð- inum, tá ið økið, talan kann vera um, neyvan verður tøkt til felagsendamál. Har- næst er enn óvist, hvussu ætlanin við Høganesi verð- ur skipað. Kári sigur, at felagið seinastu tíðina hevur bíðað eftir eini avgerð hjá Runa- víkar kommunu um, hvørji økir kundu hugsast at verið egnaði at byggja á. - Kommunan hevur havt serkøna arkitektahjálp inn- an býarplanlegging úr Dan- mark á vitjan og hava hesi gjørt ymisk tilmæli ella uppskot til kommununa. Seinasta ætlanin, sum fe- lagið hevur havt serstakan áhuga í, er ein komandi skúlabygging í kommun- uni. Formaðurin sigur, at Mentanarhúsfelagið við eini nýggjari skúlabygging sær møguleikan at verða ein partur av hesi heild. - Eg trúgvi, at kommu- nalu ætlaninar við skúla- bygging og ætlaninar hjá okkum við einum mentan- arhúsi, koma at skapa stór- ar og týðandi møguleikar fyri komandi mentanarlív- inum í kommununi. Ikki felagsbygging Kári sigur, at felagið sendi kommununi skriv, har tey reistu ynski um at byggja eitt mentanarhús saman við komandi skúlanum. Felagið legði kortini dent á at gerast skuldi eitt greitt ábyrgdar- býti millum Mentanarhús- felagið og kommununa um felags bygging. - Fyrimunirnir høvdu verið, at byggingin og raksturin høvdu verið bílig- ari, og møguleikarnir fyri felags nýtslu av hølunum høvdu verið sera góðir. Hann sigur, at mentanar- nevndin í kommununi seinni hevur svarað felag- num og hevur víst á, at kommunan ikki er áhugað fyri eini felags bygging. - Kortini vísir mentanar- nevndin á, at eitt mentanar- hús kundi verið bygt á sama staði, sum skúlin verður bygdur, og soleiðis kundu møguleikar verið fyri felags nýtslu av hølum og øðrum. Kári Thorsteinsson sigur at enda, at út frá hesi sann- føring hevur Mentanar- húsfelagið arbeitt víðari við málinum um eitt mentanar- hús í Runavík. Á aðalfundi felagsins seinasta sunnudag varð uppskotið, sum Eyðun Petersen, verkfrøðingur, hevur gjørt, víst fram. Hann hevur eisini gjørt eitt mo- dell av ætlaða mentanar- húsinum, sum byggjast skal í Runavík – á leiðini mill- um verandi skúla og húsini hjá Meinhardi. Mentanarhúsfelagið: Eitt virkið felag í Runavíkar kommunu Kári Thorsteinsson er formaður í Mentanarhúsfelagnum í Runavíkar kommunu Mynd: Jens Kr. Vang. Søgan um umbygg- ingina av fyrrverandi dansistaðnum, Kvøld- lot, heldur fram aftur. Í nýggjasta partinum av søguni hevur Høgni Danielsen fingið viðhald í einu kæru ímóti Tórs- havnar býráð. Olju- málaráðið hartar Tórshavnar býráð fyri at hava gjørt eina ólógliga avtalu við grannarnar um bygg- ingina av nýggja dansi– og mat- staðnum BYGGIMÁL Páll Holm Johannesen pall@sosialurin.fo Tað eru eftirhondini nógv ár liðin, síðan tíðindi vóru um, at Høgni Danielsen skjótt skuldi vera klárur við einum nýggi dansi- og matstaði, har Kvøldlot helt til. Fleiri orsøkir eru til, at bygningurin framvegis ikki er liðugur. Í summar skrivaðu vit um, at Høgni Danielsen hevði kært Tórshavnar kommunu fyri Oljumála- ráðið. Kæran var í tveim- um. Umframt at sýta Høgna fyri at byggja eitt hóskandi ventilatiónshús á tekjuni, hevur kommunan eisini latið part av byggi- valdinum til grannarnar. Høgni Danielsen metti ikki, at málið varð rættvíst viðgjørt. Hann kærdi tí Tórshavnar kommunu fyri Oljumálaráðið, og úrskurð- ur er nú komin í málinum. Oljumálaráðið kemur til ta niðurstøðu, at Tórshavnar kommunu hevur ikki borið seg rætt at. Í samband við bygging- ina hevur Tórshavnar Kom- muna latið byggivaldið yvir skeytinum hjá Høgna Dani- elsen til grannarnar, og tað hevur kommunan sambært Oljumálaráðnum ikki loyvi til. Víst verður til lógina um býarskipaninr og byggi- samtyktir, ið ikki heimilar eini kommunu at lata byggivaldið frá sær. Hetta er júst tað, ið Tórshavnar Kommuna hevur gjørt. Kommunan hevur havt eina avtalu við grannarnar um, at ongar broytingar kunnu fremjast í byggingini uttan teirra samtykki. Høgni Danielsen segði í samrøðu við Sosialin fyrr í ár: - Hetta er ein óhoyrd mannagongd, at