mikudagur 15. juni 2011síða 37

37 Mikudagur 15. juni 2011 · Nr. 68 Sosialurin Ítróttur Tróndur Arge B36 var bara ein lítlan minutt frá at fáa øll trý stigini í Fuglafirði leygardagin, men í evstu løtu spilti Bartal Eliasen B36 ballið. B36 kom á odda í fyrra hálvleiki við máli frá ongum minni enn John Hansen. 22-ára gamli stríðsmaðurin á mið­ vøllinum hjá B36 hevur seinastu tvey árini spælt á Argjum. Hann hevur fingið rós fyri síni avrik á vøll­ inum higartil í ár og nú eydnaðist tað honum eisini at skjóta mál. Nýggir venjarar hjá ÍF eru Símun Eliasen og Rúni Nolsøe. Símun Eliasen segði í samrøðu við 3.Hálvleik eftir dystin, at teir hava arbeitt nógv við málskjótingini og tí framrættaða spælinum. Teir royndu millum annað at spæla við Høgna Zachariasen, sum annars hevur verið miðverji í ár, í álopnum. Útjavnandi málið hjá ÍF kom ikki fyrr enn seint í dystinum, tá Bartal Eliasen skoraði fyri ÍF, sum nú liggur undir niðurflytingrstrikuni. Avbjóðarar spældu javnt Vinnarin av eystanstevnu dystinum millum NSÍ og EB/Streymi kom at liggja væl fyri til at bjóða B36 av um gullið. Tí var tað kanska ikki so undarligt, at tá saman um kom, so endaði tað við javnleiki. Dagsins eystan­stevnu-leikari gjørdist Klæmint Olsen, sum skoraði bæði málini fyri heimaliðið. Klæmint Olsen hevur skotið níggju mál í lands­kappingini og tað er meir enn nakar annar. Klæmint legði NSÍ á odda tá seinni hálvleikur var sjey minuttir gamal. Løtu seinni hevði ein annar málslúkur ein gyltan møguleika at javna fyri gestirnar, tá dómarin bríkslaði fyri brotssparki. Arnbjørn Hansen, sum skoraði móti Estlandi í landsdystinum á Svangaskarði, brendi. Tá tjúgu minuttir vóru eftir av dystinum, javnaði Hans Pauli Samuelsen fyri gestirnar. Bara fýra min­uttir seinni legði innskifti Alex dos Santos EB/Streym á odda. Klæmint Olsen bjargaði eitt sindur av eystan­stevnuni við máli sjey min­uttir fyri tíð. Í løtuni skorar Klæmint eitt mál fyri hvørjar 85 minuttir hann er á vøllinum, sam­ bært tølum hjá faroesoccer.com. HB nærkast kreppu Fleiri vilja verða við, at HB longu er í kreppu, meðan onnur enn geva teimum ein møguleika at rætta upp á støðuna áðrenn summarferian kem­ur. Ein av bjargingarætlaninum var at fáa fult í trimum uppgerðum móti KÍ og B68 í Gundadali og B71 á Sandi. Hevði HB megnað at fylt tí ætl­anini, so vóru teir ájavnt NSÍ á fjórða plássi og helst hevði kreppu tosið verið minni enn tað er í dag. Tí enn eina ferð megnaði HB ikki at fáa fult í Gundadali, tá B68 var á vitjan leygardagin. HB var greitt omaná í fyrra hálvleiki og var á odda við tveimum. Men í seinna hálvleiki missa FM vinnarnir frá í fjør takið og B68 javnar. Sjey minuttir fyri tíð leggur Rógvi Poulsen HB á odda, men alíkavæl megna teir ikki at halda fast um leiðsluna og tríggjar min­uttir fyri tíð er brotsspark til B68, sum Andre Olsen skorar uppá. Hans á Lag er komin við aftur fyri at styrkja verjupartin, Vagnur M. Mortensen er tøkur aftur og Andrew av Fløtum spælur ein heilan dyst. HB byrjar so smátt at renna undan í umberingum. Seinastu tveir dystirnir undan summarsteðginum eru móti EB/Streymi og B36. B68 hevur hinvegin leitað sær vekk frá niður­flytingarstríðnum og hevur ikki tapt í fimm dystum. Jóhan Nielsen effektin Høvdu klaksvíkingar hug at flúgva høgt eftir sigrarnir móti HB og ÍF, so blivu teir settir orduliga upp á pláss leygarkvøldið. 