hósdagur 8. januar 2004síða 7

12 Nr. 4 - 8. januar 2004 Nr. 4 - 8. januar 2004 13 Í vikuni høvdu vit her í blaðnum áhugaverda sam- røðu við aðalskrivaran í Fótbóltsambandinum, har upplýst varð, at Føroyum stendur í boði at gerast vertur fyri NM-kappingina í august í ár fyri U-17 landslið. FSF hevur havt tilboðið eina tíð og hevur FSF dúgliga arbeitt við málinum. Málið er enn ikki endaliga avgjørt og er tilboðið framvegis til um- hugsingar hjá FSF. Føroyskur fótbóltur hevur sum kunnugt tikið seg heilt væl fram seinastu árini. Avrikini hava verið stór og hava vakt undran og virðing í altjóða fótbólts- umhvørvinum. Tað er tí av størsta týdningi fyri menningina av føroyskum fótbólti, at áhugin í Føroyum verður stimbraður og styrktur. Annað, sum hevur týdning, er at tryggja tilgongd av dugnaligum leikarum. Í hesum sambandi er sera umráðandi at menna áhugan og førleikarnar hjá ungu leikarunum. Eisini er tað av týdningi fyri rekrutteringina av nýggjum ungum leikarum, at týðandi fótbóltshend- ingar fara fram í Føroyum. Tað er tí eingin ivi um, at vit øll ynskja og vóna, at tað fer at eydnast FSF at fáa NM-kappingina fyri U-17 landslið til Føroyar, og eiga allar góðar kreftir at virka fyri hesum. FSF hevur áður skipað fyri slíkari kapping í Føroy- um. Tað var nevniliga fyri sjey árum síðan, og hetta var ein stórhending, ið økti munandi um fótbólts- áhugan millum ungdómin. Skal føroyskur fótbóltur framvegis verða við í altjóða kappingum og sam- stundis mennast enn meira, er sjálvsagt neyðugt støðugt at hækka førleikastøðið hjá leikarunum og samstundis er tað av størsta týdningi at tryggja tilgongdina av nýggjum ungum og yngri leikarum. NM-kappingin fyri U-17 landslið fer uttan iva at økja munandi um áhugan millum børn og ung fyri góðum fótbólti. Hetta hevur stóran týdning. Men tað hevur ikki minni týdning, at føroyskir áskoðarar fáa høvi at síggja nakrar spennandi og undirhaldandi fótbóltsdystir. Afturat hesum kemur so týdningurin av tí positivu umrøðu, ið okkara land far í útlendsk- ari pressuni í samband við, at ein slík kapping verður hildin í Føroyum. Alt hetta virkar til tað góða fyri okkum, sum her búleikast. Sum tað skilst á aðalskrivaranum hjá FSF eru nakrir praktiskir trupulleikar í sambandi við at skipa fyri NM-kappingini fyri U-17 landslið í Føroyum. Vit munnu verða mong sum vóna, at tað skal eydnast FSF at vinna á hesum trupulleikum, so hetta frálíka tilboð ikki gleppur okkum av hondum. Vit ivast ikki í, at FSF, sum er ein vælskipaður og sterkur felags- skapur, fer at megna hesa uppgávu og fara vit at ynskja FSF góða eydnu við hesi uppgávu. DAGSINS MEINING Sosialurin NM í Føroyum – eitt gott hugskot VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jón Tyril Eftir drúgt kjak um fjøl- miðlasið og ábyrgdina hjá fjølmiðlum osfr. í kjalar- vørrinum av bókini "skjót journalistin" sær tað út til at støðið fyri føroyskar fjøl- miðlar, ella rættari Sjón- varp Føroya, er lægri enn nakrantíð. Eitt er, at kjakið verður drigið niður á petitessur og detaljur, og tey stóru málini verða kámað burtur, at