fríggjadagur 3. juni 2011síða 14

Fríggjadagur 3. juni 2011 · Nr. 64 14 Sosialurin Kjak Nú fara teir eftir útróðrar­ monnunum ! Løgmaður hevur í fjøl­miðl­ unum fyri stuttum boðað frá, at skjøtil er settur á eina broytingartíð í føroyskum politikki. Og tað mugu vit sanniliga ásanna, nú vit síggja poli­ tikkin, ið tann sokallaða minnilutasamgongan leggur fyri dagin, og Sam­ bandsflokkurin við løg­ manni og Johan Dahl á odda hevur kastað seg í fang­ið á Tjóðveldi. Førdur verður ein vinnu­ fíggindaligur politikkur, har fleiri byrðar verða lagdar á vinnulívið. Fiskivinnan skal nú umframt hægri skatt eisini gjalda eitt so­ kallað tilfeingisgjald (sum bara er ein skattur aftrat), og fiskivinnubúðin hjá tjóð­veldinum er nú sett á stovn. Stuðulin til skipasmíð ætlaðu teir at taka av, men tað bleiv tíbetur steðgað av einum meiriluta í ting­ in­um. Og nú verður so farið eftir útróðrarmonnunum! Uttan fyrilit verður aldar­gamli rætturin til vinnu­ligan fiskiskap við línu innan fyri 3 fjórðingar úr landi tikin av, og eg eri bangin fyri, at tey, sum fara at atkvøða fyri hesum, ikki hava ánilsi av, at tey taka breyðið úr munninum á nógvum familjum – ið hvussu er her um okkara leiðir – m.a. í Klaksvík, Leir­ vík og Fuglafirði. Tá ið tað kemur til út­ róður hevur hvør bygd og hvørt øki sína søgu og sína siðvenju, og tí ber als ikki til at gera eina generella friðing upp á henda mát­ an. Vælsignaði fólk! Setið tykkum inn í umstøðurnar hjá teimum fáu, sum fram­ vegis liva av útróðri! Vónandi er tað onkur í Sambandsflokkinum ella Javn­aðar­flokkinum, sum fær steðg­að hesum! Ivasama herferðin móti Norrønu Óli Jacobsen Herfyri var eitt margháttligt tiltak ímóti Norrønu, har flestu fakfeløg í landinum boðaðu frá, at tey boykottaðu Norrønu við at avlýsa bíløgd skeið umborð. Orsøkin var, at Reiðara­ fe­lagið fyri Farmaskip hevði gjørt ein sáttmála við ís­ lendskt fakfelag um ís­lendska manning á Norrønu til ís­ lendskar lønir, sum vóru sagd­ ar at vera lægri enn tær før­ oysku. Íspinnarin til hetta tiltak var, sum tað skiltist, formaðurin í fiskimannafelagnum, og hesi tiltøk mugu tí roknast fyri at vera ein stuðul til hansara “stíl”. Sjálvsagt kann mann halda tað vera løgið, at fólk við sama skipi skulu fáa ymiska løn fyri sama arbeiði. Tað er eisini náttúruligt, at føroysk feløg vilja verja seg ímóti at skula kappast móti bíligari ar­ beiðsmegi. Eitt úrslit av hesum er, at íslendsk fakfeløg í bløðunum hava mælt íslendingum til at boykotta Norrønu. Fyri at skilja hetta er neyð­ ugt at vita, at umrødda fak­ felag er Sjómannafelag Ís­lands. Hetta felag var upp­runa­liga Sjómannafelag Reykja­víkur, sum var eitt lima­felag í megin­ felagnum Sjó­manna­sam­band Íslands. Men deildin í Reykjavík tók seg burtur úr landsfelagnum, broytti navn og gjørdist lands­ umfatandi. Nú er tað byrjað at kappast við sjó­manna­sam- bandið á sáttmálaøkinum. Hetta er sjálvsagt ikki fallið í góða jørð hjá teimum. Tí er hetta veruliga eitt stríð millum íslendsk fakfeløg. Hinvegin kann staðfestast, at Sjómannafelag Íslands er eitt viðurkent fakfelag. Tað er eisini við í altjóða flutnin gsarbeiðarafelagsskapinum