týsdagur 27. januar 2004síða 15

Nr. 17 - 27. januar 2004 29 29 28 Nr. 17 - 27. januar 2004 C M Y K 28 StÍF mátti vera fleiri av mest týðandi leik- arunum fyriuttan til dystin móti KÍF, og hetta lótu kollfirðing- ar sær ikki siga tvær ferðir HONDBÓLTUR Jákup Mørk jakup@sosialurin.fo Hóast StÍF eftir fyrru hálv- finalurnar í steypakapping- ini hevur ein lítlan fyrimun í dystinum móti VÍF, so er einki at taka seg aftur í, at tann sigurin í nógvar mátar kann vísa seg at vera sera dýrt keyptur. Longu undan teirri upp- gerðini var støðan tann, at liðið mátti vera Svein Justinussen fyriuttan, og eftir at Marian Cirloganes- cu varð borin av vøllinum, og Mihai Marinescu síðani fekk reytt kort, stóð greitt, at tað fór at verða eitt sera skert strandalið, sum sunnu- dagin skuldi royna seg á útivølli móti KÍF. Ov tungt at taka Og tað vóru heldur ikki lidnir nógvir minuttur av dystinum í Hoyvíkarhøllini, fyrr enn tað varð staðfest, at talan fór at gerast um tunga uppgávu hjá StÍF. Heimaliðið leyp nevnliga avstað alt fyri eitt, og áðr- enn VÍF veruliga var komið fyri seg, høvdu kollfirðing- arnir longu langað sjey bóltar í kassan aftan fyri Rasmus Magnusson. Strand- ingarnir royndu at koma afturí aftur, men gloppið upp til mótstøðuna var ov stórt. Kollfirðingarnir strídd- ust manniliga fyri at verja leiðsluna, og hartil var tað heilt góða lagið á Óla Christian Dhurhuus, soleið- is at StÍF ikki kom ov lætt til nakað sum helst. Í seinna hávleiki var tó fleiri ferðir líkt til, at strandingarnir hóast alt skuldu fáa nakað burturúr. Teir vunnu seg upp á javnt, og teir hóttu við at fara framvið, men hetta seinasta eydnaðist teimum ongan- tíð. Kollfirðingar høvdu alla tíðina meira eftir í sær, og teir megnaðu alla tíðina at geva eitt skump afturat, tá støðurnar gjørdust ov spentar, og tá teir av álvara settu trumf á seinastu løt- una, var ikki stórt meira hjá StÍF at gera. Koppaði talvuni Og einki er at taka seg aftur í, at sigurin hjá KÍF á ein hátt koppaði stigatalvuni. Her vóru strandingar undan dystinum næstir Kyndli, men tapið viðførir í fyrsta umfari, at tað nú eru fýra stig upp til grøna oddaliðið. Og við tveimum komandi dystum móti VÍF, harav annar er í steypa- kappingini, kundi væl hent seg, at hesin munurin gjørdist enn størri. Og hartil, so skulu strandingar nú eisini til at líta nakað niðureftir á stiga- talvuni. Hálveringin av stigunum hevur sjálvsagt havt við sær, at munurin niður eftir eisini minkaði, og sum støðan er nú, so standa kollfirðingar brád- liga við einum góðum møguleika at leggja seg út í heiðursmerkjastríðið. Her hava teir ikki verið staddir í eini tíggju ár ella so, men VÍF, StÍF og Neistin eru bert ávíkavist eitt, tvey og trý stig burturi. Hvussu stórum álvara hóttanin frá KÍF skal takast í, fæst helst ein greið ábending um komandi vik- urnar. Fyrst er talan um grannauppgerð móti hoy- víkingum, áðrenn KÍF hevur heimadyst móti Neistanum, og fáast stig burturúr hesum báðum dystunum, tykist