fríggjadagur 5. desember 2003síða 12

Nr. 232 - 5. desember 2003 23 Tað er langt millum dreymin og marruna Broyttar manna- gongdir til undan- kappingina hava viðført, at munurin millum eitt gott og eitt vánaligt lutakst er vorðin enn størri. So í FSF sita helst øll og krossa fingrar, tá HM-lutakastið verður seinnapartin fríggja- dagin LUTAKAST TIL HM UNDANKAPPING Jóannes Hansen joannes@sosialurin.fo Klokkan fimm seinnapartin í dag verður lutur kastaður um, hvussu tær 51 europe- isku fótbóltstjóðirnar skulu flokkast, tá ið tær næsta heyst og í 2005 fara at telv- ast um tey trettan plássini, sum UEFA limalondini eiga í HM endaspælinum, sum á sumri í 2006 verður í Týsklandi. Vertirnir eru sjálvskrivaðir luttakarar, og tí verður tað ikki hesa ferð møguleiki hjá Føroyum at enda í bólki saman við týskarunum, sum í júst loknu EM undankappingini vóru orsøk til, at FSF fekk eyka inntøku uppá átta milliónir krónur. Tað var í hvussu so er metingin hjá Fótbóltssambandinum. UEFA londini skulu flokkast í átta bólkar. Í fimm bólkum verður lut- takaratalið seks, og í trimum bólkum verður luttøkutalið átta. Undan lutakastinum eru tær 51 tjóðirnar styrkis- mettar út frá, hvussu tær hava staðið seg í síðstu EM og HM undankappingun- um. Styrkismetingin fram- gongur aðrastaðni her á síðuni. Tað skal annars við- merkjast, at mannagongdir- nar í ár eru broyttar nakað. Ætlanin er nevnliga, at tey fýra sterkastu londini ikki skulu í bólk við sjey londum. Helst er hetta gjørt eftir trýsti frá stóru tjóðun- um, sum vilja sleppa undan ov nógvum »løttum« dyst- um, men tað er einki at iv- ast í, at tað er smeitur fyri minni liðini. Ikki minst fyri tey trý lægst mettu á styrk- islistanum. Men eisini fyri Føroyar ger hetta ein veldugan mun. Ein bólkur við sjey londum merkir nevnliga eyka út- reiðslur, og hesar eykaút- reiðslur koma soleiðis, utt- an at møguligar eyka inn- tøkur frá teimum heilt stóru londunum eru við í pottin- um. Londini, sum sleppa undan teimum trimum veikastu eru Frakland, Italia, Ongland og Spania. Dreymurin Eingin ivi er um, at tað bæði ítróttarliga og fíggjar- liga hevði verið framúr lutakast, um Føroyar høvdu fingið eina av stóru vestur- europeisku fótbóltstjóðun- um í sín bólk – bæði úr fyrsta og øðrum raði. Um lutakastið fellur so væl, sum tað kann bara er loyvt at droyma um, so verður mótstøðuliðið í bólki eitt England og úr bólki tvey Holland. Hetta hevði havt við sær, at stóru stjørnur- nar, sum fleiri ferðir um vikuna umboða stórfeløg í Englandi, Hollandi og Spania, høvdu spælt í Før- oyum. Tað hevði havt sera stórar inntøkur fyri sjón- varpsrættindini, og tað hevði uttan iva havt við sær, at tað høvdu verið rættuliga nógvir áskoðarar til hesar dystirnar. Umframt England og Holland hevði tað neyvan bilað nakað, um luturin í staðin fall á Frakland ella Italia úr ovasta raðnum, og at landið úr næstovasta raðnum varð Danmark. Føroyar og Skotland hava verið í bólki saman í trim- um undankappingum, og úr triðja raðnum hesa ferð man Skotland vera besta boðið. Úr fjórða raðnum eru fleiri norðurlendskir møguleikar, og tað hevði einki gjørt, um Ísland enn eina ferð kom í bólk saman við Føroyum. Úr fimta raðnum man Kypros, sum Føroyar í 1992 og í 1993 taptu ímóti ávikavíst á heimavølli og útivølli, vera besta boðið. Fyri Føroyar hevði tað komið væl við at komið í ein av stóru bólkunum. Gamli venjarin hjá Føroy- um, Allan Simonsen, er framvegis venjari hjá Luks- emborg, og tað hevði einki gjørt, um høvi varð aftur at stríðast við Luksemborg. Føroyar vunnu báðar und- ankappingardystirnar ímóti teimum í 