fríggjadagur 19. desember 2003síða 2

2 Nr. 242 - 19. desember 2003 Nr. 242 - 19. desember 2003 3 UTTAN ÚR HEIMI Norska krónan ikki so sterk Norski fíggjarmálaráðharrin, Per-Kristian Foss, vil vera við, at virðið á norsku krónuni er yvirmett. Norska vinnulívið hevur leingi kært seg um vikn- andi kappingarføri við umheimin, tí virðið á norsku krónuni er so stórt. Vinnulívið hevur víst á, at hetta hevur kostað ein hóp av arbeiðsplássum, og at nógvar fyritøkur eru farnar av knóranum av somu orsøk. Men nú ætlar stjórnin at greiða umheiminum og norð- monnum sjálvum frá, at krónan er ikki so nógv verd, sum fólk halda. - Fleiri seta virðið á krónuni í samband við, at vit nýta meiri størri part av oljuinntøkunum til sam- felagið, og tað hevur havt við sær, at virðið á krónuni er størri, enn tað í veruleikanum átti at verið, sigur Per-Kristian Foss. Hann vísir á, at sjálvt um stjórnin ætlar at økja nýtsluna úr oljugrunninum millum 20 og 25 milliardir krónur hetta til 2010, er tað avmarkað, hvussu stóra ávirkan tað fær á norska búskapin. Valdu svensk flogfør Eftir at hava umhugsað eitt svenskt og eitt ameri- kanskt tilboð hevur stjórnin í Kekkia gjørt av at leiga fjúrtan jagaraflogfør av svenska slagnum Gripen til landsins loftverju. Svenska flogfarið vann kappingina við tað ameri- kanska F-16, sjálvt um amerikanska stjórnin royndi at leggja trýst á kekkar fyri at fáa teir at velja tað amerikanska flogfarið. So seint sum fyri einari viku síðani var amerikanski handilsmálaráðharrin, Donald Evans, í Prag í somu ørindum, men til fánýtis. Kekkar skulu hava tvey svensku flogførini í 2005, og tey koma ístaðin fyri tey sovjetsku MIG-flogførini, sum eru farin at eldast. Frammanundan hava Ungarn og Suðurafrika fingið sær Gripen-flogfør. Kekkiskir flogskiparar og teknikarar fara í næstum til Svøríkis at útbúgva seg, skrivar svenska tíðindastovan TT. Dýrt at byggja í Noregi Húsa- og íbúðarprísirnir í Noregi eru tær hægstu í Skandinavia. Orsøkin er, at ognarskatturin í Noregi er nógv lægri enn í hinum londunum, samstundis sum norska lønin er hægri enn í Danmark og Svøríki. Hetta kemur fram í einari nýggjari kanning. Har sæst, at tað kostar umleið 13.500 norskar krónur fyri hvønn fermetur at byggja eini sethús í Noregi í dag. Í Danmark er prísurin 9.000 norskar krónur fyri fer- meturin og í Svøríki 8.000 krónur. Búskaparfrøðingurin Steinar Juel sigur við norska útvarpið, at tann sjáldsama lága rentan í Noregi kann hava við sær, at húsaprísurin fer uppaftur longri upp. Hann sigur, at hava fólk ta uppfatan, at rentan verður verandi so lág sum nú, er tað ikki óhugsandi, at húsa- og íbúðarprísurin fer at hækka millum 25 og 40 prosent teir næstu tólv mánaðarnar. Eisini norska byggivinnan væntar, at tann lága rentan fer at seta ferð á húsabyggingina. Cleese upp í politikk Nú Arnold Schwarzenegger hevur prógvað, at tað ber væl til hjá einum kendum filmsleikara at koma sær framat í politikki, umhugsar kendi skemtarin og filmsleikarin John Cleese at gera tað sama. Sambært vinmanninum Michael Palin umhugsar Cleese at stilla upp til borgarstjóravalið í býnum Santa Barbara í amerikanska statinum Kalifornia, har Arnold Schwarzenegger sum kunnugt er guvernørur. Við blaðið Daily Telegraph sigur Palin, at John Cleese er sera hugtikin av tí politiska lívinum í Santa Bar- bara, og at hann umhugsar at royna at gerast borgar- stjóri. So er bara at vóna, at John Cleese fer at stýra bý- num betur, enn Basil Fawlty stýrdi tí væl kenda gist- ingarhúsinum. 1.000 síður við 6.000 skjølum skulu sann- føra rættin um, at tann 25 ára gamli skuldsetti maðurin myrdi svenska uttan- ríkisráðharran, Onnu Lindh, tann 10. sep- tember LINDH-MORÐIÐ Árni Joensen fartekst@mail.dk Líka síðani hann varð tikin, hevur tann skuldsetti av- sannað, at tað var hann, sum stakk Onnu Lindh so meint, at hon doyði morg- unin eftir. Løgreglan sigur seg harafturímóti vera sannførda um, at hon hevur tikið tann rætta mannin. Í gjár var løgreglan liðug við kanningarnar, og tá fekk verjin hjá tí skuldsetta tær 1.000 síðurnar við um- leið 6.000 skjølum, sum sambært løgregluni eru nóg mikið til at sannføra rættin í Stockholm um, at tann 25 ára gamli maðurin er dráps- maðurin. Verjin sleppur nú at kanna ákæruritið og skjølini. Roknað verður við, at maðurin verður formliga ákærdur tann 16. januar, og at málið kemur fyri í rættinum fýra dagar seinni. Leif Jennekvist, sum hevur