hósdagur 27. november 2003síða 17

Nr. 226 - 27. november 2003 33 Kappingin um føroyameistara- heitið er samstundis úttøku- kapping til NM-kappingina fyri børn og ung 2003 TALV Tíðindaskriv frá Talvsambandinum Talvsamband Føroya skipar fyri FM-finalu í talvi fyri børn og ung í Argja skúla, leyg- ardagin 29. november 2003. Byrjað verður kl. 10.30 og væntandi verður síðani dysta til á leið kl. 18.00 Kappingin er skipað í 5 bólkum: A - bólkur:Telvarar føddir 1984-86 B - bólkur: Telvarar føddir 1987-88 C - bólkur: Telvarar føddir 1989-90 D - bólkur:Telvarar føddir 1991-92 og E - bólkur: Telvarar føddir 1993 og seinni. Í finaluni luttaka 8 í hvørjum aldursbólki og allir telva í móti hvørjum øðrum - t.v.s. 7 umfør. Umhugsunartíðin er 1/2 tími í part til hvør talvið. Úttøkukappingar til finaluna hava verið í november mánað í Gøtu og Tórshavn. 8 telvarar í hvørjum bólki, sum samanlagt hava klárað seg best í hesum báðum kapp- ingum, hava kvalifiserað seg til finaluna. Í hvørjari úttøkukapping luttóku uml. 100 børn og ung. Í bólkunum B - E gerst vinnarin í final- uni Atlantic Airways føroyameistari í talvi 2003 í sínum aldursbólki. Umframt at gerast føroyameistari luttek- ur viðkomandi í Norðurlandameistara- skapinum í skúlatelving, sum í ár verður í Karlstad í Svøríki í februar mánað 2004. Nummar 2 í hvørjum bólki luttekur somu- leiðis í NM-kappingini. T.v.s. at Talvsam- bandið/Føroyar luttekur við 10 telvarum - luttøkutalið er sostatt ájavnt tí onnur norðurlond luttaka við. Norðurlond skiftast um at halda kappingina. Í februar mánað 2003 var kappingin í Føroyum. Serlig viðurskifti gera seg galdandi fyri bólk A. Her er bert talan um úttøkukapping og ikki føroyameistarakapping. Úttøku- kappingar hava ikki verið fyri hendan bólkin. Í staðin fyri verður bert finala telvað. Í finaluni kvalifiserar vinnarin seg til komandi NM-kappingina. Saman við vinnaranum luttekur føroyameistarin Martin Poulsen somuleiðis í Svøríki í februar 2004. Talvsambandið skipar fyri miðvísari venjing í desember/januar mánað fyri teimum sum leika seg til NM. Venjarar vera Hans Kristian Simonsen (føroya- meistari 2002) og Haldur Suni Johansen. Niðanfyri er yvirlit yvir luttakararnar í hvørjum einstøkum bólki, eins og nakrar viðmerkingar eru gjørdar. A - bólkur: Telvarar føddir 1984-86 Sum nevnt hava úttøkukappingar ikki verið í hesum bólkinum. Í skrivandi stund er ikki greitt hvør fer at luttaka í finaluni. Til- meldingarfreistin til kappingina er hós- dagin 27. november. Kappingin um hetta eina plássið kann væntast at fara at standa ímillum Olaf Berg (Havnar Telvingar- felag), sum er rættiliga sterkur telvari (hevur luttikið í NM fleiri ferðir) og Rana Baldurson (Klaksvíkar Talvfelag), verandi unglingaføroyameistari og Sjúrð Thor- steinsson. Sjúrður er av Tvøroyri og er ikki knýttur at nøkrum talvfelag. Virkin talv- feløg hava ikki verið í Suðuroynni seinnu árini. B - bólkur: Telvarar føddir 1987-88 Luttakarar Telvari felag stig Rógvi Mortensen HT 14,5 Henry Berg HT 11,0 Jón Gregersen ST 10,5 Heri Thomsen GT 10,5 Ingi W. Joensen MT 10,0 Fríbjartur Dahl Olsen HT 9,0 Sam Jacobsen GT 8,5 Hávardur Olsen 6,5 Rógvi Mortensen úr Havnar Telvingarfelag vann undankappingarnar sannførandi. Telvað eru samanlagt 16 talv og hevur hann fingið 14,5 stig. Heri Thomsen (Gøtu Talvfelag) vann fyrstu kappingina, men snávaði í aðru kappingini og endaði á 10. plássinum. Heri og Rógvi luttóku í seinastu NM-kappingini. Rógvi er helst favorittur, meðan spenningur kann gerast um annað plássið í bólkinum. C - bólkur: Telvarar føddir 1989-90 Luttakarar Telvari felag stig Helgi D. Ziska HT 15,5 Rógvi Dragaberg KTF 13,5 Berint Kalsø KTF 11,0 Reidar