mánadagur 30. mai 2011síða 21

21 Mánadagur 30. mai 2011 · Nr. 62 Sosialurin Ítróttarblaðið Hilmar Jan Hansen Málini í níggjunda lands­kapp­ ingarumfari í næstbestu mans­ deildini skolaðu inn og vóru ikki færri enn 22 í tali. Ein dystur endaði 7-0, ein 3-3 og tveir 3-1 og bara ein 1-0. Dystirnir, ið strektu seg frá hóskvøldinum til í gjár, vóru við øðrum orðum avgjørt ikki keðiligir. Serliga gjørdi FC Suðuroy bart, tá 07 Vestur vitjaði á Vágseiði í gjár, tí heimaliðið vann ein greiðan 7-0 sigur, ið væl og virðiliga staðfesti oddasessin, AB annars hevði havt til láns síðani hóskvøldið. Í Vági var einki at rafla um og fyrri hálvleikur var ikki meira enn hálvrunnin, tá tað longu var 5-0. Úrslitið bendir á eitt sera væl upplagt suðuroyarlið, ið eftir øllum at døma ætlar sær uppaftur millum 10 tey bestu sum skjótast, meðan kósin hjá vágamonnum er beint tann øvugta. Higartil hevur tann næstbesta manningin hjá 07 Vestur ikki fingið so mikið sum eittans stigið. AB og TB fylgja við Tey, ið geva FC Suðuroy harðastu kapp­ingina um uppflyting, eru AB og TB. Argjamenn spældu longu hós­kvøldið, tá teir á heimavølli í framskundaðum dysti tóku ímóti grann­unum í FC Hoyvík. Í goml­ um døgum høvdu liðini bæði verið heimahoyrandi í tí, sum tá kall­aðist Tórshavnar uttanbíggja kommuna. Men hóast gestirnir úr Hoyvík fingu betru byrjanina og fóru framum, megnaðu teir ikki at halda stand, men máttu leggja rygg til eitt 3-1 tap, ið gav AB oddasessin til láns í nakrar dagar. Framvegis er AB á uppflytingarplássi, meðan FC Hoyvík í besta føri sær út til at líkjast einum miðjuliði í ár. Eisini tvøramenn liggja væl fyri, og tá teir leygardagin vóru á útivølli og spældu ímóti EB/Streymi, skund­ aðu teir sær at leggja seg á odda við tveimum málum í fyrra hálvleiki, og sjálvt um teir í seinna hálvleiki brendu eitt brotsspark, sum varð skotið uppum, rukku teir á mál og vunnu 3-1. Kortini gjørdist sigurin ikki so lættvunnin, sum turru tølini siga, tí teir næstbestu í Sundalagnum royndu av øllum alvi at herja á, so Ivan Stojkovic í TB-málinum fleiri ferðir mátti vísa góðar bjargingar. Tí er TB á triðfremsta plássinum bara eitt stig aftan fyri AB. Skála togar seg upp Skála hevur havt eina spakuliga byrjan, men so smátt eru úrs­ litini farin at líkjast. Og tá skála­ menn vóru á eystara armi á Skála­ fjørðin og vitjaðu grannarnar í NSÍ, eydnaðist at fáa fulla úrtøku burturúr, so Skála nú er á fimta plássi, tvey stig aftan fyri NSÍ, sum ann­ars hevur ligið og argað fremstu liðini í longri tíð. Bara eittans málið kom í dyst­ inum, og tað fekk Skála stutt undan hálvleikssteðginum. Hóast NSÍ royndi at trýsta í seinna hálv­leiki, knípti við ítøkiligum málmøgu­ leikum, og tí vann Skála dystin. Dysturin leygardagin í Gunda­ dali, sum taldi ikki færri enn seks mál, sá leingi út til at gerast ein knúsandi sigur til gestirnar úr Víkingi, men vertirnir í HB vildu tað øðrvísi, so tað endaði 3-3. Víkingur var á odda 2-0 í