alt verður stýrt við stoppuri, og at fremsta uppgáva vert- sins sær út til at vera at ør- kymla tey frammøttu val- evnini mest møguligt og gera tey ótrygg. Men tað sum undrar meg mest við øllum er, at tann mest politiskt løddi journalist- urin í Føroyum í løtuni, Øssur Winthereig – annar av høvundunum til bókina, sum beinleiðis var orsøkin til at samgongan slitnaði og at vit fingu eitt nýval – er settur at stýra tí kanska týdningarmesta partinum av valstríðnum, nevniliga sjónvarpskjakinum. At leiðslan í SvF ikki sær vandan í hesum er himmal- rópandi kritikkleyst. SVF hevur gjørt óhepnasta valið, sum yvirhøvur var møguligt, tá teir valdu vert- in til politiska kjakið.Eftir at hava sæð undanfarnu sendingar eri eg farin at seta mær sjálvum spurn- ingin: Hvørja dagsskrá hevur Øssur, ella møguliga SvF? Er tað stutthugsan ella er tað tilætlað? Sær SvF ongan trupulleika við at hava júst hendan jour- nalistin at stýra júst hesum kjakinum? Eg haldi hesir spurningar krevja svar. (Øssur hevur sum so ongan lut í ónøgdini, tað er SvF, sum hevur sett hann). SVF spælt totalt falitt Dia Ellindsson Runavík Vit hava bæði hoyrt og lisið um persónsdyrkan og aðra skurðgudadyrkan. Men hetta fyrifórst áðrenn okk- ara tíðarrokning. So hetta skuldi verið ein farin tíð. Men tíverri sæst í bæði sól og mána, at hetta er við at kykna uppaftur í okkara pinkulandi Føroyar. Hin Føroyski Fólka- flokkurin er nú glaðbeintur farin út í hesa fornu skurð- gudadyrkan. Hetta sæst best við at teir hálova persónin Anfinn Kallsberg út um øll møgu- lig mørk. Ja, enntá Óli Breckmann er vorðin ein kolasvartur skuggi aftur- ímóti. Hin stóri spurning- urin er fyri mong fólk: Trýr fólkaflokkurin meira á Anfinn Kallsberg, heldur enn Várharra Jesus Kristus, tað átti at verið munur á monnum. Ein anti skurðdyrkari. Fólkaflokkurin og persónsdyrkan! Í januar mánaði hevur Anna Mohr úr Klaksvík listafram- sýning í Leikalund TÍÐINDASKRIV Solby A. Eliasen solby@sosialurin.fo Klaksvík: Anna Mohr er ung listarkvinna. Hon er 25 ára gomul, men hevur longu í fleiri ár roynt seg við málningalist og víst seg at verða vælumtókt. Við á framsýningini eru umleið 15 nýggir akryl málningar, har myndaevni er landslagsmyndir meira og minni abstraktar. Framsýningin letur upp fríggjadagin 9. januar klokkan 16.00, har øll eru hjartaliga vælkomin at støkka inn á gólvið, síggja framsýningina og fáa ein kaffimunn. Myndirnar eru til sølu og eru at síggja í vanligari upplatingartíð frá mánadag til fríggjadag frá 10 til 17:30 og leygardag frá 10 til 13. Framsýningin verður hangandi allan jan- uar mánaða. Framsýningin, íð tekur við aftaná Onnu, verður við myndum hjá Livar Nysted. Hann sýnir fram í Leika- lund í februar mánaði. Anna Mohr listaframsýning í Leikalund VIÐMERKINGAR P/F Tórshavnar Skipasmiðja Poul Mohr Í grein í Dimmalætting frá 6. januar 2004 verður ført fram, at monopol á før- oyska skipasmiðjumarkn- aðinum er orsøk til at undirveitarar til hesa vinnu eru í svárari kreppu. Somu- leiðis verða førd fram sjón- armið frá Jónsvein Knud- sen, reiðara í Runavík. Greinin er