alt standa púrasta opið í so máta. Út- gangsstøðið varð í øllum førum skapt sunnudagin, og fyri KÍF man tað ikki telja so nógv, at StÍF mátti vera fleiri leikarar fyri- uttan. Tann leiklutin hava kollfiriðingar sjálvir átt stóran part av grundspæl- inum. Dysturin í tølum KÍF-StÍF 26-24 (13-10) Málskjúttar KÍF: Damir Oros 8(2), Regin Petersen 6, Gert Hansen 5, Petur Martin Poulsen 4, Teitur Joensen 2, Rógvi Weihe 1 StÍF: Alexandur Johansen 11(4), Artur Johansen 7, Leivur Justinussen 2, Andre F. Danielsen 2, Jón Rasmussen 1, Sverri Justin- ussen 1 Brotskøst: KÍF 3, StÍF 5 Útvísingar: KÍF 7, StÍF 3 Dómarar úr Tjaldur: Trygvi Mortensen & Kári Hansen. KÍF-StÍF 26-24 (13-10): Tung frávera Kollfirðingar stríddust manniliga í samfullar 60 minuttir, og hesa ferð fingu teir eisini løn fyri stríðið Savnsmynd VÍF fekk valla sveitt- an fram í dystinum móti Kyndli, sum helst skulu frøast um, at Tjaldur ikki tykist hava møguleikan at flyta upp aftur í bestu deildina HONDBÓLTUR Jákup Mørk jakup@sosialurin.fo Dysturin millum VÍF og Kyndil var enn ein staðfest- ing av, hvussu stórur mun- urin er millum ovaru og niðaru hálvu av bestu kvinnudeildini. Flestu áskoðararnir mundu eisini undan dystinum vita á leið, hvat tey skuldu rokna við, og tað tók heldur ikki VÍF serliga langa tíð at sannføra um, at her kundi bara verða ein vinnari av dystinum. Ein munur á eini fimm mál varð alt fyri eitt bygdur upp, og so ráddi sum so bara um at halda fast. Og tað gjørdi VÍF eis- ini uttan stórvegis trupul- leikar. Fyri kappingina sum so var hetta ikki ein av teimum dystum, sum broytir serliga nógv upp á stigatalvuna, tó at VÍF við sigrinum vann seg upp um Neistan, sum jú tapti fyri Stjørnuni. Heldur ikki hjá VÍF mundi dysturin hava stór- vegis at týða, annað enn at halda battaríunum koyr- andi, nú seinna hálvlfinalan móti VB stendur á skránni. Ivaleyst verður tað júst tann dysturin, sum hevur størsta týdningin í hugaheiminum hjá Vestmanna-kvinnunum í løtuni. Dystirnir í lands- kappingini móti hinum oddaliðunum eru allir settir á skránna einaferð í mars mánaði, so í so máta eiga áskoðararnir í Vestmanna ikki at rokna við tí heilt stóra spenninginum. Hjá Kyndli eru tað hin- vegin dystirnir móti hinum botnliðunum, sum munnu standa fremstir í huganum. Her hevur liðið enn møgu- leikan at lyfta sær nakað á stigatalvuni, og miðskeiðis í næstu viku býðst helst møguleikin til hetta, tá Kyndil vitjar á Skála. Verð- ur tann dysturin vunnin, so heldur grøna havnarliðið framvegis fast í møguleik- anum um at lyfta sær av botnsessinum. Um ikki, so skulu tær helst bara vera fegnar um, at Tjaldur er á niðasta plássinum í aðru deild, og tí ikki tykist hava møguleika at troka seg upp í bestu deildina aftur. Dysturin í tølum VÍF-Kyndil 25-16 (14-7) Málskjúttar VÍF: Sóley Mikkelsen 6, Ioana Rápa 4(3), Jacklin Durhuus 4, Irina Radovici 4, Fríða Marjunardóttir 3, Nikolina Eyðbjørnsdóttir 3, Eydna Joensen 1 Kyndil: Annika Thomsen 4, Randi Wardum 