hósdagur 25. mai 2000síða 2

3 tíðindablaðið sosialurin Nr. 99 - 25. mai 2000 Ábyrgdarblaðstjóri: Jan Müller Blaðstjóri: Eirikur Lindenskov Marknaðardeild: Jonhard Hammer Dagbjørt S. Hansen Blaðfólk: Áki Bertholdsen, Turið Kjølbro Dánjal Højgaard Dagfinn Olsen John Johannessen Sveinur Tróndarson Eyðun Klakstein Høgni Mohr Ítróttur: Jákup Mørk Myndamenn: Jens Kristian Vang Álvur Haraldsen Útgevari, uppseting: Sp/f Sosialurin Bústaður: Argjavegur 26, Argir Postadr: Postsmoga 76, 110 Tórshavn Telefon: 311820 Telefax. 314720 e-mail: post@sosialurin.fo Lýsingar: lysing@sosialurin.fo Internet: www.sosialurin.fo Prent: Sosialurin Sosialurin Oddagrein Norsk - føroysk sam- vinna í framtíðini HETTA er tann tíðin, tá ferðafólkini byrja at koma til Føroya. Norrøna er júst farin undir summar- siglingina, og Atlantsflog er farið og fer undir fleiri av sínum týðandi rutum, eitt nú til Aberdeen og Stavanger. Hetta er eisini tann tíðin, tá útlendskir sendiharrar í Danmark banka upp á dyrnar og vilja hitta fólk, sum teirra land hevur brúk fyri at hava góð viðurskifti við. HERFYRI vitjaði nýggi bretski sendiharrin í Dan- mark, og mánadagin kom nýggi norski sendiharrin í Danmark til Føroya. At nettupp tvey av næstu grannalondum okkara og tvey lond, sum vit hava og helst fara at fáa enn betri samband og sam- vinnu við, hava fingið nýggjar sendimenn í Dan- mark - og sum eisini hava Føroyar sum sítt ábyrgd- arøki - leggja leiðina til Føroya nærum um sama mundið er kanska eitt positivt tekin. Nú um dag- arnar úttalaði býráðsformaðurin í Havn seg um nettupp samvinnu okkara við tveir týðandi sam- starvsbýir í Skotlandi og Noregi. Eingin ivi er um í okkara verð, at Stórabretland og Noreg verða tvey lond, sum vit føroyingar fara at hava nógv meira samstarv við í framtíðini, ikki minst vegna góða sjóvegis og loftvegis sambandið. Henda samvinna okkara, sum longu er, kann mennast munandi tað verið seg innan fiskivinnu, ídnað, aling, tøkni, oljuvinnu og eisini ferðavinnu. Ynskið og økti áhugurin frá bæði okkum og grannum okkara at fáa størri samvinnu kundi so eisini verið ein góður møguleiki hjá nýggja ferðavinnustjór- anum at fylgt upp. Bøtta ferðasambandið skuldi verið ein so upplagdur tjansur fyri at fáa fleiri norðmenn, bretar og skotar henda vegin at ferðast. Tað er eisini nakað, sum nýggi norski sendiharrin í Danmark eigur at hava í huganum, nú hann og konan síggja og uppliva vakra land okkara. UMFRAMT at menna samvinnuna á økjum vit longu samvinna á, so eiga vit eisini at seta skjøtil á samvinnuna á tí nýggja vinnuøkinum, sum fevnir um oljuna og tí harvið fylgir. Tí er tað eisini áhuga- vert at merkja sær, at sendiharrarnir í tveimum av fremstu oljulondunum um okkara leiðir, vitja og tað nettupp í eini tíð, har føroyingar eru við at seta spónin í. Tað skal vera vón okkara, at norsku sendiharrahjúnini kenna seg væl í Føroyum, og at tey koyra fingurin í jørðina og vita, hvussu føroy- ingar og norðmenn best kunnu samvinna á olju- økinum. Undanmaður Dagfinn Stenseths, Thor- vald Stoltenberg var í Føroyum fyri tveimum árum síðani, og tá legði hann upp til, at man frá norskari síðu vildi taka initiativ til eitt samstarv á oljuøkinum. Hetta sama hava bæði undanfarni forsætisráð- harrin og nú eisini sonur hansara í hesum embæti sagt seg fúsar