Egilsnes VT 10,0 Cristoffur Dam 9,5 Andreas Nielsen ST 9,0 Herborg Hansen KTF 9,0 Andras Mikkelsen GT 9,0 Helgi D. Ziska hevur vunnið undankapp- ingar rættiliga sannførandi - hevur ikki tapt eitt einasta talv - vunnið 15 út av 16 og telvað ein javnleik. Helgi er sonur Andrias Ziska (fyrrv. Føroyameistara í talvi). Rógvi Dragaberg úr Klaksvíkar Talvfelag er á greiðum øðrum plássi, meðan á 3 pláss- inum í báðum kappingunum og samanlagt er Berint Kalsø eisini úr Klaksvíkar Talv- felag. Rógvi Dragaberg er bróður Rúna Dragaberg, unglingaføroyarmeistara 2002. Væntast kann at hesir 3 fara at dystast um Meistaraheitið og NM-plássini. Helgi luttók í seinastu NM-kappingini. D - bólkur: Telvarar føddir 1991-92 Luttakarar Telvari felag stig Rógvi Nielsen ST 14,0 Eilif Arge KTF 12,0 Margar Berg HT 11,5 Jaspur Enghamar HT 11,0 Høgni Svabo MT 11,0 Andrias W. Danielsen TT 10,5 Bogi Hansen KTF 10,5 Hjalti Jógvansson 9,5 Rógvi Nielsen úr Sandavágs Talvfelag vann báðar undankappingarnar og má metast at verða ein av favorittunum í finaluni. Tó kann sigast at telvararnir í bólkinum í síni heild er rættiliga javnir. Nevnast kann at í kappingini í Tórshavn var bert eitt _ stig á muni ímillum nr. 1 og nr. 9. Rógvi Nielsen, Hjalti T. Jógvansson og Margar Berg luttóku í seinastu NM- kappingini. Rógvi Nielsen er sonur navn- frama Torkil Nielsen, fyrrv. Føroyameist- ara í talvi. Margar Berg úr Havnar Telv- ingarfelag er bróður Olaf Berg í A-bólk- inum. E - bólkur: Telvarar føddir 1993 og seinni Luttakarar Telvari felag stig Olaf R. Samuelsen HT 13,5 Rúni Vørmadal VT 13,0 Heiðrikur Jacobsen HT 12,5 Johann Vørmadal VT 12,0 Magnus Dánjalson KTF 11,0 Marni Kruse 10,0 Róar Dam HT 9,5 Høgni E. Nielsen ST 9,0 E-bólkurin umboðar yngstu telvararnar. Undankappingarnar bera boð um at bólk- urin er sera javnur. Ongin av telvarunum hevur luttikið í NM áður. Tó var um reppið at Heiðrikur Jacobsen úr Havnar Talvfelag megnaði tað seinast úttøka var. Vørmadal- brøðurnir úr Vestmanna Talvfelag eru stinnir, einsog Olaf Samuelsen úr Havnar Talvfelag hevur tikið fleiri á bóli í undan- kappingunum. Tann bert 7 ára gamli Høgni E. Nielsen, úr Sandavágs Talvfelag, megn- aði í kapping við fleiri aðrar júst at koma inn á 8. plássið. Hann er bróður Rógva Nielsen í D-bólkinum. FM hjá yngru telvarunum Í C-bólkinum hevur Helgi Ziska staðið seg best higartil Men hann kann rokna við at fáa harða kapping frá Rógva Dragaberg 33 Nr. 226 • hósdagur • 27. november 2003 • 77. árgangur • www.sosialurin.fo Hóast tað leingi sá svart út, so fekk Kyndil strítt seg til sigurs týskvøldið, og við hesum eru tær ikki longur púra einsamallar í botnin- um HONDBÓLTUR Jákup Mørk Kyndil var bara tvær ferðir á odda í dystinum móti Søljuni týskvøldið. Seinnu ferðina, tá Annika Thomsen fekk smekkað bóltin inn við nærmara stólpa góð bert 15 sekund fyri leiklok, og tað var so eisini nóg mikið hjá henni og liðfe- løgunum at ogna sær týdn- ingarmiklu stigini í botn- uppgerðini móti Søljuni. Tóktist mótleysar Soleiðis ognaðu Kyndils- kvinnurnar sær fyrstu stigini á árinum, men tað gekk rúm tíð, áðrenn nøkur ábending kom um, at hetta skuldi gerast støðan við dystarlok. Tað var nevnliga Søljan, sum fekk betru byrjanina í dystinum. Hóast Kyndil tóktist hava tikið við læru av tapinum á Giljanesi, har tær snøgt sagt vórðu rendar umkoll, so megnaðu gulu mótstøðukvinnurnar at halda eini hampuliga greið- ari yvirvág í spælinum. Sum ikki einaferð, so var Nicoleta Radu krumtapp- urin í hesum, men fleiri av liðfeløgunum hennara tókt- ust eisini hava gott mót til uppgerðina, og í einstøkum førum var talan um heilt góðar kombinatiónir, sum førdi til, at leikarar gjørdust púrasta