Tórshavnar kommuna bindir seg til grannarnar, um hvussu eg skal fyrihalda meg til mína bygging. Tórshavnar kommuna hevur eftir øllum at døma borið seg skeivt at í mál- inum, og advokaturin hjá Høgna Danielsen krevur, at kommunan viðger málið av nýggjum skjótast gjørligt. Naggatódnin millum Tórs- havnar býráð og Høgna Danielsen hevur havt við sær, at Høgni hevur ikki kunnað hildið fram við byggingini. Advokaturin hjá honum krevur nú eina skjóta við- gerð í Tórshavnar býráð, so sleppast kann undan fleiri seinkingum, og uppaftur størri peningaligum tapi, sum hann málber seg. Nýggj viðgerð Høgni Danielsen sigur, at hann vónar, at málið nú verður viðgjørt av nýggjum í Tórshavnar býráð, so hann kann fáa byggiloyvið og harvið fara undir aftur byggingina av dansi- og matstaðnum. Sambært Høgna Daniel- sen hevur stóra stríðsmálið verið, at hann hevur verið noyddur til at halda seg til tvær ymiskar avtalur, sum ikki samsvara. Tórshavnar kommuna hevur havt eina avtalu við Høgna sjálvan, og eina við grannarnar. Hava grannarnir ikki vilja gingið ynskjunum hjá Høgna á møti, hevur Tórs- havnar býráð vanliga tikið síðu við grannunum, hóast Høgni Danielsen aldin hev- ur skrivað undir nakað, ið heimilar grannunum at hava slíkt vald yvir hansara bygging. Oljumálaráðið er nú komið til ta niðurstøðu, at Tórshavnar Kommuna hev- ur ikki loyvi at geva grann- unum so stórt vald í málin- um, og tískil metir Høgni Danielsen, at málið sjálv- sagt eigur viðgerast av nýggjum í býráðnum. Møguligt endurgjald Í skrivinum frá advokatin- um hjá Høgna Danielsen til Tórshavnar kommunu verður fráboðað, at fyri- varni skal takast fyri einum endurgjaldi móti Tórshavn- ar Kommunu í málinum. Høgni Danielsen sigur, at eitt endurgjald kann væl koma upp á tal, tí hann hev- ur mist nógvan pening or- saka av seinkingini. Hann leggur afturat, at fyrst og fremst má Tórs- havnar Kommunu viðgera byggimálið av nýggjum, og tá kommunan er komin til eina niðurstøðu, fer hann endaliga at taka støðu til eitt møguligt endurgjald fyri mistar inntøkur. Tórshavnar býráð hevur tikið niður- støðuna hja Olju- málaráðnum til eftirtektar. Tekniski stjórin á Tórshavn- ar býráð, Marius Müller, vísir kortini á, at kjarnin í mál- inum er um hvørt Høgni Danielsen hevur hildið seg til byggisamtyktina ella ikki. Okkara semja við grann- arnar kemur bert afturat, sigur hann BYGGIMÁL Páll Holm Johannesen pall@sosialurin.fo Tekniski stjórin á Tórs- havnar býráð, Marius Müller, sigur, at niður- støðan hjá Oljumála- ráðnum er tikin eftirtekt- ar. Marius Müller greiðir frá, at Tórshavnar kom- muna boyggir seg fyri, at kommunan ikki hevur borið seg rætt at viðvíkj- andi avtaluni við grann- arnar. Hann leggur kortini afturat, at Høgni Daniel- sen heldur seg framvegis ikki til byggisamtyktina, og um hann gjørdi tað, so hevði eingin trupulleiki verið Høgni Danielsen bygdi upprunaliga eitt ov stórt ventilatiónshús, og tað varð kravt av honum at umbyggja tað, so hann helt seg til galdandi byggisamtykt. Høgni Danielsen hevur síðan, í samráð við fleiri verk- frøðingar, sent Tórshavn- ar Kommunu nýggj upp- skot, men øll uppskotini eru víst aftur. Marius Müller vísir á, at Høgni Danielsen er vælkomin at gera húsini liðug, men støddin á ventilatiónsshúsinum má vera í samsvar við gald- andi byggisamtykt. – Kjarnin í málinum er framvegis, hvørt Høgni Danielsen hevur hildið byggisamtyktina ella ikki, og semjan millum okkum grannarnar kem- ur bert afturat, sigur tekniski stjórin á Tórs- havnar býráð. Oljumálaráðið hartar Tórshavnar býráð Høgni Danielsen vil ikki útihýsa møguleikanum fyri, at hann fer at krevja endurgjald av Tórshavnar kommunu fyri mistar inntøkur. Fleiri orsøkir eru til, at byggingin er nógv seinkað, men Høgni Danielsen vónar, at Tórshavnar býráð tekur niðurstøðuna hjá Oljumálaráðnum til sín, so hann kann fara undir byggingina aftur Mynd: Jens Kristian Vang Má halda byggi- samtyktina C M Y K 3 2