mikudagur 14. juli 2010síða 17

17 Mikudagur 14. juli 2010 · Nr. 107 Sosialurin Ítróttur Hilmar Jan Hansen Andrés Iniesta var borin í heim tann 11. mai í 1984 í lítlu bygdini, Fuenealbilla, sum við sínum 2.000 íbúgvum liggur sum ein lítil prikkur á spanska kortinum, miðskeiðis mill­um Valencia eystanfyri og Albacete vestanfyri. Sum smádrongur var lítli Andrés raskur í skúlanum, men so skjótt sum skúlatingini vóru fingin frá hondini, snúði alt seg um fót­bólt. Rættiliga skjótt syrgdi spenti pápin fyri, at sonurin slapp at spæla ung­ dómsfótbólt í næsta stór­býnum, Albacete, hóast 90 kilo­metrar skuldu koyrast hvønn vegin. Tá Andrés saman við liðfeløg­ unum var til eina kapping í 1996, sóu áskoðararnir beinanvegin, at hesin lítli við fimmtalinum á rygg­ inum var nakað fyri seg. Hann fekk heiðurin sum besti spælari í kapp­ingini, og tað skuldi fáa stóran týdn­ing, at millum áskoðararnar sat Radomir Antic, ið seinni skuldi ger­ast venjari í FC Barcelona. Hann lá ikki á boðunum, men læt talentskótarnar hjá Barca fáa at vita um evnaríka drongin, og saman við viðmælinum gjørdi Antic eis­ ini eina lítla viðmerking, ið held­ur ikki bleiv til skammar. »Hann fer at umboða spanska lands­liðið,« skriv­ aði hann niðast í við­mælinum. Beinanvegin valdi FC Barcelona at fylgja ráðunum frá Antic, og so skjótt boðini komu til lítlu heim­ bygdina hjá Andrés, fortaldi pápin fyri honum, hvussu stórir møgu­ leikarnir fyri menning vóru í fótbólts­skúl­anum hjá FC Barcelona, »La Masia«, har hann skuldi búgva og fyrst og fremst spæla fótbólt. Longdist illa Eitt krav var kortini til unga mann­ in, sum lágvaksin sá uppaftur yngri út enn síni 12 ár, at hann við fam­ ilju síni skuldi flyta úr tryggu um­ støðunum í Fuentealbilla til stóra milliónabýin. Og hetta bleiv eisini beinanvegin ein trupulleiki, tí eftir bert fáar dagar í Barcelona fór Andrés at longjast. Heimlongsulin var so stórur, at abbin og pápin gjørdu seg klárar at koyra hann aftur til Albacete, men tað kom tó ongantíð so langt, at hann setti seg í bilin. – Mamma mín tos­aði teir til rættis, so tað er henni fyri at takka, at eg helt fram í »La Masia«, sigur Andrés, ið minnist aftur á fyrstu tíðina sum sera torføra, tí ofta sæt hann uppi um náttina og græt. Men so við og við gjørdist hann væl við hinar dreingirnar í fót­bólts­ skúlanum, og so var leyst og liðugt. – Tað var sum at sleppa einari fam­ilju, men afturfyri at fáa eina nýggja, sigur Andrés um vinirnar frá fót­bóltsskúlanum, sum í besta eftir­skúlastíli er ein gomul borg, har teir ungu dreingirnir sluppu at spæla sær, til onkur av teimum vaksnu kom at sløkkja ljósið. Tá skuldi vera friður. – Vit plagdu um næturnar at spæla bólt úti á gongini, har vit brúktu durastavirnar sum stengur. Men so skjótt sum vaktin kom, skund­aðu vit okkum inn á kømrini og lótu, sum um vit svóvu, sigur Andrés Iniesta, ið framvegis var líka íðin og nærlagdur, sum hann var tað í heimbygdini. Skrivaði søgu Eftir blóð, sveitta og tár í samfull fýra ár á skúlanum, kom Andrés Iniesta langt um leingi upp í part millum teir vaksnu. Teirra mill­um var Luis Enrique, ið skuldi hjálpa honum at falla til. Soleiðis er manna­gongdin í »La Masia«, at ung­ dóms­spælararnir fáa ein vaksnan sum mentor, ið hjálpir teimum og leggur lag á. Longu árið eftir var Iniesta við í sínum fyrsta Champions