týsdagur 27. januar 2004síða 10

18 Nr. 17 - 27. januar 2004 Nr. 17 - 27. januar 2004 19 Tíggjunda ferðin, at Óli Breckmann varð valdur, var fyrsta ferðin, at hann ikki var valdømisvaldur SUÐURSTREYMOY Jóannes Hansen joannes@sosialurin.fo Valkvøldið vórðu viðmerk- ingar gjørdar til atkvøðu- tølini í einstøku valdøm- unum. Viðmerkingarnar til tølini í Suðurstreymoy vóru fáar og smáar. Hetta komst fyrst og fremst av, at tá ið tølini fyri Havnina vóru klár, varð landsúrslitið greitt, og harvið bar til at fara til formansumfarið. Tí verður gjørt eitt lítið sindur burturúr fólkaríkasta val- døminum her, nú eina viku eftir valið. Fullveldisrákið kendist fyrst og fremst í høvuðs- staðnum. Soleiðis hevur ofta verið tikið til. Sipað hevur verið til tann veru- leikan, at Tjóðveldisflokk- urin á valinum í 1998 vann tríggjar valdømisvaldar tingmenn í Suðurstreymi. Frammanundan hevði flokkurin bert havt ein tingmann í fólkaríkasta valdøminum. Í 2002 megn- aði Tjóðveldisflokkurin at endurvinna tríggjar í hesum valdøminum. Hesa ferð varð roknað við, at flokk- urin mundi fara at missa ein valdømisvaldan tingmann, men tað gjørdi hann ikki. Fyrst og fremst orsaka av óvanliga høga persónliga atkvøðutalinum hjá Høgna Hoydal endurvann Tjóð- veldisflokkurin tríggjar val- dømisvaldar. Hesa ferð at- kvøddu 1421 fyri Høgna persónliga. Við 1521 at- kvøðum setti hann met í 1998. Í 2002 fekk hann 1351 atkvøður, og hesa ferð lyfti hann seg upp á 1421. Burtursæð frá Høgna í 1998 og Lisbeth L. Peter- sen í 2002 (1394 atkvøður) er hetta hægsta persónliga atkvøðutalið nakrantíð. Atli Dam fekk 1356 atkvøður í 1990. Hægsta talið hjá Jógvani Sundstein var 1001 (í 1988), og hægsta talið hjá Paula Ellefsen var 1037 (í 1988). Annita á Fríðriksmørk fekk hesa ferð 527 at- kvøður. Í 2002 fekk hon 405 atkvøður. Valið hesa ferð staðfesti hennara støðu sum nummar tvey í Suður- streymi. Verri gekk tað hjá Kristinu Háfoss. Í 2002 varð hon triðji tjóðveldis- tingmaðurin við 364 per- sónligum atkvøðum. Hesa ferð fór talið niður á 160. Finnur Helmsdal fekk í 2002 203 atkvøður. Tað var tvær færri enn Jógvan Arge, sum kom í tingið, tá ið Høgni Hoydal gjørdist landsstýrismaður. Hesa ferð fekk Finnur nakrar atvøður færri, enn hann gjørdi fyri tveimum árum síðani, men hann kom í tingið við 197 atkvøðum. Við sama atkvøðutalinum komu Jógvan Arge og Rói Egholm ikki í tingið. Síðsta ferðin, at tað frammanundan var lutakast um valdømisvaldan ting- sess í Suðurstreymi, var í 1978. Tá fingu Eilif Samu- elsen og Dánjal Larsen, sum báðir vóru á sam- bandslistanum, 105 persón- ligar atkvøður. Annar teirra skuldi í sessin aftaná Paula Ellefsen, og Eilif vann luta- kastið. Óli eykavaldur Óli Breckmann er tann í nýggja tinginum, sum hevur drúgvastu parlament- arisku royndirnar. Hann hevur sitið í tinginum út í eitt síðani í november 1974. Fyri einari viku síðani var hann fyri tíggjundu ferð valdur í løgtingið. Tá ið hann varð valdur fyrstu ferð, fekk