fríggjadagur 1. juli 2011síða 10

Fríggjadagur 1. juli 2011 · Nr. 75 10 Sosialurin Ítróttur FIFA-listin Fótbóltssambandið hev­ ur kravt FIFA eftir eini frá­greið­ing, har tey fáa útrokningarnar fyri stigini hjá bæði Wales og Føroyum útgreinaðar. – Vit hava eisini roknað upp á úrslitini og koma fram til, at Føroyar eru frammanfyri Wales, sigur Virgar Hvidbro, aðalskrivari. Virgar Hvidbro er aðalskrivari í Fótbóltssambandið Føroya. Hann hevur bíðað við spenningi eftir at FIFA kunngjørdi styrkislistan – ikki minst tí, at listin hjá football- ranking.info setti Føroyar omanfyri Wales, tí Føroyar hava vunnið sær 0,0691559 stig fleiri eftir teirra út­ rokningum. – Vit hava eisini roknað upp á tað sjálvi. Vit koma ikki heilt sama úrs­lit, men okkara útrokningar seta eisini Føroyar omanfyri Wales, for­ telur aðalskrivarin. FIFA kunngjørdi sín styrkislista mikudagin. Har vóru bæði Wales og Føroyar nummar 114, men Wales var sett omanfyri. Á sama lista, men har bara verður hugt eftir evropeisku londunum, stendur Wales at vera nummar 45 og Føroyar 46. Tá Virgar Hvidbro sá hetta setti hann seg beinavegin í samband við FIFA, sum kravdi at fáa fyri­ spurn­ingin skrivliga. Hetta hava tey fingið, og nú verður bíðað eftir boðum frá høvuðssætinum í Zurich í Sveits. – Tey brúka altíð nakað av tíð at viðgera slík mál, men vit kunnu ikki bíða ov leingi, ger Virgar Hvidbro greitt. Hann staðfestir eisini, at tey ynskja at fáa allar útrokningar klár­ lagtar, soleiðis at einki ivamál er. Tískil hevur Fótbóltssambandið eisini sett seg í samband við fólkini handan football-ranking.info, fyri at fáa útgreinað, hvussu tey koma fram til síni úrslit, sum seta Føroyar omanfyri Wales. Ákæra ikki FIFA Fleiri atfinningarsamar røddir hava ført fram, at nýggi listin er enn ein staðfesting av, hvussu kurrupt al­ tjóða fótbóltssambandið er. Hetta siga fólk, sum Miðlahúsið hevur tosað við og somu boð hava tey fing­ið í Fótbóltssambandinum. Ákærurnar siga millum annað, at í kjalarvørrinum av øllum gøl­ unum, sum BBC-journalisturin Andrew Jennings hevur avdúkað, so hev­ur tað lítið upp á seg hjá FIFA at flyta Føroyar eitt pláss niður á list­anum. – Vit ynskja at fáa alt klárlagt í hesum málinum. Men vit fara ikki at ákæra nakran fyri nakað sum helst, áðrenn vit hava fingið út­grein­ingarnar frá FIFA og hava tikið støðu til tað, sigur Virgar Hvidbro, aðalskrivari hjá Fótbólts­ sam­bandinum. rolant@sosialurin.fo fifa-listin Rólant Waag Dam Vit fluttu 22 pláss upp. Vit struku framvið londum sum Luksemburg, Liktinstein og Ísland og upp undir liðina á Wales. Føroyar og Wales býta sama sess, nummar 114, á styrkislistanum, hvørs almenna navn er FIFA/Coca- Cola World Ranking. Bæði við 273 stigum. FIFA hevur tó valt at seta Wales omanfyri Føroyar. Hyggja vit eftir sama lista, men bara fyri evropeisku londini, hevur FIFA sett Wales sum nummar 45 og Føroyar nummar 46, hóast stigatali er tað sama. Hetta er at undrast yvir! Spurningurin er tí, hvussu tað ber til, at FIFA hevur sett Wales omanfyri Føroyar á hesum lista? Bókstavaraðið er í øllum førum ikki brúkt, tí F kemur flestum kunnugt áðrenn W. Ein frágreiðing kundi verið, at av tí, at Wales lá omanfyri, tá FIFA gjørdi styrkislistan fyri mai og tískil liggur omanfyri, nú liðini liggja ájøvn í stigum. Hetta er tó ikki ein regla, sum er galdandi, og í februar finna vit dømi um hetta. Tá vóru Costa Rica og Tunis ájøvn í stigum og lógu nummar 48, men Costa Rica var fyrrnevnda liðið. Hyggja vit so at listanum fyri januar, so var Tunis nummar 44 og Costa Rica nummar 69. So­ statt ber tað til hjá einum landi at enda frammanfyri annað land á list­anum, tá stigatalið er tað sama, hóast landið var aftanfyri á sein­ asta styrkislistanum. Tað kann illa merkja annað, at FIFA brúkar desimalar eins og í van­ligari rokning og tað ger støð­ una hjá føroyska landsliðnum upp aftur meiri áhugaverda. Plaga at raka rætt Heimasíðan football-rankings.info ger eins og FIFA ein styrkislista. Tey brúka sama leist sum FIFA ger, men síggja ein heiður í at kunngera úrslitini nakrar dagar áðrenn FIFA kunn­ger almenna styrkislistan. Talan er um ein óalmennan lista, sum kortini verður nógv brúktur av al­tjóða fjølmiðlum. Í Miðlahúsinum vita vit ikki um, at útrokningarnar hjá football-rankings.info ikki hava rakt blett, og tað er eisini ein av orsøk­unum til, at viðurkendir miðl­ ar eisini brúka listan. Hesaferð hevur football- rankings.info tó gjørt eitt øðrvísi enn FIFA hevur. Føroyar liggja nevn­iliga omanfyri Wales á list­ anum, og tað grunda tey á desi­ malar. Teirra útrokningar vilja vera við, at Føroyar hava 273,4821429 stig meðan Wales hevur 273,412987. Tað vil siga, at Føroyar eru 0,0691559 stig betri enn Wales. Siga útrokningarnar hjá FIFA tað sama, so verða tað altso 0,0691559 stig, sum seta Føroyar omanfyri Wales og harvið eisini í hægri styrkis­bólk. Siga útrokningarnar hjá FIFA nakað annað, sum okkurt bendir á, síðani Wales liggur oman­ fyri Føroyar á FIFA/Coca-Cola World Ranking, so verða vit verð­ andi í veikasta styrkisbólkinum hjá FIFA. rolant@sosialurin.fo Millimetrar frá hægri styrkisbólki FIFA-listin Føroyska fótbóltslandsliðið er millimetrar frá dreyminum, um at koma úr veikasta styrkisbólkinum hjá FIFA. Spurningurin er nú, um dreymurin brestir á hesum sinni Almenni styrkislistin hjá FIFA (niðanfyri) og óalmenni styrkislistin hjá football-rankings.info seta Wales og Føroyar á hvør sítt pláss. Tað hevur fingið Fótbóltssambandið at krevja eina frágreiðing frá FIFA, tí munurin merkir, at Føroyar, sambært FIFA, ikki flyta styrkisbólk Krevja frágreiðing frá FIFA desimalar fr