hósdagur 27. november 2003síða 4

6 Nr. 226 - 27. november 2003 Nr. 226 - 27. november 2003 7 Mynd: Fuglø Arkitektar Jólasølustevnan í KÍ- høllini í Klaksvík verður í ár sera fjøl- broytt við fleiri nýggjum framsýnar- um. Eisini verða nógv tiltøk fyri børn á skránni, og sunnu- dagurin verður familjudagur burtur- av SØLUSTEVNA Rúna Sivertsen runa@sosialurin.fo Mynd: Norðlýsið Nú jólastákið av álvara er byrjað, skip- ar ein bólkur hjá Klaksvíkar Ítróttar- felag fyri sermerktari og hugnaligari sølu- stevnu í KÍ- høllini. At sølustevnan í ár verður sermerkt, sæst á luttakaralistanum, sum í mun til undanfarin ár er nakað broyttur. Á sølustevnuni í ár, fara fleiri nýggir handlar sýna fram, og verður stutt sagt alt sum hugtekur føroyska húskið at síggja. Umframt bilar, teldur, bøkur, leskidrikkir, undir- hald, klæðir til hann og hennara, fer fyritøkan, Ansni, sum tekur sær av vaktarvirksemi at sýna fram trygdarskipanir, og Klaksvíkar Kommuna fer at kunna um kommunal viðurskifti. Øðrvísi enn undanfarin ár Nakað sum eisini ger sølu- stevnuna 2003 sermerkta, er skipanin við døgunum, har fríggjakvøld verður ser- ligt barna- og ungdóms- kvøld, har luttakarnir og fyriskiparnir leggja skránna og tilboðini eftir yngsta brúkaraskaranum. Her verður eitt nú Look a like kapping, undirhald, mótasýningin við barna- og ungdómsklæðum. Eisini vitja búktalarin og gyklarin úr Glott & Gleimi. Leygardagurin og kanska serliga leygarkvøldið er so sett av til ung og vaksin, har aldursmark verður ásett. Hetta kvøld verður okkurt eyka gjørt fyri at skapa sermerkta jólahugn- an, sum øll kenna so væl úr KÍ- høllini tá sølustevna er. Av tí at børn ikki alla tíðina renna runt, fáa tey vaksnu frið at tosa við framsýnarar, handilsfólk og koma hvørjum øðrum við. Mótasýningin hetta kvøld verður skipað sum Gallasýning, og tónleikur verður á pallinum, og hvør veit, um ikki okkurt popp- lagið frá konsertini við landaplagunum verður framført. Eisini verður eitthvørt forvitnisligt at frætta um 100 ára hópin hjá KÍ til komandi ár. Hugnaliga KÍ Cafehorn- ið ferð óivað at gera sítt til eitt gott ógloymandi kvøld. Familjudagur Sunnudagurin verður skipaður sum fa- miljudagur, har øll kunnu vitja, uttan mun til aldur. Finala verður í Look a like kappingini, hornjóla- tónleikur, KÍ- cheer- leaders og hetta kvøldið fer KÍ at koma við avdúking- um í KÍ-tímanum. Pallskráin er sum altíð sera forkunnug, har vit kunnu bjóða "Look a like"kapping, KÍ- Cheer- leaders, heimsklassa undir- hald við Glott & Gleimi, hugnaligan horntónleik, sang og guitarspæl, og sjálvandi hugtakandi móta- sýningarnar øll trý kvøld- ini. Allar dagarnar fara kend- ir rithøvundar, at vitja í høllini og koma har at signera teirra bókaútgávur. Gongur sum ætlað, verður Klaksvíkin í framtíðini jólamið- depil í Føroyum JÓLABÝUR Rúna Sivertsen runa@sosialurin.fo Saman við øðrum skapandi kreftum í Klaksvík, ar- beiðir felagið IRIS í hesum døgum, við at gera eina almenna skrá fyri alt tað, sum skal henda í býnum í desember mánaða. Talan er um eina skrá, sum bæði skal hýsa hand- ilsligum, mentanarligum, ítróttarligum og andaligum