mánadagur 30. mai 2011síða 23

23 Mánadagur 30. mai 2011 · Nr. 62 Sosialurin Ítróttarblaðið Hilmar Jan Hansen Tá hálvur tími var farin av dystinum við Djúpumýri fríggjakvøldið, noydd­ist ÍF-málverjin, Jákup Mikkelsen, at lata seg skifta út, tí hann hevði fingið ein skaða. Ein útskifting, ið sjálvandi ikki hugaði fugl­firðingum, men heldur ikki teim­um, ið varða av landsliðnum. – Eg fekk henda skaðan, tá eg skuldi taka eitt málspark, tí tá føldi eg, ta tað klikti í. Løtu seinni varð eg noyddur at gera eina bjarging og tað gjørdi tað nokk ikki frægari. Eg merkti, hvussu beinið ikki vildi meira, so eg mátti bara lata meg skifta út, greiðir Jákup frá skað­ anum, sum ger, at hann enn er nokk so eymur í beininum. – Enn veit eg ikki við vissu, hvussu álvarsligur skaðin er, tí fysio­terapeuturin dugir ikki at siga við vissu enn, hvussu vorðið er. Talan kann annaðhvørt vera um eina fipurspreinging í innarsíðuni á lærinum ella um ein skaða, sum stendst av, at ov nógv hevur staðið á. Ikki fyrr enn í dag ella í morgin kann sigast nakað um, hvat veruliga bagir hjá mær. Var blivin spentur Nú føroyska manslandsliðið innan fyri fáar dagar skal spæla tveir EM-dystir ímóti fyrst Slovenia fríggja­kvøldið og síðani Estlandi týskvøldið, er tí rættiliga óvist, hvør skal verja føroyska málið. Gunnar Nielsen, sum annars er fyrstavalið hjá Brian Kerr, er fram­ vegis skaddur, og tí hevur Kerr enn eina ferð sent boð eftir Jákupi Mikkelsen, ið annars ætlaði sær at gevast á heysti í 2009. Men í fjør vóru tvær ferðir boð eftir Jákupi, og nú skuldi hann aftur taka nøkur tøk fyri landsliðið. – Nú var eg annars ordiliga við at gerast spentur til landsdystirnar, so eg vóni ikki, at talan er um eina fipurspreinging, tí so má eg nokk taka steðg í einar tvær vikur. Og er tað skaðin, so verða eingir landsdystir til mín á hesum sinni, staðfestir Jákup Mikkelsen, ið saman við hinum út­tiknu spælar­ unum skal møta á Svanga­skarði í kvøld klokkan seks. – Hvussu er og ikki, fái eg allíkavæl ikki verið við í fyrstu venj­ ingunum, tí eg skal hava viðgerð. Eg standi eitt sindur í einari bíðistøðu, men vónandi fái eg vant ordiliga í morgin ella mikudagin. Umframt Jákup, er eisini Rene Tórgarð úr EB/Streymur úttikin sum málverji, men um Jákup ikki fær spælt, verða helst boð send eftir annaðhvørt Tórði Thomsen í B68 ella Meinhardt Joensen í B36. hilmarjan@sosialurin.fo Skaddur Jákup ivasamur Fótbóltur Hóast Brian Kerr enn eina ferð hevur givið Jákupi Mikkelsen landsliðsboð, er ikki vist, at Jákup fær spælt nakran av heimadystunum ímóti Slovenia og Estlandi, tí hann fríggjakvøldið fór út við skaða IVASAMUR Jákup Mikkelsen veit ikki enn, um hann fær vart føroyska málið ímóti Slovenia og Estlandi, tí enn er ikki greitt, hvussu álvarsligur skaðin er, sum noyddi hann av vøllinum fríggjakvøldið Savnsmynd: Álvur Haraldsen Hilmar Jan Hansen – Eg havi fingið eitt nýtt starv í privata vinnulívinum, og av tí at tað ikki sampakkar so væl við at vera venjari í Vodafonedeildini, gevist eg í ÍF, sigur Abraham Løkin, sum longu hósdagin boðaði frá hesum. Tað vil siga, at avgerðin var tikin og nevndin í ÍF hevði fingið tað at vita, áðrenn ÍF fríggjakvøldið legði rygg til eitt 2-0 tap fyri KÍ. – Nevndin fekk boð um hetta hósdagin og eg havi eisini tosað við spælararnar. Til felagið hevur funnið ein avloysara, vil eg fegin hjálpa til, og eisini eina løtu aftaná, um brúk er fyri tí. Men annars leggi eg frá mær nú. Hetta var sætta tapið hjá ÍF í teimum 10 landskappingar­dyst­ unum higartil – millum tapini á heima­vølli eru bæði botnliðini, B71 og 07 Vestur – men sjálvt um tað í sjálvum sær kundi fingið tað at hitna undir flestu venjarum, er tað kortini ikki orsøkin til, at ÍF nú noyðist at leita eftir nýggjum venjara. Kanska rætta løtan – Tað er í longri tíð, at eg havi leitað eftir einum vanligum starvi aftur, og tá møguleikin kom at ger­ ast sølumaður hjá Magn, var eg skjótur at taka av, tí hetta var tað, eg veruliga ynskti mær. Eg veit, at eitt slíkt starv ikki riggar so væl saman við tí at venja eitt lið í bestu deildini, so tí kann eg ikki gera bæði, sigur Abraham Løkin. Sum sagt, hevur ÍF klárað seg serstakliga illa í landskappingini, og hóast liðið vann fyrru hálvfinaluna í steypakappingini og er nær við at endurtaka finaluplássið frá í fjør, er vert at leggja til merkis, at ÍF er komið sera lætt víðari í steypa­ kappingini í ár, tí ikki fyrr enn í hálvfinaluni fingu fuglfirðingar Vodafone-mótstøðu. – At tað ikki hevur gingið eftir vild hjá okkum, skal eg vera tann fyrsti til at viðganga, men tað hevur altso einki við mína avgerð at gera, nú eg leggi frá mær. Hinvegin ber helst til at siga, at hetta man vera rætta løtan, skal onkur annar taka um endan sum venjari hjá ÍF, sigur Abraham Løkin. Tað hevur tíverri ikki eydnast okkum at fáa eina viðmerking frá formanninum í ÍF, Ólavi Larsen. hilmarjan@sosialurin.fo Abraham gevst í ÍF Fótbóltur Sjálvt um ÍF langt frá hevur livað upp til dygdina á spæli og úrslitum í fjør, sigur Abraham Løkin einki av hesum vera orsøk til, at hann nú leggur frá sær sum venjari hjá ÍF FARIN FRÁ Abraham Løkin gevst sum Vodafone-venjari hjá ÍF, tí hann hevur fingið nýtt starv í privata vinnulívinum – og ikki, tí tað ikki gongst eftir vild hjá ÍF í landskappingini Mynd: Álvur Haraldsen