mánadagur 2. mai 2011síða 24

Mánadagur 2. mai 2011 · Nr. 50 24 Sosialurin Ítróttarblaðið Tróndur Arge Fyrr í ár gekk illa í hond hjá Chelsea, sum upp á eitt tíðspunkt var heili 15 stig aftanfyri Manchester Uni­ted. Dreymurin um at vinna meistaraheitið var burturblivin í eini røð av vánaligum avrikum og fokus var sett á Champions League. Inn kom Fernando Torres fyri á­leið eina hálva milliard krónur, men hann tóktist ikki kunna skora um málið so datt á hann. Í Champ­ions League taptu teir fyri einum betri Manchester United liðið og bløð­ini vóru á tremur við søgum um venjaraskifti og óvinskap millum fram­herjarnar. Í øllum hesum kreppu­tosinum, datt boðskapurin um góðu gongdina í Premier League nið­ur ímillum. Tá Chelsea vann, so var yvirskriftin, at Fernando Torres ikki skoraði, ella at Didier Drogba var ónøgdur ella at venjarin skuldi koyr­ast. Men sannleikin er tann, at Chel­sea, nú tað eru trý umfør eftir, við at vinna sínar dystir sjálvt kann avgera um meistaraheitið endar á Stam­ford Bridge – tað kann einki ann­að felag uttan Manchester Uni­ted erpa sær av. Akkurát ikki innanfyri Tað var ikki uttan hjálp, at Chel­ sea fekk øll trý stigini í granna­ upp­gerðini í vikuskiftinum móti Tottenham á Stamford Brid­ge. Gest­ir­nir komu á odda við dund­ ur­skoti ­frá Sandro í fyrra hálv­ leiki. Tað sá einki út hjá Chelsea, tá Frank Lampard stutt undan hálv­leikssteðginum royndi seg við skoti. Málmaðurin hjá Tottenham, Heurelho Gomes, misti bóltin mill­ um beinini, vendi sær og strekti seg alt hann var mentur fyri at náa bóltinum áðrenn hann fór um málstrikuna. Hetta er ikki fyrs­tu ferð, at Gomes hevur lætið inn bílig mál, men hesa ferð vístu sjón­varps­ myndirnar, at hann faktist megnaði at steðga bóltinum áðrenn hann var heilur innanfyri málstrikuna. Linju­verj­in metti tó, at so var ikki og Chelsea hevði javnað. Meistaraheits hepni? Tað er tiltikið, at liðini, ið vinna meistara­heitini, hava eitt ávíst hep­ni á sínari síðu. Spurningurin er so, um tað er tað hepni, sum flylg­di Chelsea leygardagin, tí stutt fyri tíð koppaði enn ein avgerð til fyri­muns fyri teir bláu úr London. Inn­skifti Salomon Kalou tóktist verða akkurát rangstaddur, tá hann í 89. minutti legði Chelsea á odda. Hóast alt prátið um kreppu og feilkeyp, so er støðan tann, at Chel­sea komandi vikiskiftið fer til Old Trafford við einum møguleika at vinna meistaraheitið. Endiliga riggaði hjá Arsenal Tá tað nú eydnaðist Arsenal at vinna ein týðandi sigur, er av­leið­ ing­in at grannarnir úr Chelsea sleppa framat í stríðnum um enska meistara­heitið. Arsenal hevur leingi verið fremsti avbjóðarin til Manchester United, men ein røð av verju og málmansvillum hev­ur spent bein fyri einum meistaraheitið og úrslitið er, at teir bara kunnu búka sigurin til eitt herða­klapp. Arsenal var uttan liðskiparin, Cesc Fabregas og í hansara stað hevði Arsenal venjarin, Arsene Weng­er, valt 20-ára gamla walisan, Aar­on Ramsey. Tað skuldi vísa seg at verða ein góða avgerð. Mest umtalaða støðan í fyrra hálv­leiki var tá Arsenal vildi hava brots­spark. Eftir innlegg úr høgru er Man­chester United miðverjin, Neman­ja Vidic, fyrstur á bóltin, sum fer út til