staðið fyri kanning- unum hjá løgregluni, sigur við Aftenposten, at arbeiðið hevur tikið drúgva tíð, tí løgreglan hevur tikið sær ta tíðina, sum var neyðug. Men tað rúgvusmikla próv- tilfarið hevur gjørt, at vit hava ongantíð verið í iva, sigur hann. Hann viðgongur, at løg- reglan hevur verið serliga umhugsin, tí síðani morðið hava heimsins eygu verið vend ímóti Svøríki, sigur hann. Øll hava hugsað um Palme-morðið, sigur Leif Jennekvist. Minst seks svenskir ríkisborgarar av irakskum uppruna hava í fleiri ár njósn- ast í Svøríki fyri Sad- dam Hussein. Fleiri túsund fólk vórðu kannað og skrásett SADDAM HUSSEIN Árni Joensen fartekst@mail.dk Upplýsingarnar eru úr skjølum hjá iraksku fregn- artænastuni, og sum eru komin undan kavi í Bagdad í seinastuni. Sambært svenska útvarp- inum, sum hevur sæð skjøl- ini, høvdu irakar minst seks njósnarar í Svøríki. Upp- gáva teirra var at halda eygað við fleiri túsund svenskum ríkisborgarum av assýriskum uppruna. Hild- ið verður, at hesi eru um- leið 60.000 í tali. Assýrar- nir vóru upprunafólkið í gamla Mesopotamia, sum er ein stórur partur av tí nú- verandi Irak. Saddam Hus- sein viðurkendi ongantíð assýrararnar sum eitt ser- stakt fólk, og helt teir nógvu assýrararnar í Svø- ríki vera eina hóttan. Í skjølunum hjá iraksku fregnartænastuni sæst, at njósnararnir hjá Saddam Hussein vóru sera nágreini- ligir, tá teir skrásettu upp- lýsingar um assýrararnar í Svøríki. Har sæst, hvar fólk arbeiða, hvat tey gera í frítíðini, hvørja politiska áskoðan tey hava, hvørjum klæðum tey ganga í, og hvussu tey annars eru í gerandisdegnum. Tað sæst eisini, at irakska fregnartænastan hevði fólk á røttu støðunum. Eitt nú hevur ein teirra arbeitt á skrivstovuni, sum tekur sær av útlendskum ríkisborgar- um, sum flyta til Svøríkis. Á tann hátt sá hann skjøl um allar irakar, sum leitaðu sær friðskjól har. Lindh-morðið liðugt kannað Saddam hevði njósnarar í Svøríki Anna Lindh varð myrd í einum handilshúsum í Stockholm tann 10. september Mynd: Reuters M’as Blues Band takkar fyri seg Fríggjadagin er síðsti møguleiki at hoyra Emmu og hennara Blues Band. Hetta er í samband við eitt til- tak, ið verður í handl- inum hjá Valdemar Lützen úti á Skálatrøð millum kl 16 – 18 M’AS Nú verður sett punktum fyri einum sera hendinga- ríkum ári, har fløgu, blað- útgáva er fingin frá hondini og ikki minst, ein stór skúlakonsertferð. Tá fram- førðslan er liðug, kunnu tey í M"as Blues Band hyggja aftur á 92 spælingar í ár! Tað má verða nærum met, hjá einum áhugabólki. Nú hava tit spælt nógv, hvussu hevur Emma tað nú? – Eg havi tað gott, eg ver- ið ongantíð troytt av at syngja. Einasta, eg eri kedd um, er at eg gjørdist sjúk herfyri, tá slapp eg ikki út at syngja, tí eg misti rødd- ina. Eg veit, at nógv hava verið kedd av at vit ikki spældu, men ein popp- stjørna uttan rødd má liggja í songini, sigur Emma Vágoy. Hvussu gongur við søluni av fløguni? – Eg havi verið og snakka við Høgna og ein drong og eina gentu, ið arbeiða í 3’arinum.Tey siga, at næst- an túsund fløgur eru seldar men tað er ikki nokk. Guit- arleikarin hjá okkum Demmus Hansen sigur, vit mugu selja tveytúsund, um eg skal verða berømt, og tað vil eg, tí tað er stuttligt. Um vit ikki selja nógvar fløgur, so kunnu vit ikki spæla fleiri inn, tí tað kostar nógvar pengar. Hvat gleðir tú teg til nú? – Vit skulu spæla fríggja- dagin har niðri bátarnar liggja, har fara vit at geva øllum plakatir og jólakort av okkum. Vit fara eisini at selja fløguna og so skal eg skriva autografar. So verður ikki meira spælt. Annars gleði eg meg til jólini, fáa karamellir, nógvan góðan mat og ís omaná. Mær dámar væl at ganga á bingo, síðst vann eg. Hevur tú nøkur ynskir? – Eg vóni, at øll fara at fáa tað gott, tey sum eru sjúk verða frísk, tey sum saknað onkran, fáa troyst. Ikki minst, so vóni eg at nógv fólk fara at keypa fløguna hjá mær »Hetta er eisini mítt land II«, tí tað er deiligt at verða berømt. Eg vil ynskja øllum eini gleði- lig Jól og eitt gott nýggjár. Ikki sæst á Emmu Vágoy, at hon hevur verið í »luft- ini« meginpartin av árinum, nú hon og sjeykurin Olfert fara omaneftir Áarvegnum. Hon við plastikposanum, har sangtekstirnar og eggin hjá Olfert liggja í, nú skal síðsta spæling fáast frá hondini og so er friður, keðiligt! Emma Vágoy – heimsstjørna í Føroyum – hevur rættuliga rúnarbundið allar føroyingar við sínum sermerkta tónleikastíli C M Y K 3 2