ógvuliga lítið undirbygd, einki kanning- ararbeiði er gjørt av støðuni hjá skipasmiðjuídnaðinum sum heild. Byrjað verður við niðurstøðuni, at Skipa- smiðjan hevur ábyrgdina av støðuni, og so skrivað harfrá. Skipasmiðjan fekk ikki høvið at gera við- merkingar til greinina, áðrenn hon fór í blaðið, og sendu vit tí í gjár (6/1-04) okkara viðmerkingar til greinina til blaðmannin, Uni L. Hansen. Í okkara viðmerkingum verður greitt frá vánaligu støðuni hjá Skipasmiðju- ídnaðinum sum heild í londunum uttanum okkum, og hvørja ávirkan hetta hevur havt á kappingar- støðuna hjá føroysku skipa- smiðjunum og undirveitar- um. Eisini verður greitt frá møguligum orsøkum til minkandi virksemi á før- oysku skipasmiðjunum. Greitt verður eisini frá, at hóast Skipasmiðjan mang- an er kappingfør í prísi og dygd, fara fleiri skip uttan- lands við arbeiðinum uttan so mikið sum at spyrja um prís í Føroyum. At enda í viðmerkingum okkara taka vit lutvíst í egnan barm og siga, at Skipasmiðjan kanska ikki hevur verið nóg góð at um- stilla seg til nýggju sið- venjuna í skipavinnuni, kanska serliga tá um kundavitjan ræður. Viðmerkingar okkara vórðu sendar blaðmann- inum fyrrapartin í gjár, og væntaðu vit tí at hesar fóru at koma við í blaðið í dag. Nú blaðið er útkomið, hev- ur blaðmaðurin valt at skriva eina forsíðugrein, har einans 5 reglur úr við- merkingum okkara verða umrøddar. Restin av grein- ini er endurtøka frá degnum fyri. Høvuðstrupulleikin hjá vinnuni, og orsøkirnar til hetta, verður als ikki umrøddur, helst tí hann ikki tænir »sakini« hjá blað- manninum og blaðnum. Blaðmaðurin endurgevur orðarætt brot úr viðmerk- ingunum og vísir annars til tær í greinini. At blað- maðurin soleiðis brúkar viðmerkingarnar, sum hon- um lystir, er væl hvat vænt- ast kann, men hinvegin høvdu vit so væntað, at fulla skrivið frá Skipa- smiðjuni fekk innivist í blaðnum, nú víst varð til tað, soleiðis at fólk, sum vóru áhuga í øðrum enn »yvirskriftini« fingu høvi at lesa hetta, men nei! Tað kundi kanska hent, at nakrir lesarar ikki høvdu somu fatan av støðuni, um skrivið var í blaðnum, men at taka nøkur fá brot úr skrivinum og so gloyma restina er í fínasta ordan, sambært Dimmalætting. Eftir stendur Skipasmiðj- an, sum dagliga breyðføðir millum 200-250 fólkum og familjum teirra og spyrja: Hvat er endamálið? Hví skulu vit ómaka okkum við at gera viðmerkingar til blaðið, tá tær allíkavæl verða misnýttar? Fyri okkum at síggja er hetta manipulatión og pressumisnýtsla av grov- asta slag og at seta demo- kratisku spælireglurnar til viks. Harafturat er hetta at halda fólki fyri tað turra spott, men sjálvandi, tað selur helst nøkur bløð eyka...... Ei undur í, at føroyingar hava so lítið álit á føroysku fjølmiðlunum, tá hetta er støðið. Í omanfyri nevndu grein verður ført fram, at undir- veitarar hjá Tórshavnar Skipasmiðju eru illa sperdir orsaka av væntandi kapp- ingarføri hjá Skipasmiðj- uni. Hetta er ein pástandur, sum ikki kann fara aftur við borðinum ósvaraður. Líka so væl sum undir- veitararnir hjá Skipasmiðj- uni nú eru illa sperdir av minni