hósdagur 20. november 2003síða 5

8 Nr. 221 - 20. november 2003 Nr. 221 - 20. november 2003 9 Í mong ár hevur sam- koman, KFUM og K í Klaksvík, skipað fyri missiónsviku. Men nú er missiónsvikan býtt um við vikuskiftis- møtir, sum verða hildin hvørt viku- skifti allan november mánaða. Sum nakað nýtt, verður eisini farið út á bygdirnar við gleðiboðskapin- um MISSIÓNSMÁNAÐUR Rúna Sivertsen runa@sosialurin.fo - Okkurt klókt høvd fann uppá at royna at hava møt- ini hvørt vikuskifti ein heilan mánaða í staðin fyri eina viku, sum vanligt hev- ur verið fyrr. Hetta sigur Tummas Pauli Mýri, sum er ein av fyriskiparunum av møtun- um, sum vikuskiftini í no- vember verða hildin í KFUM og K í Klaksvík. Møtini hesaferð hava heitið, "Fylg mær". - Tað hevur eydnast stak væl at havt møtini á henda hátt, og tey hava verið væl vitjaði. - Ein av fyrimununum við at hava møtini í viku- skiftum heldur enn eina heila viku er, at tað er lættari at fáa fólk, sum kunnu luttaka við sangi og talu. - Eisini røkka vit fleiri, tí nú sleppa eisini tey, sum onkuntíð arbeiða í vaktum, ella eru til sjós, til á okkurt av møtunum, sigur Tummas Pauli. Í samband við missións- mánaðin, verður sum nakað nýtt, eisini farið út á bygd- irnar í Norðoyggjum við gleðiboðskapinum. Í kvøld er ætlanin at fara út til Fugloyar og til Mikla- dals. Haraldsund og Húsar eru eisini á skránni hetta viku- skifti; har verður møti í annaðkvøld. Møtini verða klokkan 19.30. Leygarkvøldið verður serstakt møti, har Hilda Viderø Johannesen, fer at greiða frá uttanlands missi- ón. Gimmi Olsen verður online úr Afrika og fer at greiða frá arbeiði sínum sum lærari hjá trúboðara- børnum har. Sunnudagin klokkan 14.00 verður familjumøti, og á møtinum klokkan 18.00 fer Torleif Johanne- sen, sjómanstrúboðari, at tala. Sangkórið úr Tabor á Toftum fer at syngja. Umframt talu, sang og vitnisburðir, er eisini sosial samvera á skránni, og eftir møtini hugna fólk sær við einum drekkamunni. - Í eini tíð, har fólk eru ógvuliga upptikin, og ikki hava stundir at vitja hvønn annan eins nógv og fyrr, er hetta ein týðandi partur í arbeiðnum hjá samkomun- um, sigur hann. Tað er Pól Jóhannesen trúboðari, sum hevur høv- uðsábyrgdina av møtunum í KFUM og K í Klaksvík. - Tað krevur nógva tíð og orku at skipa fyri slíkum møtum, men tað er stríðið vert, tá vit síggja at ar- beiðið ber frukt, sigur Tummas Pauli Mýri at enda við Sosialin. Tað var lív í Christ- ianskirkjuni, tá ið kórini frá sangskeið- num í Nesvík høvdu konsert har næst- seinasta sunnudag KONSERT Rúna Sivertsen runa@sosialurin.fo Í samband við missinóns- mánaðin hjá KFUM og K, varð skipað fyri konsert í Cristianskirkjuni næstsein- asta sunnudag. Í 25 ár á rað, hevur heimamissiónin skipað fyri sangskeiðum, seinastu árini í Nesvík. Tað vóru vaksnamanna- og barnakór frá sangskeið- num har, ið saman við or- kestri, gleddu áhoyrararnar við frálíka sangi og spæli sínum. Konsertin í Christians- kirkjuni hevur eisini gjørt sítt til at savna fólk til møtini, sum henda mán- aðin verða hildin í KFUM. - At ganga á møti, er sum alt annað ein vanasak, og sjálvsagt vóna vit, at fleiri fara taka henda góða vana til sín, siga