mikudagur 8. juni 2011síða 6

Mikudagur 8. juni 2011 · Nr. 66 6 Sosialurin Leo Poulsen Nú er trupulleikin við útláti frá olju í maskinrúmum loyst­ur. Tað er ein føroyskt ment olju­skiljara­loysn, ið tekur sær av trupulleikanum. Tað er væl kent umborð á skipi, at maskinmenninir ofta dragast við høvuðpínu or­sak­að av dampinum frá olju­ni, sum altíð sivar niður í kjølin, har tað ikki slepst eft­ ir henni. - Eitt slag av trans­port­ bandið gongur niður í kjølin, og so stendur tað og koyrir spakuliga. Á trans­port­ bandinum er eitt slag av máttu, sum sýg­ur oljuna upp, ið síðani verð­ur kroyst úr mátt­u­ni aft­ur, greiðir Conrad Gaard Joen­sen, rakstr­ar­ leiðari á Strand­ferðslu­ni frá. Í dag verða skip mestsum ikki smíðað við kjøli meira, men eru flatbotnað, so har upp­stendur trupulleikin við kjøl­vatni ikki. Manningin umborð á Strand­fara­skipunum letur stak væl at skipanini. - Umhvørvið er eitt heilt annað at koma í. Eing­in oljudeymur er í maskin­rúmi­ num, og tú kennir tegn ógv betri, siga maskinmenninir um­borð á Ternuni. Sum nevnt hava Sam og Tern­an roynt skipanina í eina tíð, og hon hevur virkað heilt eftir ætlan. Umborð á Mærsk Tað er maskinmeistarin, Kaj Joensen úr Vági, og maskin­ verk­frøð­ingurin, Napoleon Dan­berg, ið arbeiða við olju­ út­skiljar­unum. Tað var Kaj Joensen, sum fyri fimm árum síðani byrj­ aði at menna skipanina. - Tað hevur verið broytt og justerað »hen ad vejen«, men nú haldi eg, at skipanin er fult ment, sigur Kaj Joen­ sen. Higartil verður skipanin roynd­ar­koyrd umborð á 11-12 skip­um, harímillum einum farma­skipi hjá Mærsk. - Afturmeldingin hevur verið ógvuliga positiv, men eitt nú Mærsk hevur verið tungt at dansa við. Tað vísir seg, at størri reiðaríini eru, tyngri eru tey at fáast við, sig­ur Kaj Joensen. Hinvegin sigur hann, at nú Mærsk hevr roynt skipan­ ina umborð á einum av sín­ um skipum í eitt ár, hava teir gjørt av at taka hana umborð á eitt skip aftrat. - Fáa vit fótin innum hjá Mærsk, kann tað merkja ar­ beiði í fleiri ár fram í tíðina, sig­ur Kaj Joensen. Týðandi test Oljuútskiljarin hevur verið til eina test umborð á Tjaldri­ num. - Vit testaðu alt frá dieselolju til tungolju, og virð­ini vóru væl undir há­ marki­num. Vit komu heilt nið­ur á 3 ppm (parts per million), og tað er sum nevnt væl undir markinum, sigur Kaj Joensen. Tað er Norsk Veritas, sum hev­ur kravt hesa testina, sum kann gerast avgerandi fyri møguleikarnar við olju­ út­skiljara­num. - Vit hava havt følarar úti í Noregi, men tað er trupult at koma inn á tann marknaðin. Hin­vegin hava vit ikki nakað rætti­ligt sølulið enn, men ver­ð­ur úrslitið av testini so gott, sum vit vænta og vóna, kann ferð koma á innan stutta tíð, sigur Kaj Joensen. Komandi mánaðirnar skulu teir seta oljuútskiljarar um­borð á 4-5 skip aftrat. - Tað hevur ikki rættiliga ver­ið tíð at fingið eitt sølulið upp at standa enn, men vit hava fingið patentið góðkent í eini 10 londum í Europa. So seint sum í morgun hava vit fing­ið boð um, at Holland, Frakland og Ongland hava góð­kent patentið. Vit hava eisini søkt um góðkenning í USA, Kina og Japan, men har hava vit ikki fingið svar enn, sigur Kaj Joensen. Hálvt ár Sum nevnt hevur tað stóran týdn­ing, um Mærsk veruliga tek­ur skipanina til sín. Men at teir velja at seta hana í enn eitt skip hjá reiðarínum kun­ di bent á tað borðið. - Mærsk saman við úrs­ liti­num av testini fara at ha­va stóra ávirkan á møgu­ leik­ar­nar at selja skipanina. Men verður testin nøktandi fyri Norsk Veritas, kunnu vit verða klárir at fara undir veru­ligt søluarbeiði innan hálvt ár, metir Kaj Joensen. Hann nevnir eisini, at eitt av meira spennandi skip­ u­num, sum roynir olju­út­ skiljara­skipanina er Norð­ borg. - Eisini har hava vit fingið posi­tivar afturmeldingar, so vónandi fer fimm ára ar­ beiði nú veruliga at bera frukt, sigur Kaj Joensen, sum eisini við hepnari hond hev­ ur ment eitt annað til váta elementið, nevniliga svimjar­ an Pál Joensen, sum hann er pápi at. Føroyskur oljuútskiljari stór suksé Millum onnur strandfaraskipini Sam og Ternan hava í eina tíð roynt føroyska oljuskiljaran, sum heldur kjølvatnið púra reint, við sera góðum úrsliti Oljuútskiljarin er royndur umborð á fleiri skipum í longri tíð, millum annað umborð á Ternuni, har hendan myndin er tikin Mynd: Álvur Haraldsen Oljuútskiljarin virkar sum eitt transportband, sum koyrir spakuliga alla tíðina Tað er Kaj Joensen, sum eigur hugskotið til nýggju oljuútskiljaraskipanina Mynd: Jens Kristian Vang