mikudagur 12. januar 2011síða 8

Mikudagur 12. januar 2011 · Nr. 5 8 Sosialurin Áki Bertholdsen Nú Fiskavirking er farin á húsagang, ætlar Tvøroyrar Býráð at fáa ræðið aftur á flaka­virkinum og lendinum undir tí. Men tað skal vera fyri einki! Tvøroyrar Býráð umrøddi spurn­ingin í gjárkvøldið og har varð upplýst at tað er áhugi fyri at fáa fatur á grund­stykkinum til at seta eitt virki á. Onki vert Sjálvt flakavirkið er neyvan nak­að vert til annað enn at taka tað niður, tí tað er í so ring­um standi, søgdu bý­ráðs­ limir. Onkur býráðslimur helt enn­tá, at ein skuldi trúð, at tey høvdu gjørt sær ómak at knúsa so nógv sundur sum gjørligt. Sum dømi nevndi hann, at elektriskar kontaktir eru ikki tiknar niður, tær eru skrædd­ ar úr vegginum. Samstundis er ein stórur part­ur av útgerðini tikin úr virki­num og flutt aðrastaðni. Av tí sama verður ikki mett, at sjálvt virkið er vert nak­að sum nakað sum helst. Men talan er um ein stóran bygning og tað kostar nógv­ar pengar at taka hann niður. Tí ætlar býráðið ikki at gjalda nakað fyri at fáa fatur á virkinum. - Tað skal ikki kosta kommununi eitt oyra, tók onk­ur býráðslimur til. Togast við Fiskavirking Virkið stendur á leigaðari grund, men Býráðið hev­ur í fleiri ár togast við Fiska­virk­ ingum um at seta sátt­málan úr gildi, tí onki virksemi er á virkinum og býráðið helt ikki, at tað var rímiligt, at Fiskavirking legði hald á besta grundstykki niðri á havnarlagnum til onga nyttu. Sáttmálin sigur, at er onki virk­semi á virkinum í tvey ár, kann sáttmálin sigast upp. Tá kann sáttmálin sigast upp við eitt árs freist. Men Fiskavirking hevur ikki viljað viðurkent, at sátt­ málin kann sigast upp og fyri at varðveita virksemi á virki­ num, hava tey gjørt ís. Hetta hevur býráðið ikki góð­tikið og síðsta summar varð sáttmálin uppsagdur. Sostatt fer sátmálin úr gildi í summar, varð upp­lýst á býráðsfundinum í gjár­ kvøldið. Borgarstjórin upplýsti eisini, at bústjórarnir hava viðu­r­kent, at sáttmálin fer úr gildi í summar. Tá fær Tvøroyrar Kommu­ na sostatt aftur fult ræðið á undirlendinum, sum virkið stendur á og fær sostatt aftur fult frælsi at leiga tað út aftur til onkran, sum kanska hevur áhuga at stovna eitt virki aftur á stykkinum. Býráðslimir halda, at tað hevur stóran týdning, at kommunan fær ræðið á stykkinum og fær lagt virksemið á havnarlagnum til rættis, soleiðis at tað gagnar sum best, ístaðin fyri, at Fiskavirking leggur hald á eitt so stórt stykki, uttan at brúka tað til nakað. Tvøroyrar Býráð hevur onga tilsøgn fingið frá okk­um um, at sáttmálin um virkið á Tvøroyri kann fara úr gildi í summar. Tað staðfestir Eyðfinn Jacob­sen, sum er annar bú­stjórin á Fiskavirking. Hann sigur, at hann hevur tosað við borgar­ stjóran á Tvøroyri. - Tað einasta, eg havi boðað frá, er, at eg taki ikki støðu til um Tvør­oyr­ ar Býráð hevur rltt til at siga sáttmálan upp, ella ikki. - Men hevur býráðið rætt at siga hann upp, kann hann ikki fara úr gildi fyrrenn 1. juni. Eyðfinn Jacobsen sigur, at sostatt er tað búgv­ið, sum eigur flaka­ virk­ið á Tvøroyri og tað verð­ur lýst til sølu fyrsta dag­in, saman við øllum hin­um ognunum hjá Fiska­virking. Ognirnar hjá Fiskavirking verða lýstar til sølu seinni í hesi vikuni, ella fyrst í næs­ tu viku. Tað sigur Eyðfinn Jacob­ sen, bústjóri. Hann sigur, at allar ognir­nar verða lýstar til sølu alment, bæði skip og virki, og so stendur tað á­hugað­um frítt at bjóða, ant­in upp á fleiri ognir ella upp á einstakar ognir. Tá ið boð eru komin inn, fara bústjórarnir at taka støðu til tilboðini eftir tí, sum tæni búnum best. Tað merkir, at fleiri ognir kunnu verða seldar sam­an ella einstakar ognir verða seldar burtur úr. Hann staðfestir, at áhugi er fyri ognunum, helst fyri skipu­num, men enn er ongin avgerð tikin. - Boðini eru áhugaverd, men um tey eru nóg høg, ber ikki til at siga enn. Men tá ið ognirnar form­ liga verða lýstar til sølu, verður ­ein freist ásett fyri at lata boð inn. - Endamálið er at eggja áhugað­um at lata síni boð inn. Men koma boð inn eftir at freistin er farin, verða eisini tey tikin við, tí endamálið er at fáa sum mest burtur úr til búgvið. Men nær ein endalig avgerð fellur, er vónleyst at siga, tí tað veldst um boðini og hvørjar treytir fylgja við boð­unum. -Tað er heldur ongin, sum sigur, at allar ognirnar skulu seljast ísenn, leggur Eyð­finn Jacobsen afturat. Tvørafólk vilja hava flakavirkið fyri einki FISKAVIRKING Tað er áhugi fyri grundstykkinum, sum flakavirkið hjá Fiskavirking á Tvøroyri stendur á og tí vil Býráðið nú hava ræðið á lendinum aftur Fiskavirking lýst til sølu fyrsta dagin Ongin tilsøgn Tað skal ikki kosta kommununi eitt oyra Ein skuldi trúð, at tey høvdu gjørt sær ómak at knúsa so nógv sundur sum gjørligt Virkið á Tvøroyri er í so ringum standi at ein skuldi næstan trúð, at tey høvdu gjørt sær ómak at knúsa tað sundur, halda býráðslimir á Tvøroyri. Tí við Býráðið nú hava virkið aftur fyri einki Onki vert