til. Áhugavert hevði verið, um norski sendiharrin hevði kunnað fylgt hesum upp og komið við nøkrum ítøkiligum uppskotum um, hvussu norska oljutjóðin kann geva sítt íkast til, at føroyingar fáa eina oljuvinnu, sum gagnar hes- um samfelagnum sum frægast. Meðan bretar hava sagt seg vilja hjálpa við fysiska karminum kring loyvisgeving til oljuleiting, kundu norðmenn kanska hjálpt føroyingum at minka um teir negativu av- leiðingarnar oljumenningin kann hava á eitt lítið og viðkvæmt samfelag. Thorvald Stoltenberg hevði stórar vissiónir um hesa samvinnu, men hann fekk aðrar altjóða uppgávur,sum forðaðu honum í at gera tær til veruleika. Nú hevur eftirmaðurin møguleikan at taka um endan, har Stoltenberg slepti og gera orð hansara til veruleika. Báðum londum til gagns. Dagfinn Stenseth skal vera vælkomin til at byggja brýr millum Føroyar og Noreg. Framsýning í Sørvági Hós- og fríggjadagin 25. og 26. mai, verður stór og fjølbreið framsýning á Flakavirkinum í Sørvági Hósdagin og fríggjadagin 25. og 26. mai skipar Kjøl- bro Heilsøla fyri stórari framsýning í matstovuni á flakavirkinum í Sørvági. Frá tí at heilsølan byrjaði sítt virksemi, hevur tað ver- ið heilt nattúrligt at bjóða fiskiflotanum alla ta vøru og útgerð, sum hoyrir skipum til. Hetta hevur so ført við sær, at Kjølbro Heilsøla er blivin ein leið- andi heilsøla, tá tað snýr seg um fiskiflotan. Á framsýningini, sum er meira ætla sjófólki, útgerð- afeløgum, virkjum og handlum, verður nógv at síggja. Av tí at Kjølbro í 99 fekk umboð uppá ta heim- skendu oljuna TEXACO, verða sjálvandi vørur frá Texaco at síggja á hesari framsýning. Kjølbro fekk eisini fyrst í 2000, umboð uppá 66 N. Hetta er eitt vælkent íslenskt merki, sum selur oljuklæðir, dressir, arbeiðsklæðir, trygdarskógvar og nógv nógv annað. So 66 N verð- ur eisini at síggja á fram- sýningini. Umframt olju og klæðir til vinnulívið, kemur Kjøl- bro eisini at vísa fram knív- ar frá Frost, húkar frá Mus- tad, styvlar frá Bekina og nógv nógv annað. Í stutt- um tíðindaskrivi frá Kjøl- bro verður sagt, at opið er báðar dagarnar frá kl. 17 til 21 og at øll eru vælkomin. Bragi - eitt tíðarrit fyri bók og mentan Fríggjamorgunum 26. mai skipar Smyril-Line fyri bridgeferð við Norrønu. Hetta er eitt afturvendandi tiltak sum skipað verður fyri á hvørjum ári. Umborð á Norrønu skipar Per Kalls- berg fyr ymiskum bridge- kappingum. Spælararnir, sum hava verið við undan- farin ár lata væl at ferðini og enn eru pláss eftir til ferðina í ár. Øll, ið hava hug at spæla brigde kunnu tekna seg til Bridgeferðina. Tekn- ing fer fram á Smyril-Line. Fyriskiparin biðjur fólk tekna seg skjótast gjørligt, soleiðis at hann veit hvørjar kappingar hann skal skipa fyri. Vinningar verða latnir til vinnandi pørini. Bridgeferð við Norrönu Nú fæst onnur útgáva av mentanarritinum Braga í leysasølu fyri 76 kr. ein- takið. Tað fæst til keyps eitt nú í H. N. Jacobsens Bóka- handli, í Bókasøluni í SMS, í Horninum í SMS og í Alfa Bókahandli í Klaksvík. Bragi inniheldur bók- mentaligt tilfar og hesaferð eisini tilfar um myndlist. Harumframt verður tann nýggjasti skaldskapurin í Føroyum umvældur, meðan føroysk mentanarviðurskifti í breiðum týdningi eisini verða viðgjørd í blaðnum. Føroyskir útisetar geva blaðið út. Ætlanin við Braga er, at blaðið skal vera ein miðil, sum