2001. Var talan um slíkar broyt- ingar í UEFA-høpi, so er einki at ivast í, at smæstu londini høvdu fingið eina fíggjarliga kompensatión fyri hetta sosialt skeiva býtið. Men tað verður so neyvan talan um her. HM- kappingin er í FIFA-høpi, og altjóða fótbóltssam- gongan er als ikki eins múgvandi og tann europe- iska. Marran Ítróttarliga, fíggjarliga og umsitingarliga er talan um stóran mun millum dreyma mótstøðuliðini, sum eru nevnd omanfyri, og so møguleikan, sum spøkir fyri fátøkum eystureurope- iskum fótbóltstjóðum, sum á landsliðunum hava spæl- arar, ið ikki eru so kendir á okkara leiðum, og sum tað málsliga og á annan fyrisit- ingarligan hátt er hópin tor- førari at samskifta við, enn tað er við grannatjóðirnar og aðrar vestureuropeiskar tjóðir. Marran úr fyrsta raðnum er Kekkia, sum Føroyar tríggjar ferðir áður hava verið í undankappingar- bólki saman við. Hóast Turkaland telist millum tær frægu fótbóltstjóðirnar – menningin hevur verið framúr síðani teir í 1991 spældu 1–1 ímóti Føroyum í Gundadali – so fer tað at kennast sum ikki sørt vón- brot at koma í bólk saman við teimum. Umstøðurnar í Turkalandi eru ikki serliga støðugar, og hóast talan er um fólkaríkt land, so er tal- an ikki um serliga fíggjar- liga styrki. Portugal er ein møguleiki, men tá hevði tað verið frægari fyri fyrstu ferð nakrantíð at komið í bólk við Svøríki. Úr næstovasta raðnum verður tað sera torført at sigla rundanum eystur- europeisku skerðini: Kro- atia, Pólland, Slovenia og Russland, og í triðja raðn- um eru so at siga gráu og ytru møguleikarnir eins nógvir og teir litríku og nærru. Her verður hugsað um Rumenia, Bulgaria, Slovakia og Serbia/Mont- enegro. Í fjórða raðnum er møguleiki at renna seg í Ukreina, Letland og Bos- nia/Montenegro og í fimta raðnum ber tað næstan ikki til at sleppa undan Eystur- europa: Georgia, Ungarn, Hvítarussland, Estland, Litava og Makedonia. Føroyar eru í sama raði sum Aserbadjan, Moldova, Armenia og Albania, so teimum slepst undan. Føroysk umboð Lutakastið verður klokkan fimm seinnapartin í dag. Tað fer ivaleyst at bera til at fylgja við á fleiri sjónvarps- rásum. Umboð fyri FSF vera á staðnum. Tað plagar at vera soleiðis, at umboð fyri tjóðirnar, sum verða flokkaðar í bólk saman, heilsa upp á hvønn annan og gera av, nær og hvar fundurin skal vera, har greiða skal fáast á skránna fyri undankappingina. Um tað ger at ganga, sum føroyingar fegnir vilja og droyma um, so fer okkara bólkur at síggja soleiðis út: England, Holland, Skot- land, Ísland, Kypros, Føroy- ar og Luksemborg. Um tal- an verður um sannan marrubólk, so fer hann at síggja soleiðis út: Kekkia, Kroatia, Bulgaria, Ukreina, Georgia og Føroyar. Tað kann ikki sigast ann- að, enn at tað er stórur munur á dreyminum og marruni! Styrkismetingin Tríggir bólkar hava sjey lið, og fimm bólkar hava seks lið. Lið úr sama raði eru ikki í bólki saman. Frakland, Ongland, Italia og Spania eru vissað um, at tey koma í bólk við seks liðum Rað 1 Frakland, Portugal, Svøríki, Kekkia, Spania, Italia, England og Turkaland. Rað 2 Holland, Kroatia, Belgia, Danmark, Russland, Írland, Slovenia og Pólland. Rað 3 Bulgaria, Rumeniea, Skotland, Serbia/Montenegro, Sveis, Grikkaland, Slovakia og Eysturríki. Rað 4 Ukreina, Ísland, Finnland, Noreg, Ísrael, Bosnia/Hersegovina, Letland og Wales. Rað 5 Ungarn, Georgia, Hvítarussland, Kypros, Estland, Norðuírland, Litava og Makedonia. Rað 6 Albania, Armenia, Moldova, Aserbadjan, Føroyar, Malta, San Marino og Liktinstein. Rað 7 Andorra, Luksemborg og Kasakhstan. Fíggjarliga vildi tað verið ein ynskistøða, um eitt nú