mikudagur 15. juni 2011síða 23

23 Mikudagur 15. juni 2011 · Nr. 68 Sosialurin Sundalagsstevna sína brúgv 250 metrar av brúgv og gøtu Vilmund Jacobsen Seinasta leygardag vóru einir 15 mans savnaðir við nýggju brúnna niðast við ósan í Hósvík. Dagurin byrjaði við, at menninir løgdu seinastu hond á brúnna og tað arbeiði, sum her er gjørt, men teir lótu ikki dagin fara aftur um við ongum, nú arbeiðið er undir landi. Sum dagurin leið grillaðu teir og leskaðu sær á okkurt svalandi í góða veðrinum, sum var hendan dagin. Kvøldið var seint, áðrenn seinastu menninir fóru til hús. Tríggjar fyritøkur í økinum, Thor, Krás og Renovent og SMS í Havn stuðlaðu við at lata ymiskt til dagin og kvøldið. Martin Sømark sigur, at hetta gjørdist ein sera hugnaligur dag­ ur og eitt hugnaligt kvøld. – Hýrurin á monnum var góður, nú vit endiliga kundu siga, at verkætlanin, sum vit hava brent so nógv fyri, er fullførd. Eldri kvinnur Martin Sømark sigur, at sjálv brúgvin liggur um 23 metrar til longdar, og síðan eru gøtur báðu megin brúnna, sum tilsamans eru einar 230 metrar langar. – Hetta merkir, at samlaða verk­ætlanin snýr um gøtur og brúgv á einar 250 metrar til­ samans. Ljós eru allan vegin eftir gøtuni og brúnni. Martin veit at siga, at kom­andi leygardag klokkan 12, tá sunda­ lagsstevna er í Hósvík, verða snór­ar kliptir, sum lata gøtuna og brúnna alment upp. – Tá koma tríggjar eldri ella gamlar konur oman á økið og fara at klippa snórar í sambandi við almennu upplatingina. Martin Sømark sigur, at hetta eru konur, sum gjøgnum árini hava gingið nógv, og tí eru tær peikaðar út til at klippa snórar. Fólk eru glað – Eg haldi, at nú brúgvin er bygd sum sambindingarliður dygst við sjóvarmálan, er Hósvíkin vorð­in nógv størri. Nú fáa fólk veru­liga ”ágóðan” av bygdini, tí nú kann gangast allan vegin fram við sjóvarmálanum, sam­ stund­is sum tú sært niðan á bygd­ina. Áður kundi tú ganga oman í kappróðrarneystið – ella oman í bátahylin, men tú kundi ikki ganga allan vegin fram við sjóvarmálanum og njóta náttúr­ una, sum har er, eins og tú ikki á sama hátt sást bygdina úr hesum sjónarhorni. Vit vænta, at nógv fólk fara at leita sær oman og fara at njóta henda túrin, sum tíðin gongur. Martin Sømark sigur, at hann er ógvuliga fegin um at hugskotið, sum hann fekk longu, tá hann og familjan fluttu til bygdar í 1996, nú er veruleiki. – Okkara børn eru nú 18, 15 og 8 ára gomul, so tað verða ikki tey, sum verða koyrd gjøgnum bygdina, eftir gøtuni og eftir brúnni í barnavogni, men nú verð­ur tað helst sum abbi, at tú fert at gera onkran slíkan túrin, tá tann tíðin kemur, sigur ein fegin, Martin Sømark, brosandi. vilmund@sosialurin.fo Brúgvin, sum nú er bindilið um ánna og ósan í Hósvík, er umleið 23 metrar long. Haraftat eru gøturnar báðu megin brúnna umleið 230 metrar langar. Leygardagin á middegi fara tríggjar eldri konur í Hósvík at klippa snórar Leygardagin á middegi koma tríggjar eldri ella gamlar konur oman á økið og fara at klippa snórar í sambandi við almennu upplatingina – Nú fáa fólk veruliga ”ágóðan” av bygdini, tí nú kunnu fólk ganga allan vegin fram við sjóvarmálanum og síggja niðan á bygdina úr einum øðrum sjónarhorni, sigur Martin Sømark Mynd: Jens Kristian Vang Tað tók sína tíð, men nú er hon liðug – brúgvin, sum bindir saman økini báðu megin ánna og ósan, og gøturnar báðu megin eru eisini lidnar Mynd: Jens Kristian Vang Martin Sømark hevur verið ein rættiligur primus motorur at binda niðara part av Hósvíkini saman, so gangast kann av økinum við kappróðrarneystið og heilt yvir í bátahylin Nógv beinasemi Martin sigur, at ein stórur partur av arbeiðnum er gjørt sjálvboðið, og eisini eydnaðist teimum at læna maskinur í økinum, so stólparnir kundu trýstast langt niður í lendið. Stólparnir undir brúnni standa nevniliga niðri á umleið tveimum metrum. Onkur minni dumpari fekst eisini til láns, so sigast má, at fólk og arbeiðstakarar hava verið ógvuliga beinasom, eins og fleiri av teimum, sum sótu í arbeiðs­ bólkinum, hava brúkt nógva tíð upp á hesa verkætlan. Av arbeiðs­ takarum, eru tað serliga Sunleif Olsen í Hósvík og Arcticon, sum hava hjálpt væl til við at læna maskin­ur. SEV hevur sum nevnt eisini latið pelarnar, eins og el­ felagið eisini hevur latið tilfar frá tunnils­verkætlanini niðan fyri Norð­skálatunnilin ókeypis. Her er bara goldið fyri koyring. – Tað, sum nú er eftir at gera, er, at stólparnir, sum standa niður í ánna, mugu klaðast við kopari, tí um vetrarnar er frost, og ofta rekur nógvur ísur oman gjøgnum ánna. Ikki kostnaðarmikið Martin sigur, at Sunda kommuna hevur verið beinasom og hevur hjálpt væl til at borið ætlanina, men við tað, at nógv sjálvboðið arbeiðið eisini liggur aftanfyri, er hetta ikki nøkur kostnaðarmikil verkætlan í peningi. – Eg vil siga, at hetta hevur tikið sína tíð frá tí, at ætlanin búnaðist í 1996, til endalig umsókn varð send Sunda kommunu í apríl í 2009, men nú er arbeiðið so gott sum liðugt, og eg haldi, at fólk eru sera fegin um tað, sum er gjørt, sigur Martin Sømark, ið veruliga hevur verið primus motorur fyri verkætlanini at binda økini báðu megin ánna og ósan í Hósvík saman. vilmund@sosialurin.fo