mánadagur 30. mai 2011síða 22

Mánadagur 30. mai 2011 · Nr. 62 22 Sosialurin Ítróttarblaðið Uni Holm Johannesen Fíggjarlógaruppskotið fyri 2011 legði upp til, at stuðulin til Ítróttar­ sam­bandið skuldi skerjast við 500.000 krónum. Tað varð broytt. Skerj­ingin verður 200.000 krónur. Ítróttarsambandið harmast um hvørja skerjing, tí hon hevur beinleiðis ávirkan á virksemið hjá ítróttar­rørsluni, segði Petur Elias Petersen. – Tað er okkara greiða vón, at politiska skipanin fer at taka ábyrgd og hækka játtanina til ítrótt­in heldur enn at royna at klípa av henni, tá høvi býðst. Tað hevur alstóran týdning fyri eitt og hvørt sjálv­boðið arbeiði, at viðurskiftini við almennar myndugleikar – bæði kommunalar og almennar – eru góð. Báðir partar royna í hvør sínum lag at stuðla undir og lívga virksemið hjá einstaklinginum, segði Petur Elias Petersen í síni røðu. Limaskapurin í OL Forsetin ásannaði, at tað eru ikki útlit fyri sjálvstøðugum føroyskum limaskapi í Altjóða Olympisku Nevnd­ini, og har við sjálvstøðugari lut­tøku í Olympisku Leikunum í bræði, hevur Ítróttasamband Før­ oya tikið upp samstarv við Donsku Olympisku Nevndina og Altjóða Olympisku Nevndina við tí endamáli at geva evnaríkum føroyingum møgu­leika fyri at luttaka í Olympisku Leikunum. Petur Elias Petersen segði, at avtala er gjørd við Al­tjóða Svimjisambandið FINA, Svimjisamband Føroya og Danska Svimjisambandið, sum loyvir før­ oyskum svimjarum at umboða Føroyar í øllum altjóða kappingum, sam­stundis sum teir umboða Dan­ mark í Olympisku Leikunum, uttan at fáa leikbann fyri at skifta tjóð­ skap. – Við hesi avtaluni er ein ítøk­ iligur trupulleiki loystur við tað, at føroyskir svimjarar, sum tildømis Pál Joensen, sum hava prógvað sítt høga støði í altjóða kappingum, nú hava møguleikan at kvalifisera seg til luttøku í Olympisku Leikunum, segði hann. Oyggjaleikirnar í 2021 Forsetin í Ítróttarsambandinum vísti á, at stjórnin í Ítróttar­sam­ band­inum og almennu myndugleik­ arnir hava verið positiv um at hýsa Oyggjaleikunum í 2021. Tað hevur higartil verið hørð kapping millum limaoyggjarnar um at sleppa at skipa fyri leikunum. Altjóða Oyggja­ leikanevndin arbeiðir við at broyta skipanina, soleiðis at tær oyggjar, ið ynskja at skipa fyri leikunum, verða settar í eina røð, so at áhugaðar oyggjar fáa møguleikan so líðandi, uttan at skula vinna eina kapping við aðrar oyggjar um leikirnar. – Tað er tó ein fortreyt, at Før­ oyar, eins og aðrar áhugaðar oyggjar, megna at sannføra Altjóða Oyggja­ leikanevndina um, at vit megna at skipa fyri einum so stórum altjóða tiltaki, sum oyggjaleikirnir eru. Størstu avbjóðingarnar eru innivist og manglandi umstøður í ávísum ítróttargreinum, sum tildømis golf, skjóting og tennis, segði Petur Elias Petersen. Nevndarvalið Nevndarval var eisini á skránni á aðalfundinum. Petur Ove Petersen var valdur til varaforseta næstu tvey árini, uttan mótvalevni. Katrin Joensen var eisini vald til skrivara í starvsnevndini næstu tvey árini, uttan mótvalevni. Nýggjur vara­ limur í starvsnevndini er Anna Rein. uni@sosialurin.fo Uni Holm Johannesen