Italia kom í bólki við okkum hesaferð Mynd: Reuters 23 Í donskum miðlum hevur ljóðað, at Henr- ik Larsen hevur søkt leysa venjarastarvið hjá Partick Thistle, men hetta avsannar landsliðsvenjarin avgjørdur. LANDSLIÐSVENJARIN Jákup Mørk jakup@sosialurin.fo Tað var ein heldur kløkkur føroyskur landsliðsvenjari, sum Sosialurin fekk orðið á hósmorgunin. Sjálvur hevði hann annars verið í ferð við at gera seg til reiðar at fara til Frankfurt, har hann sam- an við FSF-ummboðunum skal fylgja lutakastinum, tá hann varð kunnaður um tíðdini á fótbóltsheimasíð- uni, bold.dk. Har stóð nevnliga at lesa, at Henrik Larsen var millum teirra, sum hava søkt um leysa venjarastarvið hjá Partick Thistle í Skotlandi. – Ja, hatta havi eg júst hoyrt sjálvur. Ein annar blaðmaður ringdi her fyri løtu síðani, og tá visti eg so slettis einki. Og lat meg beinan vegin siga, at hatta havi eg so einki við at gera. Eg havi so eisini ringt til teir, sum standa fyri bold.dk., og biðið teir gera so væl at avsanna hasi tíðindini. – Um tað bara eru lótir frá felagnum, soleiðis at teir á hendan hátt kunnu skapa áhuga fyri starvinum, dugi eg ikki at isga, og tað leggi eg sum so heldur ikki í, sigur hann. Og leggur so flennandi afturat, at tað kanska er svenski Henrik Larsson, sum leitar sær arbeiði. Gjarna Skotland Tá eitt sindur meira av álvara aftur kemur í orðini, fer tosið tó at snúgva seg um komandi lutakastið, og her tykist Henrik at vera ein spentur maður. – Tað er jú ikki líka mik- ið, hvussu bólkurin verður settur saman, so sjálvandi eri eg eins spentur og øll onnur. Spurdur, hvørt hann hev- ur nøkur serlig ynski til lutakastið, sigur venjarin, at tað hevur hann sjálvandi. – Skotland vil eg sjálv- sagt gjarna hava í okkara part, men annars eru jú eisini aðrir spennandi møguleikar. Høvdu vit fingið okkurt av teimum heilt stóru, sum kunnu fylla stadion her hjá okkum, so vildi tað verið stuttligt, og so kanska okkurt norður- land eisini. Svøríki ella Noreg høvdu ikki verið so galin. Og eru vit heppin, so fáa vi kanska eisini tveir dystir móti Luxemburg… – Tað einasta, eg vil sleppa undan, er, at vit fáa for nógv eystanlond. Fíggj- arliga eru tey einki serlig, og ítróttarliga eru tey ofta tung at fáast við. Føroyar hava eisini ringar royndir av ferðunum eystureftir, og sum spælari minnist eg eisini, at tað ofta var sera trupult at fáa nakað sum helst burtur úr teimum dystunum. Men nú fáa vit at síggja. Vit eru jú ikki sjálvir harrar yvir, hvussu tað fer at ganga, so tað er bara at vóna tað besta, sigur landsliðsvenjarin at enda. Nr. 232 • fríggjadagur • 5. desmber 2003 • 77. árgangur • www.sosialurin.fo Henrik fer ongan veg Henrik Larsen sigur seg ongar ætlanir hava um at leita sær starv í Skotlandi ÍF tók alt, tá tær vitjaði á Giljanesi FLOGBÓLTUR Jákup Mørk jakup@sosialurin.fo Ein dystur í meistaradeild- ini hjá kvinnum varð leikt- ur í gjárkvøldið. Hetta var á Giljanesi, har Drátur hevði vitjan av ÍF. Seinasta vikuskiftið vann Dráttur útidystin á júst ÍF, og ein endurtøka av sigrin- um vildi lyft Drátt næstan upp undir liðina á oddalið- unum báðum, TB og Mjølnir. Men hvussu var og ikki, so eydnaðist hetta ikki. ÍF vann nevnliga dystin 3-1, og tó at tað ikki flutti tær av 5. plássinum í deildini, so eru tær nú bert tvey stig aftan fyri Dráttur og KÍF, sum eru ájavnar í triðja plássinum. Dráttur misti takið Meistaradeild, kvinnur v t +/- d v - t sett sett sett stig 1 TB 8 6 - 2 21 6 15 12 2 Mjølnir 8 6 - 2 19 9 10 12 3 Dráttur 8 4 - 4 17 15 2 8 4 KÍF 8 4 - 4 14 17 -3 8 5 ÍF 8 3 - 5 10 16 -6 6 6 Fleyr 8 1 - 7 5 23 -18 2 C M Y K 22