vendir sær til ein breið- an lesaraskara til kunningar um tað týdningarmesta, sum hendir á føroyska mentanarpallinum. Tað inn- iheldur ummæli og greinar skrivaðar av føroyingum, sum dagliga fáast við ment- an og bókmentir, og er so- statt staðið, har ymisk sjón- armið kunnu roynast og sammetast við onnur. Bragi roynir bæði at finna tað ser- staka í mentan okkara, og at seta serføroysku mentan- arfyribrigdini inn í eina størri, norðurlendska evro- peiska heild. Onnur útgáva av Braga inniheldur tilfar sum t.d.: · Grein um skaldskapin hjá Williami Heinesen. Mal- an Marnersdóttir skrivar; · Samrøðu við Jóanes Niel- sen um yrkjaravirksemið; Oddfríður Rasmussen skrivar; · Samrøðu við Hansinu Iversen um hennara upp- fatan av myndlistini í Før- oyum og uttanlands. Kinna Poulsen skrivar; · Ummæli av nýggjastu bókunum hjá Tóroddi Poulsen, Jóanesi Nielsen og Jens Paula Heinesen o.o. · Fastir teigar sum t.d. Bók- in kring heimin, sum hes- aferð hyggja nærri at bók- mentarákunum í Svøríki og Noregi. Bragi hevur ikki peninga- ligan vinning í hyggju og er óheft politiskt og átrún- aðarliga. Bragi er 64 síður til stødd- ar og er í litum. Tað kostar 76 kr. í leysasølu, og 65 kr. eintakið hjá haldarum. Tað ber til at tekna seg sum haldara á heimasíðuni www.bragi.dk, ella við at senda eitt t-bræv til: bragi@mail.tele.dk Kirkjukonsert verður fríggj- akvøldið 26. mai í Fugla- fjarðar kirkju kl 20:30. Tað er Fuglafjarðar gentukór, ið fer at syngja. Í august fer kórið til Aal- borg og Skagen á konsert- ferð. Kórið fer at vitja ung- dómskórið í Skalborgs kirkju, sum var og vitjaði í Fuglafirði fyri trimum árum síðani. Kórleiðari er Frits Jo- hannesen, orgulfylgisspælið hevur Heðin Kambsdal, og klaverfylgisspælið hevur Eyðun á Lakjuni. Fuglafjarðar gentukór hevur kirkjukonsert Arbeiðið við barnsburðar- grunninum steðgað Nevnin, ið skuldi fyrireika ein almennan barnsburðar- grunn, hevur fyribils lagt frá sær. Orsøkin er, at limirnir ikki fáa samsýning fyri arbeiðið JOHN JOHANNESSEN Tey, sum umboðaðu fakfel- øgini í arbeiðsbólkinum, ið skuldi fyrireika ein almenn- an barnsburðargrunn hava lagt hetta arbeiði á hillina. Orsøkin er, at tey onga sam- sýning fáa frá almennu myndugleikunum fyri tað, tey gera. Ætlanin var, at arbeiðs- bólkurin skuldi vera liðugur við arbeiði sítt áðrenn summarfrítíðina, soleiðis, at grunnurin kundi setast á stovn í ár. Men hetta verður helst ikki veruleiki. Kortini eru fólk tó ikki heilt givin at fyrireika barnsburðargrunnin. Tí enn arbeiða embætisfólk í Vinnumálastýrinum við hesi ætlan. Men landsstýr- ismaðurin í vinnu- og ar- beiðsmarknaðarmálum, Finnbogi Arge, vísir á, at Vinnumálastýrið hevur av- markaðar kreftir. Tí kann ikki væntast, at arbeiðið fer at ganga eins skjótt fyri seg, sum tað hevði gjørt, um ar- beiðsbólkurin var virkin. Fíggjarmálastýrið skal gjalda Hóast tað er landsstýris- maðurin í vinnu- og ar- beiðsmarknaðarmálum, ið hevur ábyrgdina av arbeið- inum við at seta á stovn ein almennan barnsburðar- grunn, er tað Fíggjarmála- stýrið, ið ger av, um arbeiðs- bólkurin skal fáa samsýning ella ikki. Somuleiðis er tað Fíggjarmálastýrið, ið skal rinda hesa samsýning. Men Fíggjarmálastýrið heldur ikki, at tey, sum um- boða fakfeløgini í arbeiðs- bólkinum, eiga at fáa sam- sýning fyri arbeiðið. Fíggjarmálastýrið