Umstøðurnar til golf verða mett­ ar sum ein avgjørd fyritreyt fyri, at Før­oyar kunnu fáa verts­skapin fyri oyggjaleikum í fram­tíðini. Skjótiítrótturin er sera fram­komin í fleiri av teimum oyggja­sam­feløg­ unum, sum eru við í oyggjaleika­ samstarvinum, og tær umstøðurnar eru eisini sera umráðandi. Tað eru hesar umstøðurnar, sum Tórshavnar Býráð er til reiðar at útvega saman við al­menn­um myndug­leikum og øðrum samstarvs­ feløgum til Oyggjaleikirnar, sum Ítróttarsambandið fer at søkja um at skipa fyri í 2021 ella kanska longu í 2019, skrivar Jógvan Arge, for­maður í mentamálanevndini í Havn, í tíðindaskrivi. Islands Games Assosciation leggur dent á, at luttakararnir á Oyggja­leikum verða hýstir nær hvørj­um øðrum og nær ítróttar­ breyt­unum. Tórshavnar Býráð hev­ ur nú boðað frá, at tað er sann­ført um, at kommunan kann hýsa 2500 ella fleiri luttakarum innanfyri 10 minuttir frá høvuðskapp­ingar­ breytum, hallum og vøllum. Neyðugt við golfvølli Jógvan Arge ger greitt, at ein golf­ vøllur í Havn er fremst av øll­um ætlaður til almenna nýtslu hjá før­ oyingum, men eisini til útlendskar golfspælarar, sum ferðast kring heimin, og til spæl og kappingar á altjóða stigi. – Golfvøllur kostar nakað. Við oyggja­leikum um átta ella 10 ár, sum málið er, ber til at gera eina slíka íløgu yvir nøkur ár, so hon ikki darvar aðrar neyðugar ætlanir stór­ vegis, sigur hann. Stóran týdning Formaðurin í mentamálanevndini í Havn ger greitt, at tað hevur stóran týdning fyri Føroyar at átaka sær vertskapin fyri Oyggjaleikunum. Hetta setir okkum á kortið, dregur nógv fólk til Føroya og harvið inn­ tøkur til ymsar partar. Tað hevur týdning fyri menningina av ítrótt­ inum og førleikanum at skipa fyri stórum stevnum. Føroyar hava tikið lut í Oyggja­ leikunum síðani fyrstu leikirnar í 1985. Stevnan hevur verið eina ferð í Føroyum, í 1989, men tað eru longu meira enn 20 ár síðani. Kortini hava Oyggjaleikirnir havt stóran týdning fyri menning og margfeldni í nógvum ítróttargreinum í Føroyum, heldur hann. – So nú er bara at bróta upp um armar og spýta í lógvarnar!, sigur Jógvan Arge. uni@sosialurin.fo Tað ræður um at halda fast sum frægast – Tað vísir seg, at skerjingar eru á øllum økjum á fíggjarlógini. Tað ræður tí um at halda fast sum frægast. Hvør króna, sum kemur til ítróttin er væl givin út, tí hon strekkir so langt í hondunum á sjálvbodnu eldsálunum kring landið, segði Petur Elias Petersen, forseti, í síni røðu á ÍSF-aðalfundinum – Tað er okkara greiða vón, at politiska skipanin fer at taka ábyrgd og hækka játtanina til ítróttin heldur enn at royna at klípa av henni, tá høvi býðst, segði Petur Elias Petersen, forseti, á aðalfundinum Tað hevur týdning fyri menningina av ítróttinum og førleikanum at skipa fyri stórum stevnum, heldur Jógvan Arge Nú er at bróta upp ermar og spýta í lógvarnar Jógvan Arge, formaður í mentamálanevndini í Havn, sigur, at Tórshavnar Býráð er til reiðar saman við almennum myndugleikum og øðrum samstarvsfeløgum at tryggja, at í kommununi verða umstøður at avgreiða kappingar í gold og skjótin á Oyggjaleikum 2021 – ella fyrr