fríggjadagur 24. juli 1998síða 13

Nr. 138 — 24. JULI 1998 tíðindablaðið SOSÆNN Nógv fólk verið við Norðlýsinum í summar Ein túrur við Norðlýsinum er mangan ein tann besta upplivingin, sum ferðafólk hava, tá ið tey vitja í Føroyum. Norðlýsið við bryggju í Havn TERII NIELSEN Hetta er fimta árið á rað, at P/F Utferðir skipar fyri ymiskum túrum við Norðlýsinum. Í fyrstuni gekk eitt sindur striltið við at fáa fólk við á túr og eisini at leiga skipið út, men í dag er stødan ein heilt onnur. Sum við so mongum ødrum, so er tað ein sannroynd, at tað skal ganga eitt ávíst tíðarbil, áðrenn summi fólk fáa álit á eina vøru og vilja royna hana. Soleiðis er eisini við Norðlýsinum. Nógv útleigað Birgir Enni, skipari á Norðlýsinum, sigur, at í ár hevur skipið verið ómetaliga nógv útleigað. Sera nógv fólk hevur verið við í summar, og tað hevur verið helvt um helvt føroyingar og útlendingar. Skiparin sigur, at tað eru serliga túrarnir út í Hest, sum fólk hava sýnt áhuga fyri. Sum heild kann tó sigast, at åhugin er stórur fyri gllum tårunum, sum Norðlýsið ger. Ein stórur partur av teimum leigutúrum, sum Norðlýsið ger, eru fyritøkur, sum leiga skipið til eina útferð fyri alt starvsfólkið hjá sær, ella sum møguliga hava onkrar útlendskar samstarvsfelagar á vitjan. Avlýsa ongar túrar Skiparin á Norðlýsinum sigur, at ongin túrur verður avlýstur. Um ætlanin eitt nú var at fara út í Hest, men veðrið og streymurin ikki eru til vildar, so verður eitt nú farið kring Nólsoynna ístaðin. Tað viðrar altíð onkra aðrastaðni, sigur Birgir Enni. Eisini er tað so, at ferðafólk mangan dáma tað væl, um veðrið er eitt sindur baldrut. Tey eru ofta nógv betur flatin enn tl dømis føroyingar, og teimum dáma væl at síggja náttúruna sýna sínar kreftir. Viðrað væl í ár Sjálvsagt er tað best, um veðrið er gott, tá ið man skal gera túrar við einum slíkum skipi sum Norðlýsið. Í ár hevur tað viðrað serstakliga væl, sigur Birgir Enni. Tó so, ikki hevur veðrið altíð verið so gott, men so hevur tað ístaðin verið gott í sjónum, sigur hann. Fer í dag ein túr vestur um Suðuroy Norðlýsið ger í dag ein sera áhugaverdan túr. Kósin verður sett av Havnini til Suðuroyar. Siglt verður vestan fyri Suðuroynna, fram við Asmundarstakki og Rituskor, og síðani gongur leiðin suður til Beinisvørd. Á veg aftur til Havnar verður siglt vestan fyri Sandoynna og Hest, so at møguleiki eisini verður fyri at síggja bjørgini har. Ahugin fyri túrinum í dag (mynd: Terji Nielsen) hevur verið sera stórur, so ikki er óhugsandi, at fleiri slíkir verða gjørdir seinni í summar. Royal Marines brúkt Norðlýsið Herfyri leigadu Royal Marines Norðlýsið. Bretarnir komu umborð friggjakvøld, og teir fóru ikki í land aftur fyrr enn mánamorgun. Hesar dagarnar ferðaðust teir víða um, og millum annað kavaðu teir í gjónni í Dímun og ymsastaðni í Suðuroy eisini. Birgir Enni, skipari á Norðlýsinum, er sjálvur roydur kavari, og hann kundi tí vísa bretunum á ymisk stød, sum vóru væl egnaði til at venja kavarar. Royal Marines hava boðað frá, at teir eru áhugaðir í at leiga Norðlýsið í einar tvær vikur komandi summar. Ætlanin hjá teimum er so at ferðast kring oyggjarnar og lata sínar kavarar fá: roynt seg her. Haraftrat er ætlanin, at teir eisini skulu nyta høvi til at venja fólk sítt at ganga í økjum, har tað ikki altíð er so lætt at koma fram. Gevast í oktober Norðlýsið gevst ikki við at sigla í ár, fyrr enn komið er út í oktober mánaða. Hetta er eitt sindur longri enn vanligt, men sum ådurnevnt, so hevur ómetaliga nógv verið at gjørt í ár hjá blålittu skútuni. SKIPAFELAGIÐ FØROYAR FAROE SHIP.