fríggjadagur 3. juni 2011síða 12

Fríggjadagur 3. juni 2011 · Nr. 64 12 Sosialurin JT electric í Afrika við trolkamera - Tað er eitt stórt felag, sum eigur Helen Mary, og hetta felag eigur eisini ein av heimsins størstu trolarum. Vit vænta at selja eini tvey ella trý trolkamera til skip hjá Parlevliet & Van der Plas áðrenn langt um líður, sigur Ólavur Thomsen, stjóri í JT electric Vilmund Jacobsen Í hesum døgum er Rúni Peter­ sen, verkætlanar- og sølu­ leið­ari av trol­kamera­num, sum JT electric framleiðir, á ferð í Afrika. Í løtuni er hann umborð á trolaranum, Helen Mary, sum stóra hálendska felagið, Parlevliet & Van der Plas, eigur. Hetta er sama felag, sum eigur og rekur virk­semið á Faroe Pelagic í Kolla­firði. Oyðimørk og tundra Sum skilst, hevur tað tikið sína tíð at koma niður til Maure­tania við útgerðini, og á ferðini hevur eisini verið koyrt í jeepi um ein part av Sahara. Tað hevur ikki eydnast at fáa fatur á Rúna Petersen sjálvum, nú hann er umborð á Helen Mary, men í meyli hava vit lisið fylgjandi reglur hjá honum: ”Vit skiftast um at koyra millum oyðimørk og tundra, og kortini eru hús fram við vegnum – við umleið einum kilometri ímillum...” Og so leggur Rúni aftrat: ”Fiskiskapurin her á leið hevur verið sera góður sein­ astu árini, men í ár stendur verri til. Kanska fer TC (trol­ kameraið) at fáa ferð á fiski­ skapin aftur...” Spennandi átak Ólavur Thomsen, stjóri í JT electric, heldur, at hendan royndin við trolkameranum í Afrika er sera áhugaverd og spennandi. – Tað er eitt stórt felag, sum eigur Helen Mary, og hetta felag eigur eisini ein av heimsins størstu trolarum. Vit vænta at selja eini tvey ella trý trolkamera til skip hjá Parlevliet & Van der Plas áðrenn langt um líður. Í november í fjør luttók JT electric á Pacific Marine Expo í Seattle. Hetta er ein framsýning við ymiskari fiski­vinnutøkni, har fram­ leið­arar og útbjóðarar sýna fram sínar vørur, og keyparar leita fram við at síggja tað nýggjasta innan tøkni. – Høvuðsorsøkin til, at vit fóru við til hesa stevnu í Seattle er, at vit hava ein av okkara bestu kundum har yviri, nevniliga American Sea­food Company. Hetta fe­ lag hevur fleiri stórar verk­ smiðju­trolarar. Nøkur skip hjá felagnum brúka okk­ara trol­kamera, og teir eru av­ bera væl nøgdir, sigur Ólavur Thom­sen. 14 dagar umborð – Rúni hevur nú verið um­borð á Helen Mary í eina viku, og ætlandi verður hann um­borð í eina viku aftr­at. Upp­tøk­ urnar eru sera væl eydnaðar, og manningin hevur sæð ymiskar møguleikar, sum trolkameraið hevur og gevur teimum. Ólavur Thomsen vísir á, at hugsanin við trolkameranum hjá hálendska felagnum, Par­ levliet & Van der Plas, er bæði at gera royndir við skilji­rist – og at gera aðrar eyg­leiðingar, sum kunnu føra til ymiskar broyt­ing­ar og betringar av trol­reið­skap­inum. – Rúni Petersen hevur eitt komplett trolkamera við sær á ferðini í Mauritania og umborð á Helen Mary, og vit eru rættiliga spentir eftir at síggja, hvussu úrslitið av átak­ inum verður, sigur stjór­in í JT electric, Ólavur Thom­sen. vilmund@sosialurin.fo Her er Rúni Petersen staddur á Pacific Marine Expo í Seattle, har felagið á Kambsdali hevur gott samstarv við American Seafood Company. - Nøkur skip hjá hesum felag brúka okkara trolkamera, og teir eru avbera væl nøgdir, sigur Ólavur Thomsen, stjóri í JT electric Trolkamerað er flaggskipið hjá JT electric, og nú er felagið í Afrika við einum átaki, har roynt verður at selja skipum hjá Parlevliet & Van der Plas áhugaverda tólið, sum kann brúkast til ymisk endamál Rúni hevur nú verið umborð á Helen Mary í eina viku, og ætlandi verður hann umborð í eina viku aftrat ÓLAVUR THOMSEN