týsdagur 2. desember 2003síða 30

2 Nr. 229 - 2. desember 2003 Nr. 229 - 2. desember 2003 3 Atlantic Supply Base liggur í vetrardvala fram til summarið 2005 - innan tess gevur tað ikki meining at hava fólk í føstum starvi, vísir nevndarformaðurin á LOGISTIKKUR Búi Tyril / PRnewsMedia.com Tað var ongantíð meiningin at Atlantic Supply Base skuldi hava fólk í føstum starvi uttan veruligt arbeiði. So, hóast tað er keðiligt at siga fólk upp, har var einki í at velja: seinkingar í royndarboringunum á tí føroyska landgrunninum høvdu sínar natúrligu fylgj- ur. Nakað soleiðis ljóðar resonementið hjá teimum flestu vit hava tosað við um Atlantic Supply Base, nú ið stjórin er sagdur úr starvi og virksemið eftir øllum at døma fer at liggja lágt fram til næstu royndarboringar á sumri 2005. "Einki offshore virksemi er við Føroyar í løtuni," staðfesti formaðurin í nevndini fyri Atlantic Supply Base, Nils Søren- sen. "Vit mugu sjálvandi skrúva blussið niður so nógv sum møguligt sum støðan er… Vit bíða jú eftir virksemi. Tað bleiv ikki tann kontinuitetur sum vit høvdu hugsað okkum. Fýra boringar eru eftir í fyrsta loyvirumfari hvar støðin í øllum førum skal brúkast. Men sum tað er í løtuni halda vit stongt, og lata upp aftur tá tørvur er." Endamálið hjá Atlantic Supply Base var millum annað at fáa eina olju út- gerðar havn í Runavík og partaeigararnir í felagnum er fyritøkur í Eysturoy um- framt Føroya Kolvetni ið er størsti eigari. "Men er eingin boring so er einki virksemi," vísti nevndarformaðurin á, "tað er jú boringarnar sum eru drívmegin. Tað tekur langa tíð at byggja hetta upp og basin verður ikki opin alt árið fyrr enn meira virk- semi kemur. Tað er í grund- ini einki forgjørt í at liggja lágt beint nú, tí basin byggir á boringarnar." "Runavíkar Býráð skilir eisini. Tað varð lagdur dentur á realismu frá byrj- an, hóast alt. Kommunan bygdi eina serliga kai sum hellir inn- eftir – hon skal kunna brúk- ast sum oljuhavn og ann- að… Men tað er ein lang- tíðar íløga sum samstundis ikki er ovurstór. Samstarvið við Skipafelagið hevur eisini gjørt sítt til at ASB er sloppið undan at gera nakrar størri íløgur. Felagið hevur veitt tænastu í teim- um fýra boringunum higar- til og tað hevur fungerað væl." Nevndarlimirnir eru ann- ars, umframt Nils Søren- sen, John Eli Olsen, Olaf Olsen, Áki í Skemmuni og Ólavur Olsen. Tann fráfarandi stjórin Lassi Borðoy var fámæltur men kundi illa dylja ein ávísan harm. "Hvat skal man siga?" viðmerkti hann. "Tá einki arbeiði er, so er einki ar- beiði… Her er einki at viðmerkja. Vit roknaðu við og gingu jú út frá at tað fór at vera virksemi undir 2004… Tað var jú lagt upp til at átta brunnar skuldu borast innan tey fyrstu trý árini men tað bleiv bara helvtin. Tað var keðiligt at tað skuldi draga út, men tað gerst ikki við. Teir mugu so seta fólk aftur tá boringin fer í gongd aftur." Lassi Borðoy var stjóri á Atlantic Suply Base í smá trý ár; formelt situr hann í starvi fram til 1. mars. Hann arbeiðir annars á skeiðsdeildini hjá Føroya Sjómansskúla; har fer hann nú frá hálvari til fulla tíð. ‘Ein nýggjur partur’ Sáttmálin millum ASB og Skipafelagið Føroyar øðru- megin og tey í Føroyum virknu oljufeløgini hinu- megin, kom í lag aftan á at oljufeløgini í felag lýstu út licitatión fyri at fáa tilboð upp á eina útgerðar havn. Hetta kann síggjast í sam- anhangi við tað føroyska kravið ásett via Løgtings- lóg um Kolvetnisvirksemi, har tað millum stendur: "(...) flutningur av útgerð og fólki til og frá føroysk- um øki skal fara um før- oyskan bryggjukant ella føroyskan flogvøll." Skipafelagið Føroyar hevur sambært upplýsingar ikki koyrt fólk heim síðani oljuboringarnar hildu uppat á hesum sinni. Ein av teimum sum vóru við til at gera uppleggið hjá Runavík var Tórheðin Jen- sen, sølu- og marknaðar- stjóri á Skipafelagnum Før- oyar. Sambært Tórheðin Jen- sen bygdi uppleggið frá ASB og Skipafelagnum frá byrjan á at tað einans var virksemi um summarið, at raksturin ikki skuldi vera ov dýrur, og at íløgurnar skuldu vera minimalar. "Við Skipafelagnum sum samstarvsfelaga høvdu vit alt," staðfesti Tórheðin Jen- sen. "Vit høvdu fólk sum kundu lænast eftir tørvi, vit høvdu pakkhús, kranar, bingjur, you name it…" Tórheðin Jensen vísti á at talan var um logistikk, um enn eitt speciliserað slag av logistikki. "Hvat er ein olju útgerðar havn í grundini?" spurdi hann. "Skipafelagið hevur hanterað góðs við egnum pakkhúsi í Runavík í meira enn 30 ár. Ein olju útgerðar havn snýr seg um logistikk - og tað er júst tað sum Skipafelagið hevur fingist við í umleið eina øld. Talan er ikki um nakað nýtt vinnuøki, heldur er talan um ein nýggjan part í einum vinnuøki, ein partur sum setir síni serligu krøv." Atlantic Stand By Frederik Hansen frá Skipafelagnum Føroyar er sum ‘Base Manager’ dagligur leiðari fyri oljuútgerðarhavnina í Runavík. Foto: Maria Olsen / PRnewsMedia.com C M Y K 3 2