tiltøkum. Meiningin er at fáa øll tiltøk í eina breiða og forvitnisliga felagsskrá, siga fyriskipararnir. Fólkini aftanfyri IRIS hava í 12 ár skipað fyri, at Jólaskipið kemur siglandi inn eftir Klaksvíkini seinast í desember. Í framtíðini er ætlanini at útbyggja hetta tiltak so- leiðis, at Jólaskipið bert er ein partur av øðrum tiltøk- um. Ætlanin er at útbyggja skánna so mikið nógv kom- andi árini, at Klaksvíkin um nøkur fá ár, skal gerast ein jólamiðdepil í Føroy- um. Tað er ikki tørvur á hugskotum, men eyðsæð er tað, at ikki alt kann fara av bakkastokki fyrsta árið. - Í ár gera vit eina skrá, sum skal útbyggjast so við og við. Ætlanin er, at fyrstu jólini eftir at samband er millum Klaksvíkina og meginlandið, skal Klaks- víkin verða ein hugnaligur og spennandi jólabýur. Tá skulu vit kunna bjóða øllum føroyingum góðar upplivingar og tilboð, siga fyrirreikararnir í tíðinda- skrivi. Endaliga skráin fyri í ár verður lýst seinast í hesum mánaðnum. Jólaskipið fyrr í ár Øll undanfarin ár er Jóla- skipið komið á Klaksvíkina beint upp undir jólaaftan, men í ár verður tað øðrvísi. Um alt gongur eftir ætlan og veðrið verður til vildar, kemur Jólaskipið longu fríggjadagin 5. desember. Ein orsøk til at vit hava lagt Jólaskipið júst henda dag, er, at sama dag hevur Handilsfelagið í Klaksvík "Open by night", siga fyri- reikararnir. Fleiri onnur spennandi tiltøk verða í desember frætta vit frá IRIS. Feløg, handlar og felags- skapir, ið hava tiltøk, sum tey halda eiga at koma í hesa desember jólaskránna, kunnu venda sær til IRIS á tlf 456390 ella við at senda ein teldupost til iris@iris.fo Millum framsýnarar- nar á sølustevnuni í KÍ-høllini í ár, verður Klaksvíkar Komm- una, sum fer at kunna borgararnar um nakrar av spennandi verkætlanunum, ið kommunan arbeiðir við í løtuni SØLUSTEVNA Rúna Sivertsen runa@sosialurin.fo Klaksvíkar kommuna verður við á sølustevnuni, sum verður í KÍ-høllini um viskuskiftið. Hetta er ein roynd hjá býráðsumsitingini á ein øðrvísi hátt enn higartil at kunna borgararnar um virksemi í kommununi. Millum verkætlanirnar, sum verða sýndar fram á básinum hjá kommununi, verða vegaætlanin, miðbý- arætlanin, økið kring gamla Kirkjugarð, ætlanin við gróttilfarinum úr Norðoya- tunnlinum, Heilsumiðstøð- in, Sambýlið á Heygnum, eldraíbúðirnar undir Kráar- brekku og umhvørvisætlan. Eisini verða nøkur høv- uðstøl úr fíggjarætlan bý- ráðsins fyri 2004 løgd fram. Tað er fyritøkan Vasti, sum tekur sær av at snið- geva básin, ið verður mann- aður av starvsfólki hjá kommununi. Klaksvíkin jólamiðdepil Jólasølustevna í Klaksvík Klaksvíkar Kommuna á bási Klaksvíkin er nú av álvara farin undir miðbýarætlanina, sum í mong ár hevur bíðað á tekniborðinum. Á sølustevnuni í KÍ-høllini um vikuskiftið fáa fólk møguleikan at síggja nakrar av sepnnandi verkætlanunum, sum í løtuni verður arbeitt við Skitsa: Fuglø Arkitektar David Johannesen, prestur í Miðvági, hevur givið bók út, sum hann kallar »Lív hóast deyða«. Talan er um eina andaliga bók við stuttum lestrum til hvønn dag í árinum LESTRARBÓK Ingi Rasmussen – Vón mín er, at henda bókin gevur onkrum eitt troystarorð at