tey í KFUM og K í Klaksvík. Missiónsmánaður í KFUM og K Væleydnað konsert í Christianskirkjuni Umframt talu, sang og vitnisburðir, er eisini sosial samvera á skránni og eftir møtini hugna fólk sær við einum drekkamunni. Í eini tíð, har fólk eru ógvuliga upptikin, og ikki hava stundir at vitja hvønn annan eins nógv og fyrr, er hetta ein týðandi partur í arbeiðnum hjá samkomunum Myndir: Bárður Lydersen Tað var ein fragd at hoyra lætta sangin og tónleikin hjá kórum og orkestri í Cristians- kirkjuni næstseinasta sunnudag Myndir: Bárður Lydersen Eldrasambýlið í Gøtu stendur reist Gøtu kommuna hev- ur samtykt, at alt hús- ið skal gerast liðugt undir einum, og væntandi verður eldrasambýlið tikið í nýtslu í august/sep- tember mánaða kom- andi ár ELDRAØKIÐ Vilmund Jacobsen vilmund@sosialurin.fo Í vikuni varð eldrasambýl- ið, sum Gøtu kommuna let- ur byggja í Norðragøtu, reist. Í hesum sambandi skip- aði kommunan mikukvøld- ið fyri drekkamunni fyri teimum, sum á ymiskan hátt eru knýtt at byggingini. Drekkamunnurin var í Glyvra Hanusar húsi í gomlu bygdini í Norðra- gøtu. Haldóra Ranghamar, bygdaráðsformaður í Gøtu kommunu, sigur, at upp- runaliga ætlaði kommunan bert at gera ovaru hæddina lidna fyrst, men síðan hevur kommunan samtykt, at alt húsið skal gerast liðugt undir einum. – Í ovaru hæddini verður pláss fyri 10 búfólkum, og í niðaru hæddini verður pláss fyri 6 fólkum. Í nið- aru hæddini verða eisini hølir til teir aktivitetir, sum eru í Gøtubráð í dag. Haldóra Ranghamar væntar, at eldrasambýlið í Norðragøtu stendur liðugt at taka í nýtslu um mánað- arskiftið, august/september komandi ár, og metti kostn- aðurin av byggingini verður einar 13-14 milj. krónur. Hóast oyndfirðingar týsmorgunin tóktust vera í iva um, hvørt meiriluti fór at verða fyri samanlegging við aðra kommunu, varð úrslitið, tá ið saman um kom, rættiliga sannførandi FÓLKAATKVØÐA Vilmund Jacobsen vilmund@sosialurin.fo 136 veljarar høvdu at- kvøðurætt í Oyndarfjarðar kommunu týsdagin, tá ið bygdarfólkið hevði høvi at atkvøða um, hvørt komm- unan skal leggja saman við aðrari kommunu ella ikki. Tá ið upptalt varð, høvdu 80 veljarar atkvøtt ja fyri samanlegging, og 30 veljar- ar høvdu atkvøtt nei. Hetta merkir, at nýggj fólkaat- kvøða verður í Oyndarfirði aftur komandi týsdag. Tá verður valið ímillum at leggja saman við Fugla- fjarðar kommunu ella Runavíkar kommunu. Fólkið avger Týsmorgunin, áðrenn val- hølið læt upp, hittu vit bygdarráðsformannin, Árna Joensen, sum var til arbeiðis á skrivstovu síni í Oyndarfirði, har hann selir fisk fyri P/F Vesturvón. Hann duldi ikki fyri, at hann fór at atkvøða fyri samanlegging, men vildi ikki siga hvørja kommunu, hann mælir til, at lagt verð- ur saman við - um meiriluti varð fyri samanlegging. – Hetta er ein avgerð, sum veljararnir sjálvir skulu taka. Onkur sigur, eg eri vingliskøltur, tí eg ikki vil avdúka mína støðu, men gevi eg mína støðu til kenn- ar, kann tað kanska ávirka avgerðina hjá fólkinum. Tað vil eg helst ikki, segði Árni. Týsmorgunin var hann ikki sannførdur um, at oyndfirðingar fóru at at- kvøða fyri samanlegging, men sum kvøldið leið, og úrslitið fyrilá, var allur ivi