mikudagur 8. juni 2011síða 16

Mikudagur 8. juni 2011 · Nr. 66 16 Sosialurin Ítróttur Tróndur Arge Svangaskarður, Toftir Tað ber væl til og tað prógvaðu før­ oysku leikararnir eisini gjár. Vit vóru enn eina ferð minst líka góðir sum mótstøðan, um ikki betri, og hesa ferð koppaðu avgerandi støður­nar eisini til okkara fyrimun. Vit fingu mál, tá vit høvdu mest brúk fyri tí og í hinum endanum stóð Jákup Mikkelsen væl. Tað sær ikki so álvarsligt út, tá dómarin brádliga peikar á brots­ sparksblettin eftir horna. Onkur er skjótur á fótum, meðan onnur hugsa at tað helst er bríkslað fyri frísparki til Estland. Men finski dómarin er ikki iva, hann tekur eisini ostaflísuna úr lummanum. Brotsspark til Føroyar og Fróði Benjaminsen er ikki í iva: – Dómarin segði stutt undan horna­sparkinum, at vit ikki skuldu halda í hvørjum øðrum. Hesin heldur mær allan vegin, so brots­spark er tað, sigur Fróði Benjaminsen, sum sjálvur skorar upp á brotssparkið. Vit megna at halda leiðsluna til hálvleiks, men seinni hálvleikur er bara ein minuttir gamal, tá røringur í B68 húsinum. Fólk eru í holt við at gera seg klár at fara út til seinna hálvleiki, tá onkur rópar at nú er brotsspark aftur. Fólk drøna út har sum best ber til fyri at síggja um tað veruliga er satt – brotsspark til Føroyar á øðrum sinni! – Eg hugsaði, at nú fór mál­ mað­urin sikkurt at tveit seg í hina síðuna og faktist sá eg at hann fór handan vegin, men náddi ikki at umbestemma meg. Tí bleiv brots­ sparkið eisini so vánaligt, men eitt gott upplegg til Arnbjørn Hansen, sigur ein smílandi Fróði Benjaminsen eftir dystin. Arnbjørn Hansen var fyrstu á leysa bóltinum, eftir at málmaðurin hevði bjargað brotssparkinum frá Fróða Benjaminsen. «Um Fróði Benjaminsen sigur, at hatta var eitt upplegg til mín, so passar tað«, sigur ein somuleiðis smílandi Arnbjørn Hansen eftir dystin. Hetta er annað málið hjá honum á landsliðnum, hitt skoraði hann í sigrinum á Litava. Estar koma til nakar góðar støður í seinna hálvleiki, men bara eina ferð eru orduliga boð eftir Jákupi Mikkelsen, sum stór bjargar. – Hatta er tí eg valdi Jákup Mikkelsen, eru fyrsti orðini hjá Brian Kerr, tá Miðlahúsið tosar við hann eftir dystin. Avgerðin at lata Jákup Mikkelsen spæla í dystinum móti Slovenia hevur verið upp til kjak, tí hann fekk ikki skoti málspark orsaka av skaða. – Jákup Mikkelsen ger eina fantastiska bjarging í evstu løtu og spælur ein frálíka dyst, leggur landsliðsvenjarin afturat. Seinast taptu vit móti Estlandi í yvirtíðini, eftir at hava verið á odda líka til vanliga leiktíðin er farin. Tí tordi ongin at taka nakað fyri givið fyrr enn dómarin bríkslaði fyri seinastu ferð. – Sjálvandi hugsaði tú um fyrra dystin millum liðini og at tað skuldi bara iki henda aftur, sigur Fróði Benjaminsen, men leggur afturat, a-landsliðið Fantastiskt Fótbóltur So gjørdu vit tað aftur! Eitt megnar avrik, eitt sindur av hepni og ikki minst ein dyggur stuðul frá føroysku viðhaldsfólkunum vóru í gjár við til, at Føroyar vunnu 2-0 á Estlandi á Svangaskarði. Við málum frá Fróða Benjaminsen og Arnbjørn Hansen fingu vit hevnt tapið í Estlandi, tá teir stólu sigurin frá okkum í evstu løtu – takk fyri seinast Estland! 1-0 Fróði Benjaminsen sendir Føroyar á odda 1-0 Mynd: Álvur Haraldsen 2-0 Arnbjørn T. Hansen er skjótur at fylgja upp, og so er 2-0 til Føroyar Mynd: Álvur Haraldsen