virksemi, hava hesir liva væl av nógva virksem- inum, sum hevur verið á Skipasmiðjuni. Lat tað verða sagt beinanvegin, at Skipasmiðjan eisini merkir, at væl minni er at gera í vinnuni, serliga seinasta árið. Orsøkirnar til hetta eru helst fleiri, t.d.: • Føroyski flotin er mink- aður seinastu árini • Nógv skip eru umbygd og høvuðsumvæld seinnu árini, og krevja tískil minni viðlíkahald • Fleiri reiðarí gera einans tær mest átroðkandi um- vælingar, nú útlitini ikki eru so góð • Reiðaríini spyrja um tilboð úr fleiri londum, tá arbeiði skulu gerast • Fleiri dømi eru um skip, sum fara uttanlands til umvælingar uttan at biðja um tilboð í Føroyum Skipasmiðjuni kunnugt fara skipini uttanlands m.a. av tí at arbeiðið sigst vera bíligari, betur umstøður eru at mála og sandblása og ofta sigst tíðin eisini vera styttri. Í flestu førum er Skipasmiðjan tó kapping- arfør í prísi og dygd, men ásannandi at lønarlagið í Føroyum er hækkað 30- 40% seinastu 4 árini, gerst hetta alt truplari. Í ávísum førum kann munandi størri arbeiðsorkan hjá útlendsku skipasmiðjunum og teirra ørgrynnu av undirveitarum stytta um umvælingartíðina uttanlands. Viðgangast má, at um- støðurnar til sandblásing í Føroyum kundu verið betri, og gjørdi Skipasmiðjan tí í 2001 stóra íløgu á Skála í sonevnda hydroblásing, ið kann sammetast við sand- blásing; er tó ikki heilt so gott, men munandi meiri umhvørvisvinarligt. Henda skipan hevur riggað væl. Skipasmiðjuídnaðurin í grannalondum okkara er í svárari kreppu, og hevur hetta havt við sær, at tær skipasmiðjur, sum enn eru, kappast sera hart um kund- arnar. Tí er tað ikki rætt, tá ført verður fram, at Skipa- smiðjan hevur monopol. Tá Tórshavnar Skipasmiðja keypti Skipasmiðjuna á Skála eftir húsagangin í 1997, var endamálið als ikki at fáa monopol, men heldur at gerast før fyri at veita fleri kundum eina enn betri tænastu, nú skipini gjørdust alt størri. Fyri at standa seg betri í altjóða kappingini er vanligt í dag, at eindirnar (eisini skipa- smiðjurnar) gerast færri og størri. Skipasmiðjan tekur fult undir við sjónarmiðnum um vandan í, at ov nógv ar- beiði fer av landinum og harvið hóttir førleikan í at menna, viðlíkahalda og endurnýggja skipaflotan, sum vit øll í síðsta enda skulu liva av. Tí er um- ráðandi at partarnir í vinn- uni samstarva til tess at steðga hesi skeivu gongd. P/F Tórshavnar Skipa- smiðja hevur 67 ár á baki, og hevur gjøgnum øll árini havt gott samstarv bæði persónliga og fakliga við reiðarí og undirveitarar, sum eru komin her. Tíðir- nar broytast, nýggir menn koma til og nýggjar manna- gongdir, og Skipasmiðjan hevur helst ikki duga nóg væl at tikið við broyttu siðvenjuni, herundir at vitja kundarnar oftari. Viðvíkjandi útsøgnunum hjá Jónsveini, standa hesar fyri hansara egnu rokning. Skipasmiðjan viðger ikki síni viðskiftafólk í fjøl- miðlunum. Annars skal ikki standa á at koma aftur at vitja Jónsvein í nýggja húsinum. Tórshavn á Trettanda 2004. Poul Mohr Gunnar Mohr Dimmalætting og etikkur Viðmerking til grein í Dimmalætting 6. januar 2004 um Skipasmiðjuna C M Y K 13 12