skúgvaður til viks. Meirilutin fyri saman- legging var kanska størri, enn fleiri høvdu væntað. Á vegamóti Nú avgerðin um saman- legging er tikin, er næsta stigið at velja kommununa, ið leggjast skal saman við. Bæði Fuglafjarðar kommuna og Runavíkar kommuna hava lagt tilfar úr hondum, sum íbúgvarnir í Oyndarfirði hava fingið borið á dyrnar. Somuleiðis hevur borgarafundur verið í bygdini, har framløga var av hesum tilfari sum lýsir fyrimunir og vansar við samanlegging – antin valið verður hendanvegin ella handanvegin. – Eg haldi, at Fuglafjarðar kommuna "fiskar" meira eftir okkum enn Runavíkar kommuna ger, eitt nú við ætlaða tunlinum millum Fuglafjørð og Hellurnar. Hinvegin hava vit fingið at vita, at vit fáa umleið sama status í Runavíkar komm- unu sum aðrar smáar bygdir í kommununi, eitt nú Rytu- vík, Æðuvík og Lamba. Í Oyndarfirði søgdu tey, at hevði tunnilin millum Fuglafjørð og Hellurnar verið komin, er lítið at ivast í, at oyndfirðingar høvdu valt at lagt saman við Fuglafjarðar kommunu. – Men tunnilin er ikki komin enn, og vit vita ikki við vissu, nær ella um hann kemur. Frá gamlari tíð hevur nógv samband verið mill- um Oyndarfjørð og Fugla- fjørð, og enn í dag sam- starva kommunurnar á ávísum økjum. Vegurin kom ikki fyrr enn seinast í sekstiárunum og fyri ta tíð, var farið upp um fjallið - ella við báti til Fugla- fjarðar. – Síðan vegurin kom, er teinurin styttri út til Runa- víkar enn til Fuglafjarðar, søgdu tey. Oyndarfjarðar kommuna samstarvar eisini við Runavíkar kommunu. Ættarskiftið Oyndfirðingar, sum Sosial- urin prátaði við týsmorgun- in, vóru eftir øllum at døma meira í iva um, hvørt fólk fóru at velja samanlegging – enn um hvørja kommunu, lagt verður saman við, um fólkið segði ja til saman- legging. Tey trý, sum sita í val- nevndini, Hjørleif Gaard, Hilmar Petersen og Eyð- britt Jacobsen, tóktust rættiliga samd um, at velja oyndfirðingar at leggja saman við aðrari komm- unu, fellir valið helst á Runavíkar kommunu. – Sum er, er teinurin út til Runavíkar styttri, og vinnu- lívið í økinum er meira fjøl- táttað. Hinvegin eru eisini nakrir fyrimunir við Fugla- fjarðar kommunu, eitt nú skúlaverkið á Kambsdali. Bondini, sum vóru mill- um Oyndarfjørð og Fuglafjørð, hava sum skilst minni týdning fyri yngra ættarliðið enn fyri tey gomlu. – Vit rokna við, at yngra ættarliðið fer at velja Runa- víkar kommunu, meðan tey gomlu fara at velja Fugla- fjarðar kommunu, søgdu tey í Oyndarfirði týsmorg- unin. Ógjørligt er at siga, hvat hendir á fólkaatkvøðuni, sum verður, 25. november. Og hvør veit: Kanska verður úrslitið tá líka so óvæntað, sum úrslitið týsdagin. Eldrasambýlið í Gøtu er reist í vikuni. Mikukvøldið var drekkamunnur í Glyvra Hanusar húsi í Norðragøtu fyri teimum, sum á ymiskan hátt eru knýtt at byggingini. Mynd: Jens Kr. Vang Tey ungu velja Runavík; tey gomlu Fuglafjørð Fuglafjørður við sínum fyrimunum… … og Runavíkar kommuna við sínum Árni Joensen, bygdarráðsformaður, er sannførdur um, at skal Oyndarfjørður ikki gerast eftirbátur, nú fleiri og fleiri økir skulu leggjast út til kommunurnar at umsita, noyðist kommunan at leggja saman við aðrari størri kommunu C M Y K 9 8