Fólkaflokkurin bara ein valdømisvaldan í Suðurstreymi. Óli Breck- mann vann sessin frá Knúti Wang, sum hevði verið valdømisvaldur síðani í 1958. Knút kom ikki inn, tí Eliesar Arge varð eyka- valdur. Síðani í 1974 hevur Fólkaflokkurin átt í hvussu so er tveir valdømisvaldar hvørja ferð, og Óli Breck- mann hevur hvørja ferð verið valdømisvaldur. Fólkaflokkurin hevði hesa ferð eitt gott val. Undan- takið var í Suðurstreymi, har teir duttu niður á ein valdømisvaldan. Tað var Bjarni Djurholm, sum fekk 595 persónligar atkvøður. Óli Breckmann fekk 450 persónligar atkvøður. Á valinum í 2002 fekk Bjarni 393 atkvøður, og Óli fekk 511. Hóast Poul Michelsen ikki kom í tingið hesa ferð, so fekk hann fleiri persón- ligar atkvøður, enn hann fekk í 2002. Ta ferðina fekk hann 293, og hesa ferð fekk hann 335. Um Bjarni Djur- holm verður landsstýris- maður, so fara hesar at- kvøðurnar at bera Poul í tingið. Eingin kvinna Nógvu tey seinastu árini hevur Javnaðarflokkurin í Suðurstreymi havt kvinnu- liga umboðan í tinginum. Tað hevur hann ikki longur. Kristian Magnussen og John Johannesen vórðu valdir við ávikavíst 412 og 380 persónligum atkvøð- um. Á næstu plássunum eru tvær kvinnur – Helena Dam á Neystabø við 342 og Katrin Dahl Jakobsen við 308 atkvøðum. Fyrsta kvinnan, sum umboðaði Javnaðarflokkin í Suðurstreymi í tinginum, var Jona Henriksen. Hon kom í tingið fyri Jákup Lindenskov í 1975, og hon varð vald á ting í 1978. Í 1980 og 1984 varð eingin kvinnulig umboðan fyri Javnaðarflokkin í Suður- streymi. Frá 1988 og til 1998 var Marita Petersen, sáli, vald í størsta valdøm- inum, og síðani tá hevur Katrin Dahl Jakobsen verið vald tvær ferðir. Í 2002 var hon fyrst vald á javnaðar- listanum við 459 persón- ligum atkvøðum, meðan Kristian Magnussen, sum varð eykavaldur, fekk 328 persónligar atkvøður. Kaj Leo staðfesti sína støðu Á sambandslistanum var talan um rættuligt skrædl hjá Lisbeth L. Petersen, sum fór frá 1394 atkvøðum í 2002 og til 648 atkvøður hesa ferð. Kaj Leo Jo- hannesen meiri enn tví- faldaði sítt atkvøðutal. Hann fekk 263 atkvøður í 2002. Tær vóru nóg mikið til eykavaldan sess. Hesa ferð fekk hann 551 atkvøð- ur og syfti væl og virðiliga Heðini Mortensen, sum fekk 397 atkvøður. Í 2002, tá ið hann rakk næsta valdømisvalda sessinum hjá Sambandsflokkinum í Suðurstreymi, atkvøddu 410 fyri Heðini Mortensen. Sambandsvalið boðar frá, at Kaj Leo Johannesen tykist standa stinnastur í høvuðsstaðnum. Spurning- urin er so, hvør fer at bjóða av um næsta sessin, tá ið Lisbeth L. Petersen hevur tikið seg aftur. Jenis av Rana er so tryggur í tinginum, sum tað ber til at vera, tá ið talan er um eykavaldan sess. Á sjálvstýrislistanum fekk Sámal Petur í Grund ikki undirtøku, sum bendir á, at hann er á veg aftur í tingið. Malan Johansen fekk eitt rimmar val. Sjálvstýris- flokkurin restaði eina at- kvøðu í at skula í lutakast við Eysturoyar valdømi um einsamalla eykavalda sess- in. Møguleiki eigur at vera fyri