League- dysti fyri FC Barcelona, og hetta gjørdist byrjanin á einum stórum tíggju ára skeiði fyri hann og fleiri aðrar spælarar frá »La Mansia«. Síð­ ani hevur hann saman við spanska stórfelagnum verið við til at vunnið spanska meistaraheitið fýra ferðir og Champions League tvær ferðir. At hann er høgt í metum í fel­ agnum, undirstrikar venjarin, Josep Guardiola, soleiðis: – Hann litar ikki hárið og hevur ongar tatoveringar. Tá hann er sloppin at spæla 20 minuttir í einum dysti, gremur hann seg ikki, og allir í hópinum vita, at hann er tann besti. Eg havi sagt við spælararnar í ungdómsdeildini, at Andrés átti at verið teirra fremsta fyrimynd. Undan HM-endaspælinum í 2006 varð Andrés Iniesta fyrstu ferð út­tikin til spanska landsliðið, har hann í fyrsta umfari tó bara fekk ein dyst. Men síðani hevur hann bitið seg fastan á »La Roja«, har tað higar­til er blivið til 49 landsdystir og átta mál. Sunnukvøldið var drongurin frá Fuentealbilla maðurin, ið syrgdi fyri, at Spania vann sítt fyrsta HM- gull nakrantíð, so nú kunnu hann og hinir breggja sær av, at bæði europa­meistari og heimsmeistari standa á visittkortinum. hilmarjan@sosialurin.fo Spania uttan steypið Mánadagin blivu sponsku heimsmeistararnir heiðraðir av stórari mannfjøld í Madrid, með­an teir í opnum bussi koyrdu ígjøgn­um mannamúgvuna og lyftu HM-steypið upp um høvd. Tað var bara ikki tað ordiliga HM-steypið, sponsku spælararnir fegnaðust um, tí við sær heim fingu teir í fyrsta umfari bara eitt kopi av steypinum, tí altjóða fót­bóltssamgongan, FIFA, stúrdi fyri, at tað ordiliga steypið kundi blíva stolið. Hetta er jú hent fyrr, tí fyrra HM-steypið, ið var upp­kallað eftir Jules Rimet, ið tók stig til kappingina um heims­meistara­ heitið í fótbólti, var stolið í Rio de Janeiro í 1973 og kom ongantíð afturíaftur. Nýggja steypið, ið eitur Fifa World Cup Trophy, hevur síð­ani 1974 havt sítt fasta pláss á høvuðs­støðini hjá FIFA í Zürich, og hagar fór tað eisini, so skjótt HM-finalan í Johannesburg í Suður­afrika var liðug sunnu­kvøldið. Dyrgja eftir HM Eftir sigurin í HM-kappingini í Suðurafrika, vónar Spania nú, at landið saman við Portugal skal sleppa at hýsa HM í 2018 ella 2022. – Vit vóna, at spanska heimsmeistaraheitið kann styrkja okkara støðu í kappingini um at sleppa at hýsa HM, sigur portusiska fótbóltssambandið í einari viðmerking. Tað ræður um at smíða, meðan jarnið er heitt, og tí leggja Spania og Portugal nógv fyri, so londini skulu fáa sum mest burtur úr søguliga HM-gullinum hjá Spania, ið varð fingið til høldar í einari ikki sørt dramatiskari finalu ímóti Hollandi, sum Spania vann 1-0. Spania og Portugal eru sannførd um, at londini saman hava góðan møguleika at sleppa at hýsa HM- endaspælinum í 2018 ella 2022, so nú stendur í fyrsta umfari upp til londini bæði at gera seg galdandi í kappingini um HM-endaspælið í 2018, tí í desember í ár skal FIFA gera av, hvør verður vertur. Iniesta: Lítil og størstur HM2010 Søgan um ein lítlan drong úr lítlu sponsku bygdini, Fuentealbilla, rakk hæddunum sunnukvøldið, tá 26 ára gamli Andrés Iniesta við máli sínum í HM-finaluni skjeyt Spania heilt upp á hægsta fótbóltstindin Andrés Iniesta fekk ein væl uppibornan lufttúr frá liðfeløgunum, tá teir vóru komnir heimaftur til Madrid, har teir blivu stórliga fagnaðir Mynd: Armando Franca/AP HETJAN