mikudagur 22. juni 2011síða 7

7 Mikudagur 22. juni 2011 · Nr. 71 Sosialurin Kári stendur einsamallur Landsnevndin og hin tingmaðurin fyri Sjálvstýrisflokkin taja staðiliga frástøðu frá bersøgnu útsøgnini hjá floksformanninum um Lars Løkke Rasmussen, forsætisráðharra. - Vit hava sagt Kára á Rógvi, at hetta skal ikki henda aftur, samstundis sum vit hava álit á, at hann er best egnaður sum formaður, sigur landsnevndarformaðurin Uni Holm Johannesen Tá Kári á Rógvi rópar danska forsætismálaráðharran fyri eitt r-hol og eitt bak­beist, er tað ikki við vælsignilsi frá landsnevnd Sjálvstýris­floks­ ins. Tað sigur Jan Asbjørnson Joensen, landsnevndar­for­ mað­ur. – Hann tók munnin ov fullan. Hatta eru hansara orð, og landsnevndin tekur sjálvsagt staðiliga frástøðu frá hasum útsagnunum. Tað er ikki rætt av Kára á Rógvi at rópa forsætisráðharran fyri eitt r-hol. Tað hevur Kári á Rógvi eisini fingið greitt at vita frá okkum, sigur hann. Kári P. Højgaard, sum er hin tingmaðurin fyri Sjálv­ stýrisflokkin, ger eisini púra greitt, at hann tekur ikki undir við sínum formanni í hesum føri. – Meira havi eg ikki at siga, sigur Kári P. Højgaard. Landsnevndin viðgjørdi ber­søgnu umtaluna av Lars Lars Rasmussen, forsætis­ ráðharra, á landsnevndar­ fundi mánakvøldið. Tá var greiða niðurstøðan, at sjón­ armiðið hjá Kára á Rógvi er ikki sjónarmiðið hjá flokki­ num – men bara hjá Kára á Rógvi. Hava álit á Kára Formaðurin í Sjálvstýris­ flokki­num verður ofta skírd­ ur sum gløggi og arroganti løgfrøðingurin. Sum aka­ dem­ikarin, sum tilvitað tosar niður á onnur. Ákærurnar heglaðu oman yvir Kára á Rógvi, tá hann hartaði ein løgfrøðing í um­ sitingini fyri at hava verið ov óformell, tí løgfrøðingurin byrjaði ein teldupost við at skriva »Hey Kári«. Innihaldið var niðurlátandi boð um, at tingmaðurin kundi ikki orða seg sum hann ætlaði í ávísum tingmáli. Kári á Rógvi leyp eisini fram av í sinnimuni í februar, tá hann sendi einum týskum fanatiskum um­ hvørvis­aktivisti ein teldupost um Holocaust. Hann viðgekk alment, at tað var skeivt at svara aftur við Holocaust. Jan Asbjørnson Joensen staðfestir, at bersøgna um­ røðan av Lars Løkke Ras­mus­ sen fær heldur ikki av­leið­ ingar fyri Kára á Rógvi. Hann ger púra greitt, at lands­ nevndin hevur álit á floks­ formanninum. – Tað er ikki landsnevndin, sum ger av, hvør skal vera formaður. Hann verður bein­ leiðis valdur á aðalfundinum. Vit hava sagt Kára á Rógvi, at hetta skal ikki henda aftur, samstundis sum vit hava álit á, at hann er best egnaður sum formaður. Landsnevndin hevur heldur ikki frætt frá fólki kring flokkin, at tey vilja hava, at hetta skal fáa størri avleiðingar fyri for­ mannin enn eina harðliga átalu, sigur Jan Asbjørnson Joensen, landsnevndar­for­ maður. Tað vil siga, at lands­ nevnd­in tekur frástøðu frá umtaluni av Lars Løkke Rasmussen, men hevur álit á formanninum? – Ja, og har endar hetta málið fyri okkara viðkom­ andi, sigur hann. Tað er ásett í viðtøkun­um, at formaðurin í Sjálvs­týris­ flokkinum skal vera løgtings­ umboð ella landsstýrisumboð fyri flokkin. Tað eru sostatt bara tvey formansevni í flokkinum í løtuni; Kári á Rógvi og Kári P. Højgaard. »Landsnevndin hevur heldur ikki frætt frá fólki kring flokkin, at tey vilja hava, at hetta skal fáa størri avleiðingar fyri formannin enn eina harðliga átalu« – Jan Asbjørnson Joensen, landsnevndarformaður »Bara so ongin ivi skal vera, so stendur R-hol fyri ríkisfelagsskapshol, akkurát sum við R-frádrátti.« – Kári á Rógvi Soleiðis skrivaði hann um Lars Løkke Tað var á Facebook, at Kári á Rógvi skrivaði sína hjartans meining um forsætisráðharran. Formaðurin í Sjálvstýrisflokkinum skrivar soleiðis á Facebook tann 10. juni: »Ynk, ynk, ynk. Hasin forsætisráðharrin er tann visaligasti nakrantíð. Hevur lisið løgfrøði, men seinast hann var heima, hevði hann ikki lisið grein mína í Juristen um stjórnarskipan okkara; hesuferð bíðar hann eftir 'en udredning', áðrenn hann kann viðmæla WTO limaskapi. Eitt R-hol, sum krógvar seg handan formalitetir og frøðingar. Ynk, ynk, ynk.« Kári á Rógvi skrivar soleiðis um forsætisráðharran tann 14. juni: »Maðurin er bakbeist; fari ikki siga annað; kann ikki lúgva, bara tí eg siti á Tingi. Hansara diplomati er 'gun boat diplomacy' og hann far aftur av somu skuffu. Umframt ringt fólk er hann so eisini bæði vánaligur fakmaður og vánaligur leiðari, á veg út úr politikk, tíbetur.« Dagin eftir, tann 15. juni, skrivar hann soleiðis: »Stuttligt kortini. Forsætisráðharri Danmarkar er juristur, men lesur ikki Juristen. Hann er politikari, men kann ikki taka støðu politiskt til føroyskan WTO limaskap, í staðin skal hann spyrja juristar, um tað er 'lov' (Føroyar eru longu limur í norðurlendsku skattauniónini og WTO er fyri stjórnir ikki statir); hann er pro-ríkisfelagsskapin men virðiir ikki, at stýrisskipan var yvirtikin sum sermál eftir heimastýrislógini í 1948. Men harmast fólk? At Kári kanska hevur gjørt hann keddan! Álvaratos, maðurin óhøviskur, ódugnaligur og óegnaður; tann fíni sessurin eigur at seta honum krøv, ikki geva honum óuppiborna virðing.« Kári á Rógvi heldur fram seinni um kvøldið: »Sum eg fyrr havi skrivað her á facebook: einasti mátin at fáa føroysku bløðini at viðgera politik(arar) er at kalla onkran r-hol - prógvið er at síggja á www. sjalvstyri.fo undir tíðindi. « Og: »Bara so ongin ivi skal vera, so stendur R-hol fyri ríkisfelagsskapshol, akkurát sum við R-frádrátti.« Tað er ikki rætt av Kára á Rógvi at rópa forsætisráðharran fyri eitt r-hol. Tað hevur Kári á Rógvi eisini fingið greitt at vita frá okkum, sigur landsnevndarformaðurin