leysar. Hinvegin var ikki sama bit í verjupartinum hjá Sølj- uni. Hóast Kyndil sjáldan megnaði at spæla verjuna hja´Søljuni tunna, so fingu tær fleiri ferðir roynt seg við skoti móti málinum. Og at sami leikari tríggjar ferðir á rað slapp at smekka standandi skot av trimum metrum í kassan, mundi ikki vera tað, sum tær høvdu ætlað undan dystin- um. Sum frá leið, so fekk Søljan eisini betri fatur á hesum partinum av spælin- um. Nøkur skjótálop fing- ust eisini í lag, og so við og við tóktist næsti sigurin á árinum at koma alsamt nærri. Seinastu løtuna undan steðginum tóktist tær á heimaliðnum fullkomuliga at hava mist mótið, og hav- andi í huga tungu gongd- ina, sum liðnum hevur verið fyri í ár, so tóktist tað sera ivasamt, um Kyndil megnaði at venda hesum. Mansverjan avgjørdi At tað so kortini bar til, komst serliga av tveimum orsøkum. Onnur var, at Grønu leikararnir tóktust hava sett sær fyri í steðgin- um, at her skuldi einki gev- ast burtur. Og hin – og hon var kanska týdningarmikl- ari – var, at tær nú fóru und- ir mansverju av Nicoletu. Hjá Søljuni merkti hetta, at spælið steðgaði at kalla heilt upp. Uttan vanliga skiparan megnaðu tær als ikki at fáa glið á nakað sum helst, og tá tær heldur ikki tóktust hava nakað mót- trekk móti mansverjuni, noyddist Nicoleta fyri tað nógva bara at standa bíðandi uppi á miðlinjuni. Nakrar ferðir royndi hon tó at skræða seg leysa, men hóast hon fekk langt tjóður frá dómarunum til hetta, so var tað sjáldan, at úrslitið av hesum var somikið munagott, at tað speglaðist aftur á máltalvuni. Hjá Kyndli gekk kanska framvegis striltið at koma ígjøgnum vágaverjuna, men tær høvdu tó eitt vápn, sum í stóran mun bøtti um hetta. Lotte Sørensen hevur millum lítið og einki spælt í ár, eftir at nústaðni er um at koma fyri seg eftir skaða. Ofta er tað kanska mis- javnt, hvørja ávirkan hon hevur á viðleikararnar, men hesaferð sýndi hon seg tó frá síni heilt góðu síðu. Høvdu mongu fríspælingar hennara verið betri gagn- nýttar, hevði Kyndil iva- leyst vunnið ein tryggari sigur enn tað sama, men móti dystarenda tók hon alt meira á egnar herar, og hetta gav eisini úrslit. Hóast hon ikki telist millum tær kvikastu, so eydnaðist fleiri ferðir at finta seg fram til skotmøguleikar, og fær hon tíð og pláss, so sita skotini aloftast væl plaserað. Sum frá leið, so fekk Kyndil eisini samband við Søljuna. Eitt skifti var lítki til, at báðir partar full- komuliga steðgaðu upp, tá einki mál kom í einar 10 minuttir, men so kom aftur glið á. Søljan megnaði tó aftur at leggja seg á odda 17-16, men so var liðugt. Kyndil átti tey bæði sein- astu málini, og so var lið- ugt. Tær grønu kundu jubl- andi staðfesta, at bjargingin hóast alt ikki so ræðuliga langt burturi, og tó at langt ífrá alt stríðið er tapt, so vistu gestirnir, at tær við hesum høvdu mist ein gylt- an møguleika at leggja sjógv niður til botnin. Dysturin í tølum Kyndil-Søljan 18-17 (8-12) Málskjúttar Kyndil: Ann Mari Wang 5(2), Lotte Sørensen 4, Annika Thomsen 3, Anja Heinadóttir 2, Hildur Mikkelsen 2, Anita Kjærbo 1, Randi Wardum 1 Søljan: Heidi Maria Aksel- sen 6, Nicoleta Radu 5, Hertha Simonsen 2, Arn- leyg Haraldsen 1, Petra Thomassen 1, Heidi Ha- raldsen 1, Jana Jacobsen 1 Brotskøst: Kyndil 4, Søljan 3 Útvísingar: Kyndil 1, Søljan 4 Dómarar úr H71: Jákup Símun Simonsen & Høgni M. Joensen. Lótu til tíðir ov nógv um seg ganga, men hinvegin var dysturin av slíkum slag, at hann skjótt kundi verið floytaður sund- ur og saman. Kyndil-Søljan 18-17 (8-12): Javnstøða í botninum Tá Kyndil frá byrjan av seinna hálvleiki fór undir mansverju av Nicoletu Radu, kom fullkomuliga stígur í hjá gestunum úr Søljuni C M Y K 32