horna. Meðan Arsenal fram­herj­in, Robin van Persie, royn­ di at gera vart við eitt hvørt vístu sjón­varpsmyndirnar, at serbin nýtti hondina til hjálpar. Hóast Robin van Persie royndi at forklára dómara­ num hvat var hent, so fingu teir bara horna burtur úr støðuni. Tíggju minuttir fyri hálvleik kom einasta málið í dystinum. Robin van Persie legði innfyri úr høgru, har Aaron Ramsey plaseraði bólt­in í málið til stóra gleði fyri Ar­sene Wenger og Arsenal. Eftir hetta tók Manchester United meira yvir og onkuntíð var vandi á ferð, men Wojciech Szczesny í Arse­nal málinum tók sær av tí, sum var at gera. Í hinum endanum vóru Arse­ nal óneyvir við seinastu send­ing­ini og tí hevði Edwin van der Sar lítið at gera. Tríggjar minuttir fyri tíð vildi Manchester United so hava brots­ spark. Innskifti Michael Owen fór um­koll í Arsenal brotsteiginum, men aftur valdi dómarin ikki at bríksla. Sjónvarpsmyndirnar vístu at tað var samband millum Michael Owen og Arsenal verjuleikaran. “Mind games” Hugtakið “mind games” verður brúkt, tá ein venjari onkursvegna royn­ur at leggja trýst á dómaran ella skapa órógv í hópinum hjà mót­ støðuliðnum, við at úttala seg um ávís ting upp á ávísar mátar. Hetta hevur Sir Alex Ferguson ver­ið tiltikin fyri at duga væl. Hvør minn­ist ikki, tá Kevin Keegan mitt í 90’inum misti eina leiðslu upp á 12 stig og bleiv í øðini inn á Sir Alex bein­ leiðis í sjónvarpi. Hann hevur longu vent eyguni móti dystinum kom­ andi vikuskiftið, tí eftir dystin móti Arsenal segði hann, at Chelsea tykist fáa allar dómaraavgerðir til teirra fyrimun, meðan Manchester Uni­ted eru fyri órøttum. Hann vísti eisini til nakrar avgerðir, ið hava verið til fyrimuns fyri Chelsea í dystum móti júst Manchetser Uni­ted. Viðvíkjandi hondini hjá Neman­ja Vidic, ið skuldi verið brots­spark til Arsenal og helst reytt kort til Nemanja Vidic segði hann, at tann støðan var sera tor­før at fáa eyga á og tí var tað ikki eins klárt brotsspark og tað hjá Micha­el Owen móti endanum. Sir Alex er ikki býttur og veit væl, at Nema­n­ja Vidic var heppin. Tað hev­ur tó eydnast honum longu nú, at lagt trýst á domaran til komandi viku­skiftið. Um tað riggar ella ikki skal verða ósagt, men Sir Alex veit hvørja knappar hann skal trýsta á, tí hann hevur verið í oddinum í ensk­um fótbólti í skjótt tjúgu ár. Premier League finalan Sostatt eru útlit fyri eini finalu, ið helst kemur at avgerða hvør vinnur Prem­ier League í ár. Manchester Uni­ted hevur munin, tí teir eru trý stig fremst og hava heimavøll. Bæði liðini hava +38 í málúrtøku. Um­ framt Chelsea, so hevur Man­chest­ er United Blackburn á útivølli og Blackpool á heimavølli eftir. Chel­ sea skal á vitjan hjá Everton og fær vitjan av Newcastle. Í fjør hitt­ust lið­ini í eini líknandi støðu, tá vann Chel­sea 2-1. Dysturin millum Man­ chest­er United og Chelsea verður sunnu­dagin klokkan 16:10. Arsenal tryggjar Chelsea Premier League finalu Aftur hetta vikuskiftið vóru nógvar umtalaðar dómaraavgerðir í Premier League og endin av øllum tí er, at komandi sunnudag verður eitt brak av einum dysti á Old Trafford millum Manchester United og Chelsea, ið helst avgerð hvør vinnur enska meistaraheitið í ár