07 Vestur kom norð við níggjum venjara, har fleiri leikarar høvdu víst ónøgt við venjara­skiftið, umframt at liðið er í steypa­kappingini. So hetta var av álvara dagurin, har KÍ skuldi slíta seg leyst frá øllum sum eitur niður­ flytingartos, men so væl spælir klaverið bara ikki. Fyrst legði Jovan Panic 07 Vestur á odda tíðliga í seinna hálvleiki. Tjúgu minuttir fyri tíð javnaði Henry Heinesen fyri KÍ, men bara sjey minuttir fyri tíð tryggjaði Tór- Ingar Akselsen 07 Vestur og Jóhan Nielsen ein týdningarmiklan sigur. Umframt at hetta var fyrsti sigurin hjá Jóhan Nielsen í nýggja starv­ inum, so merkir sigurin eisini, at 07 Vestur nú er røttumegin niður­ flytingarstrikuna. Víkingur mundi mist Tá seinni hálvleikur var ein minutt gamal var Víkingur á odda 3-0 og ongin var í iva – Víkingur vinnur stórsigur og B71 hevur einki at gera í bestudeildini. 46 minuttir seinni var umreppi, at B71 málmaðurin, Símun Rógvi Hansen, stútaði bóltin í mál til 3-3 og B71 hevði prógvað at teir hava nakað at gera í bestudeildini! Víkingur byrjaði væl og longu eftir níggju minuttir legði Finnur Justinusen Víking á odda. Góðar tíggju minuttir seinni økti sami Finnur Justinusen til 2-0. Restina av fyrra hálvleiki høvdu bæði liðini góð­ar møguleikar. Nærmast kom B71, tá bólturin brast í tvørstongina. Seinni hálvleikur var bara ein minut gamal, tá Søvi Vatnhamar økti til 3-0. Eftir hetta kom B71 fyri seg og um miðjan seinna hálvleiki minkaði Thomas Hans Rubeksen um munin við brotssparki. Tjúgu minuttir fyri tíð kom spenningur í, tá Bojan Zivic skoraði eftir horna. Í tíðini, sum dómarin hevði lagt afturat fekk B71 aftur horna og hevði Símun Rógvi fingið meiri ferð á stút­arin hjá sær, so hevði B71 væl kunna fingið eitt minniligt stig við sær heim úr Gøtu. trondur@sosialurin.fo Vikingur bjóðar B36 av Vodafonedeildin Oddaliðið úr Havn misti sigurin í evstu løtu í Fuglafirði. Í Runavík endaði javnt millum avbjóðarnir, NSÍ og EB/Streym. Tí gjørdist Víkingur einsamalt lið í ovaru hálvu at vinna í hesum umfarinum, sum eisini bjóðaði upp á ein 07 Vestur sigur í Klaksvík Rangstøða? B36 leikararnir og sikkurt flest allir fuglfirðingar við, hildu talan vera um rangstøðu, tá Bartal Eliasen javnaði fyri ÍF í evstu løtu. Málskjúttin sjálvur var ikki rangstaddur, men viðleikarar hjá honum, ið vóru rangstaddir, tóktust eisini fara eftir bóltinum í støðuni, eins og linjudómarin yvaist og hevði flaggið hálvavegna uppi Mynd: Álvur Haraldsen Fyrrverandi B71 leikarin, Símin Hansen, og Víkingur vunnu tepurt á sandoyingum Mynd: Álvur Haraldsen