4(1), Sú- sanna Petersen 2, Linda Weihe 2(1), Anja Heina- dóttir 2, Fríða Petersen 1(1), Hildur Mikkelsen 1 Brotskøst: VÍF 4, Kyndil 3 Útvísingar: VÍF 3, Kyndil 3 Dómarar úr Neistanum: Kristian Johansen & Sámal Hansen. VÍF-Kyndil 25-16 (14-7): Leikandi lætt VÍF hevði at kalla ongar trupulleikar sunnudagin, tá munurin millum ovaru og niðaru hálvu í bestu kvinnudeildini enn einaferð varð framsýndur Savnsmynd Claus aftur í Bourn- mouth Hálvi føroyingurin, Claus bech Jørgensen, hevur higartil í hesum kappingarárinum leikt við Coventry, eftir at hann annars hevur gjørt vart við seg í Bourne- mouth og Bradford í nøkur ár. Men hóast skiftið var ætlað til at lyfta Claus Bech Jørgensen enn longur upp á ensku fótbóltstindarnar, so hevur hetta gingið eftir vild. Coventry hevur langt ífrá staðið seg somikið væl, sum vónirnar ann- ars vóru til undan kapp- ingarárinum, og at væl umtókti venjarin, Gary McAllister, hevur biðið um farloyvi frá starvin- um, tí hann vil vera meira hjá sjúku konu síni, hevur ikki betrað um støðuna í so máta. Fyri Claus Bech Jørg- ensen hevur avleiðingin verið, at hann restina av hesum kappingarárinum verður aftur í Bourne- mouth, har enska æv- intýr hansara byrjaði. Og í fyrstu atløgu er í øllum førum líkt til, at skiftið loysti seg. Um vikuskiftið leikti Bournemouth á heima- vølli móti QPR, sum er á øðrum plássi í deild- ini, og hendan dystin vunnu Claus og teir við einum máli móti ong- um. Bournemouth er nú á 11. plássi, men tað eru bert trý stig upp til sess- irnar, sum geva atgongd til sonevndu play-off dystirnar, har seinasti uppflytarin skal finnast. Neistin-Stjørnan 27-24 (12-19): Stjørnan avgjørdi beinanvegin Í dystinum millum kvinnuliðini hjá Neistanum og Stjørnuni í Havn sunndagin, gjørdi Stjørnan bart beinan vegin, og tískil gjørd- ist dysturin ongantíð spennandi HONDBÓLTUR Terji Nielsen Lagt var upp til ein spenn- andi dyst í endaspælinum hjá kvinnum, tá ið odda- liðið Stjørnan sunnudagin var á vitjan hjá Neistanum í Havn. Men tað var skjótt, so høvdu kvinnurnar úr Klaksvík víst, hví tær eru oddalið. Ferð á beinanvegin Tær reyðklæddu kvinnur- nar úr Stjørnuni høvdu ongar ætlanir um at taka sær av løttum í dystinum móti Neistanum sunnudag- in. Tær vóru tendraðar frá fyrsta bríksli, og tað gekk ikki long tíð, so høvdu tær lagt sjógv ímillum seg og heimaliðið. Neistaliðið bleiv tikið á bóli av skjóta álopsspælinum hjá Stjørn- uni, og skotini fuku um oyr- uni hjá Helenu í málinum hjá Neistanum. Eftir fyrstu tjúgu minutt- irnar av dystinum hevði Stjørnan lagt seg á odda við átta málum, 16-8, og so var dysturin í veruleikanum avgjørdur. Tað tóktist sum um oddaliðið hevði eitt gear meiri enn Neistin, og serliga væl lá fyri hjá Stjørnuni at revsa neista- kvinnurnar, tá ið hesar høvdu mist bóltin í álopi. Tað var eitt-tvey-trý, so høvdu kviku kvinnurnar úr Klaksvík skorað í hinum endanum. Eftir at Stjørnan hevði lagt seg trygt á odda, dovn- aði dysturin fullkomiliga. Neistin