hava við sær á lívsleiðini. Ætlanin við henni er, at hon skal lýsa bíbilska og lutherska præ- diku, soleiðis sum vit hoyra hana í kirkjum okkara. Bókin byggir á kirkjunnar grund, og vónandi er hon kirkjufólkinum til hjálpar og signingar, sigur David Johannesen, prestur. David Johannesen, sum er 54 ára gamal, hevur ver- ið prestur í Vága presta- gjaldi síðan 1977. Hann hevur áður givið fimm yrk- ingasøvn út og hevur skriv- að tvær greinir í bókini »Martin Luther«, sum kom út í 1991. Nýggja bók han- sara byggir eisini á Lut- hersku gudfrøðina. Jesus er miðdepilin og úr trúnni spretta lív og kærleiki. – Henda bókin er um Harrans orð og lívið, trún- na og kærleikan. Kristinlív- ið er ikki bert eitt eiti, men skal verða livað í kærleika. Trúgvin skal út í gerandisdagin at liva! sigur David Johannesen. Álmanakkin, álmanakkin, álmanakkin... So gjørdust aftur jól. Álmanakkin er útkomin fyri 76. ferð ÁLMANAKKI Ingi Rasmussen Eini jól uttan kava eru vit so von við. Men eini jól utt- an Álmannakkan frá H.N. Jacobsens bókahandli eru næstan óhugsandi. Og so er hann enntá hvítur. Álmannakkin er eitt sikkurt tekin um, at árið er farið at halla, og í Álmann- akkanum 2004 er sum vænt nógv at finna um nýggja árið. Í fyrsta parti er sjálvur álmanakkin. Yvirlit yvir sól- og mánastøður í árinum og tað, sum vert er at vita um gongustjørnur og annað á himmalhválv- inum í 2004. Síðan koma nógv nýttu streymkurvarnar, talvan við vestfalskyrrindum og streymkort saman við lista yvir motorbátar undir 20 tons. Listin við skipum yvir 20 tons er aftur í ár prýddur við myndum av skipunum. Í hesum pørtunum eru sum vant nógvar aðrar hentar og dagførdar upplýsingar av alskyns slagi til sjóvinn- una. Av nýggjum í ar eru upp- lýsingar um MRCC-sjó- bjargingarstøðina og yvirlit yvir, hvussu farast skal fram, tá ið oljudálking kemur fyri á sjógvi ella landi. Tilfarið um landbúnaðin, alivinnuna og oljuvinnuna er eisini dagført, og tað eru nógvu hentu upplýsingarn- ar aftast í álmanakkanum sjálvandi eisini. Føroyski álmanakkin 2004 er 440 síður, og hann fæst bæði innbundin og heftur. Innbundin kostar Álmanakkin 180 krónur. Hefta útgávan fæst fyri 130 krónur. Sætta bindið í rit- savni Símunar av Skarði er útkomið. Í hesum bindinum eru tveir sjónleikir. Turið Sigurðardóttir leggur til rættis og setir leikirnar í ein bók- mentaligan og søgu- ligan samanhang RITSAVN Ingi Rasmussen Símun av Skarði stovnaði saman við Rasmusi Rasmussen Føroya Fólka- háskúla. Teimum tørvaði føroyskt tilfar til undirvís- ingina, og tí løgdu teir eisini mangt eftir seg. Símun av Skarði yrkti eisini tjóðsangin, og haðani er tittulin »Streingir, ið tóna« komin til ritsavn hansara. Í sætta bindi av ritsavni Símunar eru tveir sjónleikir. Símun av Skarði skrivaði »Vár« um aldamótið 1900. Hann kom fyrstu ferð út í 1904, aðru ferð í 1960, tá ið Sigrið av Skarði gav hann út á forlagnum Ungu Føroyum. Hetta er sostatt triðja útgáva, og hon er prentað eftir aðru útgávu. Víkingarnir á Helgo- landi, sum Henrik Ibsen skrivaði í 1858, leyk Símun av Skarði við at týða í 1938. Hann hevði í 1928 týtt fyrsta tátt av leikinum, sum kom