fríggjadagur 3. juni 2011síða 10

Fríggjadagur 3. juni 2011 · Nr. 64 10 Sosialurin Her tók ør »Tindhólmur er mest avmynd­ aða staðið í Føroyum. Men samstundis tað minst vitjaða!« Nú skal hetta broytast, ætla fólkini aftanfyri fyri­ tøk­una Mykines.fo Snorri Brend Myndir: Jens Kristian Vang Tey allar flestu hava bert flogið og siglt framvið Tind­hólmi, ella tey hava eygleitt henda sjáldsama hólmin frá landi, tá tey hava koyrt til Bíggjar ella Gásadals. Men tað er bert unt teim­um fáu at seta fótin á henda óbygda hólmin, sum er tann størsti í Før­ oyum við sínum 6500 fer­ metrum. Í summar ætla tey í Mykines.fo at skipa fyri reglu­ligum dagstúrum út í Tind­hólm við ferða­leið­ ara. – Vit hava leingi havt ætl­anir um skipaðar túr­ ar út í Tindhólm. Og nú fara so at royna tað í juli og august mán­aði í ár, sigur Ellef Ellefsen, stjóri í fyritøkuni. Hósdagin í farnu viku fingu lærarar í Sunda komm­unu høvið at royna henda túrin við bátinum Bryn­hild, saman við um­ boð­um fyri Sosialin. Ørnin Tey flestu munnu kenna ramsuna við tind­unum sum hava givið hólm­inum sítt navn – Ytsti­tindur, Arna­tindur, Lítli­tindur, Breiði­tindur og Boygdi­ tindur. Tann hægsti teirra er 262 metr­ar høgur. Fleiri søgnir eru úr hólm­inum, eisini um bú­ seting í gomlum døgum. Í dag býr eingin her, hóast tvey snotilig hús standa stutt frá stað­num, har leggj­andi er at við báti. Í gomlum døgum sendu fólk í Mykinesi slaktineyt síni til marknaðin í Havn við fyrst at rógva tey yvir í Tindhólm. Hiðani svumu neytini til Sørvágs, gingu tvørtur um Vágar og vórðu togað um Vestmannasund til Kvívíkar, áðrenn tey gingu seinasta teinin til Havnar. Hugsandi er, at menn góvust við hesum tí hetta var ein ov trupul loysn, og helst tí at svinnið gjørdist ov stórt. Annars ber oyggin í dag bæði seyð, lunda og annan fugl. Sagt verður, at seinasta havørnin í Før­ oyum átti her. Júst hetta við havørnini er eisini partur av teirri kendu søgnini, sum gav navn til tann eina tindin – Arnatind. Søgnin sigur, at her búði eitt skifti ein maður, kona hansara og eitt lítið barn. Meðan maðurin var á útróðri, kom ørnin og tók barnið upp við sær til ein av tindunum. Hóast mamman skjótt rann niðan á tindin og fekk fat­ur á barninum. Tí­verri hevði ørnin longu klór­að eyg­uni úr tí. Eftir hesa ógvusligu hend­ingina flutti familjan úr hólm­inum, og síðani hev­ur eing­in búsett seg her. Um nakar fer at gera tað í framtíðini, fer tíðin at vísa. Men skal ein fantasera um eina menn­ ing, so er golf eitt ið kundi vakt hólminum ans í út­ heimi. Vestast á hólminum er nevniliga tann grønasta fløt­an ið ein kann ímynda sær, við einum hópi av hylj­um, sum í mangar mát­ar kann um­skapast til ein minni golf­vøll eftir lítlari løtu. Kanska eitt hugskot til endurstovnaða Ferðaráðið ella okkurt golffelag. snorri@sosialurin.fo Tindhólmur Er við sínum 6500 fermetrum størsti hólmurin í Føroyum. Er kendur fyri sínar fimm tindar – Ytsti-, Arna-, Lítli-, Breiði- og Boygditindur, har tann hægsti teirra røkkur 262 metrar upp í loft. Fólk hevur búð her fyrr í tíðini, men í dag standa bert tvey hús her. Komandi er at hólminum í góðum líkindum. Mykines.fo Í summar fer Mykines.fo at skipa fyri ferðum út í Mykines og út í Tindhólm. Talan er um dagstúrar, ið vara í ávikavist 5 og 3 tímar, her góður ferðaleiðari fylgir við. Nærri upplýsingar fáast á heimasíðu teirra, har ein eisini kann bíleggja sær ferðina. Ferðirnar verða gjørdar við bátinum Brynhild, ið kann taka 40 ferðafólk, og er undir eftirliti av Skipaeftirlitinum og Norsk Veritas.