metir, at umboðini eiga at gera ar- beiðið av náttúrligum áhuga. Grundgevingin fyri hesum er, at grunnurin nevniliga kemur limunum í fakfeløgunum til góða. Landsstýrismaðurin í vinnu- og arbeiðsmarknað- armálum, Finnbogi Arge, hevur roynt at fingið Fíggj- armálastýrið til at rinda ar- beiðsbólkinum samsýning, men hann hevur fingið at vita, at talan er um eitt prin- sippmál. Skilir Fíggjar- málastýrið Hóast Finnbogi Arge hevur roynt at fingið Fíggjarmála- stýrið til at rinda samsýning til arbeiðsbólkin, er hann samdur við Fíggjarmála- stýrinum. Hann vísir á, at tá limirnir í arbeiðsbólkin- um umboða ein ávísan á- hugabólk, ið fær ágóða av arbeiðinum, gjørt verður í arbeiðsbólkinum, er tað heldur áhugabólkurin, ið eigur at rinda limunum samsýning. Finnbogi Arge ger annars greitt, at hann heldur tað vera stóra skomm, at arbeið- ið við almenna barnsburð- argrunninum skuldi steðga upp av slíkari óneyðugari orsøk. Kvinnufelagssamskipan- in harmaðist eisini í bløð- unum herfyri, um at arbeið- ið at seta á stovn barnsburð- argrunnin er steðgað. At hendan samgongan skuldi seta á stovn almenn- an barnsburðargrunn er staðfest í samgonguskjalin- Uttanríkisráðharrin til Føroya á fund Mánadagin kemur danski uttanríkisráðharrin, Niels Hel- veg Petersen, til Føroya at vitja. Hann skal millum annað hava fund við løgmann, landsstýrið og uttanlandsnevndina JOHN JOHANNESSEN Eftir ætlan kemur danski uttanríkisráðharrin, Niels Helveg Petersen, til Føroya á arbeiðsvitjan mánadagin og fer avstað aftur mikudag- in. Uttanríkisráðharrin skal á ferðini millum annað á fund við løgmann, landsstýrið og uttanlandsnevnd løgtings- ins. Á hesum fundum skulu partarnir viðgera ymisk uttanlandsmál. Hugsast kann, at nýggi fríhandils- sáttmálin við Russland verður viðgjørdur, somu- leiðis sum ES, WTO og NATO eisini verða á skránni. Tað er vanligt, at danski uttanríkisráðharrin viljar í Føroyum eina ferð um árið. Av løgmansskrivstovuni siga tey, at fundirnir millum uttanríkisráðharran og landsstýrið vanliga geva nakað fyri báðar parar. Á fundunum er nevniliga vanligt, at uttanríkisráðharr- in, eins væl og landsstýrið, kunnar um tey mál, hann í løtuni tekst við, somuleiðis, sum ymsir trupulleikar við- víkjandi uttanlandsmálum verða viðgjørdir. Tað er Ríkisumboðið, ið leggur ferðina hjá Niels Helveg Petersen í Føroyum til rættis. Hagani siga tey, at skráin fyri ferðina enn ikki er heilt liðug. Orsøkin til hetta er, at fólkatingið hevur longt tingsetuna, og tí er ikki heilt greitt, um uttanríkisráðharrin júst kemur mánadagin ella hann verður nakrar dagar seink- aður. Ætlanin var, at barnsburðargrunnurin skuldi setast á stovn í ár, men nú er arbeðið steðgað, tí limirnir í arbeiðsbólinum ikki fáa samsýning um. Niels Helveg Petersen, uttanríkisharri, kemur á vitjan ADIDAS Samba skógvar til børn bláir/hvítir fyrr 299,-NÚ 199,- ADIDAS Canvas skógvar fyrr upp til 499,- og mong onnur góð tilboð NÚ 200,- ADIDAS jakkar til børn fyrr 599,-NÚ 399,- Sosialurin - 311820 ÍTRÓTTUR • N. Finsensgøta 5 • Postsmoga 268 • 110 Tórshavn Tel. 31 14 03 • E-mail: sporthd@post.olivant.fo ADIDAS Samba skógvar til vaksin bláir/hvítir fyrr 399,-NÚ 299,- Renniskógvar fyrr upp til 799,- NÚ 300,- Renniskógvar fyrr upp til 599,- NÚ 200,- NIKE skógvar til børn fyrr upp til 399,- NÚ 150,-