sjálvstýrisumboði í Suðurstreymi, og valið hesa ferð bendi á, at Malan Jo- hansen kann fara at gerast tingmaður, tá ið val verður næstu ferð. Nær tað verður, er ein heilt annar spurn- ingur. Tað er merkisvert, hvussu hugaðir veljararnir í høvuðsstaðnum eru í at velja. Hesaferð var vallut- tøkan 91,3% í Havnini, tað er met, og tað skal leitast leingi eftir høvuðsstaði, har valluttøkan er so stór, sum hon er í høvuðsstaðnum. Høgni heldur óvanliga høgt atkvøðutal Høgni Hoydal var aftur toppskorari í Suðurstreymi Katrin Dahl Jakobsen fall – og harvið er drúgva kvinnuliga umboðanin hjá Javnaðarflokkinum í Suðurstreymoy burtur Víðagitni sanglærarin úr Danmark gav frá- læru til sanghugaðar føroyingar í viku- skiftinum. Hugskotið við skeiðnum var, at tann einstaki lærur røddina at kenna og gerst betri sangari SANGSKEIÐ Steintór Rasmussen Tað var ein góð blanding av leikum og lærdum í Norð- urlandahúsinum. 15 sang- arar høvdu meldað luttøku í meistarabólkinum, men harumframt vóru fleiri áskoðarar sum fingu ráð og vegleiðing frá Cahtrinu Sadolin, sum vitjaði Føroy- ar á fyrsta sinni. Cathrina verður roknað millum tey fremstu í heim- inum, tá tað snýr seg um vitan og frálæru innan sang. Sjálv hevur hon útfrá egnum royndum og teorium skrivað bókini Komplet Sang Teknik, sum av mong- um verður mett sum bíblian hjá øllum sangarum. Eisini hjá Cathrina Sadolin er boðskapurin sera einfaldur. – Øll kunnu syngja. Tað er bert ein spurningurin um at brúka røddina og kroppin á rætta hátt, sigur Cathrina og ger samstundis vart við, at tað er umráðandi at sang- arin lurtar eftir sær sjálv- um, venur og arbeiðir við røddini. Tað eru fleiri mátar at gerast góður sangari, men tað sum hevur størsta týdning, er at ein nýtur tey amboðini, sum gagna ein- um sjálvum best. Nógv at taka av Hóast Catrhina heldur at tað býr ein sangari í øllum menniskjum, so er hon kortini bilsin av hvussu nógvir gávuríkir sangarar eru í Føroyum. – Eg haldi at tað hevur verið serstakliga stuttligt og spennandi at hildið skeið her. Fólk eru sera opin og móttakilig. Tey, sum hava luttikið, hava torað væl at viðurkent og víst á sínar egnum veikleikar. Og tað er sær sjálvum ein styrki. Har- afturat havi eg hoyrt nógvar frálíkar røddir og tað er altíð hugaligt. Cathrina Sadolin hevur sjálv drúgvar royndir bæði sum sangari, og hon arbeið- ir nú sum granskari innan raddarslit. Eisini ferðast hon víða og heldur fyri- lestrar um sang og teknik. Hennara vitan og innlit inn- an sang hevur gjørt Cathrinu til eitt høgt virt navn um allan heimin. Sosialurin var á skeið- num, og í blaðnum leygar- dagin, hava vit eina sam- røðu við Cathinu Sadolin. Prátað varð eisini við fólk, sum sungu og lýddu á. Lærumeistarin Cathrina Sadolin: Tað býr ein sangari í okkum øllum Víðagitni sanglærarin, Cahtrina Sadolin, heldur at tað býr ein sangari í øllum menniskjum, men kortini er hon bilsin av øllum gávuríku sangarunum i Føroyum Mynd: Álvur Haraldsen C M Y K 19 18