royndi at gera nøkur sprell viðhvørt, men hvørja ferð svaraði Stjørn- an aftur. Tá ið komið var til hálvleiks vóru gestirnir á odda við sjey málum, 19- 12. Hálvleikur uttan spenning Seinni hálvleikur var meiri at kalla ein avgreiðslu- spurningur. Tað tóktist sum um bæði liðini høvdu stað- fest, at dysturin var av- gjørdur, og tískil ráddi bara um at fáa hann avgreiddan. Gaman í royndu liðini at gera onkran vørr, og høvdu vengurnir hjá Stjørnuni verið eitt sindur meiri neyvir, hevði sigurin hjá klaksvíkingum verið væl størri, enn hvat hann var. Tað skal eisini sigast, at Helena Dam Poulsen í mál- inum hevði fleiri góðar bjargingar. Einu løtuna nærkaðist Neistin nakað, men so gjørdi Stjørnan aftur bart og skoraði fýra ferðir á rað, og so var tann vandin av. Leikur gekk rættuliga javnt á restina av hálvleik- inum, og tá ið tíðin var far- in, hevði oddaliðið Stjørn- an vunnið ein sera tryggan sigur 34-27! Stjørnan hevði fleiri hóttanir Tað var týðuligur styrkis- munur á liðunum báðum. Hjá Neistanum er Simona Dzygyte nógv tann vanda- miklasti leikarin, og hóast hon bleiv mansvard stórsta partin av dystinum, eydn- aðist tað henni at skora heili 12 mál. Hinvegin er álopsspælið hjá Neistanum ógvuliga skert, tá ið Sim- ona verður mansvard, og tað var sjón fyri søgn sunnudagin. Álopini hjá havnarliðnum vóru lang, og mangan sá tað út til, at tær vóru í iva um, hvør skuldi royna seg. Hjá Stjørnuni hinvegin var heilt øðrvísi. Har vóru tað nógv, ið bjóðaðu seg fram, og tá ið eitt nú Alina Olaru og Katarina Stjepa- nov blivu mansvardar seint í dystinum, tóku aðrar, eitt nú Joan M. Djordjevic og Anna Kristina Samson, yvir og smekkaðu bóltarnar í kassan. Hvør tekur Stjørnuna? Nú endaspælið av álvara er komið í gongd, er trupult at fáa eyga á nakað lið, ið kann hótta Stjørnuna. Komandi sunnudag koma vágskvinnur á vitjan í Klaksvík, og vinnur Stjørn- an tá, er neyvan nakar ivi um, at tær gerast føroya- meistarar í ár. Sjálvsagt skal ein ikki taka munnin ov fullan, men staðfestast má, at tað er trupult at ímynda sær, at nakar ger nakað við Stjørn- una. Einasti møguleiki tyk- ist verða VB, men vágs- kvinnur hava ikki somu breidd sum tær í Stjørnuni, og tað kann vísa seg at gerast avgerandi leikluturin í kappingini um føroya- meistaraheitið 2004. Dysturin í tølum Neistin-Stjørnan 27-34 (12-19) Málskjúttar Neistin: Simona Dzygyte 12(1), Lív Sørensen 4, Ása á Neystabø 3, Lina Audry- aryte 2, Susan M. Brockie 2, Marjun Tróndarson 2, Unn Kragesteen 1, Mildrið Jacobsen 1 Stjørnan: Katarina Stjepa- nov 12(6), Joan M. Djor- djevic 6(3), Alina Olaru 5, Annika Ljósstein 4, Una Olsen 3, Anna Kristina Samson 2, Bára Skaale Klakstein 2 Brotskøst: Neistin 4(1), Stjørnan 13(9) Útvísingar: Neistin 6, Stjørnan 3 Dómarar: Eyðun Samuel- sen og Hannis Wardum – eingir trupulleikar av einari yvirkomiligari uppgávu. Nú endaspælið av álvara er komið í gongd, er trupult at fáa eyga á nakað lið, ið kann hótta Stjørnuna Mynd: Álvur Haraldsen