hálvleikinum og økti til 3-0 eitt korter inn í seinna hálv­leik, men allíkavæl megnaði HB at koma sterkt aftur og skorað trý mál. hilmarjan@sosialurin.fo Málríkt umfar Fótbóltur Fýra av teimum fimm 1. deildardystunum hjá monnum vóru málríkir, og serliga væl lá fyri í Vági og í Havn, har ávikavist sjey og seks mál komu í dystunum Hilmar Jan Hansen Landskappingin í bestu kvinnu­ deildini líkist sær sjálvari, tí har stendur kappingin um oddasessin millum KÍ og AB, sum eisini hava kappast um hann seinnu árini. Og – sum vant – er tað KÍ, sum er fremsta liðið. Hini kappast nokk so javnt um bronsuna, men í løtuni hevur B36 munin á hinum. KÍ var á útivølli og spældi ímóti Víkingi, ið royndi at stríðast ímóti, men kortini ikki fekk gjørt so nógv. Klaksvíkskvinnur fóru framum 2-0 í fyrra hálvleiki, og hóast Víkingur minkaði um munin eitt lítið korter inn í seinna hálvleik, hevði KÍ fleiri mál í sær og vann at enda 4-1. Á Skála sá eitt sindur øðrvísi út, hóast tað endaði við, at AB vann stórt, tí í hálvleikinum var tað altso Skála, sum var á odda 1-0. Men ikki gekk long tíð av seinna hálvleiki, so hevði AB bæði javn­að og lagt seg framum, so tað endaði við einum knúsandi 6-1 sigri til argjakvinnur, sum í øllum før­ um røkja málúrtøkuna, nú tær í stigum eru aftan fyri kvinnurnar úr Klaksvík. Triði dysturin var grannauppgerð í Gundadali millum B36 og HB, sum eru uppflytararnir hetta kapp­ ingarárið. Fyrri dysturin teirra mill­um endaði við javnleiki, men hesa ferð læt B36 ongan iva vera, men vann ein tryggan 3-1 sigur, ið var grundaður í fyrra hálvleiki við einum einum máli. Síðani skor­aði B36 tvær ferðir aftrat í seinna hálvleiki, áðrenn HB fekk eitt troystar­mál ímóti endanum. Úrslitið merkir, at B36 í løtuni hevur tikið seg fram á bronsuplássið. hilmarjan@sosialurin.fo Stórsigrar til toppliðini Kvinnufótbóltur Tey bæði ovastu kvinnuliðini, KÍ og AB, vunnu sannførandi stórsigrar, og eisini gjørdi B36 bart í grannauppgerðini ímóti HB GRANNASIGUR Meðan oddaliðini, KÍ og AB, vunnu stórsigrar í sínum dystum, vann B36 seg við greiðum grannasigri á HB upp á bronsuplássið í kvinnukappingini Mynd: Álvur Haraldsen MÁLRÍKT Ikki færri enn seks mál komu í dystinum í Gundadali leygardagin, tá teir næstbestu hjá HB og Víkingi møttust og spældu ein undirhaldandi 3-3 javnleik Mynd: Álvur Haraldsen Føroyska 1. Deild menn nr. lið dystir vunni javnt tapt + mál - mál +/- stig 1 FC Suðuroy 9 7 2 0 30 10 +20 23 2 AB 9 7 0 2 29 11 +18 21 3 TB 9 6 2 1 29 10 +19 20 4 NSÍ II 9 5 0 4 21 15 +6 15 5 Skála 9 4 1 4 16 13 +3 13 6 EB/Streymur II 9 4 0 5 18 20 -2 12 7 FC Hoyvík 9 3 1 5 13 22 -9 10 8 HB II 9 3 1 5 13 23 -10 10 9 Víkingur II 9 1 3 5 12 22 -10 6 10 07 Vestur II 9 0 0 9 8 43 -35 0 Føroyska 1. Deild kvinnur nr. lið dystir vunni javnt tapt + mál - mál +/- stig 1 KÍ 8 7 1 0 29 6 +23 22 2 AB 8 6 1 1 33 10 +23 19 3 B36 8 3 1 4 9 17 -8 10 4 Víkingur 8 2 1 5 19 22 -3 7 5 Skála 8 2 1 5 8 19 -11 7 6 HB 8 1 1 6 4 28 -24 4