mánadagur 31. januar 2011síða 15

15 Mánadagur 31. januar 2011 · Nr. 13 Sosialurin aos-Kairo Egyptalandi, og tað er bara vaksið øll árini, tí hann hevur á skipaðan hátt syrgt fyri, at andstøðan í landi­num er í sori við at seta leið­ar­ar fastar og á annan hátt spjatt alla mótstøðu, sam­stundis sum hann eisini hev­ur broytt stýrisskipanina so­leiðis, at tað er mestsum ógjør­ligt at fáa forsetan frá. 40 deyð Mikudagin og hósdagin halda ógvusligu saman­brest­ir­nir fram, og fríggja­dag­in, sum svarar til okk­ara sunnudag, fara fólk í túsunda­tali beinleiðis frá frígg­ja­ dags­bøn í moskuni, har eg stóð og bant lissur, at mót­mæla og berjast við løg­reglu­na. Stríðið verður ógvuliga hart, og løgreglan brúkar vatn­kanónir og gummikúlur, og táragass fyllir luftina í frammanundan skitna bý­num. Mótmælisfólkini vilja ikki slaka. Tey ganga beint ímóti løgregluni og kasta tára­ gassgranatirnar aftur eftir løgreglufólkunum, og endin er, at løgreglan fer úr mið­býnum, eftir at 40 fólk eru deyð og yvir 1000 eru løstað. Tað er útigongubann í øllum landinum, men um náttina eru gøturnar fram­veg­is fyltar við óðum mót­mælis­fólkum. Forsetin svarar Hosni Mubarak, forseti, hev­ur ikki verið at sæð alment síðan stríðið byrjaði, men leygarnáttina klokkan eitt korter til eitt er hann á hvørjum sjónvarpsskíggja í landinum, meðan høvuðs­støð­ in hjá flokki hansara stend­ur í ljósum loga, og fleiri hundrað fangar rýma úr fongslunum í landinum. Men forsetin lurtar ikki eftir mótmælunum. Hann noktar at fara frá, og leggur mótmælisfólkini undir at vera orsøkin til, at Egypta­land er vorðið eitt vanda­mikið stað at vera. Hinvegin lovar hann somu reformar, sum hann áður hevur lovað, og koyrir stjórn­ina frá. Fólk tysja út aftur á gøtur­nar, tá røðan er liðug. Tey eru ikki nøgd og mót­ mælini halda fram, með­an fleiri útnytta støðuna og stjala frá hond í kaotiska bý­num. Undantaksstøða Stóri stuðulin hjá Hosni Mu­ba­rak hevur alla tíðina ver­ið herurin, og hann tekur nú yvir í býunum. Stríðið steðg­ar fyribils, tí í mun til løg­reglu­na, so hevur fólkið virð­ing fyri herinum, og harð­ skapurin steðgar í ein dag. Kravið hjá fólkinum stend­ur kortini við, og vandi er framvegis fyri, at tað vera stórir beinleiðis samanbrestir millum herin og fólkið, og tá kunnu nógv lata lív. Undantaksstøða verður lýst í Kairo og øðrum býum leyg­ar­ dagin, og øll ferðafólk verða rádd frá at fara til Kairo og fleiri aðrar býir. Ruðu­leiki er á flogvallunum, tí øll ferðafólkini vilja slepp burt­ ur frá vandamiklu støðu­num, og leygarkvøldið fara vit eisini úr Egyptalandi. Men stríðið heldur fram, og sunnukvøldið sær út til, at stríðið ikki fer at enda enn á sinni. Higartil hava umleið 150 lat­ið lív. oyrikur@yahoo.com The internet does not work today. Mahmout í mót­tøku­ni er harmast, at vit ikki sleppa at sen­da teldu­postar heim miku­kvøldið. Í sjón­varpi­num síggja vit orsøkina. Forsetin hevur syrgt fyri, at internetið er kvett í øllum landinum, so mótmælisfólkini ikki fáa brúkt facebook og twitt­er at organisera mótmælisgongur og sen­da dramatiskar myndir og filmar út úr landinum. Komandi dagarnar er onki internet í landinum, og fríggjadagin verður far­tele­fon­netið eisini kvett, so vit eru uttan møgu­leika at samskifta við umheimin. Leygardagin skilst, at internetið er komið í rætt­ lag aftur, men leygar­kvøldið, tá vit fara av hotel­l­ inum, riggar tað fram­vegis ikki. Prísurin á ráolju hækkar sum ein beinleiðis avleiðing av stríðnum í Egyptalandi. Í einum lopið hækkaði prísurin á ráolju fýra prosent fríggjadagin, samstundis sum ófriðurin var upp á tað harðasta í gøtunum í stóru býunum í Egyptalandi. Tað merkir, at prísurin á ráolju endaði beint niðanfyri 90 dollarar fyri tunnuna, og hetta kann við tíðini merkja hægri oljuprísir í Føroyum. Egyptaland framleiðir 700.000 tunnur av olju um dagin, men tað er bert ein sera lítil partur av oljuni, sum verður útflutt. Orsøkin til hækkaða oljuprísin er hinvegin, at yvir ein millión tunnur fara gjøgnum Suezveitina dagliga, samstundis sum tað er vandi fyri, at stríðið í Egyptalandi bara er ein partur av einum størri uppreistri í arbiska heiminum ímóti harðrendu leiðslunum í londunum. Inter­netið kvett Oljuprísurin hækkar