í Varðan tað árið til 100 ára minningarhátíð um Ibsen. Sigrið av Skarði Joensen gav leikin út í 1949 á forlagnum Ungu Før- oyum. Hetta er onnur út- gáva av honum. Triðja bindið í bókaverkinum »Løgtingið 150« er útkomið. Í hesum bindinum verður serligur dentur lagdur á løgtingsval, valúrslit og leitorð til øll trý bindini LØGTINGIÐ 150 Ingi Rasmussen Bøndurnir høvdu meiriluta í løgtinginum fyrstu tíðina eftir 1852, tá løgtingið varð endurreist. Seinni gerast keypmenn og aðrir vinnu- rekandi størsti bólkur í tinginum, og frá 1952 hava lærarar sitið í flest ting- sessum. Tilsamans hava 64 bønd- ur, 51 lærarar, 49 keyp- menn og vinnurekandi og 38 sjómenn sitið á tingi, sæst millum annað í triðju bókini um løgtingssøguna, sum júst er útkomin. Bókin snýr seg fyrst og fremst um hagtøl og val- úrslit. Løgtingið hevur fingið loyvi frá Svend Thulesen at brúka tað tilfar, sum hann er komin til. Einar Waag gav í 1967 út bókina »Val og valtøl«, og í 1998 fór Svend Thulesen at arbeiða víðari við valtølum. Jóannes Hansen, adjunk- tur, sum er kendur úr sjón- varpsstovuni valkvøldini, hevur tikið sær av at útvega persónligu atkvøðurnar frá 1940-2002 hjá teimum, sum vórðu vald, og teim- um, sum komu inn sum varamenn. Hann skrivar um tey persónligu atkvøðu- tølini, um uppstilling, lista- atkvøður og persónligar atkvøður. Um útrokningar av løgtingsvalinum í 1994. Og brot úr fyrstu gerða- bókini í Norðstreymoy. Finnbogi Ísakson, fyrr- verandi løgtingsformaður, hevur skrivað inngangin, um tingmannatal og val- rætt, um tingmenn 1852- 2002 og flokkabýti 1906- 2002 væl hjálptur av Pól á Kletti blaðmanni og um tingmenn eftir starvi. Triðja bind í løgtingssøg- uni kostar 100 krónur. Tóroddur Poulsen er aftur á gøtuni við einum yrkingasavni, sum er tað nítjanda síðan Botnfall kom út í 1984 YRKINGASAVN Ingi Rasmussen Føroyameistarin í spei, men eisini í rámandi poetiskum myndum, ger aftur vart við seg. Soleiðis sigur Mentanar- grunnur Studentafelagsins í sambandi við, at tey geva bók út við yrkingum eftir Tórodd Poulsen. Yrkinga- savnið hevur heitið »Svøvnlendingur rættar kumpass«. Eygleiðingar og yrkingar glíða inn í hvønn annan, soleiðis at heimurin verður orð. Ein longsul eftir heim- býnum fyri norðan hómast somuleiðis. Orðingar, sum innihalda sína egnu mót- søgn, umskiftist við stað- festingar, at yrkingin ikki er ein skøkja, sum krógvar seðlarnar millum bróstini, um nú skaparin skuldi kravt sítt. Tosað verður um hús, sum einans kasta eystur- vendan skugga og um oynna, har eingin vil búgva, fyrr enn alt er at fáa. Ungdómsins diskotek verða havd á máli og somuleiðis tey, sum gloyma bjargingarvestin eftur við hús. Orðaheimurin hjá Tór- oddi Poulsen er ein uppliv- ing fyri fólk og fæ. »Svøvnlendingur rættar kumpass« er løgd til rættis og prentað á Hestprent. Hon er 63 síður og kostar 120 krónur. Føroy- meistari í spei yrkir Flest lærarar á tingi Álma- nakkin trúgv- astur á jólum Trúgvin skal út í gerandisdagin Fleiri streingir, ið tóna Jólini eru bókatíð. Umleið 80 prosent av øllum bókum koma út um jóltíðir. Hesar fimm verða umrøddar á síðuni Mynd: Jens K. Vang C M Y K 7 6