ITF, har Sjómannasamband Íslands eisini er limur saman við hinum íslendsku og eisini føroysku feløgunum, sum umboða sjómenn. Sjómannafelag Íslands held­ur seg einki skeivt hava gjørt, men sigur seg hin­vegin vera errið av at hava út­veg­að íslendskum ungdómi summar­ arbeiði. Soleiðis kann ein sak síggjast frá tveimum síðum. Kundi verið loyst uttan háva Annars hava føroysku yvir­ mannafeløgini, sum kenna til hesi viðurskifti, havt eina sakliga frágreiðing í bløð­ unum, har tey vísa á, at tað er einki ólógligt ella óregluligt í hesum íslendska sáttmála. Hann er eisini í samsvar við FAS-lógina, sum greitt sigur, at føroyskir sáttmálar bert umfata føroyingar. Sjálvi hava yvirmanna­fe­ løgini tryggjað seg móti óhep­ num avleiðingum av slíkari sáttmálagerð, og tey hava víst á, hvussu FF kundi havt gjørt tað sama. Tað eru tveir mátar at greiða eitt ivamál. Annar er at seta seg niður og royna at loysa tað eins og yvirmannafeløgini gera í málum sum hesum. Hin er at hevna seg inn á hin partin fyri at gera honum mest møguligt fortreð. Tað er sjáldan, at hetta er nøkur loysn. Tað tykist at vera hesin seinni háttur sum flestu fak­ feløg í Føroyum stuðla. Hetta sigur ikki so lítið, tá hugsað verður um tað, sum FF stendur fyri!!! Hetta er sera væl alment kent. Bert eitt dømi um hetta er fylgjandi yvirskrift hjá Jan Højgaard í fjølmiðlunum: Reiðarafelagið fyri Farmaskip lýgur: Ongin veruligur sátt­ máli við Ísland At henda yvirskriftin í hvussu er ivasom sæst við at fara inn á heimasíðuna hjá Sjómannafelag Íslands www.sjomenn.is har teir í tveim­um tíðindastubbum greitt siga seg hava gjørt “kjara­ samning”, t.v.s. lønarsáttmála, fyri íslendsku manningini á Norrønu. Hetta er avgjørt ikki nøkur váttan um at RFF lýgur, heldur er tað hinvegin. Hetta man vera enn ein váttan um tað longu kenda trúvirðið hjá Jan Højgaard. Hvat við at hugsa um føroyingar? Norrøna er framvegis eitt stórt arbeiðspláss fyri før­ oyingar, eisini hjá limum í FF. Men stóð tað til formannin, so var Norrøna við dags varsil løgd á heysti 2008 við tapi av hesum arbeiðsplássum. Umsorganin fyri føroysku limunum umborð hevur ver­ ið stak vánalig. Í 2008 varð gjørd ein broyting í skatt­ing­ ina av manning á FAS skip­um. Hetta merkti, at skatt­ur­in fór niður á teimum høgu inn­ tøk­un­um, meðan skatturin fór mun­andi upp á teimum lágu inn­tøkunum og mest á teimum lægstu, og tað eru hesi, sjó­manna­deild FFs um­ boðar. Tá var ikki rættur ein fingur fyri at verja egnar lim­ ur móti hesum reella lønar­ niðurskurði! Trý feløg stóðu stinn Tey trý feløgini, sum kort­ ini vóru við Norrønu á ferð­ini 16. mai, lótu seg ikki syfta. Tey hava uppiborið viðurkenning fyri, at tey ikki lótu seg diktera av slíkum niðurbrótandi kreftum. Eg eri fegin um kunna geva mítt lítla íkast til, at stuðla Norrønu. Skal eisini nýta høvið at takka øllum teimum fleiri hundrað fólkum, sum eg havi verið saman við á frálíkum túrum til Íslands. Vil eisini takka Smyril Line fyri, at teir geva fólki møguleika fyri slíkum upplivingum eins og teir møguleikar til dømis barnafamiljur hava fyri at fáa bíligar ferðir. Jógvan á Lakjuni tingmaður Savnsmynd Savnsmynd